發記甜品 (已結業)

基於平時食親糖水都係去松記!開始食到有D厭加上我覺得滿記糖水又唔算太好味! 而今日夜晚咁岩有幾個係加拿大返黎既親戚，想我地帶佢地食下糖水所以就係旺角一嘗呢間個個都話幾好味既糖水鋪先講鋪面，都幾細下! 黎到排隊等入座都等左幾個字可能8個人啦，比較難等到有大台!!跟住等等下有張6人台埋單!咁佢隔離有張2人台都就黎走咁諗住我地8個人，佢地應該會夾埋兩張台掛點知個侍應硬要將我地8個人"suck"落去張6人台度試問我地8個都係大人，一張6人台點夠坐??之後我爸爸發晒火同佢理論點知得黎個回應既竟然係: 「今日好多人等位，我地都唔夠位安排D客人。」我地都有份等位架囉!等左咁耐俾張坐得咁逼既台我地之後我地冇理佢地，拉埋張2人台過黎!不過o個個侍應黑晒面對住我地囉!!仲唔走開唔黎serve我地呢台好在有第二個侍應好人D，過黎好細心咁幫我地落單我地叫左: 熱豆腐花、腐竹蛋糖水、綠豆沙加涼粉、黃金露、芒果西米露、紅豆糕、鮮雜果水晶、榴槤pancake、榴槤糯米磁、雜果黑珍珠意大利涼粉1. 鮮雜果水晶 $29個外型幾討好! 整得好靚! 第一眼已經拎左唔少分!不過其實個味道普普通通! 好多芒果汁! 唔記得叫佢走

剛才吃過發記--楊枝甘露, 一心以為係推介的甜品, 發記又出名, 一定冇錯, 點知好失望~ 因為好難食, 而家仲有d想嘔, 以後一定唔會再食~ 早知揀其他野食!!一d都唔平, 要成$26!!!d西米太'林' ,好少, 應該煮得太耐溶哂, 而且芒果過熟有澀味!! 西柚肉唔多, 似一碗唔好味既芒果汁, 入面加左幾舊芒果肉, 唔名點解做得咁差? 茶樓果d都好味過佢, 點解冇品質控制? 賣相同味道一d都唔得, 價錢同品質又唔成正比!! 總之好失望~ 同佢自己show出來張相差好遠!! (另一間都好出名既糖水店, 就好食好多, 佢d西米彈牙, 好清香, 令你差d分唔出邊d係西柚邊d係西米~)

很久沒吃發記啦，要重溫﹗這間是要排隊等位，都等了好一會才可以入座。坐下來點了兩個甜品，又等了十分鐘才有。楊枝甘露($26)︰這次吃的比以前的遜色多了﹗賣相已經一般，但味道更不濟﹗芒果有些酸的，又有些甜的，吃起來夠刺激了。湯丸($16)︰有5粒，比滿記少一粒。這裡用的是芝麻餡，男友覺得比較普通。最不好的是薑汁，十分十分油膩，不喝好了。另外，坐在附近的食客等糖水都等得不耐煩。其中更有一桌是店員漏了單呢﹗整體來說，無論等候時間或是服務，都是滿記好一點，也可能是這分店的問題，因為之前試的沒那麼差的。

跟爸爸媽媽吃晚飯後意猶未盡, 又係吃甜品的時候, 就近近地來了這裡. 當然之前要先行取了優惠卷吃免費的鮮芒果布甸, 方法其實都好簡單, 就係地鐵站口有得派.鮮芒果布甸 $16: 7分, 本身要$16一客的, 吃落口跟之前差不多, 都係偏粉, 不過芒果味都算濃郁的.榴槤飄香 $25, 專登叫這個給媽媽吃, 我們三人都係麻麻榴槤, 最後小弟只淺吃了一口, 覺得還不太臭的, 未算做好香, 但喜歡榴槤的應該滿意吧.黑珍珠意大利涼粉 $25: 8分, 即係黑珍珠加西瓜加蜜瓜加切成條狀的涼粉, 係好冰涼的配搭, 吃落口不會有好薑的感覺, 加上大量的花奶, 吃落口更像甜品. 水果鮮甜, 不過黑珍珠的口感只係一般, 小弟寧願只要水果加涼粉好了.招牌楊枝甘露 $25: 9分, 是晚的芒果幾鮮甜, 西柚也不太酸, 數楊枝甘露, 這裡始終係令人滿意的.剛剛坐低仲有位的, 但之後就大把人等, 都係吃完就走, 無理由要霸住人地張臺. 而來這裡吃甜品, 也始終有一定水準的.

系朗豪坊行到腳軟，同朋友經過雅蘭，佢就提意話入去li間發記食下野坐下，甘我當然同意啦。其實一啲都唔肚餓，朋友話佢上次食焗榴槤酥皮卷好好味，甘今次同我share一份焗芒果酥皮卷。店入面得我同朋友，仲有一兩"木台"人，但都整左幾耐下，酥皮好脆，芒果都好甜，不過食個陣都幾麻煩，因為皮太脆，好易跌啲碎出哩同會散開其實我覺得真系幾ok，但系朋友話榴槤個款好食啲，因為香啲，同埋雖然最後店內得我同朋友li"木台"，但系店員傾計太大聲啦真系，空閒時間要休息同放鬆都唔應該甘嘈....

