百尚屋 (已結業)

買左兩杯野飲1個燒賣野飲1杯係薑奶茶1杯係茉香珍珠奶茶點知到飲果陣先知薑奶茶變左薑茶珍珠奶茶無珍珠想話打返去話佢知完全搵唔到電話咩聯絡方法都無既其他野食未試過不過落單姐姐話唔知點樣加10蚊可以有個熱狗果時怕太飽就無加到不過會想試都幾平幾多選擇

之前係呢間野做過一段時間，極度唔推薦1.D肉燥嘅肉係下欄野，街市賣到最後賣唔出個D唔同部位嘅肉絞碎拎黎炒，仲要賣唔曬留返第二日，有一次擺左係到三四日仲拎出黎比人食搞到有客人食完嘔左2.奶茶係用不含乳嘅奶粉溝茶溝出黎，仲要永遠都係用前兩日沖出黎擺左一兩日嘅奶茶唔新鮮3.珍珠朝早開舖煮完用糖漿浸住成日賣到夜晚（因為生意差無人買）4.鮮奶又唔係明治鮮奶係360個D大陸唔知咩牌子嘅奶，黑糖珍珠鮮奶口感唔濃厚又唔似老虎堂咁落厚奶仲要賣到30蚊一杯5.紫米成日都擺到酸曬壞曬等人食完先知6.椰果裝係個細盒到唔賣曬都唔會換一次7.水果系列嘅野飲係用濃縮糖漿溝水攪勻，火龍果烏龍茶係例外，因為係用罐裝火龍果8.老細濕9，有一次個套餐由最低43蚊可以買到一杯野飲一碗飯加價要50蚊先買到，前一日係咁勸佢唔好加價，佢死都唔聽，覺得送個保溫袋就可以抵消買野食個幾蚊，結果第二日無人買套餐佢先識驚轉返之前個價，之後去買新野飲個陣佢收完錢之後彈出黎同收銀講請我飲，笑撚死，但係又唔比返錢我

“黑糖珍珠奶茶”($26)上星期趁住幾好天走咗入愉景灣🤣無意中比我發現到呢間賣台飲同小食嘅舖頭行到身水身汗即刻整返杯嘢飲吓😆呢道嘢飲種類大概分為梳打,奶茶,清茶見都一排冇飲黑糖嘢所以要咗杯黑糖珍珠奶茶😛估唔到個黑糖掛杯又整得幾好🤣不過奶茶味道都幾淡😂好在珍珠食落都算煙韌有咬口☺同埋如果有得揀大杯就好🤣

雖然仍有限聚令，但保持一定嘅社交距離，又做好防疫措施，基本上一啲戶外活動我就覺得絕無問題。今趟就友人吹雞，搞咗趟欣澳、愉景灣郊遊樂，仲晌愉景灣食咗個黃昏「下午茶」。對愉景灣唔熟，都唔知有咩好食，而且，好多有海景睇嘅餐廳都已經坐滿人，仲喺無視限聚令保持1.5M距離，所以，晌番主廣場嗰邊，試咗家小食店「百尚屋」。小店基本上喺只做外賣，不過，對出廣場就有好多枱櫈，啲枱櫈仲撐埋太陽傘，真喺唔怕日曬雨淋。不過，晌假日，就真喺一位難求，因為唔少外國人三幾個買打啤酒就打躉幾個鐘。講番「百尚屋」，賣嘅嘢都好雜吓，有三文治、一丁麵餐、港式小式、美式小食、台式飲品……等等。而小弟所試嘅，喺其中一款「招牌推介」旋風薯圈餐。薯圈150克、中雞翼1隻、經典黑糖珍珠奶茶 $55單買一杯黑糖珍珠奶茶都要$35杯，呢個餐都算叫划算少少，當然，以一個小食餐，或下午茶而言，仲只喺外賣嘢，就一定唔叫得平架啦，不過，晌呢區，你食咩都唔會喺平。薯圈份量幾足，但質素就普普通通咁啦，入口唔喺熱辣辣嗰種，似似哋大量炸定，幸而都唔太油。反而杯珍珠奶茶幾得，一來大大杯夠晒解凍，二來茶底幾香濃，又帶有黑糖嘅清甜香味，珍珠咬口好食，唔似喺啲

原本想叫珍珠奶茶 點知見到人地買呢杯 好似幾靚咁 以為下面係彩色珍珠 點知係彩色爆珠😑😑😑一飲超甜 再飲d珠 都係好甜 總括黎講係糖水一杯飲左一啖頂唔順 掉左 😑😑😑

