百味鮮辣蟹專門店 (已結業)

傍晚行至德辅道被这间餐厅丰富精致的食物吸引 不仅有海鲜 还有更多的中式菜品可以选择 蜜椒龙趸球的味道超正 食上汤海鲜拌脆面嘅时候能体会到食材给味蕾带来的碰撞 主食我们点了樱花虾炒饭 份量很足 餐厅卫生环境很好 人均300左右 推荐👍

$490兩隻蟹，付了錢，請家人去取。我回到家才看到蟹那麼小，蟹蓋只有10cm 那麼小，小蟹腳還沒長大呢！很有被騙的感覺，無奈家人已吃了些，家人都說算了算了，那也就算了。心有不甘，還是去問問，據說每隻有10兩，我沒經驗，大家覺得呢？！第一也是最後一次光顧的店，記錄一下，讓大家參考參考！

近近地去附近食阿媽最愛嘅蟹。作為一個懶人一直覺得食蟹係好麻煩，不過為咗阿媽唔緊要啦。星期六都有set lunch，不過食海鮮就要散叫。一入門口就送碗老火湯，好飲。香蔥粉絲蟹：蟹唔算好大隻，肉唔算多，不過都有蟹嘅鮮味，最緊要阿媽滿意。建議一開始就夾起啲粉絲，因為過多陣佢吸晒啲汁就會好鹹。 蔥炒龍躉球：龍躉啖啖肉，彈牙，炒得唔會太咸。洋蔥好入味好好食。蟹肉豆腐羹：唔係好多蟹肉（都預左），所以味道比豆腐搶咗，好彩唔咸。 set lunch雜菌炆伊麵：正常菜式，至緊要唔咸唔太油，好大碟抵食。

今日同朋友慶祝畢業， 所以係香港大學附近搵食。 最後決定食海鮮餐。 我地提早2日， 預訂當日食的海鮮。方便店家購買新鮮食材。 另外，我叫左部分菜單冇的海鮮， 所以我都有問店家大約收取價格。 環境方面， 當日安排坐大檯， 但其中一邊有冷氣機滴水問題，所以坐位上要就住坐。 之後人齊開始安排上菜， 上菜速度快。 當日所有海鮮味道都不錯👍🏻。另外，因為小朋友好中意食蝦， 所以當日預訂左白灼蝦， 這是當日我覺得最好食， 因為食到d蝦好新鮮， 好有鮮甜味。 店舖仲有其他炒小菜， 但我地主打海鮮， 所以冇再叫。

【#西環搵食 】#百味鮮辣蟹專門店 之前曾經苦惱過邊度有好食既 #乾炒牛河 ，係海記海鮮大排檔食過幾好，之後都未有再試。上網打乾炒牛河四個字，出現一堆餐廳，其中依間都榜上有名，評價都幾好，重要價錢唔貴，馬上去試🤣午餐$49 送湯包熱飲，凍飲➕$3，啱晒我口味😊 食一個午餐有咁多野唔使$50已經算抵食。一坐底已有例湯，係一個小碗，不過好足料👍 紅蘿蔔好大件，而且仲有一件類似魚刺骨既料🤣 湯味道夠，唔會過咸，好飲♥乾炒牛河份量都唔少，上檯時店員已附送辣椒醬，醒目😄 好夠熱，夾起時熱氣四散，已經好食咗一半👍 有好多片牛肉，河粉都有「辣」過，色水唔錯，味道同樣唔會過咸，好欣賞👍熱檸水就正常啦。依度個個店員都好有禮貌，唔會粗聲粗氣求其是旦，本身應該係主打晚飯食海鮮，不過依個午餐真♥唔錯。星期三休息。推介指數：8/10百味鮮辣蟹專門店西環石塘咀德輔道西434號均益大廈1期地下@foodiehck2022 #港飲港食平靚正 #西營盤美食 #茶餐廳 #午餐 #抵食

