百份百餐廳 (華心商場)

營業中

休息中

今早到逸峰睇戲，順道先食個早餐。我點了魚柳早餐，炸魚柳很有水準，魚算是厚身，不會很乾，亦不會很多油，讚一個。多士是蒜香味，多士厚身，來的時候亦熱，所以味道不錯，炒旦份量不會很少，但不是新鮮炒的，可惜

今日和家人在這裡食午飯，以往的印象不太差，但估唔到現在食物質素和服務態度已經去到不堪設想的地步！話說我們叫一個湯麵，想問可否轉其他麵類，不可以便算，點知這個毫無禮貌的所謂「高級待應」回應「唔可以噃！」，之後問可否少辣，她又話「吓，唔得啦」，咩都唔得真係不知是 貴公司的條例定係高級待應不批準。至於我叫的魚片頭米線，魚片頭很「削」，真係唔建議大家去幫襯！

一心揸車嚟呢間百份百食早餐，叫我經常食嘅意大利蕃茄肉碎湯通粉，點不知，嚟咗一碗只得三份一通粉嘅通粉，後問職員，點解得咁小通粉，後一個態度差嘅經理幫我加多咗小小，所以呢間百份百唔會再來。

今日趕住番工所以食個簡單午餐先裝飾簡單舒服，座位充足我叫左個蕃茄湯飯食味道不錯，雖然唔係鮮茄都個酸甜味都調得不錯好鐘意湯底入面有少少薑味，微辣既薑味平衡番個酸甜味湯飯既有好多配料木耳同野菌好香口，而且仲有唔少蔬菜粒係入面感覺幾健康入面既牛肉係免治牛肉粒，味道較重，不錯成個湯飯整體不錯奶茶好香滑！不過食完個湯飯，轉飲奶茶時就見到有3隻果蠅係碗湯飯上面飛飛下食既時候係冇既，但一當個湯飯凍左就有果蠅出現即刻冇哂胃口，店員見到就好快收走左其實以$40幾依個價錢，食物質素同環境係不錯的，但果蠅既出現真係令我好不安

呢間餐廳我間中都會幫襯，水準唔穩定，食評都係負評多，但同區茶餐廳環境想坐得闊落舒服，都係得呢間。今日5:45想食下午茶，入去嗱嗱淋點個餐，穩穩陣陣叫個炸雞肶茶餐($23.-)，原本係配紅豆冰，我唔飲凍野，轉熱奶茶。等左7分鍾左右個餐就到喇 - 生炸雞肶，已有味，外皮炸得脆脆，入面炸熟晒，炸熟晒好緊要，有啲餐廳炸唔熟，食食下又要換，好掃興。今次超出我的期望，要寫番個好評比佢，只係就住呢個餐寫就好高分喇。

早前已覺得奇怪，在粉嶺中心的另一間同名店，平白消失得無影無踪，而華心村的另一分店，偶爾都會光顧。午餐一個人，點了海南雞飯套餐。但賣相及質素可說是每況愈下，原盅上例湯不見了，熱飲還可以，凍飲要加錢，即是變相加價，求其來了杯菜蜜，溝水貨色有幾難，畢竟例湯要花時間煲嘛！雞肉份量亦少了一截，去了骨後，肉質還尚可以保持。原先有的雞油亦不倫不類。七除八扣，在下不如來一碟切雞飯 ? 至少名副其實吖 ！難怪Openrice內，差不多每間分店都是喊面多，實在有原因。

百份百食物水準時好時壞。我和小朋友間中會在4時後，到此吃菠蘿油下午茶餐。菠蘿油加餐飲一杯，$11.8。我飲奶茶，奶茶味好一般，小朋友吃菠蘿油，眼見個包D皮唔係太脆，賣相又唔似咁好食，但見她吃得津津有味，每次嚷著到此，還是會再到來的。

百份百餐廳都有光顧幾次, 今次是去 lunch 去食, 諗住試下牛腩麵, 點知咸到無朋友, 要加水先可以食得落口, 我平時都已經食得好濃, 但真是好咸; 又標榜餐廳是有營餐廳, 真是假象。湯底真是好唔掂, 唔知係咪廚房師傅落得太重手.

