百份百餐廳 (富亨商場)

營業中

休息中

週末一覺醒來已近10點，梳洗後肚子開始打鼓了，提醒需要去搵食。一丁友就到樓下商場食早餐，百份百在年初裝修後，也未有去食過，見門口的早餐餐牌幾吸引，就決定入去試下。沒想過1丁友也要等3個位，5分鐘後安排了雙人卡位，坐得很闊落舒服，且即時給了一杯熱水。點了煎豬扒配餐肉加煎熟蛋（因不食生蛋，所以沒有點招牌的半焗流心蛋），不到5分鐘，早餐就上枱了! 連骨豬扒頗大塊，蒜蓉厚多士也很大塊，整體賣相不錯。豬扒雖瘦但不硬，且是有煎過的；多士出奇的脆且蒜蓉牛油很香，可惜食物只是微暖，而所點的熟蛋，只是煎爛了的反蛋! 蛋白沒有煎過的邊，蛋黃更是9成生……唉……再看看點餐單，明明是寫了熟蛋的…咖啡是後上，頗香，快餐店而言算是OK

同２位大埔朋友Ｏ係樓下食個ｔｅａ，見百分百既選擇比較多，所以就黎呢度喇。呢度有粉麵，焗飯意粉，炸物三文治，總有一款岩食，又可以叫幾樣一齊開心ｓｈａｒｅ！＃黃金魚皮頭麻酸辣湯米線：個湯幾好色水，味道有麻有酸有辣。魚片頭都幾彈牙又唔會有腥味，仲有Ｄ索湯既豆卜做配料。＃皇牌公司三文治：每件都好足料，方包烘底脆卜卜，仲有厚身既煎蛋，口感豐富。＃鮮茄焗豬扒飯：鋪滿哂蕃茄同芝士，賣相靚仔。同埋Ｄ豬扒既份量都好多，唔錯。＃餐飲：紅豆冰，熱菜蜜。

不嬲覺得呢間嘢幾好食，雖然無乜變化，但水準都算咁上下！不過呢輪小咗好多 staff，唔知係咪唔夠人，所以啲態度奇差 .... 早兩日去 tea，睇完食咩，等一輪都無人得閒望到我哋，有個派筷子、糖嘅又唔可以落單，最後搵個四眼男經理 (估係，佢衣著唔同啲）屋企人同佢講等咗幾個字都無人落單，佢就用好輕挑嘅態度問：係，幾多個字呀？屋企人即時火都嚟啦 🤬🤬🤬 當然即刻起身走啦！咁嘅服務態度都得，無下次！😤

食物一般，價錢偏貴都唔講（因為好多人都知）佢嘅職員仲要「失蹤」哂，舉手舉5分鐘都無人理！叫個餐又聽唔到，要講10次，究竟係職員本身要再培訓定集團待客之道要調整？

今天去富亨邨，經過百分百這間餐廳便進去了，外面的裝修算是這附近較漂亮，叫了一客魚香茄子肉碎飯，等了20鐘還未有食物。終於來了，賣相算不錯魚香茄子肉碎飯：醬汁的味道幾香，茄子配上我最愛的冬菇碎，十分惹味。味道不太辣，不愛吃辣的人也能夠吃到。米是加入一些麥子，份外健康。熱檸檬茶的味道一般，與普通茶餐廳不相伯仲。這裏餐牌的款式很多，在屋村的地方能有此多元化的餐廳算是不錯。下次有機會再來試一下其他款式的食物。

Randomly past by Taipo because of work and went to FuHang Estate Walked in this restaurant The environment was quite good but was quite busy during lunch hour The menu had a wide variety of food and I ordered my favourite rice with soup and coffee The food comes fast. It was a nice place if you don’t want to waste time waiting for food in the restaurant The food taste OK and was in large proportion You could get half price discount for drinks if order for food

一直很少光顧這間百分百，因為食物真的很一般，價錢亦唔平。見它新裝修，即管再試試食物有否同樣改善。下午茶時間來到，餐牌沒有什麼可選擇，唯有叫炸雞脾薯條，應該不會太差。誰知雞脾送到，賣相不太好之餘，雞脾頗細隻，上面滿是油。因為薯條全部放在雞脾下面，拿出來時全部是油浸薯條，咬下去口感是淋的，而且成口油。最重點是炸雞脾不是脆，完全沒有炸的感覺，一刀切下去還爆血水，要叫侍應再煮熟。這一餐算是極失敗之作。富亨邨一個小屋苑附近只有寮寮數間食肆，其中兩間已被百分百集團佔據，街坊可選擇的不多，只希望餐廳食物及服務質素對得住價錢。

今次黎食叫咗1個犀飛利咖哩麵，麵好好食炸得好脆，應該係我食過既最好食，而且價錢唔貴，另外價錢都接受到，犀飛利麵份量好大，食1個就飽，叫唔到其他野食，如果多人黎可以叫唔同既野食