呢間餐廳係食海鮮出名嘅但係佢啲小菜我都覺得唔錯呀好有鑊氣 好足料蟹肉海皇豆腐羹暖笠笠 蟹肉 豆腐 蝦仁 加埋啲韭黃同埋香菇粒 好足料 （掛住食唔記得咗影相）薑蔥粉絲蝦有嘅好多隻大蝦薑蔥味好出 帶出蝦嘅鮮味啲粉絲仲索晒啲汁九層塔胡椒蝦都係有好多隻大蝦九層塔胡椒味比較少試到好香 好特別蜜椒龍躉球個龍躉球有炸過外脆內軟蜜椒味道甜甜地好好味黑松露蛋白炒飯黑松露味好濃不過略嫌份量少咗啲鮑汁雞粒豆腐煲好足料 撈飯一流椒鹽鮮魷拌茄子椒鹽鮮魷好鮮味連個茄子都係炸過 但係又唔油好用心既製作好值得encore呀

今次已經係第三次外賣，因為所有嘢都好味，所以我哋嚴選返之前食過最好味嘅食物，外賣自取10分鐘返到屋企，冷盤小食仍然夠凍，主菜仍然夠熱，真係睇得出小店細心之處，用厚卡紙隔開凍同熱嘅食物，真係要比like。🥢蒜香凍螺⭐️⭐️⭐️⭐️⭐️未食已經要加分，蓋面竟然有幾支獨立包裝牙籤！而家唔係每個家庭都用牙籤，真係細心到一個點。講返個螺，浸到非常入味，第二次食size大少少最好味，新鮮彈牙，再蘸多啲汁食最正，汁唔鹹帶點甜，就連裡面嘅蒜頭都好好味好甜。🥢話梅醉豬手⭐️⭐️⭐️⭐️⭐️估唔到醉豬手係咁好味，同大家熟識嘅醉雞各有千秋，豬手食過三次，三次嘅水準都好高，豬手煮到好腍好入味，而且豬皮爽口彈牙，最重點係酒濃度剛好，入口會覺得非常香濃，所以豬手上嘅話梅粉只係配角，一個點綴。🥢黃金炒蝦⭐️⭐️⭐️⭐️一客有6隻，大部分蝦頭都有膏，蝦有蝦味應該係新鮮蝦，而所謂嘅黃金，並不是平時嘅流沙狀，呢度係將鹹蛋王炸成脆粒，類似炸蒜粒咁，咁就唔會覺得油膩，食落罪惡感低好多，而且每隻蝦都沾滿脆粒，好香好惹味。🥢薑蔥霸王雞半隻⭐️⭐️⭐️⭐️雞唔係肥大肉厚，但食到有雞味而且肉質唔鞋，而另一賣點係灒油，令個辣椒豉油+蔥變得非常香，我忍不住食晒成碗白飯。二

避風塘炒蟹真心好味，啲蒜用黎撈飯一流蜜椒龍躉，做到外脆內軟，要黎到即食蒜螺，可能我地太早未夠入味，但叫多左拎回家第二日食就超好味，建議7:00後先好叫，上次我地6點左右食飯同老人家炒飯都幾好，夠乾身麻辣豬手，都有啲辣（譚仔食10小，都覺得少辣個堆😅），但好味，夠爽口

成日經過呢度見好多人排隊，終於有機會黎試吓。除咗食海鮮其他選擇都唔少先黎一個小食 - 蒜香凍螺 ($78)第一次食凍螺感覺好新鮮開胃，份量適中又點少得招牌菜避風塘炒蟹($488) - 怕辣嘅可以揀BB辣，啲炸蒜好香，蟹殼爆過好易食，唔錯乾蔥鮮鮑魚雞煲($228) - 飽魚係大大隻嘅鮮鮑，煲底啲菜吸曬啲汁好好味，雞都夠滑西蘭花炒日本帶子($168) - 好味但份量少左啲另外仲試左土茯苓牛大力煲老雞湯($168)黑松露蟹肉蛋白炒飯($118)呢兩樣掛住食冇影相，飯炒得靚一啲都唔油，湯亦鮮甜，最後有甜品送😋有質素嘅小店，仲有啲招牌菜未試，下次再嚟食！

