百合園林海景燒烤場

營業中

休息中

假日燒烤周圍都多人，有朋友搵到呢間位於西貢既燒烤場，咁就策騎架tesla黎到西貢既外郊黎試試。環境向海，每個爐都向住沙灘，可以欣賞埋日落，個畫面係幾靚。這裡私隱度高，唔怕其他燒烤場咁人煙嘈雜，可享受片刻寧靜。我地有私人雪櫃，裡面雪住燒烤食物，呢度係用燒烤爐，唔使個個都用叉咁麻煩。牛丸，魚蛋，腸仔味道無咩特別。雞翼同牛扒都預先醃好，有咖喱味同黑椒味添。不過講到正係呢度竟然有海鮮燒。每人一隻大虎蝦同一隻扇貝。虎蝦有成隻手掌咁大，鹽燒係最能帶出蝦本身既鮮味，仲啖啖肉。扇貝就係蒜蓉燒，食得出陣海水味證明用料新鮮。最後仲有條鹽焗𩶘魚，除左預先用鹽醃外，仲有檸檬片，所以食落有陣清新檸香，不過鹽醃始終令條魚鹹左少少。呢度景觀好，唔使同人迫，仲有質量既食物，不妨試下。