當下

營業中

休息中

九龍城都有pub，咁就唔駛出旺角或尖沙咀。店播着流行廣東歌，而不是英文歌或國語歌，感覺很親切，這是HK。一直想試門神啤酒，係香港手工啤酒，呢度有好多口味，而且仲有happy hour 4-9pm。龍王沙田柚香 ($68 HH)，要試下咩喺天然有仙氣，即啤酒加柚子蘇打，口味混合得唔錯，很順口，帶少少柚子果味，唔會好苦。辣肉腸薄餅($98)，餅底好脆，pepperoni 餡料幾多，加了芝士粉和火箭菜，pizza好香口，送酒食唔錯。可樂($45)健力士黑啤豬仔脾($148)，見到係用Guinness stout 煮baby pork ribs已經覺得好吸引，配洋蔥圈、酸菜和青紅王椒，豬仔脾肉很扎實，有點啤酒的甘味，配酸菜食，有d似德國菜。

活在當下! 每個Friday 我都會享受當下的一刻! 今晚來到Present, 與朋友歡眾慶祝週末! 由於朋友滴酒不沾, 我們點了一壺茉莉花茶共享, 味甘甜, relax. 食物有魚手指配脆薯, 在外偶爾都會點, 今次要讚是其炸物沒有濕氣, 鬆脆實在, 讚賞! 香烤德國肉腸拼盤亦不錯, 味道香濃, 少肥肉, 皮脆, 配酸菜食頂瓜瓜! 主菜有野菌芝士千層麵, 推介! 它的汁香滑濃郁, 芝士厚層, 麵條有咬口, 啖啖惹味! 食物有質素, 環境也令人放鬆, 下次會再來飲酒相聚, 大家示妨試試。

Happy Friday! 「當下」係區內少數「企理」既酒吧！好難得星期五晚7:30p.m. 都唔多人，以為可以有一刻寧靜。食品menu, 只有15道菜，但實際只有半數有供應，仲要係我落單時先同我講呢樣無果樣無！咁又再揀過，點知。。落左單，過左15mins, 又過來同我再講已落既又冇，揀左三次先成功！好在唔肚餓，唔係真係玩死！星期二，四有live band, 點解唔係星期五？！免費既爆谷串燒～正常味來酒吧飲酒是必須吧！揀左最貴既hoegaarden再加雞腿🍗洋蔥圈拼盤都係一般貨式咁菠菜雞肉千層noodle 賣相同味道都唔太得～ 都係活在當下，唔駛再來！bye!

響第二個app book咗呢間餐廳 因為野食有半價 但野飲冇 如是者一行三個人就叫左三杯嘢飲 三碟嘢食 一碟串燒一碟意粉一碟西冷 等左半個鐘野飲同串燒黎左 意粉同西冷牛扒一直都無黎 好奇怪個侍應係咁去對面鋪頭攞嘢 原來d野係對面煮 我地催左兩次 最後等左個半鐘果兩碟野都無黎 最尾埋單 最嬲係啲侍應自己響度玩手機同食野 仲走埋出去食煙 都唔幫我地追 我哋問佢就淨係話廚房好忙 態度非常之差 等到另一枱都走埋 最後去左附近食泰國野 今次真係好嬲

曾多次來這裡光顧除了有朋友每星期也會有演出外, 最重要是其香辣薯角令人一試再試, 這天是朋友招我一起去星期四的POP MUSIC LIVE演出. 去前我已很期待說又可以吃著角, 誰知我最愛的香辣薯角已經售罄, 只好叫同樣也喜歡的炸洋蔥圈. 這裡的食物永遠也是熱哄哄的, 其炸物很明顯是剛剛炸好便送到桌上. 香脆可口.  炸洋蔥圈配茄汁更加美味, 歌手與食客距離相近, 可直接和食客交流, 也有點歌環節, 食客可在餐廳點選自已喜歡的歌曲, 邊吃邊聽.

