百份百餐廳 (富亨商場)

營業中

休息中

今日係富亨廣場附近做野做完剛剛好Lunch時間，就入左呢間百份百餐廳醫肚啦餐廳好多人，幸好我呢啲獨行俠可以搭枱唔洗等無辣不歡既我就揀左個招牌四寶麻酸辣米線意想不到咁好食之後再黎附近做野可以唔洗左煩右煩搵餐廳了

熱辣辣的星期六下午，睡醒已經下午茶時間，外賣一個公司三明治$33，未見過麵包咁厚的公司三明治，好懷疑廚師既技術。無青瓜，厚雞蛋代替了沙律蛋，難食午餐肉，因為塊麵包實在太厚，餡不多，完全不像公司三明治。三十幾蚊實在太貴

首先講一坐低，當我諗好想叫野食時，我四周圍都無一個伙記，我再望，原來佢地企埋一齊吹緊水，咁我咪舉高個餐牌係咁"Fing", 我fing咗一陣feel到唔對路，仲係無人過嚟，我望住我隻錶，我真係fing咗2分鐘，先有一個伙記見到我，但係佢唔係行過嚟，佢係大聲叫等等，吹埋水先過嚟.....野食到咗之後，真係好難食，啲意粉唔知佢點整，入口即溶....而我朋友碗米線，我一睇唔知仲以為佢叫咗碗撈面，碗野無湯。。。於是想叫伙記比啲湯，同個年紀大小小嘅女伙記講完後，佢望一望我，跟住行開咗，但又唔係行去水吧方向，大佬，咁你即係聽唔聽到？為免再叫啲伙記，因為好難可以截停佢地同佢地講野，所以我自己行咗去水吧問佢可唔可以比啲湯我，係依個時候，有個伙記就响我後面講，先生，你叫咗我會攞比你架喇，下次唔好自己攞喇，我當時真係無言。。。仲有下次，唔好喇，多謝哂

中午時間，周圍都多人，唯獨這一間餐廳不用等位，環境不錯，但...舉手落單，有一個侍應視而不見，竟然「擰轉面」，另外兩個侍應就傾閒偈唔理客人，數分鐘後才有人過黎...叫了肉絲炒麵及芝士汁野菌雞扒意粉，肉絲炒麵尚可接受，但個芝士汁野菌雞扒意粉，是我個人黎講，暫時是一生人之中食過最差的意粉。芝士汁一Pat Pat，似凍左凝固後的感覺，看了已沒有胃口了  意粉碎濕濕，幾乎夾唔起，食落口淡而無味，估計是預先煮好意粉後放埋一邊，而且放左好耐好耐 還有，點解冇野菌？個名叫「芝士汁野菌雞扒意粉」，請問野菌在那裡？算吧，本想問一問侍應，但都是放棄了...總結，不會有下次。

嫩雞煨米線，d雞林到無質感，D菜又似返用，等又等左半追單又追左無限次，黎到，同碗廚餘一樣，無可能食用，浪費時間浪費金錢富亨可唔可以租比間有心做既餐廳唉，真係“百分百”無下次！

返完夜間諗住食埋早餐至回家睡覺所以去了富亨邨的百份百食早餐。門口明明寫了6:30am 但多次於七點左右去都未開燈，要有客入去至有人開燈……今天選了一份有煎豬扒、餐肉、炒蛋、香蒜多士、加四元的火腿通心粉和凍奶茶少冰多奶～煎豬扒尚算軟冧易切、餐肉一般、炒蛋完 全不是炒的而是將蛋打散煎至全熟，唉真失敗！伴菜有茄汁豆和粟米但没有咩味。～火腿通粉比我自己煮的還要差如果不是想吃飽回家午餐也不吃的話真的可以唔加！～多士算有些牛油和蒜蓉香味～凍奶茶每次話要少冰但從未有一次是少冰的，茶也不好喝！百分百這餐廳無論早、午、晚餐也不好吃而且貴所以很多時我寧願走到大埔中心吃東西好過吃這間一無所值的餐廳吃東西！

無數次參考Openrice的評分，都未有想過要登記成為會員留言評分，能激發起我的第一次，還是要多謝這間「百分百餐廳」。先清楚交代負評原因：2014年3月15日中午，我與家人到「百分百餐廳」午膳，分別點了「鮮野菌乾燒伊麵」、「漁香肉鬆茄子飯」、「滋味焗鮮茄豬扒配炒飯」。跟餐飲品不消3分鐘即送到，如是者我們繼續耐心等待。過了10分鐘，任何一碟仍未出現。望望「上菜紙」，上面印上落單時間為12:05:02，於是向職員查詢，職員一句「我幫你跟跟」，便取走「上菜紙」離開。望見職員真的正在「查詢」，然後過來指「等多3分鐘」。1分鐘後，比碟頭飯更碟頭飯的「漁香肉鬆茄子飯」來到，3分鐘後「鮮野菌乾燒伊麵」亦隨後出現，我與家人隨即知道根本漏單未整。味道之淡已經不在研究之內，反正已經耽誤了時間，只想盡快食完離開。我與家人明白焗飯需時較多，因此繼續細心等候。然而，等待的過程中，多次見到職員從廚房端出焗飯盤，忍無可忍下再一次向職員查詢。「我幫你跟跟」同時取走上菜紙。我們再次得到同樣的回應，但今次一個回覆或交代也沒有！終於，12:38，「滋味焗鮮茄豬扒配炒飯」用了足足半小時烹調後，被送到我們面前！一間平民餐廳，用

