百樂門宴會廳

營業中

休息中

為補祝妹妹生日，這晚我們一家四口出外吃晚飯慶祝。本來想吃日本菜的，可是由於爸爸不好日本菜，結果由妹妹選擇了在百樂門宴會廳吃中菜慶祝。印象中香港仔的酒樓大都殘殘舊舊，這裡卻明顯地是新裝修過的，內裡以白色為主調，感覺明亮而華麗!由於我下班匆匆趕過來，又適逢遇著下大雨又無的士...結果姍姍來遲...點菜方面就由妹妹全權負責了。結果她點了一個四人餐:龍躉兩味: 蒸龍躉頭腩...啖啖肉! 不錯!龍躉兩味: 炒龍躉球...繼續啖啖肉! 炒得香口! 連唔太鍾意食魚既我都覺得...GOOD!花膠鮮魚羹配脆米...不過不失，清淡之選。蒜片腰果牛柳粒...蒜片爆得又香又脆! 牛柳粒又嫩又滑又入味! 而且牛味香濃! 好味!果皮蒸鮮鮑魚...鮑魚都是完完全全地離殼的! 新鮮極有限! 而且鮑魚完全無味! 既無鮑魚味，亦無果皮香...失望!蒜蓉香爆骨...ok啦，總算正正常常，也頗香口的。結果這餐平平無奇，沒什麼驚喜。雖然這裡食物質素一般，可是也算是價錢實惠，平常與家人吃餐家常便飯也不妨一試的...不過記緊...千萬不要點鮑魚!

最近去左香港仔間百樂門食飯，見到個<一羹鮑>好鬼特別就order左嚟試。嚟到時大家都覺得隻羹好鬼有型，無諗過可以炸成咁樣!!食落都唔錯，值得推介!!跟住發覺原來其他店仲有其他特別菜式，不過就要去其他分店先有得試。最近仲無意中發現佢哋都開左個fb page wor!! 仲有新嘢推介，可以上去search下!!http://www.facebook.com/pages/Paramount-Catering-Group-bai-le-men-yin-shi-ji-tuan/112524262133167?v=wall#!/pages/Paramount-Catering-Group-bai-le-men-yin-shi-ji-tuan/112524262133167?v=wall

去到人頭湧湧，不過唔駛等位，平日（星期二）都甘多人，心諗間野應該都可以，但座位比較迫，而且可以搭檯。蘿蔔糕：唔記得影相。幾好味，質感唔錯，而且煎得幾香。叉燒腸粉：皮幾薄，但係唔夠爽口。而家好難食到靚腸粉。雞包仔：皮幾鬆化，餡料可以。饅頭：我覺得幾好，但我媽咪食完話覺得加左香精，味道唔係咁自然。燒賣：豬肉同蝦都一般。埋單$107，幾平，唔怪得人頭湧湧。攞張二百蚊單仲可以係附近香港仔中心特價每小時$10泊車。以咁既價錢，算係幾好。

二月下旬．幾大風 不是一邊吃點心，一邊吃河鮮，而是因為這間店子與隔離的肇順名匯是同一集團，食具共用，所以便有此感覺。 一圍人來吃點心，什麼也叫了來吃，豐富又開心。這裡的食物水準一般，蝦餃甩皮，雞包仔皮不甜，餡不鬆軟，珍珠雞是沒有味道的，腸粉不滑溜，鮮蝦腐皮卷脆就是脆，不過幾油。 看起來最有睇頭的就是燒賣，有一大粒蝦在上面的，喜歡「蝦餃成份」重一點的朋友，必定喜歡。 不過有一個好處，就是便宜，每人五十有找，以飲茶計，非常經濟，也有可吃之道。