荔枝肉 只聽名字一定以為是肉，只看樣子會以為是水果荔枝，都錯了。用手摘下的荔枝肉，造型像極了荔枝，外面脆香，裡面啖啖墨魚肉，蘸上用新鮮荔枝做的沾醬。味道一流，拍照一流，玩樂一流。想吃記得預定喔！ 水煮龍躉斑片 平常蒸煮的做法已經不能滿足我，遇上香辣入味的水煮龍躉片，實在不能不點。香辣的湯汁充分浸泡龍躉片，魚肉幼滑入味，粉絲吸收湯汁，好味道！ 油鹽水煮花甲 湯汁看似味濃，咬下去是鮮甜，裡面充滿花甲的甜美，簡單油鹽水就可帶出鮮味，實在高明。 PS 店員服務一流，會配合我們先拍照，後品嘗的節奏。會告訴我們怎樣享用才是最好的方法。

蒜香凍螺 每次我黎到都會食，真係好好味，個汁系清澈的茶色，但系味道夠，肉入味，螺肉鮮。 涼拌青瓜& 話梅醉豬手 涼拌口味清新，夏天好熱，涼拌容易入口，喜歡口味香農可選麻辣味。 話梅醉豬手 繼續適夏天的甜酸味道，食起黎微酸，有酒香，肉唔會太硬，火候剛好。 服務好好，小二哥拎碗同濕紙巾，等我地處理好螺殼，骨頭。

朋友話這間有個菜叫「百味荔枝球」好有特色，就刻意來試吓，提前一日預訂。又真係睇得又食得，個汁非常淸新茘枝球非常香口。$238抵食招牌避風塘炒蟹必食之選，不會太油，多汁多肉，$488冰川凍鮑 南非 鮮甜到不得了 $68非常抵食用心小店，值得再來不過真係要預早訂位，海鮮最好提早訂，店員話海鮮每日新鮮返，賣晒就無，預訂就必有。店員都幾好，見我哋食蟹多骨都好快幫我哋清理，仲俾水我哋洗手，細心程度直得加分。

已約咗好耐嘅飯局終於有著佢話有一日經過見到好多人排隊所以就想同我一齊去試吓，正合我心意，最愛吃海鮮！好好彩，我哋去既時間唔算太多人，坐得好舒服，環境坐得超舒服。 冰鎮咕嚕肉係要兩日前預訂，但因為我地好想吃，所以厚住面皮問服務員無預訂，有無得即時下單，感恩竟然師傅可以做一份，一上菜，驚喜...有煙霧表演，表面脆口，味道正。 薑蔥炒蟹因為肉蟹唔肥轉左薑蔥奄仔蟹，奄仔蟹好鮮味。 值得再嚟。。。😊下次見

冰鎮咕嚕肉，個咕嚕汁唔會浸住舊肉好味有特色，要落去皮系煙韌，口感好的一切，記得預定先有得食。 燒乳鴿，好少見成隻上喔，用手撕開食，好熱架，唔好心急咬路去。好食，皮脆肉嫩汁多。 炸豬手，份量都幾多，皮脆入味，就欠一杯啤酒。

超級大避風塘炒蟹+大蟶子+老火湯 海鮮+老火湯 超級大避風塘炒蟹+大蟶子+老火湯 新鮮海鮮，唔洗特別做D咩，蟶子清蒸就好甜好食。 蟹，避風塘口味炒，又香又惹味。 食完海鮮，再加上足料老火湯潤一潤，真係正到爆！ 服務好好，會預先俾食蟹夾，濕紙巾之類俾我地，又有今日新鮮推介。好好