番茄18

營業中

休息中

我晚餐到將軍澳店，好心急手機落單，一心黎食焗豬扒飯，點知老花點左焗咖喱豬扒飯，仲要嚟到先知點錯。之後我同店員講，她們二話不說幫忙換番比我，更改帳單再請廚房重新制作！真的好幫忙！有人情味！抵讚👍🙏🙏🙏

麻辣手絲鷄米線，變左瑞士鷄皮米線。冇麻辣味 ，但有蕃茄味。店員話公司係咁叫架喎，手絲鷄=瑞士鷄。另一個店員話唔係瑞左鷄，只是麻辣醬醃左鷄變左啡色啫。完全食唔出係麻辣鷄味，只食到瑞士汁味的下欄鷄皮。離譜！不會再幫襯！其他食物不過不失，菠蘿油厚皮。檸檬茶正常。叉燒蕃茄通甜甜地。

相信得呢度食嘢，好多人都係蕃茄控🍅而我本身就唔係鍾意食蕃茄🍅，某程度上仲係有少少怕食蕃茄🍅🙈🙈🙈不過呢度嘅蕃茄湯真係令我一試愛上咗😂😂😂個湯超級濃，夠酸，又唔會好人工味道而且唔會其他舖頭得個芡汁咁，佢個湯真係好多蕃茄肉試咗幾次蕃茄湯先膽粗粗試埋麻辣味蕃茄湯，點知又好夾喎😯😯另外佢嘅瑞士雞脾都必食，大大隻又入味，間中都會賣晒，有買趁手😂成個常餐份量非常足！作為一個偏大食既女士都超級飽😂

沙嗲牛淋麵，蛋汁烘多士。未見過外賣既沙嗲牛面係唔分湯，外賣黎到啲麵發脹晒。到炒蛋多士，多士吸晒啲蛋汁，件多士點食呀？梅既。永不錄用，唔會再幫襯，浪費金錢。不要浪費金錢

放假週，約了媽媽在將軍澳海旁行吓，然後發現這間從外面看好似幾有「香港風味」的食肆，所以，我們進去吃了late lunch /下午茶。有些招牌好似真的存在那樣，有些令我回想起從前的日子。所以，看着Chamile的時候，令我突然想吃沙嗲牛肉麵配紅豆冰，媽媽則選了麻辣牛坑腩米線配紅豆冰，見到可以加$20多一塊豬扒，我們又點了一塊。突然見到瑞士雞翼好似好好食，忍唔住又叫咗份瑞士雞翼配薯角的下午茶😅。首先到的是下午茶餐，瑞士汁雞翼超入味，好好食！豬扒亦非常大件，而且香口亂滑，一啲都唔「鞋」，正！麻辣米線就超大碗，牛坑腩煮得好「林」，不過，媽媽話唔夠麻辣。至於沙嗲牛麵，我個人覺得個面底做得唔錯，但係沙嗲牛就唔出色😓 （所以我自己將佢變成瑞士汁雞翼麵或者煎豬扒麵😅）紅豆冰做得出色，但如果有支粗d既飲管比我就咁飲埋啲紅豆就好喇😆$189 夠三個人食，每人$63，當懷舊吓，都OK嘅

📍蕃茄18#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻-招牌蕃茄餐肉粒湯通粉 -$42招牌蕃茄叉燒湯通粉 -$42兩個套餐都包埋多士同炒蛋 炒蛋好滑 而且通粉厚身 食落都比較有口感 蕃茄湯有蕃茄肉 湯底比較甜 味精味唔重 食完都唔會特別口乾 餐肉同叉燒就不過不失 蕃茄愛好者可以試下網上有唔少人都反映服務態度有問題 但因為用QR code落單 所以就唔清楚了

將軍澳區餐室或茶餐廳之類不多，蕃茄18算是我最常來的飯堂之一，因為食物種類選擇多，每次點餐都三心兩意不知選什麼才好。今次食藥膳雞湯米線，一擺上枱就聞到濃濃的藥味和酒香，非常吸引，肉眼可見的有杞子、紅棗、黨篸等食材，甘甜味濃，感覺滋補，還有至少有約半隻的雞件，份量好多。同事就點了碗麻辣牛坑腩湯薯粉，鍾意食辣的朋友可以一試，夠辣，牛坑腩口感鬆軟亦不韌，好食。此餐廳值得一來再來。

