發記甜品 (已結業)

$49楊枝甘露賣相不討好，完全唔敢相信眼前係一碗楊枝甘露，唔講以為係芒果水加好多西米露，明顯睇得岀店主無心經營，敷衍食客，價錢都已經唔算平，仲要係咁嘅做法，啲糖水好似係啲化學野溝岀黎咁，朋友形容做係稀到「屎水」一般，完全唔值得再食，比錢買難受。榴槤芋圓榴槤味不太差，但我哋一行四人，從來無食過咁硬嘅芋圓，店員仲要話係佢哋嘅「Standard」，我哋都好無奈，點解一間對自己要求咁「高」嘅餐廳，可以有好幾間分店

昨晚吃過母親節飯，附近見到這間甜品，想當年非常喜歡的一家甜品店，所以想回味一下。 榴槤飄香 成名作的榴槤飄香，一如既往的香濃榴槤味，比較杰身，榴槤味道香濃樸鼻，喜歡榴槤既一定會喜歡，可惜堂食用外賣碗盛裝，外型大打折扣。 香蕉窩夫配朱古力醬 $68 窩夫烘得香脆，窩夫與窩夫之間夾有甜奶油，配上新鮮香蕉，冰淇淋更有多款口味選擇，今次選擇曲奇味，每啖夾着冰凍冰淇淋+熱騰騰窩夫，大滿足。 紅豆蛋白燉鮮奶 $38 紅豆大粒香甜，燉鮮奶有鮮奶香，一起伴吃會太甜，蓋過鮮奶香，如果少一點甜就完美了。

係旺角食完晚飯意猶未盡想食個甜品 經過見到呢間裝修幾新幾靚既甜品舖就入左去試下🍴呢到既選擇都幾多 睇到花多眼亂😛 揀左好耐最後都係決定食番朱古力心太軟😂 心太軟可以配一款生果 (芒果/士多啤梨/香蕉/荔枝) 同埋一球雪糕 等左15分鐘終於有得食 上碟既時候有個蓋蓋住個心太軟 打開個陣有d煙同陣陣煙燻既味道 心太軟既效果都唔錯 好多朱古力流出泥 外脆內軟 只係煙燻味太大我個人唔太鐘意🙊 整體泥講不過不失 不過價錢偏貴💰

聚會七個人 大概八點半入座 尚餘三四張枱因為店舖不大 所以坐得較迫點了$62芒果益力多綿花冰加$12芋圓芒果味益力多味濃烈 可以食得出有兩種不同味道 綿花冰綿密 不是刨冰一舊舊 融得快 但份量不多 三兩下吃完芋圓有十粒八粒 但沒有芋頭味 質感像橡筋 太硬 不推薦其他朋友點了杏仁茶配湯圓 紫米露配湯圓杏仁茶杏仁味很濃烈 個人不太喜歡紫米露甜度適中 紫米很多湯圓只有芝麻味的選擇每人最低消費$28 兩個人share一個都沒問題店員態度友善 加分整體來說 芋圓差 但綿花冰值得一試

一次比一次差,以前都會有人排下隊,今次去唔洗排,仲要間野得四成滿(晚上九點幾)其實一碗糖水四五十蚊,什至有D過五,但係你甘既質素同服務態度比一蚊你都嫌多我地叫咗一碗三色芋圓榴槤飄香,首先講D芋圓,佢望落去都好似好彈牙甘,一咬落去中間一堆粉,係未熟個種,(正常食落去係QQ,佢無,仲要係未熟生粉),我地同個店員講,佢好堅持係熟,如果你地唔岩食可以轉其他,之後佢後腳行入厨房講D芋圓未熟,其實未熟點解唔可以認咗佢呢,再食個D榴槤係生既,生絲個種,好老豆如果你D食材係唔得既,甘就唔好出品,真係…..另一個係原味蛋白梳乎里+石板街雪糕,個個雪糕上面全部都係冰,硬到, 蛋白梳乎里就OK(可以話係成餐甜品中最好食),不過就好似唔夠軟身同滑

食完火鍋行去雅蘭附近見到呢間甜品店以前吃過還可以的今次入到去叫了你一個芝麻糊加湯圓湯圓入口還可以但芝麻糊一來到便見到杰踢踢的，入口又粉又好似漿糊，咁樣完全好似開水的漿糊份我真的接受不了最後只吃了幾口便放下叫了另外一個楊枝甘露但店員對於我沒有吃曬那個芝麻糊完全沒有向我查問但他的楊枝甘露其實也只是一般般這個店已經絕對可以記錄在永不再來的店

天氣又凍番，食返個暖笠笠嘅甜品最好不過！😍 繼上個post食完潮州菜之後，就去咗隔離食發記甜品，睇網上嘅評價負評居多，但周不時經過都見有人龍，一於深入虎穴試試佢！🧐呢度嘅甜品定價偏高，一般嘅中式糖水差唔多$30至$40起跳，感覺唔係咁抵食⋯ 於是乎叫個平時唔會喺屋企整嘅心太軟（感覺上都係有啲貴🙈）呢個set包埋少量水果同一球雪糕， 小編揀咗香蕉同埋雲呢拿雪糕，喺呢度唔多講，因為唔特別！🤔 至於個心太軟，一上枱嗰陣都心知不妙，由落單到上枱唔洗5分鐘⋯ 肯定就係一早整定！果然不出我所料，一切開入面零流心⋯簡單啲來講，呢嚿只不過係比較濕少少嘅朱古力蛋糕！😑 $69收到嘅係呢種貨色，當然唔收貨啦！店員一見到呢個情況，好樂意比過第二件我！👍🏻 新嗰件心太軟，就真係好澎湃喇！🤪 食落朱古力味十分濃郁，對於小編來講唔算太甜！比起一上枱嗰件真係差天共地！🤗 只不過值唔值$69呢？個人覺得5字頭就差唔多⋯🤫-INS:90sgoodie_carman

