發記甜品 (已結業)

大年初三諗住入嚟行下食個下午茶，發記就啱哂，諗住唔會好似酒樓咁又多人又貴啦......係好有諗頭，一個durian pudding，可以命名為榴槤浴缸布甸配小丸子，仲歸納為大展鴻圖系列，仲原來實物都真係咁嘅樣，一個浴缸樣嘅器皿住榴槤蓉和丸子，中間仲原來藏咗隻凍鴨子，貴啲都即刻覺得值番～連另一個川貝蓮子海底椰小丸子，都可以係農曆年期間加個身體健康系列，可以好特別咁～連個餐牌都好有新年氣氛可惜就係新年氣氛都包埋新年收費，糖水舖都可以加二，要知道係唔同酒樓，糖水舖係冇咩服務嘅，亦都冇飲用水提供～

係深井食完燒鵝 行過幾步就可以食糖水啦黎到最早發記起源點 一定要試佢最有名既榴連系列 真係要將磅數忘記背後，努力向甜進發。 一入到店有陣好香既蛋味 ，令人好舒服榴連飄香真係王牌 ，比例配得剛好 ，分量又多 ，榴連味濃 係好值得推介既甜品。另外係榴連班戟，略厭忌廉比例太多， 不過都係好食既 。 仲試左個新產品，榴連酥皮卷，我個人頗喜歡呢個配搭 即叫即製 好香好脆 但朋友們說不太夾 人人口味唔同😝叫左梳乎厘 同樣係我最愛 不過蛋白應唔夠多 唔係好有食空氣感覺 不過清清地唔太甜 都令我好驚喜 個曲奇雪糕 好正 值得一讚 。老闆好好人 我地見多人等位 問要唔要早點走 佢都笑笑口話 食糖水緊係慢慢嘆架啦 笑容滿面 呢個周未真係好relax 畫上一個完美句號 。

垃圾，整個甜品整成個鐘，又唔係特別好食，超無禮貌，垃圾!!!十點叫，佢十一點三先比到我。雕花呀?雕到咁核特，不知所謂，成日話就到，到咗九點字。Stupid , I will not go here again .

新年又到周圍行，周圍揾食既時候，今次行左去深井行大運，經過聽講好出名既甜品店，決定try try 新年換左新menu, 所有嘢加2 service charge 😅😅好貴丫大佬不過一場嚟到，都要try try 既睇完食評，有人介紹楊支甘露，食完，超級普通！芒果無點切，好大舊咁扔落去，好酸，可能5係芒果季節喇，個糖水底好淡，不過小丸子係好咬口既，如果價錢平一半既，可能適合番佢既質素。。69元再加2，就💁🏻‍♂️叫左 芝麻杏仁糊加湯丸，個芝麻糊。。。水到。。好像拎d粉加熱水溝出嚟咁。。湯丸。。。利村湯丸d friend ，超級普通，想對樓上嗰個69元，依個收43元算無咁最好食係依個，新鮮出爐，熱辣辣，酥皮脆口，加埋溶既香蕉，吉士，蛋糕，係perfect March 78元算係好好食，唯一推薦依個，其他2個可以skip新年加收費用係正常既，都係嗰句，except 雪糕香蕉酥皮卷，其他可以不嘗試

今次應該係第二次黎到深井發記 第一次去其實都唔係特別好味 不過冇得選擇之下咪食個糖水囉門口安排枱嘅店員 安排得比較混亂 有嗌錯號碼嘅情況出現 坐低之後叫咗幾次都無人落單 都明白新年可能比較忙 唔緊要 我哋唔急可以等下餐牌都換咗個新年特別版😏價錢都比較特別仲有一句細字係寫需要收加二服務費😨難怪門口冇放餐牌啦 又冇特別寫張紙提返客人 真係坐低先知 都冇理由走咁老土嘅 不過呢一個咁樣嘅收費 真係令到我唔會再幫襯終於有人幫我地落單 其實我哋只係叫咗兩款糖水 但係店員問完一次又一次番薯糖水過分甜 不過湯圓係幾好食新年版特別餐牌 少咗好多選擇 咁我就揀咗個榴槤金寶 配曲奇雪糕 好可惜真係好耐未見過一個空心嘅雪糕球😒榴槤份量都算多嘅 不過食完就好口渴 唔知點解Anyway無下次不知道那裏來的服務 仲要加二!

