百份百餐廳 (逸峰廣場)

營業中

休息中

今日下午茶時間差不多三點去食嘢，行入去諗住搵位坐見到都有好多吉位有四人卡位仲諗住坐埋去，點知兩個阿姐叫住我叫我坐二人卡位，其實當時目測都唔多人，我問佢點解唔坐得不斷問佢點解唔坐得？？？ 佢淨係叫我幫幫手啦！ OK啦算數諗住費事為難人哋😒最後我自己都坐咗二人卡位坐低咗點食物後來發現原來我隔籬枱四人卡位 有一個男人坐住一張四人卡位，食完嘢攤大份馬經喺檯度刨馬經😤 後來又見到原本我想坐嘅四人卡位有一個女人走咗埋去坐一個人坐，然後侍應又冇出聲 仲幫佢落餐 🤬 🤬🤬🤬🤬 用餐好唔愉快😤😤😤明明咁多位唔俾人坐 其實如果之後多人人要我調枱我都可以 但可唔可以一視同仁？點解之後一個人嚟嘅可以自己一個人坐四人枱？

嚟到見到滑蛋變老蛋，食落無味只有蛋味🤣蝦仁尚算可以。阿仔叫咗鐵板雜扒，炸到黑晒都算，件豬扒有啲變味😂老公食酸菜魚走辣，都算正常，不過裝修前好食啲囉！我諗會有排都唔會幫襯喇。

外賣自取燉湯二人餐份量都幾多，足夠二人食用👍🏽👍🏽熱度足夠，放左一陣係counter 等待，攞返屋企都岀緊煙💨呢個餐重點當然係原盅燉湯。今次係燉蘋果排骨湯，加上無味精，味道濃，湯色清晰。沙薑雞同涼瓜火腩飯有堂食風味。涼瓜配火腩，原來一流，好夾。算地方近近地方便食肆

之前成日食，幾乎午餐晚餐都去。後來成日遇到出餐慢的情況就不再幫襯。每次兩個人去食，一定會有個情況係：一個人食晒啲嘢、飲完杯嘢，但係另一個人的餐都未出。去催個員工，淨係識得俾黑面話要等，但係有唔見佢去問廚房，要取消都唔俾。一催就話整緊啦、一係就話下一個到你啦、一係就話要排隊整，但係又見到其他俾我地後入座的客人已經出左餐。好多次都等完又等，催完又催。次次都唔肯俾我地取消，有一次就唔俾取消搞到叫加外賣錢轉外賣。

環境可以早餐一般。又黎到我搵野食時間。朝早黎左粉嶺附近做野⋯搵下附近有咩早餐食啦就黎到百分百⋯之前lunch 試過今次試下早餐⋯叫左醒晨扒餐set 香煎豬扒（腸仔-餐肉-茄汁焗豆-蒜香牛油多士）仲怕自己吾夠飽，加$6要埋輕量火腿通粉添環境係可以，夠哂闊落，傾計一流，食野舒服腸仔似係雞肉腸，但有dd 脆皮咁通粉就淡味左d , 想囉黑淑粉⋯原來來沒有的其餘大致都好味😋蒜香牛油多士好好味蒜蓉包咁重點呢度既凍檸茶係冇大塊檸檬本身檸檬茶入面已經有磨細既檸檬碎入落岩岩好，呢杯檸檬茶推薦

之前都有去過呢間餐廳食嘢，不過早前呢間鋪裝修，今日咁啱經過見到已經裝修完畢，終於開噃啦，就入去食個早餐。裝修過後光猛咗好多，感覺煥然一新。現在收銀處搬咗去同取票處一齊，而麵包嗰邊集中咗，種類亦都多咗。不過人手好似唔係咁夠，想落單就要行出去搵侍應。原本想點野菌炒蛋餐，但今日暫停供應，有少少失望，最後點咗兩個早餐，分別係素鮑片火腿通同火腿通粉餐及熱奶茶，個通粉餐略為咸了少少，加咗胡椒粉都係咸，不過杯即磨咖啡唔錯，一直都有食開呢間，環境唔差，價錢適中，食物方面係可以嘅，不過今日係有失水準，下次再去食希望可以回復水準。

其實已光顧此餐廳好多次，但發現最近的清潔出現了很大問題，所以就開一篇食評表達一下。抹枱，員工抹完枱還有粒飯在枱面。打開餐具櫃筒👇取餐具準備開餐👇見到d匙羹是如下圖咁樣樣的，你可以接受嗎？洗碗的沒見到？放餐具入櫃筒的員工沒有檢查？已經叫停了一位短髮侍應投訴。咁既衛生不能接受。現在疫情嚴重，餐廳應要立即跟進衛生情況。

下午茶去左女朋友最鍾意既百分百餐廳選擇多味道又唔錯！今日佢就叫左個迷李版焗豬扒飯！一黎到見到面頭布滿芝士已相當吸引！撥開芝士後有好多蕃茄汁真係超正蛋炒飯底配埋大大塊切件豬扒豬扒唔會焗到乾淨浄肉質重好軟淋！咖啡紅豆冰真係唔係度度有！呢度嘅紅豆都啱啱好夠軟咖啡又唔會過甜！夏天飲真係好鬼爽！

