百匯軒 (已結業)

要陪屋企人去藍店，冇辦法。睇過啲食評都話服務態度差唔相信。點知係真嘅。10分鐘先至有人過嚟落單，落完之後3分鐘唔夠，我哋發覺原來石榴一字骨$72，有孖寶優惠。加$76多條海班。去問服務員。佢話入咗電腦唔開得。但係我話加餸都唔得？跟住仲要俾佢鬧話唔得。最後要搵部長搞。搞咗成10分鐘先得。一般酒樓叫菜嘅時候落單都會建議叫個套餐，今次完全冇提過真係唔好。餸菜都幾快到，味道都幾好。不過真係好細碟。4個人（有兩個老人家）5碟餸都唔係好夠飽好彩都有幾個紅豆沙甜品送，但係味道真係唔好。最後臨走前服務員建議我哋比多$10要埋隻鴨殼。點知冇貨，但係照落單。一時睇漏眼，俾佢呃咗$10

之前都有食過...見過依家有C &D 區，可以6個人一齊坐，就去左飲個茶。但無諗過依家咁差。果日見左十多個點心，其中一個叫左個椒鹽鮮魷。嘩...一黎到，得6舊。忍唔住，問左個阿姐，點解得咁少？ 咁就$40幾蚊？之後個阿姐竟然覆左句： 係得6舊嫁咋，你數下la! 見到$40幾蚊，又要加一，成$50,真係忍唔係再叫佢部長。 之後部長就講左句唔意思，話入去問清楚廚房，睇下咩事。可能換過碟，如果真係得6舊就取消個點心。點知...佢拎過另外一碟出黎。炸到咁樣。 淨係見到d 粉。仲話同左廚房師傅，岩岩6舊果碟太少，唔好意思比客，呢碟先叫似樣wo!🙄🙄之後就行開左。但...大佬呀！呢碟野粉多過魷魚。咬開左，食極都唔見d 魷魚，最後搵到舊魷魚2cm 都無咁，點食ar? 食粉ar?😤之後再叫部長黎睇，同佢講接受唔到wo, 得粉無魷魚。 個部長最後講左句：幫你取消la (黑住面拎走左碟野。總結係，呢間野d 小食分量越黎越少（好似將一碟分兩碟比客咁），好搵笨。 呢度只可以食普通點心。因為分量一定足粒數，呃唔到。 🙃🙃

今日下午12時10分打電話去買外賣, 一路都冇人聽電話. reception冇聽電話, 打去買外賣嘅電話.打了很久收銀才聽電話. 收銀話買外賣不可以用電話打.  我說由疫情開始到現在都是用打電話到這間酒樓買外賣, 收銀才行下單.  到攞食物的時候, 收銀說太忙, 不聽電話.態度惡劣!!!這間酒樓, 有這樣的收銀, 可以什麼都不用做了.收銀覺得自己忙, 就不用做生意了. 

食物而言算正常水準，燒麥蝦餃都還不錯，腸粉軟兮兮不好吃。一家三口也花了400多港幣，埋單時候有一個點心等蠻久沒有上，我自己都忘記了，說能不能不要了，二話不說直接給你刷卡。讓阿姐去給我打包，問她在你家吃飯不能退單？收銀大姐一副強買強賣的表情，還把責任都推給顧客，大喊大叫潑婦一樣，二十蚊而已真的也無所謂，只是態度惡劣到無法忍受，來吃你家東西是欠你家錢怎麼的？再也不會來，身邊朋友也都說清楚不怕吃氣就來吃

老豆8月生日，剛巧遇上政府派發消費卷，真係派上用場呢😆！老豆鐘意食中菜，尤其是海鮮🦞，咁啱見屋企附近嘅「百滙軒」有做外賣生意，一於試試看⋯⋯上湯西澳龍蝦🦞1斤伊麵($298x2份): 龍蝦伊麵賣相十分好，估唔到肉質非常爽脆彈牙😋🤤，伊麵口感爽滑，配上湯很味美，令人食指大動！清蒸沙巴仔1條$118: 呢條魚蒸得火喉剛好👍，肉質十分滑溜清甜，好食到停唔到口呢！貴妃雞半隻$58: 隻雞肉質超滑嫩，眨吓眼就比大家ko掉！菠蘿生炒骨$68: 呢碟生炒骨實情無乜骨，似咕嚕肉多啲，不過外脆內軟好好食，餸飯一流！XO象拔蚌小炒皇$78: XO醬唔太辣，象拔蚌煮得好爽口，算唔錯的。$918埋單，認真抵食！

炮台山搵早餐，可以茶餐，快餐，中茶等等…我選了去百匯軒試試「晨光我話事」，有話事雙寶任選兩款點心$28.80，還有至愛雙寶有日本柴魚花生粥配香煎蘿蔔糕只係$19.80，最後我都係選擇了鳳爪排骨飯$18.80、因為自己一個人食不到太多！其實都幾大碗和夠真材實料！環境也很舒適！

