百份百餐廳 (平田商場)

營業中

休息中

近來都下雨，想不到去哪裡食，唯有揀在家附近茶餐廳。 我們每次下午茶時段來都會點公司三文治，這是我們認為該店最美味的茶餐。廚師用心層層疊出的三文治，用料不馬虎，$30非常抵吃。另外也點了白汁魚柳焗意粉，魚柳味道和肉質不錯，但白汁略嫌“生粉水”的感覺，有點“杰”。

其實由開業到現在！已經幫了好多次早餐去食就麻麻地了！分量少選擇少價錢貴！可以話無嘢好食！午餐同晚餐主要食嘅嘢差不多！係價錢唔同！我比較喜歡下午茶！有突破！剛剛好！有好多個餐都好想食！哈！海南雞飯+碗仔翅+紅豆奶茶！我最歡心呀！仲有幾個都好啱下午tea.一tea的你選擇價錢抵$24-29，酸辣雞翅米線。。炸雞+薯角！魚片頭米線等等！來到晚餐我食得最多次數！水煮麻辣魚好味道勁飽！如果個水煮魚唔夾碗轉反薯粉多啲就好好了！佢個攞獎义燒飯就有啲失望了！無什麼特別！佢嘅火鍋我都ok...湯底選擇多，有黑豚肉選擇好味，菜都好新鮮的！正體唔錯！😍😍😍😍最想講係佢張枱我見到無數人被這張枱攪到！飲品反掉了！好無奈點解一張枱好地地會有條痕！要改善下啦！一係加返張透明膠！啲客人中哂“蕉“呀

第一次去百分百食野叫左葡汁焗海鮮飯配紅豆冰賣相幾好 味道都唔差其實食落都幾有葡汁的味道海鮮有魷魚 帶子 蝦 魚柳 蟹柳最好味係帶子 可惜得一粒整個飯都好入味 不過食左一半已經好飽同埋真係即叫即整 都好熱下同埋都需時的而紅豆冰就真係唔多OK紅豆真係超級少同埋好細粒 好重椰汁味 如果紅豆多返少少都可以接受～～～

是日在藍田,過了下午2點, 第一次到百份百餐廳食嘢, 見到個下午茶只係$25, 無理由錯過.  有碗仔翅, 海南雞飯同奶茶紅豆冰.  環境幾好, 人不多, 地方清潔, 唔使自己拎.碗仔翅 - 有街頭風味海南雞飯 - 無骨, 啖啖肉, 好好味奶茶紅豆冰 - 不太甜, 唔錯一定再來幫襯.

吃茶記，麵包鋪是一星期總要做幾次的事，經驗尚算豐富，以下係我對呢間茶記既食評1. 食物質素 （餐廳部）賣相：中上，起碼用既碟係乾淨無污穢，或者崩左呢d問題味道：中等，熱度足夠，小炒缺鑊氣份量：減肥中的女士會岩岩好，一般男人都應該要求加底才會有飽足感2. 服務態度（餐廳部）一般都無咩問題，係個收銀真係生手得制，有咩可能食$150野比$500紙佢找，佢找返$150比你，你同佢講佢仲要話岩呀1. 食物質素（麵包部）味道：味道大部份普通，某幾款屬中上，偏輕身款式：款式不算多，而且很多麵包店應有的都沒有，但勝在喜歡創新2. 服務質素（麵包部）每日我都仲意買個包加杯凍啡少甜做早餐，以下係本人既經歷：第一天：收銀姊姊唔識禁麵包價錢加錢有野飲，所以本人呆等第二日：收銀姊姊入錯單，凍啡少甜變熱啡，又要再等第三日：收銀姊姊又入錯單，凍啡再變成熱啡，不同的是侍應姊姊今次既死雞撐飯蓋，當時得我一個人等緊外賣，侍應姊姊拎住杯熱啡嗌住：「外賣熱啡！」咁行埋黎我度，我梗係同佢講我要凍啡喇，佢居然答我：「喔，呢個唔係你架，你杯凍啡整緊！」聽完真係啤一聲，仲要比我見到個收銀同佢做咗個sorry既動作。喺客人既角度，我寧

此店在平田商場內，前身都係一間茶記，但自LINKS的商場升格，光鮮的百份百便進註了。中午一來到，看餐牌款式甚多，看了一會便order了招牌菜之一 -  縠飼牛肉炒讚岐烏冬 加 (凍奶茶)。不消10分鐘便上枱，四十元的烏冬濃稠適中，味道調得很好，有牛肉、青紅召、菇、椰菜等，很足料。出色之處在於甜甜的汁料和肉質頗腍入味，口感豐富，如果加多少許芝麻會更好吃，而烏冬則煮得偏淋，不夠彈牙。 凍奶茶入口不夠香濃幼滑，可能奶和茶的比例不對，入口有少少鞋，味道過得去而已。吃完肚子脹脹地步出店外，想想份量不算多以咁既價錢埋單確係偏貴（$46），必定係裝潢成本轉移俾食客，如果價錢再平民啲，食物keep住質素而有口碑，相信會更值得支持！