百份百餐廳 (翠屏(北)商場)

營業中

休息中

繁忙工作 ，下午茶鬆一鬆，去左尼間，叫左個蕃茄濃湯豬扒蛋意粉 ＋熱齋啡,蕃湯底濃度適中， 塊豬扒好好味😋，杯熱齋啡水準之作，但可能侍應人手不足，服務稍為有小小唔耐煩🙄但$28尼個價錢都正係超值了

百份百愈開愈多分店，同集團有幾間唔同名既店舖，我覺得質素唔錯~呢日去開觀塘，未夠11點仲趕得切食個靚早餐!叫左野菌炒蛋配蒜蓉牛油多士拚火腿通粉。野菌炒蛋有好香既菇味，不過個蛋略嫌炒得老左d，好熟，食唔到滑蛋既感覺，有點可惜,但味道唔錯的~反而配角蒜蓉牛油多士烘得出色，不多不少的蒜蓉牛油溶化係暖暖既多士上面，香噴噴又脆卜卜，多士夠哂大件，食哂已經飽左大半，好彩個通粉都係迷你SIZE，咁就唔會食到過飽。成日覺得餐廳整既通粉係唔同D，同樣係火腿通粉但係屋企係煮唔到呢種味道。落少少胡椒粉食簡直PERFECT!美好的一天就是由美味的早餐開始嚕~~

早幾日去咗做義工，做完義工就隨意去咗屋邨商場搵間餐廳食飯，咁啱今個月雲閃付同百份百餐廳做緊優惠，消費滿$30有得減$20，都咪話唔抵！🤑我叫咗一碟肉絲炒麵 $54 ☺️個麵嚟到時，周圍嘅食客都開始靜雞雞討論，因為...個麵實在係太巨型了！我食麵無數，呢個肉絲炒麵都算係我食過之中最巨型嘅一個，唔只個麵巨型，連肉絲同個汁都大大一碗，相比其它茶記$4x 只有一細兜汁，永遠唔夠食，呢到真係超抵食，超大份，呢個size適合兩個女仔食，我當日一個食，雖然好滿足，但真係食唔哂，有點浪費...埋單只係用咗$34，視覺同味覺都大滿足～！

同朋友三人行黎百份百食野，之前係其他地方食過覺得唔錯，所以見觀塘都有就一試。我地叫左個炒烏冬，咸魚雞肉炒飯同埋辣肉醬豬扒意粉。 三個黎到都好大碟，雖然呢個價錢係幾抵食，但我地3個人都食唔曬。 所以份量方面我覺得可以再少番d。 味道方面，3碟餸都偏咸，明明已經唔係叫咸魚既餸都好咸，食完有d口乾。 但值得一讚既係豬扒比得好多，成碟有成6，7塊，完全唔呃錢。 同埋辣肉醬都真係辣，我平時譚仔食開中辣都覺得有小小辣，唔食得個d應該會狂飲水。 不過證明左佢唔係有名無實得個名話辣又唔辣。 整體黎講份量大碟抵食不過有d咸。

百份百餐廳有一個好處，早餐直至到11點半...放假的我可以訓晏少少才出門口嘆一個平價早午餐11點半前入座職員都好好問一聲食早餐定午餐，款式非常多當然食平價早餐啦此餐廳收款由現金/八達通，已經新增支付寶/微訊/BOC Pay(中銀銀聯新款app)香煎雞扒米粉 $34 雖然係清湯底但加上2包特製辣椒油後，美味更多腸仔改左牌子後，味道差少少 不夠香口雞扒煎得皮脆，肉質鮮嫩 雖然都係冰鮮雞扒但一啲雪藏味都沒有茶走 香滑的熱奶茶配上煉奶，甜甜的煉奶 味道賣相衞生服務抵食推介

响觀塘區返工的人, 中午唔想同人迫就要周圍走, 行遠少少食 lunch, 但我覺得都 ok 啦。其實呢間百分百餐廳在幾年前已經幫襯多次, 但服務一向很差, 甚至連裝水的杯也是有污跡, 所以有一段很長時間沒有來幫襯了!今天突然想食海南雞飯 🐔🍚, 就帶左同事一起來了!同事 order 左一碟沙嗲牛肉炒河, 而我就梗係海南雞飯啦。海南雞飯上枱時我已在心中讚了一句好, 因為擺碟很精緻, 跟餐的是頗正宗的黄油飯, 而且奉上三小碟醬油, 有黑色甜醬油及薑汁。飯入口是暖的而且軟硬適中, 雞件沒有雞味但尚算嫩滑, 還有三件很淋的白蘿蔔, 跟餐還有凍檸茶, 凍飲加三蚊。同事的炒河粉上枱比較慢, 賣相不漂亮, 味道還可以, 因為同事很快吃清光了, 哈哈。 雖然是茶餐廳, 但門口也有聖誕裝飾, 簡單而明亮。還會再來吃海南雞飯的。

