影片
港鐵西灣河站 A 出口, 步行約5分鐘
繼續閱讀
電話號碼
25605214
營業時間
今日營業
06:30 - 17:30
星期一至三
06:30 - 17:30
星期四
全日休息
星期五至日
06:30 - 17:30
以上資料只供參考, 請與餐廳確認詳情
相關文章
住筲箕灣咁耐都未試過，成日見到排哂隊，因為西灣河同筲箕灣之間，今日同老公行過終於試左搬左黎3年今日終於試左，估唔到係真係食返細個既味道，老實價錢唔貴，我叫左特餐通粉係忌廉湯好好味，叫左凍啡味係唔係捷榮，真係自己沖，見到好多野都想試，不過唯一缺點係佢開6:30-17:30，同大家留意佢員收現金，常餐茶記飯餐我最後仲買左沙翁，見到d餐都有心整唔係hea,筲箕灣必推雖然見d人話員工冇禮貌個人認為幾好態度，姐姐仲同我地講笑
繼續閱讀
個阿姐係咁俾人插隊，你拎左飛仔等位係完全無用的，因為個阿姐鐘意俾邊個入就邊個入。一時又係下張係到你，一時就話叫你等陣，鋪頭出面條路又窄，根本等吾到。如果想俾錢攞氣受就慢慢等慢慢食。
繼續閱讀
不嬲都中意食百利粟米肉粒飯炒飯底(炒飯底加15)。今日同爸爸黎飯晏晝，佢食粟米牛肉粒炒飯白飯底，我食粟米肉粒飯炒飯底。我碟粟米肉粒飯炒飯底嚟到之後已經聞到燶味！炒飯仲有炒燶野既黑色一點點！叫侍應埋黎話要換，就話炒飯係咁嫁啦(炒飯有黑色一點點係正常？有燶味係正常？)。最後老闆娘黎將炒飯換左白飯仲話叫以後唔好叫炒飯底禾。經典黎啦— 埋單既時候老闆娘堅持炒飯底15要照收！話因為我分左一啖去我爸爸隻碟叫食左？話說佢換個白飯俾我既時候，我爸爸已經指住係佢碟個啖飯話「啦，我唔會食既放心」諗住大家君君真真。最唔君真係邊個就自己知囉。炒飯失手米炒過囉。唔洗咁趕客既。
繼續閱讀
六十幾蚊一個餐有湯有嘢飲仲要炒底焗豬扒飯. 好有誠意。 味道濃鬱。 過羅宋湯有好多料， 唔係淨係用番茄醬開。 好抵食呀！！奶茶又香又濃。 ,員工服務又好態度。 仲要好夠冷氣添
繼續閱讀
傳統港式冰室喺香港愈來愈少，依間係由我上一輩都有幫襯開到而家，餐廳嘅佈置同裝修都維持以前咁，不過錯嘅位置就較迫依間冰室懷舊之餘，食物品質都中上，而價錢仲好實惠雖然係舊式茶餐廳，但店員都好Nice又好客特餐-餐肉通粉+火腿奄列+餐包+熱茶走$39一食個通粉就好有驚喜，因為個湯底係用咗好濃厚嘅忌廉湯好夠味道同足料，而唔係唔好通嘅雞湯hea你，加埋啲湯又係通粉入邊，吸晒味，真係好有誠意嘅茶記通粉，餐肉仲係兩塊厚後煎香嘅餐肉火腿奄列煎得火候啱啱好，切落去仲有少少單流出嚟，加埋落餐包食就好滿足，不過略嫌油咗少少黎到茶記當然要叫杯茶走，叫咗少甜真係有少甜到，茶底夠晒香醇，加埋煉奶好香滑，飲落一啲都唔澀
繼續閱讀