百份百餐廳 (秦石商場)

營業中

休息中

第一次幫襯早餐叫咗沙爹牛肉米+炒蛋。不時茶餐廳早餐點都有個包，點知哩度慳皮到包仔都無個。個米粉湯底淡口，沙爹牛肉唔夠汁，隻碗太大，搞到成碗米粉無乜味。檸茶又無檸檬，口感好奇怪，行酸味，無咗檸茶果種澀味。早知行返出大圍食都無咁嬲

喺車公廟站附近嘅一個街坊餐廳，天氣好凍，所以叫咗個一人羊腩煲，蝦醬通菜炒牛肉，同埋咕嚕肉，三個人share🤣✨一人羊腩煲羊腩炆得幾淋，份量唔算超多，不過一個人食嘅話都算足夠，入面會有腐竹、冬菇、馬蹄、筍同埋粟米，都幾入味，另外仲會附送生菜，整體嚟講，如果一個人想食羊腩煲，算係唔錯嘅選擇。✨蝦醬通菜炒牛肉外面食嘅菜真係特別好味，可能因為比較多油🫢，食通菜會好明顯食到好香嘅蝦醬同埋姜絲味👍🏼✨咕嚕肉正常發揮嘅咕嚕肉，不過不失。夜晚食飯時間好多人，侍應明顯不足，明明有空位，但係都未有人安排入座，淨係叫人喺出面排隊🫣呢一方面有改善空間

連鎖店舖最難保持就係品質。今日試一間位於秦石商場內餐廳，距離車公廟站只需要5分鐘路程。首先位於公屋商場，人流本身唔多，亦唔太需要等位。環境尚算乾淨企理，座位舒適。一般茶餐廳餐牌，叫左一個豆腐火腩飯同一個菠蘿咕嚕魚柳飯。上餐速度可以接受。食物品質屬於一般茶餐廳，餸菜比例稍嫌少。洋蔥多過魚柳，豆腐又得三舊。另外叫一個凍檸水。餐廳整體感覺算屬不過不失，想匆忙食個飯，又有冷氣嘆而且住附近，選擇呢間餐廳係可取。兩人埋單$110。論食物品質，價錢宜平少少。

琴日打風冇乜選擇，唯有求其食啲嘢。去咗呢間百分百。可惜百分百唔OK。食咗蠔仔湯飯。同幅圖差距大，都預咗。但佢竟然一條芫荽，一條蔥，一條菜都冇囉！又未免差得太遠。芫荽可是蠔仔粥的重點！帶出鮮味，不可或缺！我見之前啲人upload嘅相都起碼有條菜，而家連菜都毛條。肉碎又剩係得少少，蠔仔又細細粒，雖然都尚算鮮味。啲菇又係少得可憐。最多係湯同埋飯……50幾蚊，仲要冇嘢飲。各位自行判斷抵唔抵食。（公平啲講，之前食鯇魚飯係OK嘅）

1755 下單 apps1816 通知可提問第一次女員工說整緊等陣1831再問第二次 男員工去搵單1832通知無單 整錯 要重做為什麼第一次問時是說整緊第二次問一時話多單一時又話出錯再追問又話馬上重做第三次問時間-無回應第四次問想退錢 ～唔答然後十分鐘後施施然拎餐出來杯涷檸茶啲冰都溶晒根本就做好40分鐘以上一直只在唔知等什麼最後1841離開全程無禮貌可言唔係第一次幫襯 每況越下其他比我後的號碼都出晒。我都未出如果員工跟緊啲 1816時去問問 根本唔需要花咁多時間在白等

難食的泡飯：無味，冲油雞扒好少少，雞扒不算太乾，帶有汁，干炒牛河：牛肉呢？得幾片😓鴛鴦扒焗飯最正常，茄汁做得幾好，夠濃茄醬味，飯底亦炒得唔錯，唔會太濕，最後一提，今次去到都接近員工食飯時間，人手不足，何談服務😓加油管理層💪💪

在去年開業的「百份百餐廳」港式茶餐廳，今日首次幫趁試食，繼續下午茶當晚餐。乾炒豬扒即食麵，星洲炒貴刁，咖哩牛坑腩意粉。特飲：椰汁涼粉冰、咖啡紅豆冰、利賓納果凍冰。咖哩牛坑腩意粉是午餐，咖哩牛坑腩味道不錯份量也足。乾炒豬扒即食麵，豬扒是切粗條狀炒得比較乾影響口感。少辣的星洲炒貴刁很醒胃。自從茶餐廳開始有咖啡紅豆冰...奶茶紅豆冰...提供，我就喜歡了！以往茶餐廳的紅豆冰普遍都太甜，所以很少點選，自從有咖啡紅豆冰...奶茶紅豆冰...後，口感每次都滿意，今次的咖啡紅豆冰，紅豆口感很粉糯，奶味重的咖啡也合意。

餐牌超多食物選擇，樣樣都好好食咁，選擇困難症的朋友麻煩了😂😂 焗飯類、炒麵類，仲有朋友試過蒸鯇魚都話好抵好食😊😊太肚餓，快快手叫咗一個皇牌湯麵先😛上湯嫩雞燴米線，雞肉是嫩的，但當然是雪藏雞，茶餐廳唔好要求咁高，還可以啦😜 有啲芫荽味，唔食蔥嘅朋友記得叫走蔥🌱香煎雞扒番茄濃湯意粉，，朋友將半焗流心蛋改咗煎蛋，蕃茄湯算濃，意粉是幼的，有嚼頭，兩塊雞扒大大塊，有切的😃😃 幅相係盛了一碗仔先影即磨咖啡都幾好飲☕️臨走見到隔離枱叫咗個脆麵，個汁係另上嘅，最吸引我注意係個脆麵好高😆😆😆 下次試吓先☺️

第一次試下這個銀芽肉絲脆麵是否真的犀飛利，外賣回家後脆麵仍然很脆，不多油，份量也合適，銀芽肉絲味道不錯，不過份量略少，如加多少少肉絲就更好；一向不愛銀芽的老公也說下次仍可繼續！

最近去了秦石村百分百餐廳用餐，食嘢OK，檸水叫了少甜少冰都太甜！加咗成杯水都係甜！改天去飲檸檬茶少甜少冰，又要嚟大半杯冰，侍應仲話咁樣已經少冰，真搞笑，難道我買的是刨冰？