影片
以上資料只供參考, 請與餐廳確認詳情
炸菜牛肉腸粉：牛肉腸粉就食得多，加咗炸菜唔知會點呢？食落去啲炸菜索索聲，不過有少少鹹，牛肉都好嫩滑，腸粉皮又幾薄，幾有趣！而且非常多料，多都唔覺自己食緊腸粉。而且切成6小塊，咁樣每塊都可以索滿豉油咁食喇！糯米雞：荷葉包住糯米，有雞肉、叉燒肉、鹹蛋黃蛋白、冬菇等。份量頗大，兩個人食一個絕對綽綽有餘。流沙包：其中一個係硬沙包，另一個嘅奶皇餡就好稀，一咬開個包就奔騰而出，小心又辣親個嘴....... 勝在奶皇餡唔覺得甜同漏香草沙律明蝦角：入面有好幾隻蝦，同埋幾隻蝦，雖然冇其他料，但係有淡淡嘅香草味。個皮炸得幾好，唔會過火，而且非常香脆，一擺落口就熱到辣親！鮮蝦腐皮卷：同明蝦角一樣，入面只有蝦。比明蝦角做更好，金黃外皮極度香脆，一咬就會有好清脆嘅裂聲，唔會濕到咬唔開，而且唔會煎到好勁油味，反而仲會食到腐皮味！雖然腐皮卷入面只有蝦，但係都好味到唔緊要喇！服務：全部人都太有禮貌喇，每次講完唔該之後佢哋都會'唔駛'返我。當所有點心到齊晒之後，有位短頭髮嘅女士專登走嚟問我哋駛唔駛蓋住先等佢唔會凍，又不斷為我地加茶。走嘅時候原來我地漏咗支筆，嗰位短頭髮嘅女士係專登走出嚟追住俾返支筆我地。我冇諗過食個點心姐，都可以咁好服務？！要大讚！！！！！星期一至五，下午2-6時有85折，抵！
繼續閱讀
聖誕派對後、一個入又想飲茶，但又唔想去酒樓同人迫。想起黃埔有一間百勝點心工房，係即叫即蒸即食。蟹籽北菇燒賣，好香菇味道，用料是傳統的燒賣餡料，豬肉、蝦肉、肥肉加上冬菇等。味道唔錯。 晶瑩鮮蝦餃，蝦餃皮腍口、沒有嚼口、可能和登麵及麵粉比例有關。蝦肉調味方面品比較重味了，淹沒有蝦的鮮味。有點可惜！ 雪山焗叉燒餐包，賣相都幾好，剛焗起包身及雪山皮比較鬆軟，叉燒餡料及芡沒有太稠。味道算是平均。 食物份量是一人份，正宗一盅兩件。帶有中式獨食文化。味道及價格非常合理、唔怪得給引不少街方客。
繼續閱讀
又來幫襯了, 消費者就是這樣無記性, 上次食過, 不太滿意, 經過一段時間, 就忘記得乾淨. 這間店是隔幾條街的百勝酒樓的分支店. 客觀一點, 這間的點心, 雖不是做得很好, 但也比那間總店好一些, 而且點心的賣相也設計得不錯. 估計是因為這店的負責人是由兒子管轄, 而總店是由老一輩的人打點.與上次一樣, 蝦餃, $16, 一籠兩件, 大隻品種, 不是我杯茶, 最好當然係細隻而給三件啦, 最起愛的蝦餃大小, 非利苑莫屬. 還好, 蝦餃皮尚算煙韌, 也不厚. 蝦仁…. 無期望, 也當然不會失望吧..鳳爪排骨飯, $32, 一碗, 唔係”一盅”. 鳳爪完整無爛, 皮彈牙, 醬汁適中, 味道好. 白飯做得乾身, 一粒粒看得見, 加了些少豉油, 甜味尚好. 排骨, 不滿意, 肥多瘦少, 只有一件是”一字排”切出, 其他的都是”岩岩巉巉”, 肥肉之間, 又切唔斷, 好差!!鮮竹陳皮牛肉球, $16, 個名好勁, 陳皮?? 可能有, 但sorry, 真係食唔出. 鮮竹, 一小小小片在底, 唔錯呀! 口感滑. 牛肉的肥瘦部份未攪得勻循, 眼見仍有很多白色一點點的肥膏. 至於牛肉味??... 現時香港… 牛肉無”牛肉味”是常識吧.. 無投訴啦..下午4時, 不多客, 蝦餃和牛肉, 很快上檯, 但鳳爪排骨飯, 足足等咗24分鐘, 無作大, 睇住隻錶, 望住張單上印住既”時間…. 繼續努力吧, 我都唔想你執笠… 全黃埔區唯一的一間點心店.....
繼續閱讀
晨曦早茶 一大早七點一個人不知吃什麼，想飲茶但又不想去茶樓，於是 就去了點心工房。雖然有早晨套餐平D，但就是任性叫了燒賣、鷄扎 一個人吃剛剛好，點心一般，燒賣味道平平不太新鮮，鷄扎的材料也不多，少了火腿但芋頭粉粉的好吃，可能是蒸定的所以味道真不怎樣(我一落order啊姐就在門口的大蒸籠裏取給我不用等，真太快！其實我不趕時間)如果是即叫即蒸應該會好些吧！(可能太早)。3元茶錢無限添飲無加一共$37，裝修簡约地方整潔，服務也不錯，D阿姐蠻親切的。
繼續閱讀
最驚喜嘅係呢味四色甜品，估唔到係茶樓會有d咁新派嘅食物。四款甜品有石榴慕絲，朱古力慕絲，芒果布丁同焦糖布丁。石榴味嘅甜品真係好少見，但係真係有好香石榴味，值得一試。其他三樣甜品同平時食開嘅都差唔多，但係相比之下夠哂滑，好新鮮。所以作為下午茶，單點呢個甜品真係好唔錯。
繼續閱讀