之前一直聽朋友講有一間餐廳食蕃茄同埋瑞士雞翼超好食！冇諗過喺返工嘅地方都有一間！朋友仔同我講嗰間喺太古坊附近！今次我自己食就喺將軍澳！朋友仔推介我一定要食咗蕃茄濃湯系列先，再試吓其他口味！叉燒滑蛋飯都非常好食！所以我今次就點咗麻辣蕃茄米線！我特登叫咗炸魚柳！因為好耐冇食過魚柳！超大條完全食唔晒🤣 朋友仔仲叫咗瑞士雞翼！超濃味！雞翼肉質好嫩！好少有雞翼煮到入口即溶嗰種感覺！超正！鍾意食蕃茄嘅你千祈唔好錯過！

✨ 番茄𝟙𝟠（ू•‧̫•ू⑅)⁡將軍澳區想找間性價比高其實也不易每次心血來潮想吃茶記常餐番茄18都是其中的一間選擇⁡🎀 <招牌蕃茄湯豬潤米線+牛乳炒蛋+瑞士汁雞脾>𝚁𝚊𝚝𝚒𝚗𝚐: 𝟽.𝟻/𝟷𝟶⁡小編是超級瑞士雞髀迷一向餐牌毫不猶豫點了瑞士雞髀餐雞髀炆得很入味醬汁濃郁甜甜鹹鹹幾開胃正常size 但不算很大隻如果更大隻會更滿足⁡蕃茄湯裡茄蓉蠻多味道不太酸質感略稠身牛乳炒蛋很嫩滑但加錢的豬潤份量不多小編較愛彈牙的麪質感覺這次米線煮得有點太熟⁡🎀 <鮮茄焗豬扒意粉>𝚁𝚊𝚝𝚒𝚗𝚐: 𝟼.𝟻/𝟷𝟶⁡鮮茄焗豬扒可選擇飯或意粉惟與預期有些落差主角豬扒肉質偏乾柴芝士亦不多而且沒有仼何配菜如蔬菜和菠蘿性價比平平⁡🎀 <熱奶茶>茶和奶比例很好典型茶餐廳奶茶水準⁡整體評分：😋味道: 7.5/10💰價錢: 人均約$70*☼*―――*☼*―――*☼*―――*☼*―――*⁡⁡⁡⁡ ⁡

🍅招牌蕃茄叉燒湯通粉 $42 配牛乳炒蛋、牛油厚多士* 蕃茄湯底酸甜適中，有好多蕃茄粒，非常適合蕃茄愛好者😋* 叉燒好軟稔、絕對唔會「乾爭爭」😍* 所有餐可轉米線、上海麵、公仔麵、米粉🍜經典沙嗲牛肉麵 $39 配牛乳炒蛋、牛油厚多士* 牛肉湯底香濃，帶少少薑味、麻油味* 牛肉非常軟滑、口感似梅頭瘦肉，非常推薦！👍* 適合喜歡湯底較輕身嘅食客🥤餐飲： 凍即磨咖啡 * 咖啡味香濃，係經典港式咖啡味道👍* 奶底用老牌子Black & White* 唔鍾意落奶嘅朋友仔記得走奶呀！🧋餐飲：凍華田脆脆* 濃郁嘅華田味道* 上面加咗好多華田脆脆，口感層次豐富* 夠大杯！🍳🍞牛乳炒蛋多士* 多士厚身烘底👍* 有熟蛋選項，炒蛋、煎蛋都唔會有生蛋汁，怕雞蛋唔夠熟嘅人（即係我！）可以放心☺️* 用咗兩隻雞蛋嘅份量嚟煎/炒，炒蛋好厚身，份量好足！總括嚟講：* 價錢公道、個餐份量十足，我見隔籬枱食客預咗食唔晒、自己帶埋個lunch box 裝走隻蛋😆 * 環境好有特色，裝潢用懷舊風* 番茄湯底果然係招牌，必！試！（11點後有養生湯底米線，下次再幫襯😋）