兩個字 垃圾 個黑衫經理成日黑面 落單夠膽死企係收銀度問你食咩 行都懶得行 搞到個個都好似拯溺咁大叫最得人驚就係個師奶侍應落張張單都好似鬧人咁 語氣差到冇人有有個阿伯問佢呢樣咩黎 佢就好大聲發火咁鬧個阿伯諗好味 真係見到都覺得慘 重覆一次 呢間野係垃圾中嘅垃圾去一次包你火一次服務態度絕對世界級 想俾人鬧歡迎去試

下午茶推介，今日走左去觀塘都百分百食下午茶，叫咗個豬扒酸辣米線，加奶茶。先講豬扒，豬扒外表煎得比較金黃，肉質鬆軟，口感不錯。可惜酸辣味不夠，但勝在價廉，只需$34。性價比尚可接受。

同朋友們喺觀塘游完水搵嘢食，近近地嚟左百分百餐廳，見到銀芽肉絲炒麵就忍唔住即叫啦！！佢個麵同汁係分開上嘅，可以令到個麵唔會浸淋哂，真係炸得好脆，但因為個麵三尖八角咁，我每啖都唔可以完全放哂入口，結果最後係食到成枱都係都架，哈哈！

山長水遠去到九龍東做野，唔食個早餐就真係對唔住自己，加上我寧願早d出門口嘆早餐，都好過繁忙時間出門口冇位坐兼塞車！一日之計在於晨，所以點都揀間門面靚d嘅餐廳，入到面，座位都叫舒適闊落早餐唔使複雜，好食嘅簡簡單單都殺食🙈份三文治都好夠分量，方包鬆軟，不過如果有返多少熱度就仲好！我呢份係芝士炒蛋治，個炒蛋都幾厚身，蛋香足夠，可能真係唔算熱，塊芝士反而有d失色，因為冇溶嘅效果。成日覺得港式早餐冇理由唔飲奶茶，飲得奶茶又冇理由唔叫茶走，都冇令人失望嘅☕️一間餐廳早餐做得好，係好重要，呢間算係唔錯

一早個個趕返工，拯溺甘舉哂手都無人理，視而不見，千辛萬苦落到單足足等你20分鐘杯野都未到吾好講個麵，叫侍應追單仲慘過求佢，短髮經理完全吾識安排各員工崗位工作，伙記又吾係少，個個好似遊魂甘。已經吾係第一次比機會，連下午茶吾太多人一樣甘差，混亂到一個極點。最奇怪現象係一群熟到爛既師奶就好好招呼，落單即到，要水要乜即時提供，其他食客就視而不見。大家好似已習慣比客催單全無反應，無心經營就吾好做啦，希望貴店重視下顧客反映，幾好食都無用，價錢已經吾係平，垃圾😡

百分百餐廳話說今早剛過11點這間餐廳仲係早餐時段，就整返個早餐食，我用了數分鐘在一個選擇多多的menu裡揀選了一份早餐，阿姐姐好爽快就回答：個餐冇麵包跟。 唔係賣晒，係冇貨，真是奇~陸續都有好多客人打咗個突，吓，冇麵包！有一客人回應，即是係等於係士多度冇可樂賣一樣~ 真係 奇 怪 囉！

喜歡百分百的番茄肉碎通粉， 每次來我都係order這早晨， 遞上來熱騰騰的，最怕食 暖的一碗粉， 肉碎醬汁濃味，似意大利肉碎意粉的醬汁，只係多放了湯，通粉的軟硬度剛剛好。遞上來熱騰騰，最怕食暖的一碗粉，酸酸的，加上辛辣椒油，好開胃。唔足飽可加三蚊多一件蒜蓉包，不過今次這件蒜蓉包烘得不夠脆， 令人失望。奶茶一般，多奶，茶味不夠。

中午瞓醒就嚟咗呢度食個下午茶。本身想食佢個五cm厚嘅西多，但係見到有個炸脾我想食喎咁就叫咗個炸脾食。不過等左好耐，雖然話即叫即整要等耐啲，但係都冇理由等成25分鐘。等啊等等啊等終於嚟到上枱喇。雞髀伴住一啲炸薯條，薯條都係茶餐廳嘅炸薯條粗身有波浪嗰隻，只炸雞比幾新鮮外面炸到金黃色而且好多肉汁，啲皮好香脆，唔會太乾，調味都OK，算係食咗一個唔錯嘅下午茶。

中午差唔多十一點半落去觀塘百分百叫咗個魚片頭酸辣米線同涷檸荼，係幾好味但係就係等得耐啲，要成一個小时後先有又冇位比人坐住等下而坐喺入面嗰啲食既，大多數都拎畀佢哋先仲有一次就係叫做同一樣嘢但係唔知點解係清湯，冇酸辣嘅感覺仲比平時少咗好多米線