百份百餐廳 (天澤商場)

營業中

休息中

媽咪放假去旅行，冇人煮飯，於是去屋企附近食，選擇左呢間連鎖式茶餐廳，唔使排隊，即刻有得食三人點了4小菜蝦仁炒蛋，之前見人食，賣相幾好，今次叫黎試下，蛋夠滑，不過蝦無挑蝦腸，$70幾蚊比較貴食咕嚕肉，開胃菜式，醋味略重上湯金銀蛋時菜，金銀蛋較少，味道一般$38 炒花甲，抵食之選，味道亦不錯

成日見到呢間餐廳滿座 裝修又夠哂特別 諗住唔差得去邊啦 叫個炒飯應該實無死啦 一黎到 份量都算大份既 夠我飽有突 但一食 wa 咸到呀媽都唔認得😑😑😑一個敢普通既炒飯點解可以做到敢差 落左幾多鹽？🤦🏻‍♀️ 最後都系咸到食唔落+唔夠膽食敢咸就放棄了🤥🤥應該只系勝在位置方便 系bus站一落就系 先會敢多人去 🤥🤥 可能其他食物好食啲？不過已經令我無哂再幫襯佢既意欲！商場敢多餐廳 呢間絕對唔系選擇之一！真系好失望😞😞

只有兩個人吃午餐，來了吃碗牛腩米線。湯底有腩汁，有水準。牛腩不會硬，肉質爽口。米線分量多，有4小碗，柔軟，吸收了湯的味道。白蘿蔔不好吃。侍應較為嘈吵，好壞參半。

第一次食嚟間餐廳嘅早餐，早餐選擇多，仲有我中意食既麥皮😋！所以叫左份無糖麥皮配蒜蓉多士，兩隻半熟蛋轉左全熟煎蛋🍳！餐廳環境唔錯，卡位夠寬敞坐得舒服😌，坐左陣先嚟杯野飲，再嚟多士同煎蛋🤤，多士係飛邊多士，所以食落夠脆同唔會覺得硬😍！之後嚟我最愛既麥皮，餐牌寫係無糖麥皮，但我個人中意食甜麥皮，所以叫姐姐比兜煉奶，落左煉奶，好食好多不過份量唔算大，但整體都係好食既！住附近既朋友可以嚟食下，都係不錯選擇！

好日都唔會入天水圍，今日入嚟有任務，天水圍地大物博，周圍都係天天天，天咩路，天乜邨，天乜苑，搵咗好耐先至搵到間茶餐廳。這間食店裝修好有懷舊嘅氣息，樓底好高，中間天花有把吊扇，全部木枱木凳，香港地道感覺。早餐叫咗個沙爹牛肉麵配腸仔，凍奶茶。早餐選擇都算多， 許多食客都喜歡叫牛扒豬扒，以肉類為主。沙爹牛肉麵唔夠沙嗲汁，好彩個湯底都夠味， 牛肉多筋比較交韌，凍奶茶正常發揮，一解出面炎熱嘅感覺。淨係得個麵加杯飲品已經要三十幾蚊，以這個區嚟講算係貴。

一個人的午餐，正！其實呢間食左好多次，真心幾好食，平時食小菜多，同埋中意食佢個蠔仔泡飯！呢間野幾乾淨企理，坐得舒服！今日一個人食叫左個日式炒鳥冬，好大碟！估佢唔到甘有鍋氣！一個字形容！正！

食過粉嶺同天水圍，覺得水準都一樣。佢地既蝦任炒蛋我都好中意食，蝦肉超級彈牙，但就真係貴左d。其實連苦瓜炒蛋都唔錯，又大大份😂😂 基本上都冇食過難食既。另外每次同屋企人都必食既就係酸菜魚，好大碗，加個白飯都夠2個女仔食。魚肉好滑，而且唔鹹，越食越開胃!!

放假在家，起床起得遲了。吃了個不太早的早餐後，午飯已吃不下了，結果決定去吃下午茶。這家在天澤商場的餐廳，每次來，無論早餐或午餐都要等位。這次來，下午茶時段，人不算太多，馬上進去試試。餐廳的裝修充滿懷舊的氣氛，無論是一桌一椅都是懷舊的設計。墻壁上掛着一幅幅老舊的相片，伴着暈黃的燈光，令人有錯覺，置身於五、六十年代。看着餐牌，點了推介的黑椒牛肉炒意粉和即磨㗎啡。㗎啡送上來的ㄧ刻，已經聞到香濃的㗎啡香味。喝了ㄧ囗，很香很滑，熱呼呼的，令人精神為之ㄧ振。意粉隨即送上來，份量很多。除了牛肉和意粉外，還有香菇絲、雞脾菇絲、紅椒絲、洋蔥絲和椰菜絲等配菜伴着一起炒，香味四溢。試一口，黑椒味甚濃，帶着辣味的牛肉，十分惹味。炒意粉的火候掌握得剛好，意粉不會太硬或過軟。由於配菜多，吃下去完全沒有油膩感。ㄧ碟意粉很快就吃光了。好好味呀！

