百份百餐廳 (明德商場)

營業中

休息中

今日每週一次家庭日，帶佢地探班食午餐，試間有D特別裝修嘅餐廳，百分百茶餐廳，主打中菜炒粉麵飯，但佢地會喺普通菜式上加D特破，令平凡變得了平凡，其中咖哩丶炒粉麵，小炒類都不錯，由於食過一次，今次試第二D嘢食，小朋友碰上下午茶時段，一定走唔甩炸雞脾薯條，好快炸好，兩個搶住食，薯條炸得外脆內軟，雞脾係正常size，炸得脆之餘又多汁。而我就食犀飛利脆麵，其實係肉絲炒麵，只不過兩者分開上，自己𣺉汁上麵度，味道較淡，麵就全部都炸到好脆，用餐具食都比較困難，食好耐先食得完。蔥花蝦仁蛋炒飯就中規中舉，份量ok，鑊氣搭救。而迷你海南雞飯亦👌，個飯有椰香，D雞係爽口彈Q既，美中不足係沒有醬跟，而跟雞飯個碗仔翅就麻麻，D料煲到溶晒，味道不如街邊小店，下午茶粉麵飯D份量都夠飽肚，而且午餐的蒸餸都值得試下，加入在健康源素，但記得帶紙巾，餐廳係唔提供

今天早上，想食啲開胃又好味嘅嘢，於是呢就黎到呢一間餐廳點了一個呢我平時都比較喜歡食嘅早餐，依個面呢就同平時有啲唔同嘅，因為佢用咗五香肉丁加一個溫泉蛋嘅公仔麵，個味道有少少辛辣又咁香而且個溫泉蛋又滑加起上嚟差不多滿分的公仔麵。

裝修是新派的茶餐廳，位於屋村商場，地方乾淨明亮，座位寛敞。各地區食物都有，午餐於是order 了不同菜式。星洲炒米，米粉很幼且硬，辣度中度，沒有飲品可不行呢！港式炒讚歧烏冬，炒得濕潤，味濃，烏冬彈牙。印尼森巴海鮮炒飯，擺碟特別，一大塊蝦片脆卜卜，飯炒得乾身，份量也不少。唔係咁大食的話，4個人叫3個餐也足夠吃。

百分百好似越來越多分店今日黎到明德商場百分分食tea 攝時間，Tea time 算多人，差唔多有半滿。幾喜歡內部裝修，簡單但唔hae 👍🏻講野食，都係茶餐廳式的茶餐叫左沙嗲牛流心蛋米線32蚊，另加6蚊飲杯芽好立克。叫呢個的主因係因為見倒張枱貼左呢張野👇🏽講到咁猛料咪試下係咪真係咁好食。滿有期望的一試之後，覺得無乜特別，都係流心蛋一隻，但考慮到的確唔係好多地方整太陽蛋整得真係流心，我都會欣賞呢隻蛋的。米線啊牛肉啊湯底啊果啲就唔好期望太多了，平民的價格食平民的食物好合理。最不滿的係杯好立克，話哂都加6蚊特飲，可唔可以俾多少少杯芽我飲啊，落得好少啊真係。整體黎講係扺食快餐下午茶。

食飯日日食，早午晚三餐，加埋宵夜及下午茶 ，附近梗有一間啱你食 ，今日 ，行到明德邨 ，見到呢間冇位，嗰間冇位。，走到百分百門口，走食入唔使等食啫 ，都係午餐一個，揀呢個揀嗰個，都係揀返周時食嘅焗豬扒飯， 叫咗等個零兩個字到就送到面前啦，一如以往，煱茄汁豬扒芝士都咁香濃，都係咁好味加埋啲，飯炒炒佢 ，呢度都唔錯 ，最後整杯咖啡 ，加咖啡糖 ，話咁快就搞掂港午餐呀!咖啡一杯味道如常冇走甩拖 焗豬扒飯食完先至醒起畀番個評語佢哋話係咪好忙呢

今日去百分百食個茶餐。裝修後環境好左，不過卡位張櫈加左個屁股凹位稍嫌畫蛇添足，不太好坐。🤔炸髀都好細隻下，不過味道唔錯。炸豬扒有陣油溢味，似係翻炸過，肉質嚡。不過薯條都幾好。一般茶記質素，瑞士咖啡室好食啲

所有包係八點後買一送一，所以好多時7:45或者7:50已經排左條長長嘅人龍😂😂條龍會維持到佢啲飽賣完為止😂😂😂其實第二日都食唔到咁多，所以我只係揀左兩袋麻糬波，13蚊2袋又真係幾抵🤓🤓。平時麻糬波要成2蚊一粒咖，呢到有十粒。值得一讚，雖然多人但啲收銀姐姐都好好態度。

中秋假期後第二日，追月晏晝下午茶，走到嚟將軍澳整番個下午茶先，見到百分百呢個真係百分百要等，只見人山人海，足足等咗十多張飛先至到我哋 ，到啦咪坐低啦嗱嗱淋叫咗兩個下午茶餐食完先至算啦!南豐廣場係咪人山人海，行嘅企嘅坐嘅，乜都有人喺度呀!長長走廊入面 五六十張枱咁濟呀有。麵包西餅蛋撻， 好似乜都有咁， 得閒嚟望一望，睇下有咩冇咩嘢都好。鮮茄豬扒飯焗嘅厚厚芝士好似唔使本咁，大大塊塊豬扒有45塊 炒飯都唔錯不過就番茄少咗啲好似擺唔落咁!雪菜肉絲炆米 一如以往大鑊飯炒上 ， 隨叫隨上臺!

