影片
港鐵元朗站 B 出口, 步行約6分鐘
繼續閱讀
營業時間
星期一至日
16:00 - 00:00
以上資料只供參考, 請與餐廳確認詳情
❣️位於元朗一間雞煲 好好食 汁好濃郁 拍得住一品雞煲呀兩個人叫了一隻雞 揀左小辣小麻 $118雞肉唔錯 嫩滑🐓🐓加餸加左四川番薯粉 $28本來想叫豆苗 應該唔係當季 所以無得食
繼續閱讀
一黎到 落左湯底 到俾啲火鍋醬料嘅時候淨係俾咗一碗入邊得少量蒜蔥辣椒 同碟豉油正常火鍋店應該會比一兜兜嘅醬料 比客人揀無！都算 諗住夜媽媽凌晨12點幾 可能所剩無幾問佢有冇芫荽 樓面姨姨話無 好！唔緊要（有時唔係間間都有）啲火鍋食物普通 不過價錢都算合理但係湯底真係真係好難食 清到好似用一煲煲湯嘅水 加得一包公仔面味粉甘 無咩味（各位睇下個所謂嘅麻辣湯底）食食下 有枱新客入咗嚟 姨姨照俾醬料 當隔籬枱問有冇芫荽 姨姨即刻入左去攞見到佢攞住一碗芫茜碎出黎咁我心諗人地又有嘅 明明啱啱話冇㗎我咪同個姨姨講我都要芫茜 佢話好跟住走去幫我落單 比左一籃芫荽我 下？ 我話要醬料嗰啲喎 佢收走左我籃芫荽跟住我見佢行嚟行去 完全無理我 又無答我要加錢定點我米講多次 點知佢完全扮聽唔到！！！乜嘢服務態度？唔想做生意就閂咗佢啦 嬲到野都唔想食就打包走難食又冇招呼 以後都唔會再食
繼續閱讀
12/6 2022 2大人下午7:15坐低，只有2個服務員，態度算好！落左8碟上左6碟，分量少少每人1⃣️粒，肉每人2片，OK嘅！試左再order.但唔明稍為貴少少嘅脆骨腩，一坐低已order前後叫左三次，最終係7:48分再問服務員點解都冇嘅，佢竟然答：賣晒！吓7:48已賣哂之後d人食乜！總之冇下次囉！連加一180/人，冇野食!
繼續閱讀
冬天除咗打邊爐就係打雞煲🥰雞煲最正就係先食晒啲雞再落湯做埋打邊爐，一舉兩得。👍🏻👍🏻👍🏻兩個人食都係叫番半隻雞已經好足夠，落枱面個姐姐就會教你要煲幾耐～幾時打開蓋～幾時食得咁～冇乜客人仲會一手一腳幫埋你👍🏻👍🏻👍🏻一打開蓋已經好香，啲雞好有肉又唔細舊🤤最緊要係肉質又滑，啲雞煲醬又好味。肥牛千祈唔好叫最平嗰一隻，質素同貴嗰啲真係好大分別🙈寧願貴少少但起碼食落去重牛味同好味先。另外加啲餃同埋碌多個烏冬都已經飽到上心口🤤
繼續閱讀
呢度任食價錢抵，雞牛羊都好食，但最大問題係每次落單都唔會黎齊啲食物，嗌10碟牛，最後只會嚟兩碟，一直同侍應反映，佢哋都只會話係廚房決定，淨係叫我哋再落單，然後又一直等，惡性循環......
繼續閱讀