兩人去食. 叫了紅豆沙加西米露, d紅豆雖然好大粒, 好豐滿, 但係煮唔\"溶\". 味道係OK的, 但個人比較喜歡起沙的感覺, 不慣食到原粒紅豆.朋友叫了芝麻糊, 試了一口, 感覺同即沖芝麻糊沒有分別. 很\"稀\", 不夠芝麻味.註: 荳腐花時即日整的, 3點左右去都未有得供應.

又係果句，電車男係好少單獨去呢地方，發記亦都係一樣，無他O既，一來貴，二來店員的眼神...諗起都驚！今次一大班人，點了好多甜品，小黃對於花巧野冇乜興趣，都係叫番個粟子茸加湯丸(粟子茸唔係度度有得食)。一食...唉，太有多多即沖芝麻糊感覺，我可以分到水同糊囉...反而配角湯丸仲好過主角，失敗。芒果布甸，賣相好(黃得恐怖)。但味道一般，下次唔會！！除非成班人啦！

今次7人到訪, 我最喜歡帶外國回來的朋友去食地道甜品.在旺角街頭, 要找特別甜品, 兩家新界甜品店, 分店多多,不難!今天不用排隊, 7人坐下, 外國回來朋友始終對未聽過見過之特色甜品, 所以離不開布甸, 豆腐花.我同姪女, 點了雜果黑珍珠意大利涼粉. 涼粉一條條, 似足墨魚汁意粉. 兩人眼寬肚窄, 食唔哂, 服務非常好, 姐仔親自幫我們打包. 唔駛自己動.另外, 個士多啤莉布甸, 似雪糕多D.

跟朋友在ＭＫ買野，行了一整天，什麼都買唔到，個人好谷氣，次次都係賣哂同冇貨，嬲嬲地黎食個甜品，ＤＵＮ反匀個人。要左意大利涼粉，其實只係將Ｄ涼粉變變樣子，就搞掂，沒特別，生果吃落都算新鮮；要左招牌貨榴槤ＰＡＮＣＡＫＥ，皮很簿，ＣＲＥＡＭ唔多，榴槤很多很香甜，非常正！！下次再來的話，要試ＭＡＮＧＯ　ＰＵＤＤＩＮＧ，見其他食評很好吃的

食完晚飯後黎左呢度榴槤pancake--好多榴槤，不錯芒果布丁--呢個係送的，味道都不錯

同朋友係旺角行完街, 就想去食碗糖水! 咁岩見到發記, 就走左入去試下啦!! 今次唔係食佢的特式甜品, 只係簡左佢既傳統糖水加左湯丸!但是, 自從今次後, 真是不可以再去"發記" 食糖水了! 我從未試過食一碗糖水咁難食...又貴! 湯丸皮一的都唔夠薄, 成舊粉團咁~~!! 杏仁糊仲有的苦~~!! 講明係糖水, 為什麼是苦既呢~~~!! 真是Oh No~~!!! 左邊一碗是腐竹湯水加湯丸; 右邊是杏仁糊加湯丸!

過去食過好多次cwb個間但發覺水準一次比一次差所以已經好耐無去過今次同另外3個朋友去食有個朋友一樣叫左腐竹薏米糖水加埋湯丸唔係咁好味..因為真係太甜,太杰我朋友食左一半已經無食落去另外2個朋友分別叫左mango pancake同埋哈密瓜西米露不過不失其實出面好多鋪頭連埋雞旦可能仲有去芯白果都係$20倒食糖水呢度唔會係首選除非想食榴槤既甜品啦

30/12晚專誠同朋友去幫趁,點知超難食, 餾連苦到食唔落口,芝麻胡荳花好似水咁, 攪到食完好似無食, 要再去朗豪滿記食過, 咁攪法點再幫趁呀?超失望!

食完火鍋第二場, 選擇了發記. 本是西貢人, 井底蛙地自覺西貢兩間甜品, 全港無敵, 今次第一次坐底, 堂食發記. 改觀了.點了榴槤飄香, 楊枝金露, 榴槤Pancake, 大路甜品. 匙羹一插下, 大舊榴槤, 大舊芒果. Pancake 用料十足. 用料上, 已打贏西貢. 味道亦因榴槤足夠而特別香口.但, 發覺間間甜品都榴槤芒果, 沒有其他嗎?

呢度既芒果糯米磁真係好好味，琴晚就決定坐響呢度等人齊。因為要去食餐勁既，咁就求其叫等人樣試下啦。就你啦，"唔該要一個芒果黑珍珠"。嗒嗒嗒，嘩芒果好酸呀，啱既，唔合時嘛，都預左。但點解黑珍珠無味既，仲有好強既滾水味，水浸架，好難食喎，結果為左成本食哂d芒果囉，黑珍珠咁珍貴放響度睇下好勒。唉！左揀右揀，結果揀左個爛燈膽，仲難食過個芒果布甸囉……芒果糯米磁，得你見得人ja。