當日心血來潮想食個粥早餐，見呢間舖唔多人(其實廳面都係得兩個待應)，就叫咗個套餐艇仔粥及炸兩，碗粥外觀ok, d材料都算足夠，但一入口就知中伏 ，味精超重口，即時要飲多杯水。炸兩不是自製的，但在出品時烘咗先包腸粉，皮面卜卜脆，口感味道都算唔錯。論價錢$27個餐，都算可接受。

今早諗住食一個好普通嘅早餐啫點知...唉...又一次....點左個沙嗲牛肉面好快黎到，一望湯底白雪雪立即問侍應，沙嗲牛肉面嗎答:係試食牛肉(肯定冇沙嗲味)再問另一侍應，沙嗲牛肉面嗎再一次答:係唉，費事理論，唯有叫他們給我沙嗲汁點知答:冇沙嗲汁呀冇沙嗲汁又有沙嗲牛肉面叫真吹賬，好嘢，真係冇得頂

外賣叫左個蕃茄濃湯通粉餐配火腿炒蛋我都係第一次知道蕃茄濃湯係白色既之前同屋企去左幾次呢到食叫左個炸魚柳,唔記得咩餐嘩.個魚柳黑色既,重要係凍既次次黎親都有出錯服務係差d但係味道真係唔錯價錢就有d抵食最中意25蚊既早餐有d就唔抵食囉

叫左個吉列魚加薯條，魚柳幾好，但啲薯條第一次黎凍既，明顯係炸定，唔緊要，好多舖都係咁，但問題係佢冇翻炸，都唔緊要，咪同佢講囉。點知佢拎番去浸一浸油就拎番出黎變左相入面咁。前後都冇一分鐘。浸完返黎都仲係凍！火都黎埋！

晚餐不想煮的話當然是外出用饍，而這間百份百都差不多是我和老婆的飯堂了，一星期總會有一兩天來這裡吃飯，而這天也如是。來這裡吃不是因為他們的食物很出色，其實是我們貪方便或想不到吃甚麼的時候，我們就會自自然然來到此處，是故我們也試了不少菜式。而這天我們就點了老婆欲嚐以久的海南雞飯，再加一個四川麻辣牛肉炒飯。先來海南雞飯套餐，湯是紅蘿蔔煲豬骨湯，出乎意料的湯不是很油膩，相反有點清甜，不會是死鹹且味精重的一種，不錯！而附送的清湯蘿蔔就較失色，做得不夠腍之餘又不入味。而主角海南雞的肉質很𡤅滑，加上是無骨，實在抵讚！唯一可惜的是肉比較細少做不到啖啖肉的感覺。而飯有油香，整體不俗。之後上的炒飯也炒得出色，做到我想要的麻辣風味，而飯夠乾身，飯粒分明，亦不會很辣，誠意推介此作！

環境光猛寬敞, 見人不多就入進自行找座位了.可惜, 這一切又是一個大伏...先奉上的中湯, 超級熱燙咀, 味道適中. 是一般跟餐的中湯味道, 不過不失.瘋狂勁辣肉醬茄子 ($49) : 餐牌上有3個辣椒和1個炸彈以表示所謂的「瘋狂勁辣」, 賣相不錯, 可是用錯了期待的心情去吃---辣是辣, 大概是, 如果完全不能吃辣的成人會受不了吧 (意指根本不是「瘋狂勁」的程度), 而且這種辣的味道很古怪, 不是咖喱辣, 不是辣椒油的辣, 總之不是很配合肉醬意粉罷. 而且, 這意粉完全像吃麵粉糰!!!(如果有加粗體我一定會用以強調) 看外表不覺有異, 一入口一咀嚼, 好難受!!! 乾/淋/一坨粉!!!  一邊食, 一邊要在口腔處理纏繞zip入牙縫的麵粉!!! 對於意粉愛好者的我來說, 從來沒吃過如此難吃的意粉狀食物!!!沙嗲金菇肥牛粉絲煲($59) : (紅字) 和 手指公推介, 完全感受不到何謂"靚粉絲", 也不值得推介, 糊成一堆的碎粉絲, 有色無味的沙嗲, 配以乾硬顆粒狀無飯味的飯......若非要「惜食」,實在實在很難完成這小菜兩碟, 正如標題所示 : 寧願去食「貨真價實」的junk foo

估唔到我第一次嘅食評，咁就斷送左係呢間"餐廳"到。晏就4點半左右行過cafe 100%,老婆話肚餓就入左去食下午茶。入到去過半枱都有客,我地得2個人就坐左2人卡位。睇左1陣老婆食"火腿蛋米粉",我打算食"瓜粒湯飯"。落單嗰陣待應就話我知無瓜粒湯飯,咁我都ok。我睇左好耐,最後決定食"公司三文治",認真嗰刻我真係覺得"公司治"一定有......點知...都係無！我即刻問個侍應,不如你話我知有啲咩係有？之後個待應話：你睇下先。就走左！最後我咩都無食，老婆碗米粉加凍利賓納盛惠$29碗腿蛋米無乜特別,街方茶餐廳好味d。本來想搵cafe 100%個投訴電話投訴佢，但上網搵極都無...可能高層有先見之明,驚條投訴熱線會俾人打爆。