百份百餐廳 (平田商場)

營業中

休息中

中午吃飯去左百分百餐廳吃嘢，價格一般，不過兒子很喜歡這裡的番茄焗豬扒飯，份量多，兩塊大豬排夠兩個人吃！我最喜歡的是酸辣米線，冬天吃完很溫暖！不過食物種類不是很多，吃過幾次都不知道吃什麼了！

2019年2月28日 (星期四) 10:34am 23°C 環境光亮整潔，餐具乾淨。 人數：2 人 HK$61 不用等位 鮮奶炒滑蛋 - 色澤金黃，滑滑嫩嫩，充滿蛋味。【推介之選】❤❤❤ 漢堡扒 - 牛肉新鮮，軟腍不靱，勻和蒜蓉汁之後，更覺美味，正呀！【推介之選】❤❤❤ 蒜香牛油多士 - 蒜蓉味道濃郁，如果剛出爐的話，一定脆口無比。此外，令本人意料之外，是提供一塊吐司，而不是半塊，到喉不到肺。 火腿 + 茄汁焗豆 - 味道一般 熱奶茶 - 既香且濃，絲滑醇厚，散發一種獨特的味道，是其他餐廳沒有的，深受本人與家人喜愛。【推介之選】❤❤❤

其實對這間餐廳不存好感，但今日攰唔想行去啟田商場食午飯，無可奈何入這間餐廳，上幾次幫襯，食飯，意粉同公仔麵，三樣都好難食，食淨好多 。。。今次見到餐牌有出前一丁， 諗住有自己喜歡食嘅嘢， 但原來除了設定的套餐就不可以有其他選擇， 餐牌上的餐全是番茄濃湯，我本身唔鍾意番茄濃湯， 但職員同我講可以轉清湯，滿心歡喜跟住就點了清湯出前一丁麵， 其實已經跟餐牌完全不同了 。。。最後結果 。。。。餐飲好快已經上枱，同時間職員亦好快同我講沒有出前一丁，只有米粉和意粉但這兩樣我都不喜歡食，最後只有不歡地離開 。。。實做到一間集團式餐廳，點解一個公仔麵都可以無，如何去做生意？如何向客人交代？

今日中午，來這食返個午餐，就係叫這牛坑腩飯，送到來枱面，一打開個所謂煲蓋一看，噢，真係比大家樂的，還要細份，果然係一口牛坑腩，仲要收我51元，平唔平真係，不同人有不看法啦

咁啱約咗個 Friend 傾嘢，順便近近哋喺商場食個快飯，於是貪就腳，揀咗呢間百份百餐廳。以屋邨商場食肆嚟講，呢度D座位都算闊落舒適，乾乾淨淨，企企理理。估唔到午餐之選有咁多款可以揀，啱晒我，最怕食嚟食去嗰幾味。咁多年嚟，海南鷄飯都係我心愛之選，所以一眼見到有至尊海南鷄飯，唔使講，即刻揀。而我個 friend 就食得健康D，要咗個豉汁蒸鲩魚配有營藜麥飯套餐。唔使3分鐘，海南鷄飯已經上格，賣相可以。先扒一口香茅鷄油飯，然後嚐嚐鷄汁蘿蔔，普普通通，蘿蔔唔夠入味，老老哋仲有D渣㖭。不過唔緊要，如果主角海南鷄表現出色，就乜都赢番晒。主角出場…一啖咬落，夠香滑，有鷄味，出乎意料地好👍配埋3款醬料，好味，出色。以55蚊嚟講，呢個至尊海南鷄，性價比高。😋豉汁蒸鲩魚套餐遲咗少少上場，不過賣相不俗，但藜麥飯嗰D藜麥嘅份量就有D搞笑。豉汁蒸魚，魚件份量足，碟底仲配埋豆腐噗，都幾惹味，唔錯。两份套餐，加埋一舊水左右埋單，今時今日嚟講，都算抵食，而且質量都比嗰D大型快餐店出色，值得支持。

