百份百餐廳 (啟朗苑)

營業中

休息中

食物份量好多，成日都黎食，好味過其他連鎖茶餐廳呀😆推薦早餐性價比好高，3十幾蚊就有咁多嘢啟德居民友好嘅餐廳可能樓面人手比較少，所以未必會好快點到餐。不過不過不失的。

星期日訓得晏，5:30落樓下見重係下午茶時段，食番個tea，餐廳入面唔算多人，好多吉位，唔明落單叫個亞姐似唔想理人，佢都係準備更換緊啲晚市餐廳，fill番啲餐具之類，有咩咁忙，叫勁耐先過黎，似佢做緊野我煩到佢吹佢落單咁，態度極之差，唔會再幫襯

從來沒有在openrice上寫過差評，這次真是忍不住。午餐點了蒸魚，12點55分落單，一直在店外狹小空間等，人又多又熱。中間幾次詢問，都是沒有。最後半小時後實在忍不住說要退錢，1點26分終於拿到。外賣等半個小時已經離譜，最讓人生氣的是長頭發女店員，直接大聲吼我！“我只看你取餐時間，現在只過了一分鐘！下次不要點蒸魚！”。引來不少食客測目，當下真是又氣又丟人。試問哪間外賣等半小時是正常？？還有，絕無下次。

今日叫左2份 蕃茄雞塊米線 lunch set， 加＄10各要2杯野飲：一杯凍檸茶。一杯凍幸仁箱點知店員以為我地2個 只係要一碗米線😳😂後尾睇單先知店員誤解了😉結果等左勁耐第二碗麵先黎到服務不週麵食不過不失

第二次係呢間店買外賣,上一次我叫晚巿外賣自取即場落單用左25分鐘, 疫情嚴峻時段叫外賣多訂單理解, 今日星期日早上10時左右去買1個早餐外賣, 我係門外等外賣嗌號碼, 今次全場座位只係坐左一半多D, 樓面人手都走黎走去係理解有幾忙, 門口個安心出行手機成日掃唔到個code, 塞實個門口, 攪到個收銀同落單職員成日走出黎招呼掃code, 仲見到D樓面推車仔送餐邊叫睇住小心照撞落個客度, 個客都體諒無投訴, 碗湯面無3分1湯水都照送餐, 睇完D小插曲, 望望外面4至5位外賣等囉朋友, 感覺應該好快到, 最後我足足等了20分鐘先到我拎外賣, 前我2個籌既等外賣朋友屋企人都打俾佢做乜咁耐, 2次既外賣體驗非常差, 我唔知係咩原因可以咁慢, 但係如果你真係肚餓或者趕時間, 我強烈不建議, 我唔覺得樓面職員唔勤力, 我只係覺得D管理層做得好差, 睇到無了解真正貼地營運流程, 只係著重環境同食物。

話明蔥花蝦仁叉燒炒蛋飯，返到去睇冇左叉燒，連粒都冇，天時暑熱，唔通返去攞返咩，唔該廚房認真點，拜托，被騙。一樣還一樣，對事唔對人，食物味道ok 既，如唔係漏野，會俾90分。

由放尋日5點左右落大雨，就試下透過OpenRice裏面嘅外賣自取落單，等個餐預備好睇下會唔會細雨d再去取餐。17:13已經開始預備我張單，17:30顯示可取餐又幾快喎，大雨都撲去攞啦，點知去到d姐姐話仲未攞得！咁點解系統顯示可取餐😳，問下d姐姐等幾耐啦，無應又無追，難道聽唔到我訴求？咁唯有等…下午茶3個餐需要半小時制作(趕時間切勿幫襯），攞餐嗰陣不禁呻下等咁耐，d姐姐依然故我，目無表情行開，同機械人無異🙄

