百份百餐廳 (啟朗苑)

營業中

休息中

叫咗個下午茶餐，自選兩餸配粉麵，咁我就揀咗炒蛋餐肉公仔麵。嚟到發現錯咗，炒蛋變咗流心蛋，奈何本人係唔食生蛋，咁咪同職員反映個蛋錯咗。職員好笑啦，佢話：「睇唔到」，得！咁我開返電話落單紀錄俾佢睇：「下！呢度寫住炒蛋喎。」跟住佢拎走咗碗麵，再返返過嚟話冇晒炒蛋（好好笑，你到底係冇蛋？定係你唔想炒？咁你夜晚晚餐有個蝦仁炒蛋又係咩一回事？）。我同佢講你冇炒蛋可以同我講，我可以轉做熟蛋，因為我唔食生蛋，但佢竟然唔理我，我再同佢好大聲講，我唔食生蛋架呀姐，即係流心蛋，佢先有反應，又拎咗我碗麵去，我聽到佢同廚房講拎返去煮返熟，咁我碗麵都腍晒啦，俾你咁舞黎舞去。跟住我就話唔洗換，當我黑仔，呢個時候有其他職員介入，跟住就話幫我換過碗。（其實都唔想換，但佢已經好快手拎走咗）跟住又有炒蛋啦喎，我咪問職員咁得意嘅唔係冇炒蛋咩，佢話本身茶餐冇得轉喎。我話係你哋QR code度有得揀架喎，冇得轉就唔好俾人揀啦。佢又再兜話係更新咗佢哋都唔知。全程一句唔好意思都冇，好似我唔食生蛋係我問題，麻煩到佢哋咁款。有冇搞清楚其實係你嚟錯嘢？

上個禮拜同學介紹的，然後就來嚐一下。味道：蔥的味道有點沖，不是很好吃。豬扒的口感很不錯，軟軟的。門店：六點不到的時候去的，人挺多，需要排隊才能吃。位於二樓，要做電梯上來。

今日行街行到好攰，想搵個有冷氣地方坐一坐，順便食個下午茶，休息一下🥰🥰🥰見到百份百餐廳有「紅豆西多士配炸雞翼」嘅下午茶，睇相覺得好好味，一於叫嚟試一試先😘紅豆西多士一上枱就好驚豔，真係好厚好厚，目測應該有10 cm咁厚，喺香港食過最厚嘅西多士👍🏻多士偏濕，唔算Zaza最鍾意食嘅質地同口感😛厚厚西多士嘅上面都算多紅豆，紅豆嘅味道正正常常，冇話特別好食，都唔算難食至於炸雞翼真係好酥脆，好好味

個飯滷肉炸雞飯食到一半，發現炸雞未熟入面生肉，同侍應講。我都未講完，個待應語氣好差凶我地講:「你都差唔多食晒你想點呀？比返兩嚿雞你囉！」 我成家呆左，好似我地做錯事。第一，我碟飯係仲有一大半。第二，我冇諗過要你退錢或者係俾新一碟我。我通知你注意下仲要好好語氣。真係食到一肚氣！

今晚家中無人煮飯，個個出曬街，只好自己一人落樓下附近食個晚飯。來到啟朗苑一樓的百分百餐廳，剛好六點鐘開始晚市，我就點了咕嚕肉，原盅燉湯和凍檸水。酸酸甜甜的咕嚕肉開胃，但味道較濃，不能全吃。燉湯反而清淡無咩油，做得不錯。整體ok

今天想入九龍城找這間食店但根據這裡的地址卻感到一片迷茫，地下101號有點不對，在地下(G)找來找去也找不到，最終找人問才知還要搭乘扶手電梯或升降機才行，但這裡其實只搭升降機就上到去。由於是下午茶時間，入座率大約有七成，見尚有幾張空枱所以沒有取輪候票，但沒有職員來招呼故自行選了雙人位子坐下，坐了不久才有位女侍應拿了杯水給我，跟著便點了餐及飲品，當其時店內也有數名侍應，很繁忙的往廚房裡出入，約數分鐘餐飲就來了，再隔了約十多分鐘，見其他客人的餐點也到，我的還未來，便想問侍應看看，可是我招手或侍應從旁經過也不理會我，結果等多數分鐘後餐點才來到，說實在下午茶雖然份量是少但黑椒味卻不太夠辣味，牛肉偏細小份量也只有4-5塊，凍檸水沒有檸檬和一般茶餐廳味道不太一樣。

