百合谷餐廳

營業中

休息中

百合谷餐廳位於灣仔，幫助弱勢社群就業，午餐一定去支持下！一看餐牌，選擇亦不少！叫了美極生炒牛肉飯！香味十足，真係幾好味既午餐！例湯，入面有瘦肉，充滿鮮味！凍檸茶，茶味香濃！

百合谷餐廳：成立於1982年，一直提供優質而實惠的餐飲服務，並致力為弱勢社群及精神康復人士提供職業訓練及就業機會，讓他們在工作中能建立自信及學習相關技能，最終成功公開就業，自力更新。係一間愛心社企🎊🥰得知這間餐廳使命👍🙏喺附近返工嘅同事都會默默支持💪。而佢哋做嘅飯餸一啲都唔馬虎😋用心製作👍今日就叫咗外賣：黑椒牛肉絲炒意粉包例湯及飲品$58:用心製作夠鑊氣🎊👍大膠盒裝得滿滿的。例湯原汁原味沒有落味精好好味👍真係又平又抵食👍

依間百合谷係間社企，俾啲有需要嘅人工一個平台去自力更生。朋友話不如去試吓啦，支持社企，咁我哋就即管試吓啦。餐廳以茶餐廳形式經營，有例餐午餐，同一般嘅炒粉麵飯。價格相宜$40-$50左右一個飯一個湯一個飲品，好實惠。味道就一般啦，不過係社企，所以同行朋友都無介意

現在香港物價高漲，一個午餐動輒要$50-$60，在灣仔的商業區很難找到較為廉價的午餐。經過愛群道發現這間餐廳，類似茶餐廳形式，每日供應多款午餐，低至$49。叫了當天午餐洋蔥汁雞扒蝦餅飯試一試，雞扒不算太少，味道正正常常，蝦餅香脆洋蔥汁不差不會太鹹。午餐奉送例湯，今日的例湯有合掌瓜，煲得不錯幾潤喉，飲品叫了凍檸茶，大大杯，茶底幾香。此間餐廳為長者及學生提供優惠$28一個午餐，（不包飲品），十分抵食。餐廳就在灣仔愛群道離摩利臣山泳池不太遠，平平哋食過午餐，飲杯凍飲消暑也不錯👍🏻

百合谷社區茶座，靜中帶旺，午飯時間人流多，但職員手腳勤快，午餐即點即到，非常配合打工仔午飯要迅速的節奏。是日點了芝麻西檸雞配白飯，西檸雞味道酸酸甜甜，淡淡芝麻味，不過不失飯量足，夠飽肚。

Not  fan of Chinese food but I actually liked this place because the food was not overpriced and it was healthy.The tomato, beef and egg was really good even though there was not much egg in it but I ordered it because of the tomato sauce.On another time, had the taro with fish fillets, the taro was not soft enough but they didn't really use MSG which was appreciated.Sadly, I don't think I will be here in the near future as the location is just off the radar.

可能有些人會覺得社會企業辦的生意業務都是慈善性質，因此水準都是業餘的，但根據多次經驗，很多都做得十分出色，今天光顧的食堂便是其中一個好例子。它每天都有不同的菜色選擇，而且下午茶選擇也多。中式飯有餸一碟，白飯和湯各一碗，還有跟熱飲，份量充足而價錢只是44元。今天試的西式芝士海鮮焗飯份量足，芝士烤得微香，令同事也禁不住要分一點來吃。熱檸茶亦有三片檸檬和沒有苦澀味，比某些茶記做到還要好，更不用說的是它的服務人員態度，絕對會令你想再次光顧的。

係附近返工，已經來過百合谷幾次，中午食飯最緊要快，lunch hour時間唔多。百合谷真係好有效率，次次叫快餐3,4分鐘就有，今日叫左個涼瓜牛肉飯 $39 都係勁快有又好食！食飽慢慢返公司，唔洗趕黎趕去。岩打工仔黎啊！

