發發快餐 (已結業)

安定、友愛、兆麟、翠寧的街坊都不會對這店陌生的了。相宜的價錢、不俗的服務和食物。來一頓快的、近的，我會到發發。推介：炸薯條和吉列豬扒(包)。

以前細個我就住在樓上，成日同呀哥落去食快餐，D洋蔥汁好好味，意粉都好彈牙，到近期專登返去食都係咁好味咁令人懷念!!!!

小女唔係住係屯門...但因為食評上大家對發發既好評同埋我d同學仔既評價..所以早前都特登走左入友愛度覓食!環境-舊..冇咩點裝修..但都有唔少人堂食同外賣..男朋友叫左個星洲炒米,我就要左個豬扒包+薯條,,凍奶茶x2...薯條真係好脆好好味!!讚,,,豬扒包份量都幾細下..但味道唔錯既!反而凍奶茶就好難頂..好似糖水咁..不嬲野飲會全清既我..今次都只係飲左唔夠一半ja!!男朋友就話個炒米好難食..無味...而且成碟都係洋蔥..個口好乾,,佢飲埋杯凍奶茶...就話以後都唔敢黎喇!平就真係幾平既...有機會我都想試下豬扒飯..

哈哈~今日先去離住tsui ning garden行去好快!由細細個食到大ge發發.. 沙爹牛肉哩度係最好食嫁!!今日食佐沙爹牛肉飯+可樂$17咋同以前一樣咁抵!什扒飯都唔錯嫁!!i'm loving it!

吉列豬扒反:好大塊呀!好脆!好平!好大碟.薯條:好好味,好多,好脆!白湯咸左d餐飲細杯左d都ok乾正!最特別ge係:無論你幾點去,咩餐都有得俾你!!e.g.我try過夜晚去,佢都俾我order下午茶餐!!

可能因為我係區外人, 所以我感受唔到上面幾位講人情味. 作為一個過客, 今次去食, 其實係有失望. 環境方面, 店內木回帶舊式味道, 可惜空間窄, 而且冷氣唔夠, 大熱天時剩係得風扇, 都幾身水身汗. 乾淨我只能夠俾兩分, 事關個哥仔煎蛋時都仲擔住口煙. 至於味道, 我覺得一般, 個白湯同普通茶餐廳冇分別. 杯朱古力淡少少. 個奄列飯亦唔見得有咩特別, 只係用豉油做汁. 可能我唔應該叫呢個餐\. 服務, 兩個字---"自助". 餐\具自己拎, 調味料自己拎. 店內只得一饔糖, 兩樽鹽, 兩樽胡椒粉. 客人要跨拎調味料. $17一個餐\, 我覺得都算ok. 反而今日一面食一面聽幾個老人家係度講股市又幾盏鬼.

呢間快餐店真係開左好耐喇, 眼見左鄰右里既食店開完又執, 但佢依然屹立不倒,相信有人情味一定係其中一個原因‧細個家境差, 出街食飯最多咪去下發發, 貪佢平, 有時阿媽打牌屋企冇飯食, 就同阿哥係發發食快餐, 最記得有一次我阿哥唔小心擰餐時倒翻左(畢竟太細個唔係太有力擰成個餐), 我地都呆左, 因倒瀉就冇錢再買, 個老闆(帶黑框眼鏡o個個)竟然冇話我地整污糟佢地方之餘, 仲叫廚房整個碟飯俾我地(唔洗再俾錢), 真係感動! (打打下都想喊)呢d咁有人情味既快餐店仲邊度有得搵?雖然一碟快餐飯對間舖黎講係小兒科,但而家呢個咁現實既社會試問邊間食肆仲做得到? 俾少d tips都黑面啦!唔鬧你整污糟佢個地都偷笑!而呢一飯之恩對於我黎講仲係永世難忘添!P.S. 佢地d洋蔥汁真係幾好味架~

發發lee 更野，我真係由細食到大，無論茶餐a、b，定係快餐，都交足工課。我雖然搬左幾年，但係果個洋蔥汁、即炸既薯條，我個個親友愛，都會心思思想食返下，唔知果個瘦瘦高高、隻眼成日好似訓唔醒既廚房重有無做la？

發發d 煎蛋免治牛飯+薯條真係好好味ga~煎蛋免治牛飯d味道好特別,同出面ge 一d都唔同.至於薯條,雖然是雪藏,但係即叫即炒的地方都唔會有好多la> 而且又真係比出面好味,價值又平.煎蛋免治牛飯+ drink 都係$16 ja~不過環境又真係唔係好好...張椅子要坐成90 o ga~

除o左因為佢由細陪到我大之外，仲有就係佢o個種味道晌第二度真係食唔到。拍拖o個時帶女友o黎，攪到佢都鍾意o左o黎呢度食，每次番屯門都好想o黎呢度食野，又或者搵D野由返屯門，都係因為好懷念呢度o既味道。曾經有段時間差左，因為換左好多後生o既伙計，老細又將間鋪交左俾個仔打理，都攪到我好唔開心。不過隔左一輪有好番D啦！佢地o既款式無乜特別，但係就真係好味。友愛村除左色魔之外，都有D好野o架！住屯門o既真係要o黎食下呀！推介：沙爹牛肉麵沙爹牛肉飯煎蛋免治牛飯(至愛！)炸雞脾飯(咖哩汁或黑椒汁)洋蔥雞扒飯早餐Ｄ外賣(外賣D麵索左D牛肉汁同蛋汁好味D)炸魚柳薯條吉列豬扒飯(細個好恨食，因為貴食唔起。)當然唔小得個餐湯啦！講兩講又攪到我流晒口水潻！其實到底佢地係咪落左藥攪到我上晒癮呢？不過佢地同普通快餐店一樣，落好多師傅就真。

發發炸雞脾0係區內都好出名架...不過可能已經係十數年之前0既事, 有人話佢係小朋友之間0既名牌8蚊隻唔算平, 不過都抵食0既!仲有, 佢d快餐15蚊包drink 同soup, 好抵

快快係一間門面好差嘅快餐店,但係食物好一流,其"煎蛋免治牛肉"飯,肉粒好香,好有味,隻煎蛋煎得剛剛熟,混d蛋醬落d飯到,好好味道~~~~~~~~嘻嘻...重大大碟添...fit哂我你個大胃王有碟免治牛肉飯,加大碟白湯,再加一杯drink...十五大元only~~~~^^