[ 挪威煙三文魚沙律 ] 每天都外岀進食，所以點選沙律清爽一下。共三片的煙三文魚，雖不太厚肉，但甚為大塊，只是魚味不太濃。沙律伴以蘋果醋汁，微酸醒胃，加上切條青椒，味道不錯哦。[ 蕃茄辣汁水牛雞翼 ]價錢不貴的雞翼一客四隻，雞翼上台酸味攻鼻，入囗辣味搶先蕃茄攻入囗腔，雞翼大隻厚肉，但有點過重囗味。[ 墨汁燴飯釀魷魚筒]  在魚和魷魚中，選了較飽肚的燴飯。想不到沒有選錯哦，魷魚筒軟腍帶點彈牙，不像方間硬巴巴的魷魚。黑燴飯滿佈墨汁，墨汁味特岀。旁邊的薯仔調味後煮熟，外皮微微脫落，不可忽視。

老公睇完大x樂 話無興趣就走咗地下間百分百入席嘅時候 店員細細聲講咗句唔知坐唔坐到呢 (因為見到我個肚好大)😆我坐入去嘅時候 店員都叫我小心啲☺️叫咗兩個茶餐跟 凍0茶少甜 同紅豆冰少甜少冰杯0茶一上枱嘅時候係咁我撈咗一陣 望吓佢係咩點解會有白色嘅物體喺裏面 我諗唔到記得之前飲百分百嘅凍檸茶唔係咁佢係冇檸檬 反而會有檸檬渣佢啲0茶係幾好飲最後問返店員 佢話係正常嘅因為佢哋絞碎埋啲檸檬皮搵咗老公做白老鼠😆佢食咗白色物體 話係檸檬再嚟我杯紅豆冰 叫咗少甜少冰但都係好多冰 所以我另外一隻杯搬走啲冰搬走大部份冰之後 又覺得佢好甜🤥🤥最後又要倒返少少冰入去 中和返啲甜度紅豆OK 軟身 唔會硬骨骨 但係甜咗少少海南雞拼碗仔翅海南雞可以 薑飯幾好食但碗仔翅唔得 偏鹹沙嗲牛煎蛋米粉 眼見牛肉都有五六塊唔明點解茶餐廳 無通粉佢哋只係得米線同米粉 或者即食麵個米粉好淋 食咗一嚿牛肉同兩啖米粉之後係牛肉發現到佢😐😐😐😐😐其實廚房咁大 同埋佢咁細隻廚房師傅難發現到佢 都好正常只不過 食客見到 感覺都唔係太好最後同店員反映 佢即時話換一個比我我就叫咗另一個茶餐炸雞髀薯條餐薯條炸得比較脆 乾身咗少少師傅落鹽重手咗

今次去百分百食早餐，點了$36的五香肉丁配流心焗蛋通心粉，加了$3要了蒜香牛油多士，配熱齋啡。百分百餐廳一向強調流心焗蛋是脆邊的，實際上也的確是，蛋白全熟，但蛋黃仍是流心的，這裏可以加分。五香肉丁的份量很多，一定夠吃，整體這個通粉我給85分。蒜香牛油厚多士的而且確很香蒜味，脆脆的幾好吃。環境方面，餐廳內的座位包括圓桌和卡位之間的距離不算太近，所以感覺上坐得幾舒服，亦不會催你走，是比較舒服的茶餐廳，是經濟早餐的不錯選擇。

茶餐焗豬飯配一杯熱飲 要$44我決定加多$6 飲杯椰汁紅豆冰紅豆冰一上枱 我就飲咗一半🙂🙃本身佢個紅豆都有糖漿底叫少甜少冰係正確嘅如果唔係我都會超甜胃口細咗 飲咗杯紅豆冰都冇咩胃口食過焗豬焗豬個蕃茄汁夠 睇個面就知道芝士都多😆佢個飯底係有藜麥 感覺健康啲一路以為佢哋個茶餐去到1700原來係去到1800 但唔知佢哋點截單下次可以再晏啲去食 當晚餐

疫情關係 好多時都懶左 成日都叫轉某外賣APP因為真係好方便😁外賣原本已經叫唔健康見到百分百有湯飯 又不如試下啦叫左個杞子花雕醉雞湯 藜麥飯單點$56 但唔包野飲...所以其實都唔平堂食平返d 但懶 所以外賣送餐佢包裝係ok架一兜飯 一兜湯同餸送到黎都唔會倒瀉曬個包裝好穩陣 唔錯唔錯次要 就係味道我開頭試一啖唔夠味之後督爛佢d紅棗再攪攪兜湯D紅棗浸一陣 味道就出曬黎好正👍🏻👍🏻估唔到都有意外驚喜所以可一可再

等左半個鐘都未有得食，後來落單既人食完我都未有，離哂譜。問題係本身唔係peak hour，出邊無排隊，店入邊都唔係坐滿，完全唔明白點解會咁。野食無特別，你有兩個鐘食飯唔介意可以試下。

疫情數目日日穩步上升，本來想去街市買餸煮番兩味，諗諗下不如買外賣餸菜番屋企食，咁就唔駛行入人多嘅街巿啦。行過見到百份百張海報寫88蚊有兩個小菜，於是就買嚟試下。今次買咗個椒鹽焗肉排，俾我想像中好，首先佢係用紙盒裝的，呢個係要加分，另外佢有很多紅洋蔥同青椒絲，食落冇咁油膩，啲味道亦都不太咸，係悉中，食完唔會覺得口渴。另一樣餸係涼瓜牛肉，份量係小咗啲，但係啲涼瓜又炒得幾好味喎，味道夠哂'甘`，牛肉亦好滑，同樣地味道啱我，不太咸。總括呢講係OK 嘅，可以再幫襯。 完