啱啱好2點下午茶，經常經都見到下午茶好抵，好多唔多餐揀，2個人叫咗1個炸雞腿薯條同1個芝士雞扒焗飯，首雞脾好好食，唔咸唔油啱啱好，份量又大，芝士雞扒焗飯都好大，唔會好乾，有少少汁，會再食！

這個屋苑偏處一角，食肆選擇不多，偶然會來這裡食個早餐，舊年10月經過，見它大裝修，所以都好耐無來。裝修後，店內完全換了格調，枱和座位全以木造為主，很有質感。現在的茶記都是大玩懷舊原素之類！差不多九點來到，店內沒太多顧客，點了野菌鮮奶炒滑疍早餐。依舊保持水準厚多士，上面塗了蒜香牛油，好味！野菌炒疍，炒得鬆軟，帶有菌香味道！吃了這個已飽哂再加小碗火腿通粉！最後是醒神的即磨咖啡！

裝修前食左個好得人驚，有驚無喜嘅早餐，勇敢嘅我又黎食晚餐(上次早餐竟然有曱由腳，諗起其實都有d驚)今日叫左好耐之前晚餐食過嘅煎肉餅同沙嗲肥牛煲，有驚喜，兩樣都保持水準，好香好香，不過飯係太大碗，一半都食唔晒先上左個肉餅，煎得啱啱好，再加一大碗飯跟住好快上埋個沙嗲肥牛煲，好夠味好杰嘅汁(可以用醬黎形容), 呢個真係次次晚餐都叫，好好餸飯(雖然都係食唔晒)加左個湯，兩杯凍飲(+$3)，埋單$158

快餐餐廳黎講，如果見到百分百，我一定會選擇百分百餐廳嘅。所以今日嚟到富亨邨，我都即刻嚟百分百歎左個早餐。因為佢嘅早餐通常都比較抵，同埋款式都多，而且冇咁悶。今次就叫咗個野菌鮮奶炒滑蛋配牛油多士，再加個輕量嘅火腿通粉加埋嘢飲都係$32 ，真係超值價。當炒蛋嚟到第一刻，係有一啲失望，炒蛋個賣相有點不濟，但係快餐店又係咪唔應該追求佢有賣相呢？！！賣相唔好都唔緊要，最緊要係我覺得今日個廚師落手比較重，成份早餐都偏咸！火腿通粉係好鹹，好似食咗成斤鹽落口咁，令到火腿味都冇晒。蒜香牛油多士，都略嫌咸左少少，但屬於可接受範圍內！總結：第一次食百分百有咁失望的感覺

今人同教友去 happy午飯。 由於大雨，食客較多，要等一會才有7人枱， 安排上枱都幾好。 點了紅白焗飯， 夠熱， 紅白汁 ok, 雞扒豬扒大小適中， 飯量亦可，飯有加黎麩都幾健康， 整體不錯

今日黎到百份百餐廳食個下午茶，店內坐滿9成客人，入去找到個位坐低，侍應一見我坐低就遞上杯水，好快手。擇了個香煎豬扒半焗流心蛋即食麵($31) ,加了$4 轉了出前一丁。煎豬扒大塊，薄切，好細心切開幾小塊，外層好夠咸味，内層可以再入味D。沒有肥膏，偏韌少少硬硬地。餐牌重點的半焗流心蛋，名乎其實真流心，蛋白個邊好脆，個底可能浸左湯就唔太脆。蛋黃剛剛好半熟，七成蛋黃流心，三成蛋黃熟的。跟平常的煎蛋有什麼分別呢？這隻蛋會少油D,感覺會健康D。出前一丁的麻油另上。配杯冰凍檸茶，一個美好的下午。

作為一間街坊餐廳，無人幫手點餐，無人做野，已經唔係要招呼，正常點餐都咁難既餐廳真係好野！ 野食等得耐，野食又少，仲可以錯單！ 外賣出左都掛住吹水 話未有，原來一直放係門口，白等，浪費時間！ 垃圾餐廳一間！！ 開左咁多年，唔知以為係新開，個收銀零幫忙，無侍應又啦請人，咁大間野，仲學人話連鎖食店，不知所謂！！ 一次係咁，兩次係咁。。。如果唔係富亨邨無野食，依間垃圾無員工既餐廳一定收左皮好耐！！ 連少少野都做唔好，野食幾好食都無用啦！其實食左咁多年，該店的食物味道是不差的，在食物沙漠既富亨邨直情係綠洲一樣，咖哩及海南雞飯都好好，一直都好支持，但可惜是咁多年都無改善過服務質素，即使投訴及比意見，但服務照舊，所以先出此評價，希望會有改善，為富亨邨提供一間食物質素及服務有水準的餐廳。