發記甜品 (已結業)

四月三十日 (星期四)吃完Citysuper,滿記本是在同一地點的,但我們都認為發記較好味,於是便去了...今次老公仔罕有地不吃榴槤飄香,取而代之,選了芒果紫糯米是凍的,還有很多很多的芒果老公仔話芒果很鮮甜,吃芒果旺季似乎步近了至於紫糯米,很清甜,特意配上粟米,增加口感和咬口,值得一讚至於我依舊吃了木瓜豆腐花它永遠是我的至愛木瓜很鮮甜,吃得出絕無浸糖水的而豆腐花很香滑,加上木瓜是一絕配吃甜品,我們首選發記!!!

二月十八日(星期三)吃完burger後,不覺得飽,可以吃個甜品才回家又是發記了!老公愛吃榴槤飄香,我也愛上了木瓜豆腐花榴槤飄香的榴槤來貨好!很飄香,但是是預先弄好,所以雪得硬了點我的木瓜豆腐花非常好味!因為木瓜甜!而且豆腐花滑!!一流!吃完甜品後滿足的回家去了!

tried their "yang zi gum lo" and was surprised by how much mango was in there. it is a LOT LOT better than hui lau shan.also tried their black sesame "tong yue" but was disappointed. size is small and not really special.

中環行到銅鑼灣, 終於唸到食乜糖水, 發記未食過又成日排長龍, 忍唔住要試下先~榴槤飄香$26 比咗舊好似係榴槤最邊近白色嘅肉, 偏硬, 好失望呀! 柚子又係唔靚, 細粒又冇汁, 同西米都勁少....食過咁多間至差呢次, 唔係時候食榴槤, 自己蠢咗冇計~黑珍珠意式涼粉條$26 本來想比苦臉, 因為勁少黑珍珠, but唸唸下d涼粉條都幾得意, 算啦~不過太甜喇, 阿妹食完嗌嘈哂要飲水@@P.S. 雖然只食咗兩款, 可惜都not my cup of tea~ 大家同意冇下次....

等緊老公放工, 我走咗去發記買糖水外賣帶返屋企食, 天氣凍, 我點熱栗子露湯丸, 栗子露味道好怪, 味道唔似栗子味, 湯丸又細粒, 無咩芝麻餡, $23好貴好唔抵。 雖然咁細碗, 但我食到一半都放棄埋, 因為實在係好難食呀! 真係估唔到發記榴槤飄香咁好味, 但栗子露係咁難食

和同事買完電話嚟咗食糖水不想太肥所以叫咗腐竹糖水～　點解咁似維他奶既．．．．我同事都覺呀唔通佢吔用維他奶當腐竹糖水？？？＄１３元貨仔唔通就係咁．．．

星期六下午三點三, 嘆吓甜品都唔錯, 本來想去池記, 但見到隔離街間發記, 不如試吓, 點都係甜品專門店. 服務員態度良好, 點了兩碗腐竹薏米糖水, 一個焗榴槤酥皮卷. 等了差唔多二十分鍾, 糖水先到, 啲糖水唔係一早煲好咩! 當時又唔係咁多人, 酥皮卷都話要焗呀! 結果再要等多二十分鍾. 糖水一般, 酥皮卷幾脆, 可惜榴槤太差. 整體食物質素一般. 但最令人反胃的是, 在等候其間服務員到櫃內放鞋, 拿鞋穿, 再serve 食物, 令胃口大打折扣.

十二月十七日 (星期三)吃過榮記車仔麵,不夠飽 天大的籍口再食甜品又再來發記,老公仔"燜蛋專一"地吃了榴槤飄香,他說可能現在不是榴槤的旺季,只是不過不失呢而我就試了新配搭--木瓜西米露,竟然有驚喜,而來是如此的好拍擋,木瓜甜度適中,再加上西米軟綿綿的口感,令到我很滿足...甜品就是這樣,只要很嘗試,左撈右撈,可能會撈出新驚喜

上周一,為止清心丸的心癮,加上感到極之燥熱,便到這裏買糖水外賣. 在門外考慮良久,一直找不到心怡的清心丸糖水,吃慣了九龍城的,實在難找別的. 本想吃清的糖水,想滋潤一點,但沒太多選擇,最終選了熱的清心丸栗子露($23).問過侍應栗子露像芝蔴糊,果然沒錯,很"結",亦很漏,但很香栗子味,不太甜,但吃不碗已覺滯. 慣常吃的清心丸也是在清糖水的,這次配在栗子露,有點怪怪的,總覺得不太適合. 發記長期有人在門外排隊,還要再開分店(利舞臺).其實都不明所以,糖水店很多呀,何以這裏長期大旺,真的這樣好吃嗎? 還是我已心有所屬?

