留白居酒屋 (已結業)

呢日要去屯門有少少野處理🙃所以係附近搵下有咩食其實附近又真係冇咩好食咁，雖然好多，但係可能因為環境因素又唔太想食🤣見到呢間留白居酒屋，有少少解憂嘅感覺，坐係度感覺會好似好嘆咁～呢日下午去，都chill chill 地，一邊望住廚師為我哋用心制作食物，出面有啲微風吹入嚟，採光度又幾好雖然食嘅野唔好非常特別，係一啲日式嘅家常料理，但係就想坐喺度同朋友傾吓計，食吓啲簡單嘢～🔹味噌湯味噌湯同平時有啲餐廳用機沖嘅好大分別，呢碗清啲，但至少飲落係冇味精，亦有洋蔥味🔹蕃茄肥牛烏冬湯底比較濃嘅茄味，酸酸地幾開胃，亦都有啲紅蘿蔔、西蘭花點綴下🔹日式五花肉飯Staff話呢個好食推薦，咁我就試下先～五花肉又真係幾好食，面頭有啲調味料，亦好香口，而且厚薄適中，食落有啲咬口，飯用咗珍珠米，都比較Q彈，加咗飯素增加風味，不過如果加啲醬汁就更加好食喇🔹唐揚炸雞即叫即炸，上枱都要等陣先食得肉多，咬落去唔會得炸粉

來到屯門搵個老友。佢知我鐘意食居酒屋，介紹話呢間小店有特色，仲好好食。小店座落於紅橋，呢個區都幾老舊，特別顯得呢間居酒屋好唔同！四周圍裝飾好有日本風。間舖頭真係一眼睇哂咁細間。真係似日本的居酒屋呀有日本生啤飲呀！午市餐牌去到1730，岩哂而家無晚市時去食，仲有好多好好味的小食呀，全部都想食！我地兩個嗌左「留白炒飯」同「燒鳥定食」，都係$88每個定食都有味噌湯同前菜。味噌湯唔止係用味噌開水咁簡單，入面仲有煲到好淋嘅洋蔥，甜味出哂來！燒鳥定食可以揀三款串燒。我地揀咗豬頸肉 （左）、火雞腎（中）、雞肉（右）呢度串燒真係必食！每種肉都好入味，燒到又脆又香，食到唔停口。配埋個白飯，日本米又香又軟仲ＱＱ。好飽好滿足呀。「留白炒飯」好有驚喜！睇佢個名真係估唔到係乜。唔通係無料嘅。其實係用日本米炒，飯粒粒粒分明，而不失飯嘅彈牙質感。用黑椒來調味分外香！裡面仲有好多蜆肉。好爽呀！今次食餐真係好滿足! 今次揸車來就唔好飲酒啦，下次有機會，有晚市時，要過來飲生啤先得！

屯門最近開咗間唔錯嘅居酒屋，整體乾淨企理，食物質素都唔錯，都幾適合住屯門也可以來試下⚪️主食📌和風牛肉配蕃茄湯烏冬$68使用自家製番茄湯烏冬，湯底番茄味濃郁，配菜豐富，有西蘭花、名門卷、蔥花、甘筍等📌滑蛋吉列海老丼$78雞蛋相當滑溜，吉列蝦脆卜卜，喜歡他們的米飯是有飯素的，啖啖都有味道⚪️小食📌唐揚墨魚咀$58好大粒，好香口，墨魚鮮美🦑，新鮮爽口，唔會好似橡筋咁，幾好✨星期一至五送味增湯及前菜✨無需加一