出街食飯，如果可以的話，梗係想食好D，但有時想，就未必做到，事關荷包就唔多應付到，餐廳廳咁深得港人心，都係因為佢價錢公道，食物質素不過不失，同省時省能姐。今日就同老豆去左位於南豐嘅百分百餐廳食飯。老豆叫左個男人最愛，至尊海南雞飯($58)，上檯有D驚訝，果海南雞擺盤又幾靚靚Bor！食落個味道都一樣唔錯，真係幾滑嫩下，同埋去哂骨呢下真係好感覺，簡直係為懶人面設嫁！餐廳怕單調，仲有D蘿蔔絲、同白蘿蔔俾你拌下飯，個餐仲跟左鼓油 同埋 酸酸甜甜嘅醬點下雞同拌飯。好食！乾炒牛河係非常之難炒得好，河粉唔難，火唔夠紅，都好易炒到碎哂，同痴哂底，有D廚為左避免呢個情況會怒放油，但又會好油膩唔健康。呢個牛河雖然未去到好有鑊氣嘅程度，但唔斷，調味剛好，色水都均勻，都算係唔錯嫁啦。牛肉俾嘅份量略少，如果可以的話，俾少少菜會更加加分。   

百分百周時去 ，咖哩牛腩飯就周時食， 今日突然間想食返個鐵板餐，牛扒日前食過了，所以今次就簡單來個海陸空豬扒雞扒魚塊嘅鐵板套餐，佢配有餐湯，薯條及疏菜，亦都係有跟上炒飯，跟上係蒜蓉汁，先上餐湯是羅宋湯，酸味火紅，令胃口頓時打開，菜肉分明，不過火也煲得足夠火候，上餐時候香氣撲鼻 ， 豬扒有肉汁，有香味，雞扒炸得啱啱好，不乾不濕汁醬都唔錯，魚塊美味可口入口即溶，仲有啲薯條炸得軟硬適中，最後一杯熱檸檬水，清清肥膩，簡單一個晚餐，飽和滿足，服務員水準如常。

明德邨有三間餐廳，有一間叫食x叻，唔使講，呢間好污joe😪如果唔係趕時間，其餘兩間排哂隊，我都唔會食佢😪講返正題先，所以我只剩返兩間揀，然後因爲唔想行咁遠，我先會食樓下既餐廳💁🏻‍♀️。呢間百分百岩岩裝完修，坐位冇舒服左，又冇差左，同啲食物樣，唔難食既，畢竟茶餐廳黎講佢都唔算係低價果種👀冇返咁上下色香味都唔會幫襯啦，係咁e啲雞都要揾條草點綴下啦🤣海南雞係我每次黎唔知食咩都會叫既，飯冇之前咁香，硬左～成碟海南雞飯餐我比67分。至於有一碟我係出奇好食既。就係唔知咩蠔仔泡飯，個湯好濃味，我中意！下次都會叫呢個泡飯😋

位於明德邨商場嘅呢間百份百餐廳係亞洲飲食集團嘅開設嘅首間餐廳，已經有十年左右。早前餐 廳全面裝修，裝修後餐廳比以前更有活力，座位比以前多咗四人枱，抬頭望原來樓底好高。香煎牛扒配煎蛋餐肉，牛扒好耐之前試過一次，好乾，今次同好好多，一啲都唔韌。香煎雞扒配半焗流心蛋腸仔，雞扒肉汁豐富亦好滑，不過油咗啲。鮮奶炒滑蛋·吉列魚柳，处脆內嫩，炸得幾好同埋我幾鐘意食呢度嘅炒蛋。香煎豬扒配炒蛋火腿，呢度嘅豬扒幾鬆軟，係我鐘意嘅口味。+$6可配輕量無糖高纖麥皮或輕量火腿絲濃湯通粉。麥皮好滑，通粉就一般，食完其他嘢再食女似有啲淡。

話咁快明德"百份百"又裝修完了，兩老就去試下啦！1:35都有點擔心呢個時間難取位架，好彩又有位喎！入到去感覺好似比以前大了些，可能座位多了些掛，望清楚原來改變座位坐呀，多了2個人坐的座位選擇果隻，太好了可以人多時唔洗格離有人坐呢！ 淨係呢個轉變已經good，都係睇下餐排先，同以前食開果D唔同㗎，多咗款選擇，當然希望好食啦！都係介紹下先。炸菜肉絲豆腐飯榨菜唔太鹹 豆腐細細粒好好味咖喱牛坑腩飯老公就最愛食嘩， 雖然有點辣但牛坑腩超淋比以前好食咗啊！果D汁無得頂呀

百份百餐廳係好多地方都有星期六晚去左坑口哩間食一個便飯佢個芝士焗雞扒飯係超多芝士,焗得乾身而且個飯大大個相當飽而另一款流心蛋魚柳意粉,意粉應該用鹽水煮,本身都有d咸味,流心蛋熟左少少,唔太流,另外魚柳就大大條,脆身唔厚粉位置都舒服,不過晚市兩個就有機會搭台,平排咁坐望住對面唔識既人有少少尷尬而且價錢相當平民,晚市食一個便飯之選

香港人嘅地道食肆之一: 茶餐廳收工去百分百吃個最愛下午茶鬆一鬆西多工係必叫仲要落係超多糖漿！麵包炸到好香，中間夾住花生醬加牛油半溶化嘅口感配上即磨咖啡，香濃醒神！