百喜粥店

營業中

休息中

今日好想食粥，就嚟一試。好開心呢到食得番好多傳統粥品，包括我鍾意嘅「碎牛粥」，「牛脷酥」，「油炸鬼」，仲有「豬腸粉」。呢到啲粥大大碗，足料！雖然我食嗰陣時個牛脷酥同埋油炸鬼唔係啱啱炸起，但食落都好香脆，同埋好大嚿👍🏻好欣賞佢哋嘅腸粉，好滑溜，加埋甜醬、辣醬、麻醬，再加啲芝麻，簡直絕配！另外再叫咗隻鹹肉糭，配豉油，隻糭唔會腍啤啤，有口感，又唔會有太多肥豬肉，好適中！想提一提佢哋嘅服務員，個個都好殷勤有禮，值得讚賞👍🏻👍🏻

晚上路經此店幾次見人流不錯，可能柴灣區欠缺類似粥店，所以不論堂食及外賣都特別受歡迎！第一次外賣試過炒面 & 牛脷酥，牛脷酥新鮮不油膩，炒面份量足，味度不錯！今日就堂食試試粥品，嗌咗個碎牛肉粥（$22）及油條（$10），粥底綿味道正常，油條就一般，個人覺得牛脷酥比較好！

這間新開的粥店的出品確實不錯。點了：碎牛粥、炸兩和豆漿。碎牛粥： 粥底綿香，碎牛肉夾炸米粉份量不少，味道好。炸兩： 油條是剛炸好不久，仍然脆香，腸粉質地唔錯。豆漿： 是交來的貨，濃淡適中，很有豆香。豆味。