番茄18

營業中

休息中

一入餐廳已經知呢間唔係平常既茶餐廳 設計用舊香港做主題 好好打卡 掃碼點餐之後 好快就有得食 特別推薦蕃茄湯 好濃郁 夾埋啲面一齊食好夾 餐飲可以試咖啡 香濃又滑 雖然餐廳地下會有啲污糟 但茶餐廳標準可接受 價錢抵食加反分！另外餐廳位置同地鐵站有一段距離 搭地鐵到將軍澳站要行穿過屋邨 但大部份路段都有遮蓋。

今朝嚟咗食早餐，叫咗一個火腿通粉同埋沙嗲牛麵，餐飲叫咗熱杏霜同埋熱檸檬水，早餐值得一提嘅係牛乳炒滑蛋唔錯，幾好味👍呢度嘅早餐供應時間係由早上7:00至早上11:30價錢最平$35有個餐，都幾抵食👍

上星期嗌咗個蕃茄叉燒米粉午餐外賣飲熱檸茶，飲到尾才發現紙杯周邊和檸檬裏面也是頭髮碎，見到之後立即去嘔🤮。扣喉也嘔不出。🤢🤢🤢影了紙杯頭髮相後，拿檸檬茶杯落去和收銀理論，比她看紙杯裏面的頭髮碎，她不認這是頭髮散，還拿走了隻杯。一句道歉也沒有，真的不知所謂。請也不會再吃🤬如不是俾佢攞走咗隻杯，我會去報食環Rubbish Rubbish and Rubbish 🤬🤬🤬🤬🤬🤬😡😡😡😡😡😡😡😡😡😡😡😡😡😡

❣️呢間係澳南附近嘅茶記經常爆棚，好多街坊同附近踩單車嘅人幫襯🚴大多數人都係嚟食佢嘅番茄通同米線🍅必試嘅招牌套餐有茄湯通粉配瑞汁雞髀或雞翼👍🏻 番茄湯整體酸酸甜甜，比較杰身，會食到啲罐頭番茄蓉同番茄粒粒，一啖通粉一啖湯🥄唔覺唔覺就會成碗食曬😋😋🌟招牌番茄湯通粉餐瑞士雞髀🍗 $58推薦通粉或米線🍜瑞士雞翼/雞髀必叫，超濃特製瑞士汁🫶🏻🌟焗番茄芝士焗肉醬意粉🍝 $63 份量超足料😋肉醬醬汁夠茄味多肉碎🥫鋪滿芝士嘅味道一流🧀

今日去食lunch 好彩有位 叫左蕃茄湯底豬頸肉通粉+瑞士雞髀 、蠔仔粥可能太耐冇食 真心覺得好好味👍🏼係杯凍檸茶冇叫少甜 都唔係咁夠甜華田脆脆就好正 小朋友最愛估唔到一排冇食 仍然保持到水準

試過好多次佢哋嘅嘢食，大部份都好高質好味，講到每次必食必點嘅一定係佢哋嘅蕃茄湯底配瑞士雞髀，雞髀超級入味，濃濃嘅瑞士汁，蕃茄湯底入邊有炒蛋蕃茄粒，每次諗起都流口水。另外會加配埋佢哋嘅水餃，每次食完都超飽超滿足！另外堂食過佢哋嘅餐廳裝修都好特別，復古嘅感覺，有以前香港唔同舖頭嘅特色，例如以前嘅單車舖當舖等等，食嘢可以順便打埋卡！

將軍澳嘅蕃茄18，叫咗佢哋嘅招牌蕃茄叉燒湯通粉，個湯底真係好濃郁，唔係用蕃茄膏煮出嚟，而係用真材實料嘅蕃茄煮成，味道鮮甜帶少少酸味，叉燒亦都好鬆化。通粉煮得啱啱好，唔會太軟亦唔會太硬，同湯底好夾真係好正。呢間餐廳裝修真係好有特色，以香港80年代嘅風格為主題。入去之後，你會見到好多懷舊嘅元素，有霓虹燈招牌、鐵閘、舊式木椅同埋牆上貼滿咗懷舊海報。呢啲裝飾真係令人感覺返到以前嘅香港味道。雖然裝修係懷舊風，但係都好乾淨，冇舊舊嘅感覺。餐廳嘅座位安排有啲緊湊，啲位置有啲逼。

因為住開將軍澳，所以成日都食呢一間餐廳，啲嘢食真係OK，價錢又唔係太貴，推薦，有一次唔見嘢餐廳個姨姨仲好好人咁幫我執起咗，服務態度真係超級好，仲要冇+1服務費。👍

🍽️夜晚諗唔到食咩就會去蕃茄18🍅，因為乜嘢都有得食🥰，總有一款啱口味。 而且份量大價錢抵👍， 大力推薦藥膳雞🐔湯米線， 濃濃藥材味😌 ，次次湯都飲埋😝，好味到一個點。 焗🐷豬扒飯完全係大滿足，份量之大，兩個女士食一份都飽飽🫄，而且即叫即焗🍳🥘保證熱辣辣。最後係蠔仔泡飯🍚又係足料濃味推介，次次都要食到見碗底先收手😆，飲品🍹🥃選擇亦多，私心❤️推介特飲華田脆脆，夠曬濃。裝修特別，好有懷舊💃🕺嘅香港感覺。

