百味食品

營業中

休息中

撈撈，係細個讀書時期係窮學生解口痕醫肚既恩物🥰人大左會周圍試唔同既野食，就會將呢啲陪伴左你好耐既小食拋諸腦後🥲🥲 有日小編突然留意到原來作地一直仲存在緊，趁佢學未消失前即刻買返包過下口癮同回憶下先😆😆價錢唔係話好大分別，而定都只係$4包，不過個分量明顯少左好多，見佢每拎起一包上黎都係得果dd咁多😅😅不過要讚既係果隻調味係完全100%同細個時食既一模一樣，正呀！😋😋【撈撈5包】$20 （$4/包）

好耐沒食 感覺沒左之前既味道 依家賣到4蚊一包 d份量感覺少左好多 雖然有得自己撈 但係發現姨姨代撈都撈唔返之前既味道 下次試試自己撈 睇下點 鳳爪唔夠爽口 螺肉一包頂唔多4粒咁大把真係少得可憐

岩岩叫左3包冷麵類小食，好清楚蟹柳、海蜇、菠菜麵各一，佢話落左兩包菠菜麵，逼我買4包，我話有冇搞錯，我講得好清楚，佢就同我拗，見惡唔work就扮可憐，講晒唔好意思咁逼你要，咁果一包價錢我當豪比佢冷麵呃我一包都算喇，另外叫左溏心蛋2隻，2隻個蛋黃都老過我太婆，完全唔係溏心，又無味，絕對係貨不對版呢間野d師奶呃錢、食物質素差都算，我企係一邊食既時候，見佢地徒手找完錢又徒手掂食物好污糟，食完返到屋企真係肚屙痾水，大家經過真係唔好為食，比d鄉音師奶呃錢兼搞到肚痛

太喜欢旺角了，好多美食小吃啊✨全场$4一包！这么便宜还不冲嘛‼️（最低消费$8）粉面：原味冷面、菠菜面、螺丝粉、米线酱料：百味咸酱、蒜蓉酱、辣酱配菜：很多！📌冷面➕八爪鱼🐙➕海蜇➕青瓜➕凤爪 💰20好吃！！凤爪还是脱骨的，八爪鱼和海蜇口感脆脆的建议让阿姨少放点咸酱，略咸！-站在路边吃有点不方便！大家还是要戴好口罩做好防护！！😷😷

我唸依個撈麵真係大部份香港人既兒時回憶仲記得細個果時，係藍田果啲細商場，初頭賣两蚊一包餸，之後開多两間，就大家鬥平變左一蚊一包對於果時仲係學生既我，直頭係窮苦學生既福音十蚊嗌三四個麵，加六七個餸真係又抵食，又好食，仲飽飽肚添今次買左幾包反去同我高太當晚餐點知高太竟然話未食過今次係第一次食可能啲富貴小公主真係無食過啲平民小食今次我一次過嗌左五包，同我高太share依家賣梗四蚊一包，一麵四餸一包份量岩岩好味道同以前一樣，主要都係靠個百味醬做調味高太表示好好味

好耐冇食過街邊小食，今日晏就去咗旺角行街，心思思想試番細細個成日食嘅味道！相比起西洋菜街嗰間百味，呢間開喺商場入面，比較衛生。六點幾去，人流唔算太多，我叫咗1包原味冷麵、海蜇、螺肉、蜆肉同青瓜。每包份量相比起以前少咗，價錢$4/包，一共$20。以前百味姐姐會幫你撈埋，依家變咗要自己去自助區加醬料同蒜蓉撈。雖然佢有張教學説明教你落邊種調味料先，但因為份量係自訂，冇煮食經驗嘅我真係好難決定落幾多調味料先夠。同埋個袋口太細，有啲難撈，好易整到成手污糟晒。味道同以前食開嘅差唔多，可能係我撈得唔夠均勻，最底嗰啲麵比較鹹。希望可以變番姐姐幫食客落調味料同撈麵啦。

前幾日約咗朋友喺旺角食晚飯，不過嗰日時間尚早仲有幾個鐘頭，但又有少少肚餓所以就入旺中打咗個圈，食咗一款香港懷舊嘅街頭小食 -  撈撈 撈撈絕對係我嘅童年回憶，對於00後嘅朋友可能比較陌生，但係對於我 尤其是係中學嘅年代 撈撈絕對係其中一款充滿著愉快回憶嘅美食， 最緊要佢夠平同重口味，嗰陣時試過十蚊6包 🤣 今次我睇咗網上面嘅推介，揀咗幾款極之吸汁嘅配料包括牛柏葉 芋絲 同埋八爪魚 ! 醬汁絕對係撈撈嘅靈魂 !! 食撈撈一定要多醬 ! 喺小食店亦都有食撈撈嘅教學攻略 ，先落百味醬 加辣醬同蒜蓉 再撈一撈 跟住呢道極之濃味嘅小食就完成啦 ! 正!