離開香港前和朋友吃飯，看見這家百匯軒有很多特價小菜 於是進去一試。之前曾經在這裡飲過早茶點心水準不錯，心想晚飯小菜應該水準不會太差。這裏特價小菜非常多，點了片皮鴨，燒鵝，陳皮蒸龍躉腩，芹菜炒斑片，半打薑蔥蒸鮑魚，蒜蓉粉絲聖子。每道菜都是我所喜歡的菜。片皮鴨性價比很高，78元 絕對沒有偷工減料。但燒鵝稍嫌太肥膩肥膏太多。陳皮蒸龍躉腩也不夠熱 蒸得不夠熟影響口感。反而蒸鮑魚和聖子實在很新鮮，聖子體積很大又爽滑，鮑魚才賣68元 更加是必吃的首選。芹菜炒班片 味道也很好。整體而言屬於中上水平。人均三百能吃到這些菜絕對是超值。

今天早上突然想饮早茶，记得家裏附近这家百汇轩从来没去过于是过来一试。这家店算是炮台山的老字号了，开了几十年经常高朋满座。而且早茶经常有特惠套餐所以深受附近街坊欢迎。点了早晨双宝川芎蒸滑鸡和萝蔔丝鱼饼，另外再加一个鲍鱼鸡粥。这裏的服务阿姨态度非常好，翻茶速度也很快，实在值得一讚。川芎蒸滑鸡实在是最大惊喜，比北菇蒸滑鸡好吃多了。加上点点中药和杞子的味道，没想到会跟滑鸡可以配合得这样天衣无缝。萝蔔丝鱼饼也很特别，满满的萝蔔丝，每咬一口口感都非常丰富。鲍鱼鸡粥也是十分惊喜，粥底非常绵滑，证明厨房师傅的功架非常高。酒楼的地方非常宽敞，坐下来感觉很舒服。应该会成为我以后饮早茶的饭堂。

疫情期間仍想支持酒樓食肆，去開砲台山 處理其他事務，就順便到這間酒樓飲個早茶。 但由入門口、自己搵位、 坐低、自己轉臺、 到想叫夥記開茶， 前後超15分鐘，舉了N次手、叫人，但係完全冇人理你！！啲夥記直頭望都唔望你 ！！真係火都嚟，決定用腳投票，走！！咁差嘅服務態度， 相信應該係等執笠！

所有經理都係態度極差，食開個龍蝦E面都幾好味所以今日再黎，點知龍蝦只得殼，肉又梅，之後同第一個經理投訴，就話係咁架啦！到同第二個經理投訴仲衰，發曬皮氣向度鬧一個7X歲既佰佰話如果攞返去佢會俾廚房鬧~之後就發曬皮氣收曬我地堆蝶同碗！！乜態度呀？！

今日到北角探朋友，放假例牌去飲茶。呢間酒樓門面係唔錯，不過入去一坐低就知道係普通料。蝦餃塊皮直情係爛嘅馬拉糕個樣雖然唔靚，但食落味道係唔錯薄餅煎到燶晒油菜相當乾蝦腸都好乾感覺係食物蒸左好多次，或者好耐，總之就唔新鮮。唔知係咪公眾假期關係，兩點幾仲要冇正價。

一大班朋友食lunch，梗係要，飲茶啦。我suggest 5個人，可以叫三五知己餐做base，唔夠就再另加點心，埋單$400 5個人搞掂，每人$80真係幾抵食！蝦餃王每一顆都好大粒，好彈牙，個皮都好薄。蟹籽燒賣麻麻地，啲豬肉同冬菇都足料！薑汁千層糕好重薑味，落啲椰棗會甜啲好味啲。三五知己要推介嘅係多春魚，好脆卜卜，一咬就爆曬啲粒粒，好澎湃！馬拉糕又係好重黃糖味，甜度適中，鬆軟！叉燒腸太多葱味，太少叉燒！仲有炒米粉就平均啦，都夠熱，不過吾夠多料！有啲dry~

第一次來，應該之後也不回來。這個茶樓應該是不太適合我了....環境：一開始去了101號枱，環境清靜，但陰風震震，當告知服務員後，他們說冷氣不可調校，就幫我們選擇另外一個位置。到了枱號203 ，樓底比較低，沒有這麼寒冷，但相對也是寒冷，環境嘈吵，應該是隔離枱的食客關係吧.... 服務：之前的較高級服務員態度不太好。之後當我找不到點心價錢的時候，我問了一個阿姐...阿姐非常不耐煩。令我好後悔問問題食物：燒鵝瀨- 算是美觀，不太鹹- 菜-夠大碟燒腩仔 - 脆皮 菜肉包- 黐住垃圾（見圖）總括然言。因為100%（兩位）同我哋有過對話的員工態度都唔太可以接受，兒歌菜肉包又有嘢黐住，所以縱使其他嘢食OK，也不打算再來。

推薦中午的飲茶套餐，價錢優惠，環境亦較舒適。中午茶市不算太多客人，而且出品快，另打工仔不致太趕時間，另外推薦該店的燉椰皇，是原個燉的，不算太甜，感覺清新。 另外，亦推薦薑汁糕，薑汁未很濃，味道不錯！

食物 : 一般飲茶會叫嘅嘢，特別推介福建炒飯賣相 : 冇乜特別普通飲茶味道 : 整體食物質素唔錯，福建炒飯好好食，一定要叫如果人多嘅話環境 :7/10 價錢 hkd 130/ 人性價比 7/10