發記甜品 (已結業)

同朋友們食完dinner後, 我地一行八人就黎發記食返個甜品先~~夜晚真係好旺...等左幾個字先有大枱比我地 ~~我地係出面仲拎左d優惠卡, 食滿$40 就送 馬豆糕/紅豆糕/西米糕 (三揀一)我們換左兩個, 個度d人好好, 再拎多個比我地, Total有三個,勁正~~~我就叫左 豆腐雪糕配芒果jelly : 豆腐雪糕清清地, 配埋有果肉的芒果jelly ,唔錯 跟住試左友人的芒果綿綿冰, 想不到賣想討好又幾好味啵...不過佢隻綿綿冰既份量比出面少, 如果收返正價$35就唔太抵 (而家特價$29)

好鍾意去發記食甜品d芒果甜品係咁多間甜品店之中最好味當然深井總店係最好 其他分店都要繼續努力嘞我覺得好味嘅有:芒果黑珍珠芒果糯米糍楊枝金露芒果酥皮捲仲有一個唔記得叫咩名 係好似什果Jelly咁 幾特別 其他地方食唔到

去完意粉屋食晚飯再黎呢度食甜品。四個人，要了三個甜品share 食。1. 栗子茸呈糊狀。栗子味不算濃，我仲要食到好係有陣薑味。口感很滑，我覺得甜度適中；不過友人話甜咗d。2. 什果啫哩杯配芒果汁呢個食水最深！只不過係用什果加魚膠粉而做成的。 技巧係 "0" 什果好多呀，新鮮。什果多時就少啫哩啦。啫哩完全無味，勁！慳到連糖水都唔用。芒果汁幾杰身，但感覺好像同啫哩完全夾唔黎，汁還汁，啫哩還啫哩。3. 芒果糯米卷四舊糯米卷就盛惠$33，實在不值！糯米卷皮好薄，煙韌，但唔算軟熟。外面的椰絲是很多，不過無椰味，有口感而無味。芒果當做，實甜啦！

食完飯，不少得來番一客甜品一出朗豪坊，就有人派這間餐廳的優惠卷，在「冇所謂」而「有著數」的情況下，就去了這間食糖水。優惠卷係消費滿40元，就送一個糕點的甜品，order了﹕兩個榴槤飄香(26元)、椰汁糕(免費)榴槤飄香﹕榴槤肉好夠味、好香﹗可能榴槤是現時令的水果啦﹗椰汁糕﹕好有椰奶香﹗ok兩者配合來食都唔差，榴槤飄香的濃味配椰汁糕的淡香味，不錯﹗

2 號睇完個廣告，話想食發記 wor，但又無理由山長水遠入深井總店試，所以搵間旺角分店試下先，好食 gei 得閒試下總店功力也無防。榴槤飄香︰2 號愛吃榴槤，所以佢點o左呢個。不過佢試左一啖後﹐佢好失望 lol... 我真係唔識分榴槤好唔好食，但我食o左之後，完全無應有齒頰留香 gei 感覺... ooo...焗芒果酥皮卷︰我最愛酥皮類，一睇就睇中呢個。熱辣辣即整，酥皮雖然很鬆化，但很薄，令到得不到滿足感。酥皮包著一大舊芒果同一小片清蛋糕，芒果是凍的，和酥皮配合得有些冰火感。但整體來說，各材料比例不太好... 我好像只吃到芒果味及其口感... 酥皮和蛋糕比例上太少，糖粉又不足... 吃完心想... 不如去買個大芒果吃更好吧... 我估只此一次，再見 la 發記... 暫時我也不會再想試了... 味道同價錢不成比例，吃完也感覺空洞... 沒有吃完甜品的滿足感...

甜品店之中, 我較喜愛發記自從有分店之後, 都已經好少會去深井的總店食, 但每次想食甜品, 都會睇有無邊間發記就腳, 好似今次就經過雅蘭, 地面都有一間!試吓個榴槤羅米糍先 榴槤肉好夠味呀 (夠臭) 羅米糍的皮好煙靭, 呢個都係我喜愛發記的一個主要原因, 佢個羅米糍係幾間出名店之中做得最好的椰絲刨得幼, 口感更好, 其實呢個環節幾重要, 有的地方的椰絲刨得好粗糙, 令到個羅米糍唔好食, 一嚟鞋口, 二嚟椰絲都唔香, 不過去發記食就有番信心

每次食甜品都總有人提議去滿記，不是說滿記不好，只是實在吃得太多，有點厭倦，今次我作個反建議去發記。其實發記也吃過不少，較喜歡芒果紫米露，照舊。而對方就要川貝蓮子海底椰，另加一份香蕉酥皮卷share食。先說我的紫米露，芒果份量仍然多，估計佢用了半隻以上的芒果去做，不會偷工減料。至於味道，也算得上甜美，起碼不太酸，自行淋上花奶更為滑溜；而紫米露材料豐富，還加了芋頭粒和粟米粒在裡面，增加了口感。香蕉酥皮卷是即叫即焗，新鮮又夠熱。外層的酥皮鬆脆可口，餡料是啖啖的香蕉肉，幾香的，這樣的配搭也是可以。不過吃的時候要小心，因為確是很容易散開。試了一匙川貝蓮子海底椰，感覺幾順喉，亦不太甜，相信對方是滿意的。