平時食冷面我都係食開淨麵多，最中意就係食啲麵。買既時候最忌啲醬有時太咸有時太少，啲辣又唔係自己想要既程度，畢竟每個人既口味都唔同。呢間雖然貴啲，但可以自己加醬加蒜加辣，可以調到岩為止，好正！啲麵口感都唔錯～但佢至少要買兩包😂

中學mk年代一行街一定會買幾包醫肚 貪佢又平又好味 依家大左好少一路行一路食 今日早放工人流唔算多 買左幾包企係旁邊食原來依家已經進化到醬料自助 自己加蒜蓉,辣椒醬,秘製醬汁...都好嘅 加多加少隨心 又唔會比姐姐黑面😅😅今次叫左3包波菜麵,配料有至愛腸仔,海蜇,螺肉價錢$4/包 6包總共$24大洋～基本上味道同以前差不多 無太大分別唯一唔同嘅地方係份量少左好多 不論係麵定小食 有時覺得一包得幾粒仲搵個膠袋裝好浪費🤷🏾‍♀️

第一次比負評............員工態度極差，買完野找錢之後呀姐好悔氣話佢地冇咁多散字找架，我只係比$20蚊紙.....明明個箱就有好多散紙...........d呀姐圍埋一齊傾計唔理等緊既人，唔憂做咁.....買左兩包小食，4蚊一包，佢話剩係買兩包咁少咋？！芝麻8爪魚成包都係汁，餸份量比以前少左好多，咩都冇撈已經好咸............難食仲要受氣....以後唔會再幫襯！！！！！！！！！

回憶中想起你呀！ 哈利🧚‍♀️記得細細個同朋友仔行街會去 沙田好運中心買幾包黎食 ❤️❤️次次食完，個口都有 一大陣蒜蓉味好正。 夠哂臭😂😂😂尋日經過 mk 新之城 忍唔住再食 個醬一如以往咁好食 😭或者我想既 係兒時既味道同回憶同埋早一兩年 旺角區 百味都轉左經營手法 唔再由佢地d 姐姐去撈。 變左比 客人自己 "體驗" 😂😂😂 不過都好既可以自己tune 想d 味有 幾 濃。。。 😋今次點了 原味麵，海"節" 同埋 螺肉❤️❤️❤️

百味食品~我每一日都必定會路過它門前，一行過就會聞到一陣好濃烈嘅蒜頭味，會令到人蠢蠢欲動，好想立即行埋去買番幾包嚟食，但係我覺得佢嘅小食份量真係好少，每包要$4元，諗嚟諗去都係寧願淨食撈麵好過

呢間撈麵先叫餸，然後自己去自助區加醬加蒜蓉撈，可能因為自己撈嘅關係，個麵好實，好難撈，搞到成手都係醬汁，而且又掌握唔到落幾多醬汁，搞到好鹹，一啲都唔好食。希望店員可以幫客人撈埋。

放完工想出去行下，輾轉又黎到兒時至愛蒲點—旺角。下午時分，突然驚覺自己埋首工作仲未食午飯，一個人又無咩心機入餐廳坐，行下新之城黎到呢間傳奇冷麵檔，諗都唔諗就嗌左4包波菜麵，1包中華沙律。5包料都係盛惠十零蚊，秘製配料同蒜頭粒可以係另一邊按個人喜好自行加配同撈，夠曬過穩。我就鍾意啖啖juicy，加上濃郁嘅蒜香，同埋彈牙嘅波菜麵，食完一啖又一啖。夏日炎炎，係度買番幾包麵加下餸確係最佳糧尾消暑飽肚恩物。

員工非常無禮貌以前有得撈而家變自助仲有最低消費8蚊最重要既係 我當時唔知道有最低消費 個c9 好冇禮貌咁講 「下？要8蚊嫁喎」然後我去自助加左甜醬 另一個c9又話「唔係加甜醬囉 唔好有乜加乜啦」非常無禮貌好不高興。。。