同朋友嚟咗九龍城食飯見到有歌聽就走咗入嚟問返原來逢星期二同星期四都會有演出星期二係爵士樂星期四係流行曲。個環境都幾舒服，好有屋企感覺，我叫左個白酒汁帆立貝長通粉，叫咗杯啤酒。我發現好多酒吧啲嘢食仲好食個餐廳，呢度都係一樣。呢度客人唔算特別多，反而仲輕鬆。唔係陪朋友其實真係唔會走入來九龍城，不過嚟到聽左個幾鐘頭歌，咩都值回票價啦！

新年期間拜年總是吃年糕、蘿白糕，食到好鬼膩... 難得約到朋友食飯，就試下西方涼茶去去油膩啦! 呢間酒吧從外面看有點迷人，大酒桶+高腳櫈+柔弱的橙黃色燈光，很懷舊的味道~牌面的"PRESENT", 解作"當下", 亦可解作"禮物", 不禁在想... 店主起名是否有另一番意思....好~ 偽文青時間完結~ 回到把酒狂歡的時間~~^^剛好與友人約得早, 在值「歡樂時光」, 指定啤酒可以買一送一~可惜自己本身不太好酒, 加上作病中, 更不宜飲酒了~ 所以我叫左杯Chocolate Factory~Chocolate Factory: 大大杯, 有雪糕又有棉花糖, 再加榛子醬, 好靚呀~~~! 飲落都幾濃, 雲尼拿雪糕配朱古力本來已好正, 仲要有埋棉花糖, 多重口感, 忍唔住主菜未黎就飲飲食食了一半, 哈哈~ 後來放左一段時間再飲, 雪糕溶溶地, 混埋朱古力, 口感又唔同左, 好似再好飲d~友人叫左frozen Kirin巨峰 +Kirin檸檬~ 想不到賣相很可愛,  用小雪人紙卡識別不同味道的~偷飲了幾啖試下...... 我覺得巨峰甜甜地, 幾易入口, 幾好飲~我地見到有本土釀製Craft

黎到九龍城, 好多人都會諗起食泰國菜。食完泰國菜如果想傾下計, 都冇咩好地方。之前, 朋友介紹呢間近富豪酒店嘅酒吧。 "當下"會令人諗起活在當下, 呢個都係我一直以黎嘅理念。裝修以工業風為主, 有high chair位同普通位。門口仲有兩張酒桶枱。整個環境都唔錯, 可以傾下計。有一系列唔同嘅酒show哂出黎, 都幾壯觀架。對酒有認識嘅朋友應該會好開心, 可惜我唔多識。"當下"有提供小食, 意粉, 意大利飯同甜品。後面有好多版嘅飲料, 例如: 唔同嘅紅酒, 白酒, 好多whisky同highball等。仲有香港本地嘅手工啤酒。"孫悟空"好型嘅名字。Menu話佢係偏甜, 同有桃香。個酒杯都好型呀, 聞落好香, 堅有啲桃味, 感覺有甜甜的味道。飲落唔算甜, 都幾特別!!!飲飲下酒, 有啲肚餓, 就叫左啲嘢食。香脆薯角同脆香雞鎚。薯角香脆, 雞鎚裹上有少少料味嘅炸粉, 唔蘸醬都好夠味。蘸下泰式酸辣醬就更惹味。兩款小食送酒一流。串燒拼盤: 有豬, 牛, 雞, 每種肉都有3串, 附上沙嗲汁。串燒嘅肉事先醃過, 唔蘸汁都好夠味。每款肉都啱啱好, 唔鞋口, 肉嫩。果然香口嘢係最佳下酒菜!!!越食越肚餓

嚟到九龍城，通常都係食泰菜，今次搵左間酒吧試試佢。係富豪東方酒店一落車行兩步就到，唔難搵，門面大大隻字寫「PRESENT」，同其他鋪頭嘅裝修明顯有別，好似去咗第二度咁。先嚟叫左杯鬼佬涼茶先，叫左支craft beer，「九龍」，麥味剛好，唔會太甜，亦唔會太甘，啱哂我個mood。叫咗一個西班牙辣肉腸意大利飯，份量算多，味道剛好，唔會太辣。小食方面叫左個薯角，雞鎚同串燒拼盤，薯角配啤酒一流，剛上真心熱左，雞鎚佢個醬用泰式辣醬點，超喜歡。串燒有雞牛豬各三串，每款燒得剛好，個沙嗲汁亦恰到好處。環境都好舒服，有啲避世嘅感覺，如果剛係附近想睇波或者想飯前飯後飲杯，推介呢間