有去過富亨村既朋友都知道個度係何其荒蕪餐廳選擇更係少之有少係呢個情況下, 我揀左呢間百份百餐廳做我Lunch落腳點睇到個餐牌有好多各式各樣選擇例如炒野, 湯麵, 燒味同三文治都有我就揀左個我至愛既公司三文治加皮凍檸茶!!等左10分鐘都就有得食啦!!!三文治都幾足料, 有餐肉, 火腿, 芝士等本身都好大期望但拎起第一件就好失望除左唔夠熱之外, 當我拎起左第一件之後D餡跌哂出黎, 好明顯支牙籤冇吉實d餡鬼咁倫盡! 4件三文治有2件都係咁食落去好硬好乾, 就算有沙津醬都於事無補!D麵包烘得太耐!! 要食哂4件真係好吃力!服務態度就不過不失座位都幾闊落, 卡位d梳化仲比相像中舒服衛生方面就一般茶餐廳咁但總括而言, 我下次寧願行去大埔中心食!!!!

由佢一開店食到宜家, 質素愈來愈差。早午晚時間我都食過, 一開始大家都好開心有新鋪頭食, 唔洗再食大家樂。初時午餐同夜晚碟飯都好大碟, 一碟足夠我同媽媽食, 大家仲要食得好飽。以前晚飯有個日式咖哩吉列豬扒飯, 兩大塊豬扒, 大碗飯係滿一滿咁多,宜家呢? 就係一個白飯碗調轉放落碟, 加一塊普通吉列豬扒, 我一個人都只係剛剛好,我明食材人工不停加價, 我寧願你加價都唔好將所有質素下調先得架!另一問題係, 我要乜佢冇乜。曾經有一個星期六同下一個星期三, 同樣點酸辣魚皮餃米線, 佢都可以同我講 冇 魚 皮 餃！個時我真係呆左, 咁都算啦以為佢未入貨,有次同屋企人食晚飯, 叫左肥仔牛煲, 佢又同我講冇肥牛問我轉牛肉得唔得, 但一樣價！個下我真係好想問佢 你間鋪頭其實有d咩！前幾日又同屋企人食飯, 叫左個煎蠔餅, 唔知點解咁耐都未到,原來比左後面個台人, 人地仲要遲過我地黎, 真係火都黎, 最終等到所有野食凍哂佢先黎,仲要等左我半個鐘。到頭先食下午茶, 我又叫左酸辣魚皮餃米線, 一心諗住佢又冇魚皮餃, 點知有喎！黎到先好笑！清湯魚皮餃米線！我都原諒佢算數喇, 點知又寫漏單, 我第一個叫既公司三文治

食下午茶叫左份炸魚柳同雞翼…好細份 碟大過食物多多聲 $26蚊先得細細塊魚柳味道麻麻…仲要勁腍雞翼又瘦又乾 $25 好唔抵食，情願食大x樂好過-0-下次咪搞!!!!!!!!!!!!!!

其實lee間係我同同事ge飯堂，有唔少好味ge食物，奈何今次1出report就係寫負面，真係唔好意思。簡簡單單la，叫左個"葡汁焗海鮮飯"，但佢ge海鮮=大過蝦米的蝦仁 / 日式魚蛋片(有太陽圖案o個隻) / 魚肉碎少量.....咁ge料就用"海鮮"兩字收人40蚊，實在要檢討幫佢講返d好說話la，咖哩牛腩飯/麻辣牛肉炒飯等等都好ok的

富亨村向來出名「百無」，無咩野食、係原位的「大排x」集團太難食、由開村住到依家終於等到佢執，對新餐廳抱有期望。食之前上網搵定呢間集團的資料，出名「漏單」，所以特登早D出門口食完早餐去上堂。黎得早所以唔駛點等就有位坐，坐低落單，刻意記住個待應個樣，咁「好彩」漏單有得追。我坐卡位，之後對面坐咗個婆婆遲我十分鐘入黎落單，佢D野食仲嚟得快過我，即刻問個待應(同我入單o個個應該聽到但唔行埋黎)，佢check完話電腦無入單，搞錯!!!我即黑面話我趕時間，個待應話同我即落即整。果然大聲同黑面係有用，好快就有得食，攞起刀叉…咩胃口都無，有灘蛋黃漬係度(影相可能唔係好清楚)，洗碗個阿姐咩事?刀上面的印同漬明顯係洗得好求其，自己用紙巾抹完無咩改善，攞過一把刀算數。講番食物，四個字形容﹕平平無奇如果我有時間，自己係屋企煮好過，等別係荷包蛋唔知點解有一陣水喉水怪味。食食下個類似經理的攞住同我食緊一樣的餐行過嚟，就係我之前落的單，個經理即刻話待應如果追咗單、舊的單要掉。最好笑係我食到尾，本來同我落單又漏單的待應黑口黑面、語氣又惡咁走埋嚟問我「你D野齊啦嘛!」，因為食緊又趕時間，唔係我實嘈。因為坐近廚房，一路睇到