百寶堂

營業中

休息中

住佐敦40年，近日有d火氣同老婆兩個人去飲24味。行幾步去轉角的百寶堂，兩杯即飲，頂...唔苦唔濃而且仲加左糖，好微既糖但飲到有甜味，完全唔係24味濃口涼茶的甘苦味，根本係俾遊客飲黎玩，非常失望，點解杯涼茶可以做到咁樣呀！加水加糖? 幾十年既店可以做到咁，真係離譜! 雖然11蚊唔係貴，但咁既品質一定唔會再飲!

聖誕搵個無乜人行既地方行下，途經廟街真係無乜人哈哈，聖誕放假連食十幾餐勁野又烤又炸又燒又邊爐，要下下火，見到傳統有個大金爐同大張鵝蛋形酸枝枱，好懷舊呢就入去食龜伶糕同飲涼茶～五花茶正常味唔甜，糕糕就好平，只係三十三已經係大既，細既廿九而已。叫左凍既，因為想食糖漿😂草案味ok唔似得晒涼粉，薄荷草多左啲，不過如果遊客食就易入口。坐左好耐都無人趕，抖夠先行哈哈。

星期六，休息的一天決定出去市區走走。而我就因為入了局而愚蠢地買了某髮型屋的套票而焗住要幫襯指定的分店。當我把車泊好在油麻地，太太就先行去旺角行街，我就按卡片上的地址係油麻地的一帶找。找，當然是找不到啦，在油麻地的兩間分店已人去樓空，在炎炎夏日的上海街、彌敦道行走，絕不是一件好受的事。找不到要找的店，就找找別類型，甜品、涼茶就是最好不過的冷卻地點，而我就在永安後面，找到了這家涼茶舖，好讓我散熱降溫。入得來長坐散熱，絕對不會只喝涼茶而佔用人地既位置的。所以我就要加強降溫，來一盅龜苓膏。大熱天，凍食龜苓膏是最佳的一個享受。加點糖水去食，更加可以把中藥變成甜品。這龜苓膏，藥味適中的，不會因為過多的土伏苓而令到龜苓膏過苦。充滿了膠質，是龜板的膠同甘草的力量。吃了一整盅，發覺體內的熱氣正在擴散，吃一會坐一會，的確達到了消暑解熱的效用。好味有效的龜苓膏，正!