發記甜品 (已結業)

同屋企人食完飯，諗住第日放假可以出街出夜d啦！甘就一齊楂車入左深井搵糖水食，見到發記諗住甘多分店應該無乜伏掛，岩食完飯幾個人都飽所以都係叫沙冰飲，點知中哂伏⋯⋯沙冰真係好夠冰，多冰到有半杯冰粒，味道又超淡，好似平時飲凍飲放左半個鐘，飲到最尾2啖甘淡🤦🏼‍♀️你唔加足料起碼都加多小小糖吖，又淡又無味超難飲。無下次！好彩既係個窩夫落單先整，所以味道正常，但都唔係好食。唔明點解地點已經唔方便都可以甘差🙈

同朋友又荃灣散步去深井，去到深井當然要食下有深井起家嘅發記甜品啦。去到餐廳門口，望到餐廳入面得好少人，隊都唔使排就可以直接入座。四個人， 兩個點咗楊枝甘露， 一個點咗榴槤棉花冰，我就叫咗個原味蛋白疏乎厘電雪糕。甜品一上枱，個賣相都幾吸引嘅，但食落疏乎厘班戟就有小小over cook咗， 唔夠彈吓彈吓， 價錢就比日本過嚟開， 好有名氣個日本餐廳平嘅。 疏乎厘半上嘅雪糕就唔錯， 個人較為喜愛雲呢拿味， 但綠茶味都係一個唔錯嘅選擇。

我平時麻麻地食甜野，可能呢兩日天氣太熱既關係，咁岩揸車經開深井，突然想食甜品！就走咗入去試吓叫左竹炭窩夫、楊枝甘露配芋圓、西瓜涼粉竹炭窩夫賣相幾好，但味道就冇乜特別，我覺得原味窩夫比較香啲，佢個糖漿係分開上嘅，鍾意食幾多就落幾多，都唔錯！可能有cream又有雪糕，食咗兩塊已經覺得好漏西瓜涼粉消暑一流！不過食落有啲唔夠凍，涼粉係配西瓜汁底，我再加左花奶更加好味楊枝甘露芋圓幾好食，啲柚子一啲都唔苦仲好甜，芒果都幾甜

榴槤（無）飄香！以前好鍾意嘅發記今日令我好失望。有排無來，今晚同朋友特登來重溫發記。舖頭細左好多亦都無人排隊，已經覺得有d奇怪。端上榴槤飄香小圓子，比以前貴，63蚊。但是味道好差。好懷疑用嘅料係大樹菠蘿。環顧四周，星期六夜晚11pm以前係好忙時段，宜家一半台係吉，大家已用腳投了票。以後應該都唔會幫襯！

好耐無入黎深井，無特別期望，但都可以好失望！榴蓮飄香應該無死，點知伏到喊😭無諗過差左咁多，小丸子榴蓮飄香盛惠67蚊，價錢貴但好食都ok，雖然都真係貴，但真係無諗過無味，可以早抖😴永不錄用，再見啦發記😲

開左咁多年，山長水遠有時都會揸車去食，雖然係遠D，但去食個甜品，睇下海，行下都唔錯😄推介榴蓮飄香好正好多肉！外賣翻到屋企食都仲好好味。甜品種類都比較多同特別。

同朋友去完小欖BBQ，見時間尚早又想食甜品，於是就建議去食甜品，咁小欖出九龍方向就只係諗到深井發記，咁就同朋友一齊兜咗落深井。去到發記門口見到都差不多10個人排隊，但望入店內其他都有7張枱係無人，可能唔夠人手執枱而成班客要企門口等，好彩都唔係等好耐。職員安排咗座位比我地後，就好似催落單咁...咁我地點咗一個淨湯丸&兩個黑芝麻燉蛋白，大約等咗十分鐘，先上咗個湯丸，我偷飲咗朋友一啖，我真係未飲過一個薑糖係甜得咁緊要，而且一D都唔薑，而且唔係熱，係微暖.....湯丸係點就唔知了！到我個熱黑芝麻燉蛋白黎到，其實都只係燉蛋白上面加少少黑芝麻糊，點解咁強調係熱？因為黎到個蛋白係只係面頭有少少熱，中間係微暖，個底係凍嘅，咁仲咩問我要凍定要熱呢？我比一個價錢有三種享受咁益我？我再問吓我朋友嗰碗係點啦！佢嗰碗都係一模一樣，其實好明顯係喺雪櫃拎出黎再係咁易用微波爐叮吓就算囉！就算叮都唔緊要，比D承意叮耐些少啦！而個芝麻糊...其實我都唔知係咪食緊芝麻糊，因為完全無黑芝麻味！簡直浪費我食甜品嘅Quota！