同個死黨係旺角行完街,去麥記叫咗2個超值套餐食!又平又低食!之後經過發記甜品入去試吓,見到冇咩人,我們坐低,士應介紹咗最好食個三色芋圓榴蓮飄香$59同原味梳乎厘班戟$80,叫我們試,都好試吓係唔係咁好食!因本人太愛食榴蓮,所以揀咗個三色芋圓榴蓮飄香食,見到個樣相普普通通,但聞到榴蓮味好濃,加埋啲楊枝金露倆者配合得天衣無縫,再加埋三色芋圓食到飽晒,雖然貴啲!但食完令人非常滿足!而我個friend就食另一個原味梳乎厘班戟,他只話味道ok啦!冇我個咁好食!又貴過我個!下次真係唔會叫呢個原味梳乎厘班戟食!

頭先買碗芒果楊枝甘露外賣，呢碗野點睇都唔似芒果楊枝甘露之餘，我覺得自己好似買咗一碗芒果奶水多d ，料小到一個點，直到同Show 出黎嘅圖完全唔同樣，我初時仲以為佢比錯我，問店員佢話呢個就係芒果楊枝甘露喇，真係唔知佢點樣值$50囉！以後一定唔會再响發記甜品買甜品囉！

今天晚餐後意猶未盡，到發記吃個甜點。這家糖水店裝潢時尚，可是服務實在平平。由於這只是平常糖水店，也沒有奢求什麼殷勤服務了。上次到訪，特別喜歡那濃香的黃金番薯糖水。可是今晚到訪，無論食物或服務都大失所望。黃金番薯糖水$36這番薯糖水有陣陣的薑味，亦帶一點蕃薯的甜美，但味道唔太濃香。可是相對上次的味道，明顯的淡了。幸而蕃薯仍然軟腍鬆化，味道ok.薑茶芝麻湯圓$31這薑茶味道真的很淡，亦沒有上次吃到薑的辣勁和甜香。芝麻湯圓皮煮得過腍，而芝麻餡料少之又少，主要只能嚐到湯圓皮的味道，真的令人失望。

年初一出旺角，預左食野貴，唔好咁多要求，但係過左一晚，都係有D唔甘心要講😤朱古力梳乎厘，店員話好多人鐘意食生D，佢地既出品是這樣的🤔其他食物......🤭芒果班戟，太多cream，口感一般水果茶，其實是1杯清水𥚃面加些切了的蘋果👎🏻紅豆蛋白燉鮮奶，不錯朱古力心太軟，不錯今日睇番呢度，原來係自己唔醒目，應該先睇睇有乜食評🥺總括而言，可能有其他不錯的選擇，但如果有人報了差的就奉勸真係要三思。

話說同朋友去咗發記食甜品，叫咗一個楊枝甘露同埋一個芒果西米露，兩碗甜品都加咗小丸子。味道真係一般，食落去好淡，楊枝甘露入面嘅柚子更加得好少，至於我最期待嘅小丸子就冇咬口，軟林林。

同朋友食完晚飯，見到有糖水舖就入去食叫咗芋圓楊枝甘露要$57，都覺得貴個楊枝甘露嚟到，我即刻食個芋圓，嘩！係硬，我未食過咁硬既芋圓，咬開個心黎睇，一睇就知未熟。我問個店員，佢竟然同我講因爲楊枝甘露係凍嘅，所以會令到d芋圓硬左。下，唔好玩啦，一睇就知未熟。我之前食過其他涷既糖水再加芋圓都未試過咁！當我無知？呢間野真係無下次，食到我一肚氣，個楊枝甘露係無味，好難食。佢一啲都唔值得收咁貴既價錢。如果唔係唔想行太遠都唔會食佢！！！！

入店員工態度極差 好似嗌狗咁 落單嗌梳乎厘班戟 就話 30分鐘 等唔等到？好啦照等 黎到個樣睇落都ok 點知一用叉吉落去 除左最頂果件 其他溶哂根本除左個皮 入面就未熟 但個皮又咬唔開 入面就好似食蛋粉漿咁 完全垃圾 唔洗再試

呢日係旺角食完飯，同朋友仔未傾夠想搵個地方，傾下謁食下甜品。🍡朋友仔話想食芝麻糊，經過呢間發記見環境okay就入咗去食。入到去開始feel到少少問題，雖然係裝修係幾靚，但發現啲位都比較迫，仲有啲人食緊西餐（唔係甜品，係main course），差啲以為自己去錯咗間西餐廳。😥講下野食先，朋友既芝麻糊試咗啖，唔係好夠熱，啲丸子偏淋，佢係旺角收接近四十既價錢，咁既質素，我諗應該有更好既選擇。😔呢個質素正常，ginger味都算濃，有六粒。同埋啲staff既態度有改善空間，最後我地快快趣食完就走lu。😣