不知大家喜歡約同三五到酒吧去談心暢飲嗎？說實話，BeautySearch 個人就不太喜歡，原因有二，BeautySearch 本身的酒量淺，其實難於暢飲；其次是，個人覺得，酒吧這等地方，其實有點嘈雜，難於談心...... 當然，BeautySearch 間中也俸陪身邊的酒鬼的！ 不過，最近 BeautySearch 去了九龍城一家名為《PRESENT》酒吧，感覺大不同，氣氛蠻不錯，友人既可以暢飲，而我倆又可談談心心，真不錯喔！ 設計屬簡約的工業風，不會太花巧，亦沒有沉重感，在這裡與好友相聚暢飲，實在非常舒服。 甫坐下，店員除了揣上一瓶白開水及 Menu 的同時，亦放下一碗「焦糖爆谷」。爆谷的份量也不少，蘸上焦糖的爆谷，香口之餘亦帶幾分甜美。原來，除了戲院看電影時吃爆谷，用來佐酒也是很好的配搭。 當然，只得一碗爆谷佐酒，對友人來說是不足夠的，於是，我們多點了一客「沙嗲串燒拼盤」(HK$78) ，拼盤內共有 9串，雞肉、牛肉、豬肉各三串。 串燒本身已附上調味，肉嫩滋味，恰到好處。伴隨而上的還有串燒汁，蘸一點更添滋味，不過，如你想吃辣的，此醬汁可能會令你有點失望。 與友人傾下傾下，

去襯九龍城多數食泰國菜或者打邊爐，今次就決定試下呢間酒吧。店名叫Present，中文叫當下，令人想起要活在當下，及時行樂。環境都幾好feel，一般酒吧格局，坐高凳玩下飛標咁。花生必備！兩個人叫左d小食。韓式炸雞，有八九舊左右，個汁辣辣地幾惹味，粉漿都ok！洋蔥圈都唔錯，又脆又鬆軟，而且炸得靚仔，唔會甩皮甩骨，good。我同友人都中意黑松露，所以叫左黑松露芝士多士，芝士夠多，加上個包夠脆，正！酒吧點可以冇酒，叫左蘋果酒倒插mix mojito，賣相贏晒！味道清新，而且夠大杯，同友人share了同友人傾得好盡興，happy hour飲得過！

今日九龍城一間bar，relax下。有啤酒買一送一配花生，都有d特色啤酒，孫唔空咩嚟嫁？！雞肉菠菜千層麵有芝士，雞肉碎，唔太creamy。依都環境幾靜舒服，有外國人嚟談心，都有一班人傾計。

活在當下係大家常講既野，今日又係九龍城揾食，試一間bar。入去有d輕鬆音樂同燈光調暗既。先飲杯chocolate factory同花生先，入面係有朱古力，雪糕同小棉花糖。以為好甜？唔係，雲呢拿雪糕中和左d朱古力味，可以當甜品食雞肉菠菜千層麵配有少少脆芝士麵包，好香芝士味。雞肉碎加入菜個醬入味同每一口都食到肉。西班牙辣肉腸飯意大利飯，份量岩岩好，辣肉腸切成絲，又有芝士粉幾creamy咁配左辣汁。

星期三，臨近放工，好友一個來電，立刻到九龍城「當下」啤啤吹吹水好朋友就是一個電話，不問原因，出黎先講生啤hoegaarden，清清的最為解渴，心知好友必定有事想不通，先會急call 我來啤啤，吃著大大盤附設的花生，細語長談喜出望外，呢到既豬牛雞串燒竟然真能媲美龍城串燒，較稀的沙嗲汁不失花生味，牛特別好食！燒得剛好！共有十串，實算抵食！店內氣氛幾好，店員說星期二還會有live band 助陣，今晚我們談談心，偶爾抬頭睇下笑笑小電影，果然是不錯的落腳點。

咁辛苦工作，為的就係有餐好吃嘅地方吃啦，當下之急當然找過地方放下一下工作嘅壓力，今晚放工同朋友行開九龍城，路過這間吧，見到有人夾緊band,望望餐牌又有飯吃，便入去飲杯鬆一鬆，一座下，店員即時送上花生，啤酒花生才是絕配！邊開花生，邊有live band 彈奏，確實寫意叫了枝手工啤酒，個名幾特別「玉帝」$75味道帶少少柑桔花香當然無飯落肚總有啲空虛，便叫了個飯，西班牙辣肉腸意大利飯$138嗰飯帶少少辣，而意大利飯就少少硬，飯身就充滿湯汁，而辣肉腸就已經切碎混埋飯中，肉腸肉質彈牙，好有口感！工作煩忙，要懂得放下，否則人都傻！這裡提供了個放鬆自己嘅好地方！P.S.live band 完來只有星期二先有！今晚咁啱撞到：p