星期日食晚飯，點了蜜桃咕嚕肉，出嚟竟然冇蜜桃，仲同客人講幾日都已經冇蜜桃，唔食就𨍭另一樣嘢比你，但餐牌上你係叫邊樣冇邊樣，冇貨就同客人講清楚，亂炒一碟咕嚕肉比客人，相片及菜名根本與實物不符，簡直貨不對板，真係好失望，餐廳食物質素其實唔差，希望以後有所改善！

連鎖店茶餐廳，出品嘅質素算係比較穩定，味道來講就冇乜特別，冇特別好食嘅嘢，但係都冇唔好食嘅嘢🤣🤣炒粉麵類嘅味道幾好，都算係有鑊氣。但係我比較唔滿意嘅就係佢哋嘅嘢飲，凍檸茶入面根本就冇檸檬，係類似維他檸檬茶嗰種現成嘅檸檬茶，完全冇啲誠意。其他阿華田等嘅嘢飲味道都比較淡。非常一般。如果係比較重視嘢飲嘅話就建議唔好嚟呢間食啦，因為你一定會失望嘅。員工嘅服務質素就係一般嘅茶餐廳Level，基本嘅服務係有嘅。

本人於今天（8月11日），下午三時惠顧啟德百分百餐廳，有個男侍應上錯食物給我，之後其他同事要我接受上錯既食物而家係價錢比較貴。不過那個男侍應完全沒有來道歉，好像他完全沒有負任。而且又話衛生問題不能換，我都未食過我本身個食物都已經推過嚟，都唔換比我。

千祈唔好幫襯，我9月2號晚上8:30在啟德叫外賣超級三色焗鮮茄豬西蘭花，諗住有菜有肉，點知乜都冇，標題極之誤導，只有一小粒西蘭花，冇蕃茄，我問店員點解冇番茄西蘭花咁細粒，只有一粒，佢竟然答全部係用汁去代表，好離譜！外賣只有意粉及一堆肉，食落都唔開胃，汁醬又唔多，乾爭爭，我打電話去同店員反映，完全將責任推落客戶身上，仲話我唔了解佢哋餐廳做法，仲好意思講有時會比番茄有時係冇，有冇搞錯，佢知唔知自己講緊乜，根本誤導消費者。

呢間餐廳平時過左7:30pm好多時乜都話無曬, 都唔明集團式嘅餐廳點解可以咁，定係廚房部覺得夜，怕麻煩，只係想專注做某幾款少量菜式？你煮嘢都俾啲誠意啦，呢個薑蔥霸王雞，切完求其掉上隻碟度，連薑絲都懶切，睇見都唔想食。

諗住食個快飯，以為百分百快靚正，點知個揚州炒飯都係由落單起等左半個鐘先有。出到黎個飯比起其他分店頹好多，一啖鹹一啖淡，平時食到成個飯，今次只係食到6成。個飯黎左五分鐘就催埋單，完全係趕收工咁。最後我都係快快手扒埋個飯，15分鐘就食完，咁快過等。啟德附近實在冇咩好食，希望d大商場落成後會好d。為左表示我既不滿，最尾個50個字我作都要作埋佢，就係為左依一個負評。啟德居民太多，配套未夠，想食餐正常d都難。

等左足足45分鐘，仲要比我前既訂單都出左，問又話幫你追，已經唔係第一次咁樣，買親外賣都要係門口外面一直企係度等，等到超餓，d侍應扮睇唔到你咁，問左幾次，服務真係好差，真係好差出餐呢間野，請檢討下

百分百茶餐廳喺香港開到成行成市，今日嚟到啟鑽苑分店食，服務態度良好，環境乾淨衛生，另外菜式都好多選擇！食物上菜夠熱，鑊氣十足！希望好快就可以返嚟幫襯啦！呢間餐廳絕對推介俾大家！

今日去了啟德探老朋友，到左午飯時間，大家都開始肚餓了。老朋友想食百分百餐廳，於是決定試下啟德分店既味道啦。適逢中午食飯時間，餐廳門口巳經有好幾堆人在等待中；有些人在等外賣，有些人在等位堂食。首先擺張電腦飛，然後等待職員安排入座。整體入座流程順暢。職員安排了卡座位給我們，因為繁忙時間，所以被安排與其他食客搭枱，整體座位空間尚算可以。等了約15分鐘，食物就送到枱上。我地點了兩個午餐分別是紅燒豆腐火腩飯同埋芥菜咸蛋肉片湯飯開心share，食物賣相吸引。紅燒豆腐火腩飯：豆腐表面有小小煎過，豆腐邊緣有些小脆口火腩肥瘦比例適中，調味不會太咸，唔錯。芥菜咸蛋肉片湯飯：芥菜同肉片既味道融在湯中，帶出鮮味，湯係熱辣辣，再配健康藜麥飯，食出健康來