與pumpkin的shopping day再次終結於甜品宵夜,是日去到了鼎鼎大名的發記,盡管當時已是夜晚十點半,門口依然排長龍,原來那麼多人都不驚肥wor入面的位置真是極迫,坐在我們對面的一個女仔抱怨這個座位肥小小都坐唔落,看來我與pumpkin尚不算肥pumpkin中意湯丸,所以叫了紫米露+湯丸,在下原本也想叫湯丸,但後尾發現此店只賣芝麻湯丸而無我至愛的花生湯圓,於是轉去order了腐竹薏米+豆腐花,兩人還決定share一份榴蓮糯米卷,亞姐很有效率,落左單不到三分鐘糖水便上來了先說那兩樣糖水,兩人皆給了高分豆腐花很滑,腐竹薏米甜度適宜,湯丸很細個,亦不似普通芝麻湯丸那樣油及甜,紫米則煮得軟硬適中,香味四溢,比起西貢的滿記有過之而無不及但跟住的榴蓮糯米卷卻與糖水有著強烈的對比,果樣雖然幾吸引,但咬下第一啖便心之不妙,裡面的榴蓮竟然苦苦地我們兩個本就不是極愛榴蓮之人,吃到這樣的榴蓮食物更是no comment了,下次若是再幫襯發記,還是安全為上,叫個芒果糯米卷吧...榴蓮退散!不過因為那兩份高quality的糖水,我仍決定給是餐一個笑面,相信還會有下次的

十一月十二日(星期三)是日甜品就是老公仔喜歡的發記!他想吃吃"久"違了的榴槤飄香!等了一會就有位了!坐近門口呢!我要了木瓜鮮奶,但是正想老公仔滿心歡喜地叫榴槤飄香時,原來,售罄了!於是他要了芒果紫米露木瓜奶不錯,應該說很難弄得難飲呢!老公的果紫米露就比下去了!先說芒果不甜,帶點酸,可以原諒的,因為不是時候呢!而紫米酪又加了很多東東,如粟米等,好像不太match...

論榴槤甜品,老公仔首選發記,認為到現時為止全港試過之中最棒的不過上次(都很久以前)吃過的是"苦"的,留下了陰影,今次"久休"之後再試返來了!好味的榴槤忘返,老公仔真的食到"流連忘返"...很陶醉...而且今次吃的榴槤份量幾多...好香...老公仔很滿足,但佢話而家唔係食榴槤既季節,有咁既質素已經好好...至少重拾對發記的信心而我就鼓起勇氣(因為怕肥)叫了芝麻糊+芝麻湯丸...老公仔都嚇了一跳...不過又真係幾好味,內外都是我愛吃的芝麻...不過美中不足係個芝麻糊淡了少許...發記在利舞臺會再開多一間分店...大家以後不用等太久呢!

以賣相來講，相比紅磡既甜品工房D"藝術甜品"（嘿~~我改既個名，因佢D甜品賣相超靚，成個藝術品甘款），發記呢度D甜品比較平實，但味道就好好！我食得最多既系紫米露加湯丸， 紫米露煙煙韌韌，湯丸滑嘟嘟，咬得又飲得既甜品，一次滿足我兩種口感 次次點個焗香蕉酥皮卷 上枱果時都可以感受到佢個 “熱辣辣”，呢種新鮮炮製既感覺 正！但好多人贊既榴蓮班戟，對於我呢種唔好榴蓮，驚榴蓮味既人就一D吸引力都無啦，所以至今都未食過。

次次來發記，都應佐佢個店名 甘——發， 好多客，我次次來都拎票等....冇計啦，邊個叫呢度D甜品整得好食咩，當然就吸引佐好多同我一樣“以食為天” 既食友啦....等下都無所謂啦。拎佐票就同女友轉下周邊再翻來都差唔多有位一定要講下個 楊枝甘露， 我同女友都系 楊枝甘露既超級愛好者。大大粒既芒果肉 、蜜柚加上西米 組合得非常好。蜜柚D汁酸酸，而個芒果都好多塊，幾乎一碗就有成個芒果甘多，果肉口感十足；食落口 有甜有酸，味道一中和，正！ 最難得既系次次來食，都有番呢個水準。呢度既栗子露都好好食！ 食落滑滑，而且唔系度度甜品店都有得食。

食過了下午茶，我們決定去吃一個甜品作為終結。最後還是決定了來這裡，因為"就腳"的原固~因為喉嚨不太舒服，我選了川貝燉海底椰，女友要了個糖不甩(糖椰另上)而食友K剛要了個西瓜底的甜品。川貝燉海底椰清潤而甜度適中，吃過後喉嚨的不適也得到舒緩，不錯~ 食友K的甜品則不過不失，還算可以。而女友的糖不甩已在薑糖水中煮至轉色，變得外層少甜而口感煙韌，那些椰絲、花生碎和糖也變得不再重要了。就這樣，帶著愉快的心情離開了銅鑼灣﹔而下一站那裡的食物，真是有點意想不到.....