番茄18 (將軍澳)地點📍:將軍澳澳南海岸至善街3號SAVANNAH Place 地下G05號舖---------------大汗雞扒麻辣湯米線💲54雞扒大大塊熱辣辣，即叫即整即麻辣湯底唔會話好辣，十分惹味---------------招牌午餐蕃茄湯牛肉公仔麵💲50呢個午餐包埋多士同蛋可以自行選擇轉丹麥多士，小編就加左4蚊轉，配埋滑蛋一齊食👍👍👍蕃茄濃湯唔會話好酸有少少甜味，差唔多成碗湯飲曬🤭🤭整體：裝修有懷舊風，食物質素高，可以再試

本人第一次寫食評！係因為呢間野！呢間野，食物質素一般！店員擺放食物時，大力放在枱面上，我都算了！只因你間野，附近冇乜選擇先會幫襯你！但你嘅自動門，在我行入黎時，竟然仲可以向我撞埋黎！撞擊到我右手流血同痛楚！向你們店員講返時，(要攞藥水膠布)竟然一句道歉說話都冇！你們店員仲高談闊論，自動門的問題，即是問題一直存在，但冇理會！臨走時，向個短髮四眼阿姑再投訴一次，聽完就算！又是一句道歉都冇！只顧住同個男人交際！我宜家仲要繼續摔藥油！不知所謂的一間野！Blacklist！唔好怪香港人北上消費！

出色茶記！好鍾意食茶記，但好多時都失望，但呢間「蕃茄18」就吸引我成日回頭，基本上已經成為咗我嘅茶記必選之一，非常感恩將軍澳區有呢間餐廳。-⛲️ 環境乾淨企理，装修主打香港特色同氛圍。大部份都係卡位、亦有圓枱，夠闊落唔洗逼住坐，唔使同人搭枱。-👥服務收銀姐姐落單，語氣上急一點；加單時是另一位哥哥，相對很有耐心～整體都唔錯-🥢食物嘢食方面，必食就係佢嘅麻辣蕃茄湯粉同埋瑞士雞翼或者雞髀。因為呢個餐冇得追加小食，唯有跟餐試吓佢嘅大汗雞扒，再單點了瑞士雞髀。另外再點咗三寶飯～❤️‍🔥麻辣蕃茄湯通粉+牛乳炒蛋 <$58>佢嘅蕃茄湯真係冇得輸，入面有粒粒蕃茄，標榜咗係一直堅持不加味精，用新鮮番茄造成番茄蓉，再以雞骨、豬骨日日新鮮熬製，每次我都會飲晒啲湯，好濃郁又加埋麻辣香味，上面仲有隻炒蛋，連埋湯一齊食超好味！🤍跟餐配大汗雞扒 <+$3>味道唔錯，加上上面有啲辣蒜粒同辣粉，個人覺得偏辣但可接受，夠香口；雞扒算大塊同厚，可以juicy啲更好，雞皮都係脆的❤️‍🔥（單點）瑞士雞髀 <$32>必食！瑞士汁好濃！雞髀好入味，肉質軟淋，超鍾意食，我會吮埋骨XD🩷食神

都唔係第一次食， 叫杯鴛鴦走俾左啡走。上錯飲品仲要死話係啱。 之後聽到後面係咁講沖錯飲品或者俾錯 短頭髮眼鏡姐仲要係咁用野「了」 杯嘢話係咁架啦 。 之後我話改要茶走佢仲話即係我點錯啦下次唔會再幫襯！

平時幫襯開，以後都唔會再幫襯。奉勸大家諗清楚，啲米線有時硬到呢～如果唔係將軍澳冇乜米線舖頭都唔會去幫襯佢，今次叫外賣送錯嘢，舖頭包錯，打電話同舖頭講態度極差鬧返你轉頭，明明係佢哋自己做錯嘢，叫我自己喺個app度退返錢，嗰個阿姨仲要大大聲講嘢cut人線。如果餐廳老闆見到真係唔好請埋啲咁嘅員工趕客，態度極之惡劣，簡直俾錢買難受。

將軍澳云云茶餐廳之中，蕃茄18是其中一間很受歡迎的。今天來吃下午茶，點了咖哩豬扒撈公仔麵和蕃茄麻辣牛坑腩湯米線配茶走。蕃茄18應該是走濃味路線的，正合我口味。 豬扒撈公仔麵是香港茶餐廳口味的咖哩，偏辛辣但不會太辣，連骨豬扒很大一塊但不柴，還有好幾顆經油炸後再烹調的薯仔，吃起來鬆軟有薯味，咖哩汁撈公仔麵很好吃，讓人不禁一口接一口。 蕃茄麻辣湯底很少見，但原來還蠻match的。另一半覺得辣味蓋掉了番茄湯的味道，但我卻覺得這個湯底更有層次感。牛坑腩方面，牛腩連著一點點肥，已燉煮至軟嫩，脂肪味在口中融化，這裡的牛腩完全不輸牛腩麵店！而且肉的份量一點也不小氣，最少有六、七塊大塊的牛腩。 他們的裝潢也很有心思，仿效幾十年前的街道，很有懷舊味道，你可以想像自己坐在老香港的街邊吃著東西，別有一番風味。