老實講我屋企算係呢間分店常客，平日買晚餐，假日買早餐/下午茶，我自己好鍾意飲佢啲奶茶，亦係我自己成日叫屋企人幫襯，今次真係超激氣！起碼一個月唔準屋企人再幫襯！！不論任何分店！屋企人電話落單3個餐兩個燉湯，我收工順路去囉，張單落單時間係19:17，我19:45左右到。$240我百達通唔夠錢，唔想增值住，問下可唔可以分開比，收銀個阿姐（短髮）唔知做咩好大聲咁應唔得電話落單唔可以分，我自問態度OK，問下jer，唔得就唔得囉使唔使咁大聲，我覺得佢應該係辛苦左一日將Ｄ脾氣發落我度囉，或者係呢幾日有消費券太好生意好辛苦，但係關我咩事，又唔係我害你！當我低能問多餘嘢。我埋邊增值，一分鍾內19:47再去俾錢，收完錢同一個阿姐話我個外賣未齊，已經半個鐘仲未得？！我一黎到已經見到疑似我份外賣，我以為搞掂，一袋3個飲品，一袋野食連5盒圓盒，根據我呢個熟客經驗，果Ｄ係3飯2湯。未得通常唔會攞出黎，同埋都已經半個鐘。我有Ｄ奇怪🤔，不過我又無黑面或者鬧收銀姊姊，心諗佢唔會玩我，應該係真係未得未齊。我企係正門玻璃門口等，直望住我果兩袋野食等左15分鐘……. 無人加過嘢入去… 收錢姐姐有巡視過無人囉既外賣包括我果兩袋

而家人人都講「屯馬開通真的很興奮」，依間百份百餐廳就係位於啟德站出口，地點十分方便。餐廳有好多卡位，以茶餐廳來說，座位總算坐得舒適。午市套餐好多選擇，成個餐牌都係，粉、麵、飯、小菜、湯米都有。第一次嚟堂食，我就叫咗一碟街邊乾炒牛河，連埋凍奶茶少冰都係$56，價錢叫做中規中矩啦。乾炒牛河好有鑊氣，唔油膩，調味方面好啱我口味，不過如果牛肉可以再多番少少咁就更好😋凍奶茶都唔錯，大大杯，有茶味，甜度剛剛好，唔錯呀👍🏻

近排來得啟德多，就來將呢度變成飯堂咁滯，主要原因係呢一帶真係無乜嘢食，加上呢間餐廳質素都幾好，咁就繼續來，試埋其他出品早餐尾段，午餐未開始，等位情況都係一般，今次就無等到位直接入坐，來過就大概知有咩出品，好快就嗌左焗飯🍽<墨西哥瘋狂辣肉醬焗豬排 $51>姐姐落單嘅時候好窩心咁告知焗飯要等20分鐘，姐姐又俾早餐時段偷步落單，所以等左一陣就有得品嚐來到熱辣辣，份量係多嘅，最驚喜係佢個豬排係超級超級超級滑，第一啖食落去以為係食緊雞排，食到有豬肋骨先確認係豬排，唔錯唔錯，撈埋辣辣地嘅肉醬幾特別，好味，呢個焗飯下次可以再嗌🥤<凍奶茶少冰甜 $3>反而今次個奶茶就差少少，睇色水都覺得茶唔夠濃，加埋少甜就更加水水嘅感覺

食咗百分百好多次，今日終於決定寫食評。我覺得佢最出色係燉湯，好足料，不過份量好似比以前細咗，以前用好大個湯碗，今日用咗細湯碗。金銀蛋莧菜都好好味，菜心好入味。薑蔥霸王雞好厚肉，高質素。不過以前都間唔中試過隻雞好瘦唔多肉，所以今日好驚喜。反而咕嚕肉就麻麻，個汁好杰，太黏。仲有紅米飯，以前好多糙米，但係宜家得幾粒，有少少失望。不過價錢確實超值，$176有埋燉湯，仲有咁大隻雞，另外個菜又好出色，雖然其他有少少缺點，不過算啦。

