百份百餐廳 (華心商場)

營業中

休息中

今日近近地去左粉嶺行街， 行左成個鐘， 最後去左華心商場的百份百餐廳，那裡有超多卡位，對我來說，坐得舒服是很緊要的。我就最鐘意食辣，所以點了四川麻辣牛肉炒飯$54，另外一個餐就點了焗鮮茄豬扒飯$52。平時食生炒牛肉飯比較多，四川麻辣牛肉炒飯就第一次，不太辣，算係少辣，熱辣辣香噴噴，飯炒得剛剛好很開胃，美味。焗鮮茄豬扒飯，大大片豬扒，滿滿的芝士，比那個大集團焗豬扒飯好吃多了。加6元有 涼粉紅豆冰冰，比凍飲只加多3元 抵飲。

餐牌選擇同大x樂差不多，叫魚柳餐無得轉太陽蛋。點解呢？作為一間港式茶餐廳，靈活係基本，仲要係唔做太陽蛋，真係唔理解。野食中規中矩，無乜特別。好肚餓可以去食，食完一肚氣，可以頂下肚。

疫情下週末 (都唔記得五月初邊日），專門走出去食早餐 .首先門口量體溫個姐姐態度已經差到爆。我輕輕同佢講 : 我投先（幾分鐘前）入餐廳前已經量左體溫，只係剛剛行出餐廳門口counter買個面包。佢超惡超大聲回一句 "咁我唔知呀嘛"如果佢認為需要再量 那就跟我說一聲再量一次就好了 個姐姐惡到呢。。。早餐味道比大家樂大快活差完全不是茶餐廳水準差差差差差差差差

2019 年元旦第一餐交俾百份百，2020年同樣是第一餐也同樣交比百份百。新一年希望大家都百份百滿足。🎉🍾️🍴自選早餐我的早餐是占醬多士加多碗無糖麥皮，這裡的占醬多士勁多占醬一點都不吝嗇，加上厚切多士口感當然不錯，食過一片多士好像仍有點空虛，加多$6來多碗麥皮，高纖包肚又健康。一杯香濃幼滑的齋啡就當然少不了！🍴雞扒餐小鬼的雞扒雙流心蛋早餐，厚切的雞扒份量十足入味且富口感，對於茶記來說，這隻流心雞蛋可算是蛋中之作，香烤的蒜蓉厚多士同是不可缺少的。2020 新年快樂🍾️

茶記食野預佢會足料d，點知今次......伏伏地。口水雞飯係好食😋又足料，唔辣但好香！d飯有藜麥健康d!蠔仔泡飯得4隻蠔仔野飲加錢嗌冬日熱飲，桂花茶，勁甜我估食呢間係要嗌貴d先會正常d！

早排唔想煮飯，係屋企附近揾飯食。見到百份百係香港愈來愈多，應該都唔會太差，所以就去試。蔥香豬扒飯本身係似椒鹽豬扒，黑知一黎就見係煎豬排上放了葱粒及落了豉油。比想像中寡了好多。豬排的size算大，但就煎得唔夠香。炒麵係麵餸分開上，鍾意食脆麵的我當然歡喜。麵餅炸到一座山咁高，但麵粗左少少，所以食落有D硬。肉絲炒麵個餸肉唔算多，牙菜仔特別多。飲品係另叫，我叫了杯紅豆冰。紅豆冰的奶好rich好香，好鍾意飲。雖然餐廳環境比一般茶記舒適，但食物的水準就無茶記咁有火喉。可以一試，但不會Repeat。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

同小朋友叫左兩款清新系列去試。花雕酒雞配碗飯，紹菜多過雞，雞可能用來燉個湯底，唔滑，但個湯底真係好好味，一試愛上，飲湯飲飽。另外個蕃茄牛肉豆腐冇嘜特別，豆腐好滑始終揀百分百某程度貪佢環境夠闊落又唔算貴

天氣熱熱地去咗嘆下午茶, 點咗我最喜歡嘅炸雞脾配紅豆冰。價錢好經濟, 以$25一份雞脾加紅豆冰都算抵食, 但質量就縮哂水, 以前大大隻炸雞脾, 而家好似隻雞槌咁細隻, 紅豆冰也差咗, 簡直喺將價就貨越做越差。

