百味食品

營業中

休息中

好耐冇食過街邊小食，今日晏就去咗旺角行街，心思思想試番細細個成日食嘅味道！相比起西洋菜街嗰間百味，呢間開喺商場入面，比較衛生。六點幾去，人流唔算太多，我叫咗1包原味冷麵、海蜇、螺肉、蜆肉同青瓜。每包份量相比起以前少咗，價錢$4/包，一共$20。以前百味姐姐會幫你撈埋，依家變咗要自己去自助區加醬料同蒜蓉撈。雖然佢有張教學説明教你落邊種調味料先，但因為份量係自訂，冇煮食經驗嘅我真係好難決定落幾多調味料先夠。同埋個袋口太細，有啲難撈，好易整到成手污糟晒。味道同以前食開嘅差唔多，可能係我撈得唔夠均勻，最底嗰啲麵比較鹹。希望可以變番姐姐幫食客落調味料同撈麵啦。