每次想食榴槤都會諗起發記😌因為有我最鍾意嘅榴槤小丸子，榴槤味好重，同埋好足料啖啖榴槤肉，同男朋友都好鍾意食🤤每次黎都會叫呢個😂食極都唔會厭，希望可以開多啲分店，唔使特登揸車入嚟食😩

久唔久都會食下深井發記，今日外賣左個芝麻糊，一食真係嚇死，淡到呢，真係連超市買到既包裝好既芝麻糊粉沖熱水都好過佢多多聲。我老婆食既榴槤飄香又係，稀到呢。其實做到咁爛不如唔好做好過，打爛曬幾十年既金漆招牌。

去完深井食鵝一家大細冇選擇情況下得一間發記唔好食行貨好貴完全冇良心生意 一次比一次差千其唔好幫襯冇下次食左 杏仁茶紅綠豆沙芋圓杏仁燉蛋白芒果金寶好令人沮喪獨市完全唔使要質數

夜晚同朋友食完晚餐之後，仲未想散場，續攤最好既地方，緊係糖水舖啦！今次就去左發記甜品到食糖水，大家都知發記最出名就係用芒果黎做招牌既，當然就要點返個芒果西米露小丸子黎食下，西米露每一粒都煮得好平均，唔會有黐住嘅感覺，而小丸子都非常好趙口，芒果保持一貫水準。

夜晚過左十二點想食甜品/榴槤都淨係諗到深井發記因為佢開到兩點黎到當然必嗌榴槤啦平時我就食開榴槤飄香小丸子今次我見朋友都嗌呢個咁我就trytry榴槤金寶啦我超中意食applecrumble所以係等既時候超期待呀食落味道比我想像中輕～但都真係好多榴槤蓉係面面右手邊個汁又同個金寶幾夾喎雪糕叫左石板街超耐無食過喇好開心朋友叫既榴槤飄香小丸子都係保持一貫水準啦我諗之後我叫榴槤飄香同榴槤金寶既比例會係2:1或者3:1

昨晚天寒受凍，幾位朋友打完邊爐就去深井發記食甜品，當時得三、四枱客。我哋四人叫了三碗熱芝麻糊湯丸、一碗熱綠豆沙。我和朋友食了一口芝麻糊，大家都覺得只是微暖的👎🏻，冇諗過會唔熱囉。惟有叫人叮番熱佢。同一時間，隔離枱點了黑色的蛋糕甜品，但不知什麼原因亦要求更換。食完之後，朋友打算叫碗紅豆沙外賣，職員拖了一輪才落單😤,紅豆沙的碗好細個，而內裏的紅豆沙只有外賣碗的一半多少少。總結，食物質素、員工態度均不合格，不會再幫襯🙅🏻‍♂️

今次係比佢呢個港女厚pancake吸引而入嚟食嘅。 見佢夜晚唔使排冇乜人 就直接決定食呢間 😂😂😂 不過食飽晚飯又點食得落一人三塊厚pancake喎 🙈🙈🙈 所以嗌咗一碟幾個人share，就試下到底有冇日本嘅味道😂老實講，其實一啲味都冇，又無空氣感， 如果你想追求日本嗰種動L動L嘅感覺，就唔需要試佢啦🤢🤢🤢 如果係想飽肚，咁佢就可能係你的選擇，因為都幾大份。一個人無食飯黎可能先會食得晒。雖然pancake麻麻，不過都有值得讚嘅傳統糖水 -- 榴槤飄香😍😍😍😍 我地仲加小丸子同埋芋圓，又香滑彈牙😋呢個係榴槤金寶配石板街雪糕，熱食榴槤甜品幾特別👍

同班朋友仔傾傾下計講起好想食榴槤，但已經係深夜12點幾於是諗起深井發記收零晨2點所以即刻飛的入去食糖水🤣🤣🤣我地一行5人，有3個都話一定要食榴槤飄香🤣🤣🤣同埋榴槤金寶，但我唔食榴槤的，所以叫左梳乎厘班戟！話都無咁快就送到啦！分別係正常嘅榴槤飄香，加小丸子同加芋圓！ 朋友仔都大讚榴槤味好夠，當然，佢哋一開口講嘢嘅時候，我都聞得一清二楚😂😂😂另外榴槤金寶同我個梳乎厘班戟就要等耐少少啦係榴槤蓉係面😁配埋石板街雪糕！最後，到我個梳乎厘班戟終於都出場啦！！！嘩超大份呀！！！又厚又大快！而且唔會太甜！同埋好濃蛋味☺️☺️☺️唔錯唔錯！不過等嘅時候真係有啲耐，所以建議如果事先打算嚟食梳乎厘班戟嘅，最好一坐低就叫左先，先再諗其他食乜😋