百樂門囍宴 (已易手) 新餐廳

一行八人黎食晏，有預先訂定位，所以一黎到就入得。上菜速度都算快，好快就黎到成枱野食。嗌左太多野食，唔逐一講，正正常常既就略過。聽聞叉燒例牌喺呢度都幾出名，但食落又麻麻，無咩味，啲味淨係停留喺表面，醃得唔夠耐?!但啲肉質係好食既，半肥半瘦岩岩好。尖椒好食，真係有辣味既，而唔係青椒，好多時食親都係青椒，但呢個合格，辣辣地，正。流沙奶黃包，熱辣辣食既時候，好流心，但放左陣，都仲保持到微溫同流心既狀態，讚。魷魚鬚，得表面層炸粉有味，去左層粉，啲魷魚咩味都無，真係唔知食緊咩～到最後會按人頭數送埋甜品，今日係椰汁紅豆糕，都幾好食，但個碗放過太多野食，將甜野放落去好似怪怪地，但唔放落碗又叉唔實🙈

第一次黎火炭，唔係好識路，搵左間最近火車站既酒樓。兩個人撐檯腳，中餐都有點難叫餸(叫得兩碟加埋飯又飽肚)，今次特登叫兩款唔太飽肚，希望多點種類。睇到門口有好多孖寶餸，也有特價推介。今次點了個推介扇貝，88蚊共4隻，感覺一般。扇貝有點“鞋”，大小不一，汁略嫌不夠。另點了椒鹽白飯魚，同一般食開的賣相有點唔同，質地比較稔，勝在大大碟，唔飽肚仲可以叫多一碟牛。餸名為“蒜蓉焗牛仔骨”，實質與焗與蒜無緣，係普通的牛仔骨，有點失望。兩個人點了一碗飯，砵仔上，但唔夠熱。唔好食，應該唔會再黎了

飲茶，飽飽的一餐 和男友二人飲下午茶，食得好飽飽，埋戰合共$159. 1.蝦餃 好食，蝦夠大隻，皮又不會太厚，like! 2. 沙薑雞瀨粉雞不夠多肉，不過一碗$14.8也可以接受。3. 燒肉瀨粉燒肉不錯。4. 蝦腸皮夠薄又夠滑，蝦夠大粒，好吃好吃 5. 小籠包一般，無咩特別。可以一讚的是皮夠薄，但同時肉汁不夠多。不算特別 6. 蕃薯糖水 佢名為 "夠薑蕃薯糖水"，本以為會薑味重，但個人認為偏甜，薑味未夠重。不過味道還可以 整體而言，雖然食物不算太特別，味道也不算太出眾，但這餐吃得好開心，滿足。

上月中親威擺下入伙酒，結果闔家到了火炭的百樂門囍宴一躺，吃了一頓沒來由的晚餐。作為普通不過的家族聚會，原本也沒打算寫些甚麼，卻是當晚的食物，倒比想像中有點驚喜，加上亦想與下篇食誌作個對照，乃就長話短說好了。相對其他連鎖酒樓，百樂門這個店號，確沒有人家名頭那麼響亮，其店歷史亦不算長，倒是多年下來的經營，這集團亦算穩步上揚，到現時為止，已坐擁十五、六間的分店，家人也經常到尖東的分店品茗......言歸正傳，不計大堂的晚飯及火鍋散座，親戚今次就於一間廳房之內，訂了兩圍的全包宴，雖只屬大路的樣辦規格，但每席連上加一，還是要接近五千元的價錢，還未計廳房的附加費，可算大手筆矣！席內還送上兩枝紅酒，雖不是那些有級數的佳釀，入口的味道還算不俗，起碼不算濃烈霸道，可適合中式晚飯的配搭選擇。作為同集團的老主顧之一，對其廚房的水準，還是抱上一定信心。最先上的是乳豬全體，屬於麻皮的烤製方法，挾上了一件豬件，端的是皮脆肉嫩的質素，雖然皮下脂肪略為厚身，其呈現出的油香味道，確挽回了一點分數，加上餘溫仍存，仍屬合乎大眾期望之作。再來兩個基本的熱炒，雖未算驚為天人，仍給予穩打穩紮的印象。先有彩雲野菌珊瑚蚌片，內裡既有