我同女友一人一個糖水之餘, 再試埋佢個芒果班戟la...嘩...個皮好似包雲吞咁...個底有4-5層.... 入面d cream, 又少, 又唔滑.....唯一好就係d芒果唔酸lor....咁佢係sell 榴槤gei...但係我覺得唔代表其他 non-榴槤o既可以咁差...況且, 我諗芒果pancake o既問題, 榴槤pancake 都會一樣....唉...mk 食野, 真係食個方便.....only.....札

又再來食 H 的第二最愛甜品, 今次又再有免費糕優惠卷, 故終於試吃埋最後一款的糕啦!!榴槤飄香 ＝＝＞正所謂不時不食,現都是時候食榴槤, 好味道芝麻糊 ＝＝＞ 一般椰汁西米糕==> 都幾好味,不太甜,但H較喜歡之前試過的紅豆及馬豆椰汁糕埋單: $45 ==> 有免費糕優惠卷，抵食!!每次都有免費糕食, 真開心 !! 哈哈 !!

午飯後心血來潮與兩位朋友在這裡各點了一客糖水﹐另加芒果檽米卷 share。我點了楊枝金露﹐卻又突然覺得非吃清心丸不可﹐於是問店員可否在楊枝金露裡加清心丸﹐她說沒問題。芒果檽米卷非常出色﹐檽米皮軟滑中帶微韌﹐芒果新鮮多汁﹐分量十足絕不欺場。我點的另類配搭來了﹐清心丸清甜爽口﹐楊枝金露勝在不會太甜而且材料分量夠多﹐西米、西柚與芒果這配搭雖然沒有驚喜﹐仍然令人百吃不厭。西柚酸中帶苦﹐如戲分少點可能會更好。敗筆來了﹐是我的錯。楊枝金露是冷的﹐另加的清心丸卻原來是熱的﹐大家勉強在一起變成暖暖 （梁靜茹：我想說其實你很好﹐你自己卻不知道...sorry, 很爛的gag ）﹐太詭異了...兩者分開吃應該會各自各精彩﹐都怪我失策...店員姨姨也不提醒我一下

看了欧阳应霁先生的《香港味道》慕名而去，可能是新年期间，所以人甚少。一进店就闻到扑鼻的榴莲味道，虽然是发记的特色，但对榴莲不太感冒，还是点了红豆沙汤圆和杨枝甘露，不是很甜，感觉味道中规中矩。

我一向都係發記既Fans，而榴槤又係我既至愛！從前食發記，一定要走到入深井先有！佢地既榴槤pancake同榴槤飄飄真係令我一試難忘！而家旺角與銅鑼灣分別都有分店，唔使入到老店咁遠，但味道又如何呢？可知人怕出名豬怕肥，好多都係出咗名之後出事既，適逢經過旺角，於是入去一試！本來想叫返至愛既榴槤飄飄，不過見到佢有兩款榴槤新製，於是轉軚試新野！等咗幾分鐘，榴槤蘇終於都炸起！一聞，有ｄ唔妥！唔香之餘仲要有陣怪味！食落口，原來係層蘇皮出事！蘇皮似乎落蘇油落得太過火，然後再撞埋榴槤，令成個甜品變苦，確實係失敗之作！相返個榴槤糯米糍卻出乎我意料，糯米皮做得柔軟煙靱，配合埋新鮮榴槤又的確係幾清新既一個配搭，而且賣相都討好，可以一試架！

原本仍在生氣的Ｈ，跟Ｋ由尖沙咀行到旺角，經過雅蘭中心有人派發記優惠卷給Ｋ，Ｋ雖然唔鐘意食甜品，但Ｋ知Ｈ喜歡，故就立刻叫Ｈ一齊去食，哈哈！就這樣發記就幫了Ｋ一把令生氣的Ｈ下了火！！去到人不多，不用排隊，坐下叫了榴槤飄香＝＝＞這是Ｈ的至愛，榴槤味未夠濃, 但都好味芝麻糊＝＝＞K 話OK，不太甜椰汁馬豆糕==>有優惠卷，食滿$40送的，都幾好味，不太甜埋單: $45 ==> 有糕送，抵食呀 !!

今日放假，行完街三、四點去食。叫咗兩個楊之甘露($26)，一個雪耳杏仁茶 ($19)。楊之甘露係店的 signature dessert，之前食過好好味，今次差咗麻麻地，芒果都係好多，但唔新鮮，有雪，咬落有冰。唔係好值26蚊雪耳杏仁茶，味道唔錯，但得煙唔夠熱。可能用microwave 翻叮因為聽到"叮"一聲，跟住就出糖水。

食完晚飯..就黎左食甜品..叫左個榴槤PANCAKE..芒果PANCAKE..紅豆沙..紫米露..紅豆沙..紫米露..食落麻麻地..仲衰既係食完甜野先去食紅豆沙= =搞到得番成陣陳皮味..至於2個PANCAKE..友人話個榴槤PANCAKE唔好味..食食下都唔想食..至於我食既芒果PANCAKE...第1件都唔錯架!!因為佢芒果同CREAM既比例岩岩好..食第2件就唔掂..想搵D CREAM都搵唔到..比例極度唔岩LOR - -而且佢D皮做得偏硬..其實想PANCAKE我最鍾意食佢個皮!!!同埋CREAM＋MANGO要岩岩好,,但佢做唔到..可以有舊冇CREAM既..我都覺得..-_-唉同埋佢唔係好坐得耐..因為成日都好多人排隊..食完坐多陣都局住要走..