有人講過，空間的留白，是為了讓生活留出值得期待的「餘地」。呢間居酒屋正正叫做「留白居酒屋」，門面以及店內裝修都充斥着滿滿的和風，我尤其鍾意呢度嘅串燒，推介俾大家，仲有好多嘢想點，但係我都係決定「留白」，留返期待下次嘅食物。 🌸🌸🌸🌸🌸🌸🌸🌸🌸🌸🌸🌸🍀燒鳥定食$88 （平日包味增湯、前菜）👍👍包左三款串燒：雞髀菇、牛舌、一口牛。不得不讚雞髀菇，牛油味道濃郁，燒烤之後仍十分juicy；牛舌同一口牛味道吸引，完全唔夠喉。白飯上鋪有飯素，味道毫不單調！🍀單點雞脖子肉、豬舌👍👍平日都好少食到，雞脖子肉入口第一感覺像雞軟骨，但比起雞軟骨更加有韌性，再三咀嚼，雞味更出；豬舌鮮而不腥，嚼勁十足，是下酒好菜！🍀 吉列海老蕃茄烏冬$78一道清新的烏冬！蕃茄味道自然，而且烏冬沒有酸味，條條柔滑不乏彈性😁炸蝦🍤外層炸皮香脆鬆化、內餡爽口鮮甜、口感爽脆，同蕃茄烏冬一齊食好夾！🍀鹽味枝豆$22有別於普通嘅枝豆，呢款枝豆加上鹽巴，果然魔鬼在細節，更加香口比起原味枝豆果然是生色不少。

留白是留有一個空間，讓大家探索，不用每樣事情都說得清清楚楚，目標為本，畫公仔畫出腸，其實我比較愛這樣，如果能用心，總會感受到。在屯門這間留白居酒屋，名稱吸引了我來，原來座位不太多，我們坐吧枱，可以看著店員準備食物。原條燒魚定食$128聽說日本人的家都有烤魚的爐，所以日本吃烤魚是家常菜，我們沒這設備，所以出外吃就好。今天的燒魚是倉魚，大大條魚，兩邊烤時灑上七味粉和少許調味，味道剛好不會太鹹，肉質十分鮮滑多汁，火喉控制得很好，令人忍不住一口接一口吃。定食附上的麵豉湯少鹹，反而有蔬菜的甜，飯時加入穀物較健康的飯。炭燒雞扒配蕃茄烏冬$70雞扒切成精緻的小件，另碟上，甜甜鹹鹹的醬汁很惹味，雞肉滑溜，蕃茄湯濃郁酸酸甜甜，還有蕃茄和蔬菜等，要喝光湯才滿足。

我諗屯元天人都知景峰呢條小食街，一排無嚟有好多小店都轉咗手🥲當然要支持吓小店。一落樓梯轉右就見到呢間門面十分之搶眼嘅居酒屋，門面莫明奇妙有股親切感。正好思日情緒起，就決定喺度填肚。餐應午市做丼飯烏冬，亦有熟食料理，晚市就主打串燒。可惜近期因為疫情無咗晚市堂食，唔係都不失為一個同朋友吹水飲酒嘅好地方。照燒雞扒配蕃茄湯烏冬 （$70）煎雞扒厚薄適中，嫩而不肥膩，用上照燒汁煎增添甜香，食落更加惹味。天冷最適合食一碗熱騰騰嘅烏冬，上枱仲冒住白霧，即時心頭一暖🥰蕃茄湯有真蕃茄肉同鳴門卷，湯底偏水狀，但仍然飲到蕃茄嘅微酸，每條烏冬都索哂汁，更加開胃。蝦天婦羅滑蛋丼 $78有四隻大蝦蝦，新年食更有意頭，希望新一年笑哈哈😆麵包糠唔會太厚身粉感，口感香脆；蝦肉唔霉，加上新鮮炸起，合格。滑蛋就略嫌熟咗啲（個人喜好超級生），推測係配合返香港大多數人口味；整體份量好足，用日本米，飯煲得乾身，粒粒分明有咬口，仲撈咗大量飯素加口感👍🏻

| 留白 🍶 居酒屋 |📍屯門青翠徑7號金邦大廈地下1號舖一向都知紅橋一帶係搵食嘅好地方，中韓泰日餐都有，估唔到開左間居酒屋，經過已經比佢門口吸引，無論坐出面定入面都勁有feel !⭐-三色炸物拼盤三樣食物一啲都唔厚粉，最重要係佢唔會炸粉還炸粉，食物還食物，而係一個整體。墨魚咀好爽口，魚手指好彈牙，唐揚炸雞嫩滑。三款都有日式居酒屋應有水準！令我諗起之前去日本旅行嗰陣食嘅鳥貴族，即炸即食好香口，脆卜卜！⭐-醬燒五花腩飯五花腩脂肪同肉嘅分布適中，唔會令你覺得食緊成舊肥豬肉，另外火候控制得好好，冇燶同唔韌，好嫩口好juicy。⭐-海鮮炒飯海鮮炒飯好足料，食到有蝦仁、青口、魷魚，有唔同口感，加埋陣陣蛋香。餐廳採用日本新潟米，呢點加唔少分，因為可以食到正宗日本米，而唔係求其一啲仿日本珍珠米。下午茶時段包茶同埋沙律🥗

