發記粥麵

營業中

休息中

下晏來吃巳沒有炸兩了, 被迫吃齋腸, 幾滑皆因多油, 醬汁一般, 甜醬唔多甜反而好似有dd酸, 豉油又過咸了一點點, 反而碗粥又幾好, 魚片鮮甜又唔鞋, 粥底又綿又滑。呢度另有幾款齋腸同粥品供應。

發記D腸粉同炸両真係好好味！腸粉次次都起碼食２碟。超級滑。

從上夜校得知今次介紹既有冷氣既大排檔位置，座落係全港造價最貴的綜合大樓(包括圖書館/室內運動場/熟食巿場/政府部門辦事處等等) 內，當然要遊一遊丫。星期一還是假期，約左班網友行八仙嶺，其實該朝早天氣不太好，但有理冇理出左去先算，預左屋企唔叫我起身，便自己攪掂，幸好還不太遲，九點半便到達，行左round之後，便在一間粥舖落腳，順便做下“柱男”。叫左豬紅艇仔粥及炸兩，炸兩未淋曬，除左豉油外，其他醬料都係自由式；至於粥，都算係幾多料同埋正宗，有一樣好怪，就係食到底都好熱，不知係落左油，還是隻碗預先整熱左。向來不喜歡遲到既我，用左15 分鐘，匆匆忙忙完成早餐，然後飛咁快去等候的地方，事後得知他們原來也是在同一層食早餐，佢地又見唔到我，我又見唔到佢地，是鬼um 食，還是有緣無份呢？