發記甜品 (已結業)

同朋友係朗豪坊食完飯, 想食個飯後甜品, 見地道既港式糖水舖發記門口都未係好多人排隊, 就入左去食.可能太耐冇食港式糖水, 而家旺角發記裝修得幾摩登, 夠光猛, 而且乾淨左好多, 餐具枱凳都算新淨. 坐位都係少少迫, 但我都理解旺角串金尺土, 不過女仔坐既話一定冇問題.見倒佢餐牌既熱門推介係榴槤飄香小丸子$58, 見格黎枱果碗好似幾正咁, 想試下食港式榴槤糖水, 就膽粗粗叫左黎食! 榴槤飄香小丸子真係幾好味! 整碗糖水既味道唔太甜, 而且裡面真係有幾舊榴槤肉, 絕對唔係"榴槤製品"! 雖然榴槤味唔太重, 但我覺得以價錢黎講已經叫有誠意! 丸子偏林, 未算彈牙但係都有少少咬口, 加埋上面既西柚粒一齊食, 感覺都幾OK! 好可惜個糖水唔係好夠凍, 好似放左係室溫一陣先送餐, 感覺唔係好新鮮. 另外, 我覺得整個糖水奶味比較重, 因為本身佢唔係用重味既榴槤, 幾舊感覺唔係好夠喉, 如果榴槤肉再多點, 味道會更均衡!總結黎講, 我覺得用餐經驗唔錯, 以$58可以食倒真既榴槤肉, 今次我會比個笑臉佢! 其實榴槤糖水好多港式糖水店都有, 發記既榴槤飄香小丸子其實同其他店整既其實幾相類似, 未見突出

好久沒有到發記吃甜品，昨晚與朋友吃過榴槤飄香小丸子和三色芋圓榴槤飄香，五拾多元碗，芋圓沒有味道，就像吃粉團，西柚又酸，價錢略貴。真的再沒有下次了。轉走高檔路綫，也要物有所值才對呢！

食完晚餐諗住搵間甜品食少少甜嘢，咁就中巨伏喇！！！！！！！！！！！！！！！！試了楊枝甘露小丸子，總結：難食，一兜糖水加幾舊芒果。小丸子欠彈性，慘過食粉漿，西柚只得幾粒，完全唔值$52，請我都唔食。

而家天氣咁熱，當然要吃甜品消暑呢到既甜品唔係得個樣，睇得又食得香蕉窩夫配朱古力醬（$65）揀左士多啤梨味雪糕，雪糕普普通通，但窩夫有驚喜，食落好鬆軟，食得出岩岩整起，整體黎講都唔錯既！芒果益力多綿花冰（$65）原來益力多加芒果又幾正，雖然係冰，但2隻味都好濃，分開食溝埋食都好味。另外仲有附加小丸子同芒果粒，芒果好甜，小丸子好煙韌，唔需要落隔離個淡奶都已經好好味，推介！不過侍應服務麻麻地，本來開頭諗住叫綠茶綿花冰，但佢話無，所以先揀左益力多芒果，但轉頭聽到人地嗌又有好在益力多芒果都好味，下次去再試下綠茶先

晚飯冇乜胃口，可能係太熱啦~👋🏻三色芋圓榴連飄香都幾足料，有8,9粒芋圓無疑地蕃薯或紫薯係好食啲芋頭味味道不太重，口感都唔係好淋蕃薯同紫薯口感較煙韌不過同埋榴連一齊食，可能味道唔太出獨立食係正啲既~👋🏻原味Soufflé班㦸(香蕉+曲奇雪糕)自選水果同雪糕🍦叫左10分鐘就有，都幾快下重蛋香味，texture偏濕，配埋焦糖食就真係好好食個cream都幾重奶味，所以配Soufflé Pancake都唔錯~如果唔想大熱天時係街到等，呢度都係錯既選擇

抵食下午茶😌第二次黎。黑松露好香同埋都多沙律做得唔hea,有芒果肉添配菜有得揀：薯條定糖水定飲品上星期先黎左食埋晚飯，叫左個茄汁蝦pasta熱辣辣，意粉又有口感甜品舖居然做鹹食做得好好食，意料之外同埋兩次黎啲伙記都態度好好😱令人真心會想再幫襯👍🏻

選擇這家甜品店純粹是因為這天非吃芋圓不可，所以一看到這裡有賣沒有事先上網查明身世就進來了。點了三色芋圓榴槤飄香，原以為是芋圓放在甜品裡的款式，實情是芋圓另外放在一個小碗裡，這做法對我來說要扣分。正如買一個草莓蛋糕，如果店員給我一個奶油海棉蛋糕，再另外給我一小袋草莓，食物的美感大打折扣，甜品是很講求組裝。榴槤飄香吃一口已經不喜歡了，我以為裡面還有一些富口感的配料，比如冰碎、水晶珠之類的東西，雖然肉眼可見零星西米，以及面頭幾絲西柚肉，但是口感上完全感受不到西米，吃起來只是一碗榴槤糊，加上質感過稠，吃起來不至於嘔心，但是並不享受，而且西柚味苦，整碗甜品沒有任何可讚之處。對芋圓超級失望，芋圓是口感軟糯、嚼頭豐富的食物，可是我點的是冷甜品，這芋圓熱得發燙，芋圓熱着自然是軟乎乎，比湯丸要軟上多了，口感大敗。前面提及芋圓不應分開放，我把芋圓放回甜品裡讓它變冷一點才吃，嚼頭立見明顯改善，所以分開放不止觀感，連食物質素也受到不良影響。吃了幾口忽然一隻小蚊子前來葬身榴槤糊，為求讓他RIP，我讓店員換一碗新的給我。這一碗與前者分別是沒那麼稠，雖然依舊不好吃，但算是比之前好，不過若不是花了錢不想浪費，確實不會