同朋友星期五收工遊車河，想去遠d食個甜品，心入面都有幾個選擇：西貢滿x，元朗x仔，第三個選擇就當然係深井發記啦！由沙田開車過黎，都係20分鐘多d，係出面有得暫時泊住車，伙記會提你抄牌，對面亦有停車場，所以都算係driver friendly既地方。星期五晚唔算好多人，唔洗等位就馬上入得，位都任你選，唔洗好似其他地方咁，排隊再加同人迫！港式甜品，來來去去都個幾樣，亦都食慣食熟，所以阿叔都無咩特別preference。見佢餐牌封面大大個心太軟配豆腐雪糕，我估呢個應該就係佢個招牌，當然要試試佢！等左15mins，終於有得食，賣相有5分！心太軟新鮮出爐熱辣辣，一啖熱，一啖凍既豆腐雪糕，真的好正！我最鐘意呢個心太軟既地方係佢個流心整到剛剛好，唔會好稀，一切開就好似水咁漏曬出黎，而係稀濃度剛剛好！而豆腐雪糕就應該係維記出品lol！至於塊waffle 仔就可以話係一少不足，因為太硬！

We visited “Lucky Desert” after dinner in Sham Tseng at around 9.30pm and were hugely let down by a poorly stocked kitchen.It literally seemed like over 50% of the menu wasn’t available. When we asked staff questions about the ingredients, we were faced with harsh and impolite service. The food was also mediocre. The Mango Mochi was frozen and felt like it was left in the fridge for far too long. The juices of the mango also created moisture that made the bottom part of the dough soggy and unapp

今日同屋企人啊去嗰度食 諗住開開心心慶祝 三個人叫兩個糖水諗住啊大家可以share 點知個老闆窒我 三個人一定要三件食物 成間鋪頭都冇一隻字叫我三個人各食三件野話都未完,我哋order第三件食物叫芒果斑cake 佢竟然俾咗份芒果糯米糍 佢一個轉身 放低咗個芒果糯米糍 就同我講我老闆轉身食物就唔可返轉頭架啦 佢竟然再加多句 你冷靜啲 完全制止唔到我既怒火 完全接受唔到佢嘅服務態度價錢貴 服務低 老闆你諗諗計啦 29/10 10:45 食客

以前講深井糖水舖...一定會推介發記！而且呢間多年老字號幾乎冇人不知！可是依家似乎大不如前！奇怪星期五晚八點幾去到都只係得兩枱客；舊時每逢星期五、六、日嗰個時段機乎坐無缺席。等位都要等成半粒鐘！我同朋友坐底就分別order咗一碗番薯糖水同一碗芝麻湯圓。碗番薯糖水就一般..無咩問題！可惜嗰碗芝麻湯圓就.....感覺好似跟以前吾太一樣！之後再order咗碗芝麻糊，同樣失望！碗芝麻糊雖然磨得好滑...可是好似食吾到甜味!☹️

深井食完燒鵝，記起未試過在深井食發記甜品，一行五人到發記甜品繼續食食食。全部人都喜歡食榴槤，所以叫咗三款「榴槤甜品」、一款窩夫、一款燉雪梨。名大於實，除咗窩夫算合格之外，無樣得。燉雪梨過甜；焗榴槤酥皮燶咗；榴槤啫喱完全唔夾，最終係食咗上面舊榴槤，再落花奶食杯內的即溶啫喱；紅白榴槤又係完全唔夾味。有新嚐試係好事，但最起碼要夾味都做唔到，完全感覺到放咗舊榴槤在甜品內。仲差過食完燒鵝送嗰碗木瓜雪耳糖水。