寫過幾篇食評 從來冇直接講過難食 但今次真係只可以用難食黎形容 晚餐時間叫左三個餐 第一個係中式惹味牛仔柳 同我想像中既係二回事黎架 首先賣相係靚既吸引我去食 問題係酸既用茄汁整既 唔緊要當我自己唔清楚佢用茄汁 我自己冇問清楚 但點解中式既牛仔柳會同薯條一齊炒既😅係都應該係洋蔥啦 又算當自己冇問清楚（我孤陋寡聞原來薯係係中式野黎）。份量多既 食落去偏酸 牛仔柳第一舊都仲好 愈食愈韌 可能係凍左掛 除左第一舊有牛肉味之外其他都食唔到（如果一開始果舊都冇我唔會咁再意）另一個晚餐 水煮魚 近排食得元朗間麻辣XX多又中意食所以叫 嘩 難食到嘔 我一邊食一邊係心入面講粗口 首先 我叫麻辣少辣 冇乜辣味係正常既 但麻都吾麻 全個湯底係油既 喲魚肉有喲腥 有喲有泥味 有喲仲有漂白水味（唔知係咪我錯覺啦）總之好差 配菜有冬菇係入面我都係第一次見我孤陋寡聞。 仲有喲大豆芽（唔知係咪咁叫）食落仲未煮熟咁 依個難食到嘔 難食到嘔 難食到嘔依間野下次食我都係食二人套餐算 今次好失望 依間野食物質素係我心中算唔錯 今次真係難食到我寫差評以上個人意見

點解呢間食早餐既時間硬係咁多人 每次平均等候時間都要成四個字 入到去之後就一如以往叫左個魚柳餐同漢堡扒餐 等候時間都比較耐 味道一般 魚柳尚算香脆 但有點乾 早餐價錢相當昂貴 今日又發現左佢加價

八點嚟到都唔係好多人要等位 。 一行四人叫咗四個餸，每個餸都跟一個飯。麻辣水煮魚 水煮魚唔太辣，對於我呢啲唔太食得辣嘅人， 辣到啱啱好。如果你好食得喇，咁就可能覺得辣度唔夠啦。分量方面，佢都好大碗。除左魚之外，都仲有好芽菜同埋薯粉。佢地索曬d汁，所以d味真係好正。 海南雞飯 我哋叫咗兩個海南雞飯，雞油飯都幾香。雖然啲雞係去骨，但係啲雞就唔太滑溜。 海南雞飯跟餐係老火湯，今日係紅蘿蔔茶樹菇豬骨湯。啲湯甜甜地幾好飲唔係太油膩 。紅燒茄子魚柳 茄子魚柳鑊氣十足 ，好香口，好濃味，送飯一流。 分量十足，有好多魚柳，啲魚柳係炸完再回鑊快炒，所以好香口。總體黎講不錯，食得飽又好味。

近日改變了工作地點，黎緊都應該有一段時間會係天水圍搵好西食。今日想食港式野，就落左樓下依間睇落幾新淨既百份百餐廳。午飯時間，門口企滿哂人，但一支公既我無論去幾多人既餐廳都唔會要排好耐😁😁😁 但一個人坐位多數都會比人左塞右塞，入座個陣幾位姐姐好似決定唔到sip我去邊 🤔 一個點我坐依度一個又叫翻我起身坐個度....最後坐左一個角落二人枱答枱，都ok點左一個墨西哥瘋狂辣肉醬焗豬扒意粉(有相)，都幾大碟，我一個女仔食唔哂。上面舖滿豬扒，雖然比較薄，但肉質唔算鞋，幾好🖒 肉醬比較似肉醬意粉個款，但我完全食唔到辣味，撈下意粉都唔錯既。成個面都係芝士😋😋😋同埋出面好多芝士都會焗燶哂，依個完全無 ✌✌✌加左六蚊轉杯利賓納啫喱冰，係利賓納入面有一大舊芒果啫喱，好似一次過滿足我兩個願望，有飲品又有甜品。

試咗幾次其下午質素幾好，大碟，最鍾意佢個黑椒牛肉炒意粉，番茄焗豬扒飯，酸辣湯米線超辣，有金磚西多，但味道一般，太大件了，所以很滯。熱飲好大杯，咖啡幾好飲。仲可以加六元換購特飲，想試奶茶紅豆冰。

朋友話佢樓下開左間餐廳好多人食，叫我一定要去試下。咁就特登搭車去佢樓下食個下午茶，睇見餐牌好多野都好似好好味，價錢適中。但係，但係！！下午茶果ｄ炸魚炸脾竟然唔可以跟沙律，只有薯條。。結果唔係太餓既我照叫左炸脾薯條配紅豆冰，好熱氣，但係薯條真係好好食ＸＤ！！之不過點解舊脾成個波咁既？！好乾好硬，唔好食朋友叫左個肉醬意粉都好食！希望餐廳可以加番沙律同改善下個炸脾啦。。

個排係新開張，無論咩時候都滿哂座，要等位。一向中意湊熱鬧嘅我當然唔汁輸，去咗食個早餐。餐廳嘅裝修係走懷舊路線，而且啲枱凳係木造，好有fu~叫咗個五香肉丁餐肉米粉，湯唔肥好清，上面仲有啲蘿蔔絲，朝早食番少少菜，等我自我感覺良好啲。阿華田，比較稀，唔夠滑同香，不過都係預咗嘅，始終都係正宗港式餐廳嘅師父沖嘅飲品香滑啲。不過因為實在太多人，所以2個人坐張4人枱，就要同人搭枱，食得唔至在。而且依家啲早餐真係愈黎愈貴，咁就要30幾蚊TAT