以前搭飛機先會來啟德，宜家係搭地鐵都可以來到Lunch時間起啟德宜家無咩選擇底下揀左呢間來嘅時候已經有條長隊排緊，幸好同行率先攞位先唔洗等，感謝樓面佈置好有工業風，電線，照明燈，鐵片互相組合襯托，並將店內主打菜單化未裝修風格一部分菜品係茶餐廳菜系，應有儘有，今次選擇傳統中菜🍽<梅菜扣肉飯>份量好足，擺盤整齊，扣肉、梅菜、醬汁味道平衡，扣肉入味肉淋加埋梅菜鹹香配飯底，啖啖滋味👍🏻👍🏻🥤<凍鴛鴦>少冰甜係個人習慣，茶啡奶有色水上睇都好靚，飲落個味都出，無搶味PS 米飯中除白米之外仲加左super嘅藜麥

2021年4月18號下午三點零六分，去啟朗苑分店買外賣，買左個下午茶炸雞髀配薯條，+$6加個雪菜米線，叫左杯熱華田，返到屋企，一飲杯野，竟然係一杯有檸檬味既阿華田？！搞吓佢，仲有一堆奶白色凝固物飄浮！！好恐怖即刻唔敢飲！！其實係咪之前沖錯左檸水或者檸茶之類嘅野，之後倒左但個杯重覆再用返？阿華田溝左檸檬！有冇攪錯呀？！？！ 外賣仲要逐個盒計$1 ，我一個餐有兩盒野竟要收$2！仲要俾杯酸味阿華田我，真係下次都唔想幫襯你！！

百份百餐廳是我最喜歡吃的餐廳之一，價錢比一般快餐店高少少，但性價比高同出面100多的海南雞飯更好食，60元海南雞飯，加8元可轉大杯的紅豆冰，肉質嫩滑，有少少雞味。平時怕肥唔敢食雞皮的我，但這個像水晶粉皮一樣滑溜，吃少少也可以加上三色的醬汁，我特別喜歡那個甜豉油和薑蓉，配上雞髀肉(彩數，真開心沒有太多胸肉)特別惹味! 這間啟德分店算大方，多雞肉，上一次第2間分店好少的。吃得太飽，餐還配八角蘿蔔湯送黃飯，是幾好飲的。另一個新嘗試叫焗鴛鴦扒飯約50元多，我冬天特別喜歡吃暖笠笠的焗飯，白汁雞扒好脆皮，好滿蕃茄汁的豬扒又好肥美，一白一紅，再加上厚厚的芝士去焗，連飯也吃多2口，這個餐我配上即磨咖啡咖啡，又大杯又好飲，唔會好似一般茶餐廳的苦澀咖啡味，水準像cafe 的也算不錯。

Lunch前公司有啲手尾做，所以就兩點先食lunch，錯有錯着，就叫到佢下午茶嘅火腿炒蛋菠蘿包 去啲餐廳，好怕餐牌見到一個樣，嚟到嘅食物又係第二個樣，但係呢個包，黎既竟然比餐牌相仲靚， 十分開心 而且只係$20 ，就有一個炒蛋火腿菠蘿包，加嘢飲，下午茶來講認真一流！ 炒蛋好嫩滑，菠蘿包都熱！ 推介！ 同屋企人share嚟食，所以我就揀咗個午餐：冬菇蒸雞飯我唔係第一次食呢個飯，上次覺得幾好味，所以就再嗌上次食係咁嘅樣嘅： 今次係一對比就知，我今日運氣麻麻，黎既係雞骨雞頸多，食到嘅肉唔多，所以今次都有少少失望希望餐廳嘅質素可以更加穩定！ 另外唔記得影嘅檸檬茶，依家依度已經唔係用原片檸檬沖檸檬茶，而係用檸檬汁去沖，鍾意自己調校酸度嘅人例如我，就麻麻哋啦！ 最後附下午茶茶餐餐牌，俾大家參考！