發記甜品 (已結業)

以賣相來講，相比紅磡既甜品工房D"藝術甜品"（嘿~~我改既個名，因佢D甜品賣相超靚，成個藝術品甘款），發記呢度D甜品比較平實，但味道就好好！我食得最多既系紫米露加湯丸， 紫米露煙煙韌韌，湯丸滑嘟嘟，咬得又飲得既甜品，一次滿足我兩種口感 次次點個焗香蕉酥皮卷 上枱果時都可以感受到佢個 “熱辣辣”，呢種新鮮炮製既感覺 正！但好多人贊既榴蓮班戟，對於我呢種唔好榴蓮，驚榴蓮味既人就一D吸引力都無啦，所以至今都未食過。