今日感冒睇完醫生後諗住搵嘢食。喺愉景灣商場度見到呢間臺式小食店。原本諗住買個熱狗及一杯珍珠奶茶共$30，諗住食飽好食藥。後來見到個酥炸花枝丸（4粒$17）及芝麻雞翼（3隻$27），忍唔住嗌左各一份食。熱狗比較簡單祇有少少醬汁。但醬汁卻十分美味。花枝丸及芝麻雞翼，是即炸所以夠熱夠香。吃完後本來已經十分飽。但最後，都忍唔住再買多8粒花枝丸3隻芝麻雞翼1份春捲再加1份鹽酥雞粒。（共$98）本來感冒已經喉嚨痛，但因為實在太好食，所以最後食咁多炸野，如果俾老婆知道又俾佢話。但係又真係好耐未試過，咁好食嘅臺式小食。因為病諗住隨便食個午餐所以第一份我都冇影到相，係外賣嗰先至有影相。真心推介呢間小食店。禦景灣啲野食本來就係昂貴，但係呢一間價錢十分公道，而且可以喺座系出邊d凳度食，可以享受一個悠閒嘅下午。最後我一個人共吃了$172。

又到周末，又要為小朋友安排活動，今日天公造美沒有下大雨，於是和親戚帶小朋友入愉景灣遊玩。一落船就是愉景灣商場，小朋友嚷着要買飲品，於是我們在商場走走，發現這間台式飲品小食店，就幫襯一下。紅豆珍珠奶茶 - 紅豆份量不少，濃濃的紅豆香，奶茶香滑而茶味足夠。冰島 - 這個比較特別，顏色鮮豔吸引，主要有椰子汁，椰味香濃，加上藍蝶花調配，味道獨特，口感清新，加上果汁味的爆珠，非常適合夏天時節。這裡有一特點係有環保飲管，雖然飲品杯暫時還是膠杯，但已有進步，為環保出一分力。至於小食也不錯，鹽酥雞粒拼薯條香脆可口。大家飲飽食醉，小朋友急不及待走去沙灘玩了。

夏日炎炎，最能消暑的節目莫過於水上活動。愉景灣差不多於每年盛夏，都會舉辦類似夏水禮的活動。識逢今年暑假要幫手照顧小朋友，又點少得帶他們暢玩水上活動吧!坐船由中環進入愉景灣，便是充滿食肆的店舖。小朋友們甫進島內便叫攘悶熱口渴，幸好圓形廣場有一間買台式飲料的小食店，那就來幾杯冰凍飲料消消暑吧！冰島藍白色的飲品，名字聽起已經夠消暑，原來是以椰汁為主，配以爆珠的凍飲。椰汁味濃郁，加上果汁味的爆珠，口感清新。黑糖珍珠鮮奶以鮮奶調配的凍飲，比起普通珍珠奶茶更加奶味香醇，珍珠份量亦非常多，正合我心意。

近排在愉景灣食到一個好好食嘅薯條，忍不住要寫上來推介一下🥰🥰薯條有4款味粉同4款醬料，各選一款。我選了臺灣椒鹽味加特濃芝士。🧀🧀椒鹽味是選對了，薯條炸很香脆，拌上椒鹽粉鹹香惹味😋😋芝士醬有好濃郁芝士味，而且個醬唔會太杰太滯，剛好裹在薯條上，又不會弄得薯條淋滋滋。🥰🥰因為是套餐關係，薯條再配一款小食，小食三款中我選了鹽酥雞粒😎😎雞粒炸得香脆，而且比我想像中更juicy，是即點即炸熱辣辣又夠脆身。好驚喜小店都有這種食物質素呢！👍🏻👍🏻星期日比較多人，食物即點即做來說，大約等5分鐘就有了，員工都有禮貌，會再幫襯。😌😌

呢幾日都熱到一個點！ 聽講愉景灣沙灘最乾淨又唔算太多人，仲好近食肆，交通相對其他沙灘都算最方便（坐車/坐船走都得），今日就去游個靚水！在愉景灣一落巴士，先去超市買些薯片同太陽油，就在超市入口旁邊找到呢間「百尚屋」，有我喜歡的黑糖珍珠奶茶！😍即刻排隊買了兩杯。黑糖珍珠奶茶的黑糖紋跟海報上的一樣！ 好完美啊！奶茶的茶味十分香濃，奶和茶的比例都恰到好處，我叫了正常甜度，不會過甜，味道都幾合我心水。黑糖的焦香味很濃郁，拌勻了還是飲到濃濃黑糖味道。珍珠夠大粒有嚼勁，我還加了$5元加原味椰果。椰果比珍珠更煙靭，而且很健康。其實佢有好多選擇，加$5可以配椰果、珍珠、寒天條、爆爆珠、胚芽、蘆薈、布丁、爆爆珠、紅豆、仙草凍，最驚喜連 Oreo 都有，下次我要再仔細點看個餐牌，我想試下加Oreo 呢！