今日天氣好好，所以想同屋企人出去食嘢，之前經過虹橋見到呢間留白居酒屋，一直都好想試。去到門口咁啱好好太陽，出邊影相好靚，門口嘅牌匾同埋布幕好有特色。我同屋企人嗌咗兩個常餐，分別係一個特色丼飯同埋一個自家製烏冬拼炸雞，另外再嗌多個炸墨魚咀。首先會比一個沙律同埋一杯熱茶你，沙律冇咩特別。烏冬嚟到係熱辣辣，個石鍋外面唔會辣手，但係可以保持入邊嘅烏冬同埋湯嘅溫度一段頗長的時間，我哋食到最尾都仲係熱嘅，呢點好值得讚賞，蕃茄湯係自家製，食唔出有任何味精， 蕃茄味濃，拼烏冬同炸雞幾好食，炸雞嘅炸粉亦都非常薄，入面嘅雞好嫰滑。特色丼原來係滑蛋拼吉列豬扒丼。個滑蛋炒得好滑，吉列豬扒炸得好恰當。墨魚咀係全餐飯嘅驚喜，呢度嘅炸物處理得好好，查粉非常之薄，墨魚咬落去好鮮咪同有嚼勁。呢個價錢嘅常餐非常抵，下次會再嚟食，希望開返晚市之後再嚟試佢嘅串燒。

咁難得入屯門一日遊， 仲要去到紅橋那邊， 所以順便就去果頭覓食。 經過呢間留白嘅居酒屋， 從店舖嘅名字嚟睇我就覺得比較有中式風味， 但實際上是一間日式居酒屋🏮食物方面： 吉列豬扒飯，相信大家都不陌生， 但這間店的吉豬炸皮不會很厚，而且肉汁還有另外， 還叫了一個牛仔骨， 肉質好嫩， 好juicy.串燒類的食物我就選了幾樣我平時一定會吃的，例如： 燒茄子、火雞腎、 鹽燒五花肉和雞皮， 這間還有雞皮韭菜卷， 雞皮的油膩完全被韭菜吸收 飲品： 凍阿華田和熱朱古力

買少見少的道地居酒屋屯門虹橋近來開咗間居酒屋門面光鮮 有吧枱 所以就揀咗吧枱坐由於係食夜晚個餐所以除咗串燒之外 仲叫咗一個留白海鮮炒飯又以佢哋嘅店舖名留白做開頭 食材係蛋白炒飯粒粒分明 好香 真係有新鮮魷魚從叫咗份吉列炸蝦嚟配飯炸得金黃香口 仍然保留到濃濃嘅蝦味嚟居酒屋就係想食串燒叫咗汁燒雞肉、醬燒鮑魚、雞皮、雞心、豬頸肉串串燒真係要熱辣辣咁樣先好食串燒會擺起木盤上面出餐燒完就即刻擺上木盤到 等可以食到即叫即燒熱辣辣串燒雞心雞皮有標示住係用日本嘅走地雞雞皮唔會油膩 但就食到雞皮嗰一種香鮑魚有驚喜 嗰種醬油好好味 豬頸肉同雞肉就不嬲好食見另外一台食譏燒元貝食到點哂頭就叫咗一份譏燒元貝蒜蓉汁好正 而且仲保留到元貝嘅清甜唔會比蒜蓉味搶咗 仲一口氣飲晒啲汁 好正下次想飲酒食串燒會再嚟呢一度

住附近最近留意到依間居酒屋開咗冇耐，餐廳細細但幾有格調。下午茶時間經過，發現原來有下午茶Menu，所以就去試下！叫咗吉列豬扒湯烏冬，下午茶包埋玄米茶同沙律！個豬扒炸得好好味，香脆得黎個肉唔會好乾身！另外好鍾意個醬汁，酸酸地成件事無咁heavy另外原來夜晚呢度好多人會食串燒！少少地叫左串炸雞皮同豬頸肉車厘茄試下。調味做得好好，好平均又唔會太重味。另外好欣賞豬頸肉加車厘茄個配搭，車厘茄可以中和下豬頸肉嘅油脂，好夾！下次一定要夜晚黎飲下酒食下串燒chill下！