暑假周圍玩,黎到灣仔依邊,心諗食餐晏都唔平,點知咁岩發現百合谷. 一睇見到學生餐竟然係$25!!好耐都無見到學生餐咁平,仲有好多款午餐簡!落完餐勁快就到 味道正 真係大件夾抵食！ 支持支持~~

今日有同事生日, 大家開開心心來一個生日大食會, Happy Friday!之前有朋友推介呢間話食物質素幾好又係社企餐廳,所以試一試啦!我地mark低左1點鐘送到, 最後超準時送到!!!我地無提佢之下仲送埋餐具俾我地=) 野食賣相係實而不華果種~味道方面老實講又未去到非常美味, 但質素幾好, 勝在大件夾抵食~雞翼入味、香茅豬柳d肉都鬆化, 重點係: 啖啖肉, 又香口, 而家唸起都想再食….蒜香金沙骨d蒜真係非同小可地”多蒜”! 不得不提佢地d配菜, 西蘭花同番茄仔都幾新鮮.. 番茄仔好juicy!!!  最好的東西當然要留到最後講呢: 首先個咕嚕雞球，普遍出面食既炸粉都比較厚身, 但呢個就剛剛好(仲偏薄, 合哂我口味),  重點係d雞似係“滑滑的” ,又好入味, 雖然雞球既size唔係話好, 但真係一啖放落口剛剛好, fit哂怕食到成口汁既女士, 讚!!  仲有個杏片捧, 何其多杏片鋪係面, 食落仲脆卜卜, 真係食到non-stop ……話咁快成盆清哂!有機會會再幫襯^^

想食個快lunch就揀左間茶餐廳, 叫兩個lunch set:黑椒蘑菇汁豬扒飯+例湯+飲品, $43！豬扒夠大塊亦算鬆軟! 汁多又濃、蘑菇又多, 重點係隻蛋係流汁的呀!!!! 另一個set鮮茄雞柳飯好足料極多雞柳, 蕃茄都有3大舊!!!! $38一個餐仲有熱飲, 原來響灣仔區仲有咁平民價錢既餐廳, 味道又唔錯, 堅係抵食! 至於服務方面其實有個小插曲, 令我覺得呢度既服務係超出茶餐廳水準! 我掛住影野食唔小心倒瀉杯野飲, 搞到地下同成檯都係, 全場望住我……好瘀皮 有個店員叔叔好好, 即刻遞紙巾俾我同抹檯, 另一個人幫手拖地, 仲補番杯野飲俾我! 雖然我只係叫檸水, 但係已經覺得佢地好helpful, 平時食肆D待應都面黑黑, 估唔到呢間餐廳又幾友善, 一路坐一路食仲留意到佢地會同客人笑住講bye bye, 唔講真係唔知自己去左茶記。 最後打呢篇食評 search返呢間餐廳先知道原來係「社企」, 原來佢地既員工係弱勢人士黎架。今日醫肚之餘又可以當支持下佢地, 感覺相當良好😋

今日係灣仔開完會，見有d餓，咁啱又見到有間餐廳，而且仲係5點，可以嘆返個下午茶喎! 餐牌大部分嘅set都係28蚊連埋一杯熱飲，凍飲加2蚊，紅豆冰都係加5蚊咋!!!!! 最後我就叫左份炸雞脾配西多士+熱華田(真心抵, 28蚊去邊度搵)，我同事就叫左份公司三文治+紅豆冰(加多5蚊)。我地一舉高手，侍應即刻上前落單，落單大約5分鐘d食物就來喇!! 都真係算好快! 員工仲好仔細放好d餐具俾我地，好細心! 至於食物，雞脾雖然唔係話好大隻，但勝在熱辣辣同埋好入味!!!! 另外我亦試左我同事嘅公司三文治，外皮脆卜卜！d料都好足呀! 入面夾嘅蛋仲係熱辣辣，加埋火腿、吞拿魚、番茄同d醬，好開胃又惹味! 我仲見杯紅豆冰好多紅豆呀!佔成杯既3份之1呀唔係講笑! D紅豆又唔會好硬，但又唔係好 “林”，真心正!!!! 加5蚊真係超值呀!!整體來講，呢度d食物可以講係平! 靚! 正! 快! 服務又好! CP值極高!!! 值得再返來食啊!!!! 