本人係街坊，由開業食到現在，開始時食物好好。員工服務又親切！現在食物又少又凍越做越差，員工服務態度又差叫都吾應。問多兩句仲黑面！但係人客又吾係多喎！真係俾錢食仲要受氣 。但係仲有D員工仲好好，同佢哋反應完都算啦！吾知係咪得番一間餐廳嘅完故，今曰放假剛買完外賣仲要做好放門口，又吾叫號碼。足足企門口等左20分鐘，要問先知道原來做好左。不過D食物凍晒啦！差丶差丶差真係一肚氣，真你要好好檢討下！真希望個老闆可以睇到

今天早上，想食個簡單的火腿通，所以就去了百份百。我叫了一個火腿通加野菌炒滑蛋。等左15分鐘都未有到，但店員好快就留意到，仲主動幫我追單。滑蛋配上野菌，口感非常好👍🏻可惜的是火腿通太濃味精味服務態度好所以都值得推介

今時今日要坐得舒適又要有食物質素嘅茶餐廳買少見少，我會推介呢一間，環境衛生清潔而且又坐得非常之舒服，有勁多卡位俾你揀！今日我食呢個＄26已經包熱飲嘅下午茶餐就係佢哋其中之一嘅推介，一口西多士配牛油及煉奶！上枱時熱辣辣，雖然佢係渣但係感覺有你，如果你嫌肥嘅可以唔要舊牛油，我食落去嘅時候發現原來兩塊麵包之間隔着一層口口嘅花生醬仲要係粗粒果隻，有口感之餘又香口，而家煉奶嚟代替糖漿，食落去一樣咁好味，不過略嫌煉奶唔夠，電務元很好都給我一份煉奶，因為我真係好鍾意食煉奶㗎 ，配合呢個一口西多士簡直一流！

今日假期，難得早起，食一個醒神早餐，獎勵一下自己，然後再計劃今日節目， 因為時間尚早，此店不用排隊輪候，但當我們坐下不久，門口已有人輪候， 見餐牌更新了早餐配搭，我們便每人點了一個試試，其中流心蛋和野菌鮮奶炒蛋味道不錯。野菌鮮奶炒滑蛋，蛋味香濃火腿通粉彈牙沙爹牛肉麵，沙嗲味香農 ， 流心蛋夠嫩滑蕃茄肉碎麵，番茄味香濃湯底正

昨日中秋節，與家做節後，相約友人玩通頂，今朝瞓醒已下午2時，昨晚吃得太豐富，想食簡單啲，就在家附近買個茶餐，點了焗芝士火腿肉醬意粉及奶茶。，因為是連鎖店所以都沒有什麼期望，還好意粉夠彈牙，醬汁芝士味香濃，味道ok，惟奶茶較失色，奶的比例太多了。

2017年9月12日 (星期二) 2:34pm 環境光亮整潔，餐具乾淨。 人數：3人 HK$81 不用等位 方塊西多士配煉奶 - 4件麵包都屬大大件，搽上大量蛋漿，炸得香脆金黃。塗抹牛油和煉奶後，味道甘甜，質感軟滑，脆口美味！【推介之選】❤❤❤ 火腿雞蛋三文治 - 雞蛋和火腿是涼的，而麵包質感欠新鮮，不夠軟綿。整體感覺十分清淡，幾乎不帶鹹味，失望！迷你海南雞飯 - 雞肉嫩滑新鮮，配合薑粒，味道不錯，只是不夠鹹。底下的飯，略為乾身，感覺偏硬。碗仔翅的味道則一般。 熱阿華田 - 美味可口 熱杏仁霜 - 杏仁香味撲鼻，甜美養顏，本人至愛！【推介之選】❤❤❤《餐牌》：

