影片
電話號碼
81066210
開飯介紹
設有園林海景燒烤場，特色燒烤美食，敬請預訂。(附設燒烤食品外賣)
繼續閱讀
特色
適合大夥人
營業時間
今日營業
01:30 - 23:00
星期一至日
01:30 - 23:00
以上資料只供參考, 請與餐廳確認詳情
招牌菜
上星期六又約埋屋企人一起去這裡燒烤，今次是第二次來了，真係要值得一讃既係這裡的風景是很美很美的，180度全海景、藍天白雲、有山有水，風景如畫！我們一早致電老闆預約黃昏前到達，老闆便去街市買定新鮮食物預備。上次老闆煮左一個白洒大蜆煮魚，超好味呀，今次還祈待再吃呢，點知今次老闆話依家已改了煮䀋焗魚，因為很多客人要求這款煮法，我們也不妨一試，待我們燒烤到一半時，這款䀋焗魚出塲了，嘩！果然真係唔錯呀，很好味。另外還有很多特色的燒烤美食，大家真係要來百合園林燒烤塲試下呀
繼續閱讀
首先，食物質料真係非常唔掂最簡單既丸類都一陣雪味，仲要一開二好慳本D肉勁難食，係雪左好耐既肉，燒完梅菜咁自家面包，本來好期待，一咬已想吐有陣過期面粉既味，而且酸酸的難堡扒 - 一陣怪味而且酸酸地得個蝦叫入得下口老闆服務唔得，好冇禮貌，拎多隻碟同叉都黑面開爐費過5個人free但唔聲唔聲計左兩筒（其實每向只有數舊）炭錢，盛惠$80果度環景其實好危險，如果有小朋友/狗要睇實因為周邊有野圍，好易跌左落海呢間野真係唔會再幫襯
繼續閱讀
有些食物唔新鮮，有怪味又其是丸子。麵包樣子美麗，但食時有曱甴味，超嘔心。牛扒晦晦地，串燒好咸。雞翼味道不錯，煙肉蕃茄串也不錯。可惜老闆態度及語氣其差。地方太細，當下大雨時會漏水，極之唔方便。
繼續閱讀
原定12月的BBQ, 一改再改, 終於訂係天陰陰的星期六。我地一行六日就衝入西頁BBQ。今次都係小妹第一次去百合園林, 平時要求高的同事仔十個LIKE 推介, 又話高質又話好Feel, 就唯有聽佢話BBQ啦.的士司機車到我地係門口, 行左一條小路先落到去。落到去真係嘩左一聲呀!好靚呀!我地都未坐低, 老板就知我地餓, 就扲左盤麵包嚟, 係老板自己整, 冇人造色素, 純天然架!熱那那香噴噴!跟住老板就開爐俾我地啦, 佢三二下手就已經起左火啦!我老公燒到D大蝦好靚呀,佢話要燒吾斷佢D腳甘話!老板自家醃的豬仔骨老板自己焗的曹盲魚配大蜆 (老板會跟據當日有咩時令海上鮮先決定整咩)因為依日天陰陰, 只有我地一枱客, 老板好有型既扲住罐啤酒就過嚟Soso, 同我地分享佢煮野食之道, 又俾我地睇佢個廚房, 又俾我地同佢地隻狗bb玩, so nice ^^我地六人由下午二點半燒到9點半,真係超級誇張! 每人都只係$21X + $20 (自備酒水另收錢)食物選擇多, 但份量得一份/一串, 不過真係啱啱好, 吾會太多, 吾會太少 (我地有五個男生, 一個小妹)老板有心醃製,吾係是是旦旦!有機會我都會再嚟多次架!!
繼續閱讀
假日燒烤周圍都多人，有朋友搵到呢間位於西貢既燒烤場，咁就策騎架tesla黎到西貢既外郊黎試試。環境向海，每個爐都向住沙灘，可以欣賞埋日落，個畫面係幾靚。這裡私隱度高，唔怕其他燒烤場咁人煙嘈雜，可享受片刻寧靜。我地有私人雪櫃，裡面雪住燒烤食物，呢度係用燒烤爐，唔使個個都用叉咁麻煩。牛丸，魚蛋，腸仔味道無咩特別。雞翼同牛扒都預先醃好，有咖喱味同黑椒味添。不過講到正係呢度竟然有海鮮燒。每人一隻大虎蝦同一隻扇貝。虎蝦有成隻手掌咁大，鹽燒係最能帶出蝦本身既鮮味，仲啖啖肉。扇貝就係蒜蓉燒，食得出陣海水味證明用料新鮮。最後仲有條鹽焗𩶘魚，除左預先用鹽醃外，仲有檸檬片，所以食落有陣清新檸香，不過鹽醃始終令條魚鹹左少少。呢度景觀好，唔使同人迫，仲有質量既食物，不妨試下。
繼續閱讀