認真回想… 史努比好耐冇食茶記了然後突然間心血來潮 搵勻屋企附近嘅茶記冰室番茄18? 叫得自己個名做番茄咁嗌番茄實冇死嘅😎一於try try🤭-♡ 招牌番茄湯麵餐 配瑞士雞髀 $56有個平啲嘅set $44不過見到佢嘅瑞士雞髀系都signature咁就決定嗌個貴少少嘅試下啦😛可以揀通粉、米線、米粉、公仔麵或者上海麵史努比就揀咗米線牛乳炒蛋轉咗太陽蛋🙌🏿分開評分 先講咗個米線先.👍🏿招牌番茄湯米線先飲啖湯😎番茄味濃郁 食得出佢真系打咗好多茄蓉落去湯底保持番茄嘅酸味但唔會over咗👍🏿酸酸甜甜幾開胃😝仲有大量番茄粒同洋蔥碎 真材實料米線質感亦做得幾好 保持煙韌彈牙證明煮嘅時間調教得啱啱好😚味道: 8/10.👌🏿招牌瑞士雞髀佢哋門口大大隻字寫住瑞士稱霸講到咁把炮 當然要試下🤪嚟到嘅時候見到都幾深色 感覺會好鹹先去咗層皮先😂佢個瑞士汁的確好濃味 甜甜鹹鹹其實幾好食🤭不過如果佢可以淡味啲應該會更好食而家就略嫌重味咗啲雞髀肉唔夠滑邊位偏鞋口🥲只系一隻好普通嘅雞髀 有啲失望🥺味道: 5/10性價比: 8/10-♡ 飛女餐 $60呢份就系媽媽👩🏻order嘅 🌟下面嘅review由佢嚟provide🌟

番茄18係大型私人樓盤下面嘅茶餐廳，裝修都算有心思，嘢食唔係好貴，今次去試吓先。大大碗蕃茄麵，牛乳炒蛋幾香。瑞士汁雞髀、奶醬多正常發揮。奶醬多士個醬多到成個碗底都係，本身諗住減肥食少啲，睇嚟都係減唔到。😅嘢食唔係超級有驚喜，但係勝在價錢合適，夜晚八點幾九點都幾多人食。

已經叫左三次外賣。一次叫蕃茄麻辣湯底，其他兩次都係麻辣湯底蕃茄湯好濃同好夠酸，因為出面有啲蕃茄湯會太甜好膩，佢個個唔會 仲好有口感。我覺得佢淨係麻辣湯底再好食啲👍🏻外賣見唔到有得揀辣度，但夠曬味。我鍾意轉上海麵底 麵夠掛湯 入味過米線叫過手撕雞同牛肉 兩款都好食😋雖然冇食過堂食，唔知服務環境點。但外賣好快，次次都半個鐘就到仲熱辣辣✌🏻作為譚仔中毒者，呢個麻辣湯底食完令我好心滿意足。男朋友有叫湯飯個啲食，感覺都好唔錯👍🏻

失望，又一次被店員敷衍同不禮貌對待。星期日餐廳一向人潮湧湧，而且要處理外賣自取，及兩大外送平台嘅單，根本做唔切。今次用外送員嘅角色來到餐廳，眼見其他俾我遲嘅訂單都已經做好，就向店員查詢，店員只回覆：有單，等等。如是者我等咗半個鐘，訂單仍然未有。到後來訂單終於攞出來時，我說張單搞咩而家先有。當值一位女店員竟回覆：「咁你要唔要？」我明白遲咗出餐不是樓面的責任，但樓面都可以禮貌交代，或者講聲唔好意思，而唔係比說話外送員聽。。。只能話下次唔會再幫襯，平時都有食過蕃茄18，都覺得還好。但是今次只是不是用客人的身份，就被不禮貌對待，覺得有啲失望同嬲。

今次同朋友黎到將軍澳依間懷舊茶餐廳試下，朋友介紹呢度主打個番茄湯底好味食物方面叫左特色番茄濃湯通粉配牛乳炒蛋瑞土雞翼麵底轉左米線，米線彈牙吸哂番茄濃湯味，湯底食得出係新鮮番茄整成嘅湯好濃郁，炒蛋好香滑，雞全翼醃得好入味好正焗番茄18豬扒飯醬汁酸酸甜甜，豬扒煎得香口，炒飯底乾身索曬番茄汁肉汁，重點係半融嘅芝士相當惹味飲品叫左紅豆冰，好多紅豆嘅紅豆冰配椰汁好正，整體方面，食得好開胃既一餐，番茄愛好者必食