夜晚諗唔到食咩好，於是就同屋企人落樓下搞掂，食我平時最鍾意嘅海南雞飯。啲雞以起之前嚟講唔夠滑、又凍、啲雞肉仲係血紅色。個湯就淡味咗好多，凍檸茶一飲淡到就知溝咗好多水。失望，當求其食充肌就算。

2019 年新的一年第一餐就放左比百分百，希望每個人都百分百美麗，百分百有錢，百分百滿足！🥳🥳🎊倒數完凌晨時分才睡，今日中午就來一個酸酸甜甜開胃又醒神的泡飯加多杯熱齋咖啡。🥢 「蕃茄湯小雲耳野菌嫩雞泡飯」$45🥢「至尊海南雞飯」$59雞汁浸蘿蔔入味勁清甜，海南雞嫩滑無骨啱哂懶人，雞油飯加了香茅增添香氣，再配合旁邊薑蓉醬油簡直完美！😋午市餐牌嘻嘻😜 $53 新年假期第一餐早午餐，食飽飽暖洋洋再瞓過。

雖然百份百為連鎖店但馳名既咖哩牛飯係超出色成日落樓下經過都想一試再餐 先講個汁汁方面百份百既咖哩牛都會有港式獨有既辛比起日式既甜同印度既青味個人係最鐘意港式既咖哩然後薯仔方面係做咖哩底果陣薯仔哩然連皮炆但食落並沒有違和感皮咬落冇苦味反而將口感帶上另一個層次牛腩方面牛腩本身並沒太肥又沒大廋優點係配上濃厚既咖哩汁唔會咁快因太肥膩而食厭又唔會因太廋而缺乏口感但牛腩用料方面不太突出評價為中上飯方面沒有顯著差別總括來百份百既咖哩牛腩飯係會令人想一試再試既「常餐」

去粉嶺華心的百分百食茶餐。第一次點炸雞脾，餐牌寫即炸所以有所期待。等10分鐘後，侍應隨手掉碟上桌，雞脾竟然是燶的，薯條擺放也很差。我一看到就對侍應說「咁燶嘅」，侍應頭也不回走了，就好像我在這裡食垃圾是正常。這碟雞脾除了炸得差，味道過咸，size比大x樂的小1/2。薯條送來的時候已經不熱，好在咬落仍有少許外脆內軟，鹽落得太少，可以自行加桌上的鹽調味。整體來說，雞脾餐是不建議在百分百點，我應該食米線餐比較保守不易難食的食物。

原本早餐都沒什麼特別不作介紹，不過早幾日食過另一餐廳花生醬士，發現有別故促使我要寫寫。厚厚一層足料花生醬完全沒有加工開希，這才是真正花生醬多士，加上香甜可口煉奶美味，一件奶醬多士配一杯香濃醒腦齋啡，我的早餐就非常滿足了！厚切滑蛋三文治女生們應該難 KO，可考慮留一半下午。

The environment is realxing and spacious. The tables were not cramped and packed. I had plenty of space and very satisfied with it even it was at lunchtime. I love the wide choice of food there as there are many kinds of cusines from baked rice to spaghetti to Mixian. However, the price is generally a bit expensive. The fried rice I tried was very unique and I haven't seen it in any other restaurant before. The SiChuan spice is very strong and gave me a totally new imagination of fried rice. I w

星期日上午11點，來到這裏吃個brunch。一個四人卡座的客人剛走，我們站在旁邊等兩位侍應收拾枱椅，見到檯上杯盤狼藉，又倒瀉了飲品在地上，她們費了一番功夫收拾桌面，又要拖乾淨地面。值得一讚的是，她用兩塊抺枱布抹完桌子後，再去換一塊乾淨的抹枱布再抹一次，令我們坐得安心。這間店的座位比一般的餐廳闊落，坐得舒適。早餐可以選擇的款式不少，味道都不錯，只是價錢比兩大或茶餐廳略貴，不過坐得舒適和不用等位已值回票價。