百合谷餐廳

營業中

休息中

如無意外，百合谷社區茶座應位處一 NGO 內，內裏是飯堂的格局，地方都算光猛。一份火腿奄列套餐，奄列除火腿外，亦加入少量三色豆，顏色口感皆豐富一點，整體食味無乜特別。奄列拌上一件牛油餐包，清淡口味。熱奶茶沖泡味道都算 OK。早餐定價 $27 ，不算特別平。

浸信會愛群社會服務處！百合谷餐廳！同學仔生日，在草地開生日會，叫了呢間教會餐廳嘅到會食物！叫滿$3000包送貨！包裝好企理，錫箔紙再加保鮮紙！好穩陣！仲包埋膠夾同湯匙！打開時賣相都好靚！煙火腿蟹柳鮮果沙律（$290）--面頭仿蟹柳差啲，鮮果沙律爽脆！沙律醬唔會浸住晒，係只會包裹住鮮果粒！豉油皇雞中翼（40隻）（$190）--炆得入味，豉油味唔會好咸！雞肉嫩滑！椒鹽雞中翼（40隻）（$210）--炸得香，但已經淋了少許，味道幾惹味！吉列手指魚配他他汁（$210）--都係淋咗啲！魚條唔腥，點酸酸嘅他他醬開胃！雜菌干燒伊麵（$230）--麵條炆得入味，雜菌煙韌，仲有爽口椰菜加紅蘿蔔絲！好味！楊州炒飯（$260）--炒得粒粒分明，味道夠！但比較乾！士多啤梨骨（$230）--賣相靚！一字排淋身，肉好易咬開，但又唔係用鬆肉粉（無苦味）士多啤梨味唔出！只係裝飾！蜜燒豬頸肉配泰式醬（$260）--泰式酸甜醬惹味，豬頸肉多汁淋身！外面焗過煙韌，中間淋身，好味！黑椒洋蔥牛仔骨（$340）--牛仔骨又係好淋，炆得入味，有黑椒味但唔辣！中間我們用燒烤爐再翻熱，好好味！泰式青咖哩雞皇（$260）--呢個咖哩味咖

正式的過完農曆新年假期，正式的要收拾心情去上班，然而初八、初九好多公司都未正式啟市，所以這兩天都交通暢順，比平時早到了灣仔。早到了，要做甚麼，當然係要食返個早餐才上班啦。說過我是一名喜歡尋找隱世的味道既人，在上之拜訪完真主之後，回公司前再次讓我係愛群道這一個摩利臣山仔找到一間埋藏在深處的食肆。而這就是一間為更新人士製作就業基會的小小茶餐廳。百合谷社區茶座。分了兩天去食，分別吃了中式同港式的早上餐。第一天，叫了一個所謂香港美食100強的豉油王炒麵再加兩粒燒賣。可是這一個餐給我的印象不是太過好，因為麵條比較鞋，不夠熱，味道雖然夠但不夠均勻，而且燒賣是魚肉燒賣，太過拮魚蛋feel。不甚好食。 第二天，看看有沒有空間可以讓這個小小的社企餐廳作出一個平反。因為此地方，實際上是以茶餐廳形式來經營的。所以來這兒食早餐，當然要叫返一個公仔麵才像話。漢堡扒公仔麵，加上一隻炒蛋同牛油方包，炒蛋，雖然沒有炒得過熟，但全熟了，嫩就嫩不過不滑。不過未需要差到要扣分既程度，而麵，就是一般的茶記淡麵底，漢堡扒就是細細塊的豬柳漢堡扒，味道未見突出，麵條脹了一點，公仔麵唔係太應該煮到咁開。

早上在山頂漫遊,下午四時多離開,但六時多才開始摩利臣山游水課,在微寒的天氣下,到哪裏打發時間好呢?從開飯得知愛群道有一間百合谷餐廳,見近近地泳池,就一於去試吓.餐廳格局頪似飯堂,從報告板得知是由康復人仕接待.餐廳十分清靜,只有我和另一枱相信是的士司機的一枱,下午茶餐種頪不多,點了咸魚脞粒飯,食飽D先至去游水,飯送上來時還熱騰騰,份量適中,可能咸魚大粒大小不均,所以有時覺得好咸,但都可以接受.侍應十分細心,每當見枱上的用品位置亂了,便前來放回原位,這餐廳的營業時間十分短,下午五時十五分便關門,幸好趕及在關門前離開,就這樣打發了我的多餘時間,,,不錯

原來仲係度! 我中學時代已經成日去架喇. 仲記得鄧惠欣係果度唱歌,我偶像o黎架!!

一次偶遇，結識了知音人，上回談了良久。約了再聚，午飯時間，來到這個浸信會辦的飯堂，便走了進去。最簡單的裝修，配合廉宜的食物，買飛後，自取托盤食物回檯，是校園飯堂的感覺。兩人都選了同一個套餐，一飯一湯一沙律連飲品，只是二十五元。薯仔mayonnaise 沙律，夾著少量青瓜，細細碟，簡單的好味。鮮茄炸鶏球飯，是在一大殼飯上面放上一早炸好，故此只還略暖的鶏球，再淋上茄獻汁。厚厚的炸粉，包裹著微腌了的鶏肉，鹹鹹香香。一碗沒有料的例湯，加埋凍檸茶，保證水分充足。半響，一輪嘴掃清了食物，也像學生時代的景況。

2007年02月10日，17:00到英皇中心換禮品前，先到這店醫肚。要了西多士和齋啡。齋啡：用膠杯上，苦澀而無香味。西多士：即製，香味撲鼻；金黃色，糖漿已淋上面，那人造牛油在中央，賣相好；入口鬆脆，花生醬作餡料。在餐牌上看到：店內員工是康復人事，請支持和鼓勵。所以就算食味和服務一般，我們亦應多來，支持他們從新投入社會。