嗰日我地隨意入左間裝修都幾光鮮既茶餐廳開餐男小編叫左個鐵板牛扒配飯，男小編就叫左個鴛鴦扒焗意粉個鐵板牛扒份量都幾大，有齊薯條、雜菜、牛扒同蛋炒飯，仲配埋例湯同飲品！味道方面就正正常常啦，係一般茶餐廳既質素而女小編既焗意粉反而有啲驚喜，雞扒同豬扒都唔嚡，亦食唔出好勁既雪味！豬扒個邊既蕃茄醬酸酸甜甜咁都幾開胃，仲有好幾舊鮮茄添加上意粉煮得岩岩好，唔會太淋而一“pat”野咁-連埋飲品，兩個人食到飽飽又坐得幾舒服，都係百零蚊左右就唔好要求有高級餐廳既水準啦，不過不失啦

週末放假訓到黃朝百晏，近近地去樓下商場食番個Tea當午餐呢間分店都幾大，唔洗等行入去就有位，一坐嗌野食醫肚。今次叫左個焗豬扒飯，下午茶價$ 34，價錢算係合理個飯一黎到，哇！熱辣辣，即叫即焗，成大塊芝士鋪喺面，𢳂出來有拉絲，加分！豬扒厚度夠！有帶骨唔乾身，而焗飯又係炒飯底，整體份量夠飽。另外女人叫左份花生醬西多士，餐牌寫厚度有5cm！哇！又係即叫即炸，上台時塊牛油重係大大塊厚切放係上面，影相不足幾秒就溶左大半，證明夠晒新鮮熱辣！目測厚度都有5cm，係做足料下午餐包飲品，叫左杯凍奶茶，凍飲加$ 3，餐牌寫係立頓奶茶，飲落唔錯，但飲幾啖就冇晒，原因係佢有好多冰！！整體來言，以連鎖店來說呢間絕對係有誠意做食物，質素同價錢絕對合埋，環境店員亦唔差，比大X樂好得多，連鎖店下午茶之選

百分百餐廳素質向來以3隻字形容：過得去。以一間餐廳標準，未至於去到不得不食嘅地步。呢間百分百餐廳連住麵包店，幾方便居民。首先，四川麻辣牛肉飯，調味剛好唔太鹹，但食落係有辣味，如果唔特別食辣椒籽，其實接受得到，算小小辣。牛肉有香味，飯粒分開一粒粒，唔會痴住一舊咁。碟飯黎到個陣雖然未至於有鑊氣，但都熱。另外雞排蕃茄煎蛋意粉，湯底得蕃茄色，蕃茄渣，但冇蕃茄味，頂多係有色水嘅清湯意粉。意粉如果個湯底冇味，其實等於食冇味意粉。雞排煎得唔錯，皮脆肉嫩，咬落有口感。煎蛋就表現麻麻，普通太陽蛋漏汁。以整體表現講，被湯底拉低分數，算合格而已。我叫左份牛油煉奶多士，牛油係一片個種，即係菠蘿油個種。黎到個陣未融，因為飽唔算熱，但食落飽是脆皮，算不俗。飲品就叫左杏霜同凍華田。華田算濃郁，幾好味，可惜杏霜係花奶味，我唔太鍾意。服務態度良好，舉手一陣都有人過黎落單，衛生算乾淨。我會繼續試呢間餐廳唔同飯菜，但暫時俾我印象係一般，可以一試。

早上上班不想自己煮早餐，於是去了附近的百份百餐廳吃個早餐！我點了一個「漁人碼頭」套餐，這個餐有一塊炸魚柳，一份抄蛋，少量的茄汁焗豆和一個餐包。吃這個餐的目的都要為了那一塊香脆可口的炸魚柳，可惜的是不夠幾口就已經把它吃光光！我怕不夠飽肚，所以加了一個火腿通粉。套餐加配這個通粉粉只需要加5元，感覺上也挺便宜的。味道就不過不失，只是為了令肚子更加飽肚，以應付今日的工作。飲品就點了一杯茶走。這杯茶走還洲沖得挺好的，不會差於那些老子號的茶餐廳！