今天到灣仔愛群道浸信會觀禮，得知旁邊有家社企餐廳，故順道光顧下午茶。餐廳面積雖不算大，但樓底高，空間感十足，環境也乾淨明亮，加上可能是週末的關係，食客不算多，坐得很舒服。類似食堂的格局，最初以為是自助形式，但原來有專人落單及送餐，侍應也十分快速有禮。點了炸雞中翼+半份西多的下午茶套餐，送來時覺得簡直賺到了，事關跟餐的奶茶香滑又帶濃郁茶味，非常醒神！而雞中翼及西多都是即製的，雞中翼本身似腌得較濃味，但炸得酥香誘人，吃起來外脆內軟，而西多也非常金黃味美，中間的花生醬剛剛好，不會過甜，令人食指大動！總括來說能以廉價享用美食，又可支持社企，實在一舉兩得！

有時開筆評論一間餐廳，不是因為佢好食到會飛天，而是因為他們的辦食理念，他們的主題創新，或是有一個標奇立異的名稱。這一次要點評的，是一間社企餐廳，是一間沒有走任何主題，沒有特別說明是有機，健康餐廳的地方。為何我要這樣說? 因為我發覺到，好多所謂的社企餐廳，都用了健康飲食同有機飲食做招徠，因而可以收取一個較為 premium 的價錢。不過，是日的拜訪的社企餐廳，是一個真真正正服務社區的餐廳，地方不華，價錢合理，方便居民同打工仔，位於灣仔愛群道的《百合谷餐廳》，舊名稱好似叫《百合谷社區茶座》。 《百合谷餐廳》，是愛群服務處旗下的飲食機構之一，之前這好似是為了給更新人士工作機會的地方，現時就是為了給復康人士 (也就是精神病康服者)提供作機會的地方。除了茶餐廳服務之外，《百合谷餐廳》更有到會，宴會服務，方便了不少 budget 不高的社團團體搞活動。 地方，是簡約的，簡單冇乜特別裝修及半開放的廚房，非常之 casual。此外，餐廳設有一個小舞台，加上整個餐廳是開揚無柱的，令我相信，這地方是可以租俾人舉辦活勳的，《百合谷餐廳》其實是一個多用途的空間。 很久沒有來，重來的我先食一個早餐。而茶餐廳式的

在灣仔銅鑼灣找平價午餐真的越來越困難，百合谷的午餐，由 $34, $37... 到現在 $41 我都一樣咁支持。今天又來到我們的飯堂了，店子作長方形，裝修非常簡單，桌椅擺放得很密集。當中以四人檯為主，但接近餐廳尾部有兩張 6 人圓桌，而最後的舞台上更有 8-10 人的大檯。百合谷每天都有不同的套餐選擇，以一星期為界，全列在餐牌上，若看到那一天有自己喜歡的菜式，便可計劃到來進食。今天我選的是 A餐：咖哩豬扒蟹餅飯，跟湯及熱奶茶。這裡上菜很快，不一會就把 A餐端上來了。餐湯味道清清的，可看到當中有甚麼材料。咖哩有著淡淡的咖哩味，不會太濃，只是有點綴的作用。豬扒頗大塊，不算很厚，肉質不算鮮嫩，但也不會太過堅韌。蟹餅其實有點像蟹球，大大圓圓的很有趣，沒有很強的蟹味，但質感還是不錯的。套餐飯量很足，是一定會夠飽的。