梳乎厘班戟近年非常流行，身為港女的我同身邊有好多鍾意食pancake嘅朋友，周圍試不同的梳乎厘班戟，佢哋食完飯點都話要食個甜品，所以呢日特登過食呢一間發記甜品，本身滿懷希望過嚟，點知其實食物普通。餐廳裝修清新，環境夠大，不過餐廳十分多人，而且等位非常之慢。我叫個原味梳乎厘即叫即整，可能有點期望太高，雖然夠軟熟，空氣感都有，不過唔夠蛋香，沒有特別，不過等左成30分鐘，而且價錢唔平。餐廳位置係旺角，價錢就略貴，發記甜品升呢

從來未食過咁難食既窩夫，變態程度爆登，口感似無味既江蘇餅Never try a waffle before taste like this - disgusting ! If you wanna try the worst waffle in the world , please come here !

昨日去食,坐咗喺將由兩張兩人枱合成嘅四人枱(當時好多位),叫個腐竹雞蛋薏米糖水嗰陣時,個中年男店員定老闆走過嚟問我幾多個,我話1個,佢即刻發悔氣咁叫我坐去另一張,仲要秤起將凳再拉後擲落地,我想叫嘢佢又行開咗。舉手叫人啦!舉咗一陣,佢係個收銀枱話等等啦老細!Ok!咪等陣囉!根住佢就發曬癲咁問我要乜(不斷稱呼我做老細+重覆),我答佢嗰陣時仲係咁問!好似,我有我講,佢有佢講咁!最後我忍唔住冷靜又直咁同佢講話我咪講緊囉+再講要腐竹雞蛋薏米糖水!冇幾耐,個腐竹雞蛋薏米糖水送到,我有禮拜講唔該,個阿叔......味道唔惡劣,不過d腐竹又細(細個粒飯)又少(少到可以一羹裝曬)!埋單嗰陣時,佢冇俾單,我話埋單,佢又態度差咁叫我去收銀枱嗰度俾錢!找錢嗰陣時,態度唔太好!

晚上同朋友去旺角行街，走呀走見到大大個招牌「發記甜品」，門面有型吸引（可惜忘記影相），所以我們一行六人就試試。我們叫了五款甜品，每款都好有水準。楊枝甘露，有足夠的西米，不似坊間 cheap cheap 甜品店得少量西米，攪到水稀稀甘。木瓜糖水潤而不膩，木瓜恰到好處，不太生，也不太熟。芒果冰味道吸引，底層的珠珠更是美味的佳作。紅棗桂圓湯水有益補血，幫助睡眠，適合繁忙的都市人品嚐。綠豆沙湯丸，清熱解毒，而且綠豆非常足料。總括而言，甜品味道吸引，而且我非常欣賞佢哋嘅服務，落單時店員會好努力地講多謝，讓我感受到店員怕對我們招待不周。在MK世界裡，此刻服務，我非常欣賞。

佢啲榴槤班戟簡直係呃錢， 淨係食cream ，一茶匙榴槤肉都冇， 難食難食超難食 真係唔會叫啲朋友去， 大家千祈唔好 嘗試去食出咗名的甜品 食品就會好差又求其 大家唔好去食啲服務質素有差 ， 碗糖水仲未食完， 就幫你收咗佢 真係第一次係openrice彈一間 糖水舖， 鍾意食榴槤嘅人真係唔好 買榴槤班戟 簡直影響你心情 嬲咗成日 以後都唔會去食 為咗畀評價 我第一次打咁多個字 為咗要 俾劣評 呢間舖頭 第一次 打咁多個字出嚟 可想而知 我嘅心情 有幾唔開心

發記環境幾舒服，張枱係大理石做既，幾好睇。夜晚通常黎到都要等一兩張枱倒，餐廳氣氛好熱鬧。之前我同朋友試過原味梳乎厘，配一球cookies and cream ice cream, 試過返尋味 所以今次我地試埋朱古力味既梳乎厘，宜家仲有得配小丸子或者湯圓，好抵食！注意返叫梳乎厘要等十五分鐘左右，因為佢地會新鮮即時焗，不過值得等！

飯後去吃甜品，一行六人。 店舖很小地方有點擠逼，坐了一張四人枱。 同行長輩點了舊式糖水紅豆沙，芝麻糊，蕃薯糖水。但發電不夠熱想加熱。但一名類似店長的人覺得我們麻煩，說他們糖水是控制在90度左右，雖然是有拿去再加熱，但過程態度惡劣又說什麼顧客至上的廢話，如果真的是顧客至上就不用說那麼多屁話，一枱人決定以後不再光顧。其實食物是可以，但不是特別好而價錢偏貴，可是服務態度還差，很難有客人回頭再光顧，這家店自求多福吧 。

個人十分喜歡梳乎厘班戟。在旺角區，提供班戟的店舖不多，經過發記，姑且一試。由於土地問題，香港的甜品店，店內座位大多是極擠迫，發記當然也不例外。在擠迫的環境下，滿懷希望等候了超過二十分鐘，班戟送到了。班戟一上枱時，最底層的一件已開始溶化。我在極速拍照後，馬上開餐！結果，令人失望。班戟口感食味還可，伴班戟的雪糕才是大問題。雪糕很明顯是剛由超級凍櫃取出，如磚頭一樣硬，用匙羹都"劈"不開，我無論如何都無法在班戟倒塌前食雪糕。發記班戟的收費不菲，絕對不值。