如果唔係朋友帶路，我都搵唔到呢間鋪……留白居酒屋位於小徑附近，人流、汽車流量不多，營造出秘境既氛圍。門面同香港店鋪零舍不同，淨係睇門面會以為自己去咗日本咁。我地被安排坐Bar枱望埋其他位，有各款宮崎駿作品既海報，佈局幾有特色。黎到居酒屋，最重要係串燒，第一時間梗係睇咗先！最後，由朋友發辦，嗌咗9個items，下面再逐一描述。滑蛋吉列豬扒丼吉列豬扒外脆內嫩，咬落去好juicy，配上燒汁，真心推薦。唐揚炸雞傳統日式炸雞，勝在細細件，而且啖啖雞胸肉。蒜蓉牛油燒聖子皇聖子肥美厚身，加上鋪到好滿既蒜蓉，咬落鮮甜多汁，加埋陣陣牛油香味，非常美味。（如果可以加粉絲食，應該仲正）日本走地雞皮薄切既雞皮燒起上黎好似薯片咁脆，加上七味粉，相當惹味。大蔥燒雞肉大蔥燒到剛剛好，雞肉加上鮮甜醬汁！好味！車厘茄豬頸肉呢個組合好特別，豬頸肉燒得香口惹味，車厘茄經過炭燒後，濃縮晒d汁，食落特別濃郁，非常開胃。如果想搵個寧靜既地方同朋友傾計、食個飯，呢間居酒屋相信係值得考慮既地方。

位於屯門金邦大廈，係條長樓梯底，係一間新開日式嘅店舖，而店舖環境都好有日式feel，坐著感覺都唔錯。吉列豬扒滑蛋丼飯🐷🐷🐣🐣豬扒夠大塊，炸皮夠薄，炸得夠脆，塊肉唔會太乾。紫菜同個汁撈埋落個飯到一流。三色炸物拼盤🐥🐙🦈炸魚手指、墨魚咀同炸雞，全部粉夠薄、味不會太咸。最欣賞係累墨魚咀，咬落仲有汁咇出黎，配埋杯啤酒岩岩好。和風牛肉烏冬 冬天食個湯麵類就一流，呢個烏冬好煙韌面頭有大堆牛肉，厚薄適中，唔會太韌

2021年既最後一日，我同老公決定簡簡單單咁樣過，唔再似後生咁出去倒數出去逼，而係搵一間餐廳食餐好嘅好好咁慶祝，經過虹橋見到一間日本居酒屋，裝修非常舒服好有日本嘅風味，返左成日工決定嗌啤酒好好放鬆一下，先來一啲串燒。最推介嘅係鮑魚仔，老闆娘非常有心機，每一寸都笑得好靚，而且燒汁味道非常正！另外我哋仲叫咗個照燒雞飯，份量唔算多，不過女仔食嘅話就啱啱好，再嚟叫咗個炸雞，皮炸得脆卜卜，肉質保護到juicy! 整體所有嘅食物都非常高質，而且服務都非常好！2021年好多事都不如意，但食到一餐好既美食都算係小確幸呀！

屯門日式居酒屋🏮佢哋嘅日式裝修 係虹橋顯得與眾不同 別樹一格今次就同朋友試咗佢哋嘅下午茶 選擇唔算多🙈價錢實惠 食得飽 坐得好舒服😌可以黎try😙和風碳燒雞扒日式湯烏冬$58雞肉好嫩 而且重燒汁 碳燒味香濃😍仲有🍥而個烏冬有配埋健康嘅蔬菜🥬健康有營之選👍🏻吉列豬扒 丼飯 $68齊備最重要嘅滑蛋🍳+珍珠米🍚吉列豬扒炸得好香脆 肉質唔會太硬/太淋 正正常常 係日式菜既例點item😎炸魚手指 $38見到好多人推介嘅炸魚手指☺️果然名不虛傳😍魚肉好滑 有魚味 炸得金黃色 恰到好處😋