今晚入深井朋友屋企打邊爐，食完又齊人，就提意去食糖水啦，記得以前會特登揸車入嚟深井發記食糖水，難得今日仲咁近，緊係去發記啦，去到門口覺得好古怪，以為佢就收，因為得兩、三枱客，員工又少我哋6個人坐底後望吓餐牌，發覺啲糖水都幾貴，廿幾蚊碗淨豆腐花，不過諗好食就無所謂啦，我哋分別叫咗芝麻糊，楊枝甘露等等，坐咗十分鐘，一碗嘢都未到，諗住追吓單，點知竟然搵唔到員工，原來佢哋人手嚴重不足再等十分鐘，終於全部糖水一齊上，但係碗熱芝麻糊已經變到微暖，我碗楊枝甘露望落去已經唔精神，啲芒果熟到差唔多爛，最大問題係無乜料，好似糖水浸芒果咁其他已經唔想寫落去。。。，我諗無乜人都係因為所有嘢都差晒，同以前跟本兩回事！

其實中式糖水好難煮得唔好食，不過偏偏十六少奶就喺深井遇到一間超難食嘅糖水舖，仲有幸食咗平生覺得最難食嘅兩款中式糖水：凍 芝麻糊同埋凍紅豆沙加湯圓。首先講嗰個凍芝麻糊，其實真係稀得好緊要，雖然口感好似有啲粗粒粒唔知係唔係芝麻嘅嘢，但係講真即沖嗰啲芝麻糊好似仲好食過佢咯！唯一可以讚係佢唔太甜 … 但係芝麻味亦唔見濃，整體嚟講，蒙住眼真係唔知食咗啲乜！之後紅豆沙加湯圓亦係經典！紅豆沙冇沙冇豆， 酒樓婚宴送嗰啲紅豆沙仲好食！湯圓個皮唔知點解好硬！好似雪藏雪到就嚟過期嗰啲湯圓！其實買超級市場急凍嗰啲湯圓煮，十六少奶都好有信心煮得好食過佢…當然我知道呢間甜品舖係食榴槤pancake起家嘅。冇問題呀！如果冇心機整其他糖水，咪買返pancake囉！唔好亂咁整啲嘢出嚟畀人食，浪費人哋啲錢，同個胃ｄ位啦！

咁今晚就同朋友諗唔到去邊，又口淡淡，就渣車入左深井食宵夜。我地叫左個香蕉班戟同埋榴槤飄香。咁個香蕉班戟入面有舊香蕉，啲cream味都冇蓋過香蕉味，但個皮就比較硬身少少，可能因為咁岩唔係岩岩整出去黎，但味道都算ok。咁佢個香蕉既口感就都唔會話雪到硬身，仲係正常香蕉，外貌都算ok。另外個榴槤飄香就好啲，味道都幾吸引，佢保持到原本既榴槤味，同埋榴槤同糖水既份量都有50/50，再加上少許西柚肉，令碗糖水既口豐富啲，外貌黎講都算不過不失。總括而然呢2款都算過得去既，但份量就唔算好多。

芒果之夜———————甜品一向我最愛，夏天當然食芒果！而去深井食燒鵝之後，無理由唔去原祖級發記甜品朝聖！可能心理作用，覺得呢間比其他分店更好吃！芒果水晶粉楊枝金露———————又到左芒果季節了，香甜芒果配爽滑水晶粉最好不過！而柚子又超fresh！加埋最正嘅深井夜景，大滿足！ 不過深井交通就真係唔太方便，食完已經無車出青衣，唯有座紅van出佐敦！👅：👏🏻👏🏻👏🏻💰：👍🏻👍🏻👍🏻👍🏻

沖繩黑糖豆腐雪糕與布丁，其實是一球豆腐雪糕，一杯豆布丁竹口和一小杯沖繩黑糖。豆腐雪糕有著濃郁的豆腐味，配上沖繩的黑糖是不錯吃，豆腐布丁淡近冇味，或許該要先吃布丁，才吃雪糕吧！也許飲食業聘請員工很是困難吧，是晚店舖內提供服務的店員明顯不足，服務明顯大受影響，我說是想找個人落單，都等了很久，才有人為我們落單，食物上桌的時間，則尚算是可以接受，但結賬卻遇上煩煩，櫃臺可以沒有人駐足達數分鐘來，可恨沒有零錢，否則放下金錢走人便是了。