就近母親節，與家人大圍吃飯也比較麻煩，因為所有店子都會分兩個時段之外，更會如趕客般的高速的端上所有的食物，今天一行十六人吃的一頓晚飯，就是最好的例子。準時的六時半來到，可能是要八時半的交枱吧，也可能是因為套餐會賺多一點吧，亦可能是套餐的餸菜已經是一早弄好，會快一點吧，店員多之勸我們吃套餐，一個十二人的套餐三千多元，不算抵但也不算貴，但真的已經是吃膩了來來去去都是那些食物，所以最後堅持散叫。是夜點了生炒肉排骨、上湯中蝦伊麵、蝦籽柚皮、蒜片腰果牛柳粒、沙汁菠蘿明蝦球、大良鮮蝦帶子炒奶、金菇竹生扒青蔬、薑蔥枝竹斑頭腩煲、金銀蛋浸莧菜、梅菜蒸菜遠、啫啫通菜煲、蒸長江白鬚魽以及燒鵝一隻，但最後竟然只來了半隻，所以最後加多了一隻切雞。先談談燒味，通常吃晚飯的時候都是用來打頭陣的，燒鵝半隻，看其樣子就算是一整隻都不算太大，鵝也挺熱的，但當然不能說是熱騰騰的，鵝皮是軟腍腍的也是預期之內，而肉質是比上次來的實，沒那麼霉散，而鵝味也是普通罷了，令人覺得不太像吃鵝；切雞一隻，都是「奀挑鬼命」那一種，也是雪藏雞的質素，肉質還不算太霉，沒有雪味也算走運了，不知是否店家要掩飾其雪味的關係，明明點的是切雞，今天所吃

與大圍家人的聚餐，由於有老人家的關係，每一次也會選在同區的酒家吃，今次也沒有例外，選擇再來這間吃過數遍的酒家，主要是由於今回真的很人齊，很多酒家都沒有十六人桌，唯獨是這所酒家有，就一於訂了十六位，大家準時來開餐。此酒家為了吸晚飯客，特別推出了晚飯超值自選套餐，每個套餐也有海鮮、湯品及燒味，另再加兩款至四款的小菜，由三百至五百元也有，事乎大家點的是多貴的食材及多少個小菜，最後我們不計小朋友也有十五人，所以最後點了三個自選套餐，分別在其小菜的菜單內選了總共十二款小菜，另外套餐內也包括清蒸游水石斑、龍躉兩味、果皮蒸鮮鮑魚、豉油王走地雞、燒味拼盤、花膠魚羹及是日例湯，加起來已經有十八個菜及兩款湯了，真的非常夠吃，比起吃其酒席菜有更多的變化及便宜。先來兩款湯品，例湯是三果煲魚尾湯，也真的不知店家用了哪三種果，但以此湯之濃郁的鮮甜味，應該是加入了木瓜，另外在湯渣中也見到不少的青紅蘿蔔，想起來也算是合理的，因為所述的果全都是為湯帶來甜味的，如果不是青紅蘿蔔，就可能是較為常見的花果及蘋果吧，除了用上了魚尾來煲之外，店家也下了大量的豬骨，所以喝起來除了有果的鮮甜外，也有很濃的肉香及骨香，這個湯以例湯來說

朋友個仔滿月, 在這裡擺.一來到, 地方幾靚, 乾淨.食物方面, 頭盤有"八小碟", 有义燒, 燒腩仔, 燻魚, 炸鯪魚球, 等;之後仲有翅, 蟹拑, 蒸魚, 雞, 特別d 叫左齋鵝等.八小碟及齋鵝都係幾特別, 幾好食的菜色.但食完八小碟, 好多人, 特別d 女士, 都已大半飽!其他的食物都不錯. 反而個翅有d 遜色!蒸魚剛好, 魚睇得出係好新鮮.炸雞又唔會乾晒. 有水準的一餐.

自從百樂門及稻香相繼進駐香港仔後，加上金滿樓轉手期間暫時結業，引致我沒有在放公眾假期去酒樓陪家人飲茶的意欲了。直至到今年公司放新年假，趁仲未加價，我就一如以往年帶家人一齊去飲茶，今次我就選擇百樂門。去到百樂門，都有不少人排隊輪候。一如以往都是點蝦餃、燒賣、山竹牛肉等常吃的點心；最後仲叫左滑蛋蝦仁飯及切雞飯。先講下蝦餃，蝦有鮮甜味，不會變酸。燒賣最大特色是，一隻大蝦在上面，吃上去豬肉軟滑。山竹牛肉反而蒸得稍為乾身，不過吃上去仍然夠彈牙。蒸齋腸粉，吃上去夠滑夠軟身。尚有其他點心，不能盡錄。不過到了最後叫飯類就有少少失望。滑蛋蝦仁飯，可能因為樓面人手少，遲上抬，變得凍左，因而不太好食。但至少蝦夠大隻。切雞飯原本為我嫲嫲而設的，但是極可能太難食，食了很少。到我諗住食埋D雞肉，但因為味道同一般酒樓的切雞不同，加上雞肉不滑，我最後放棄。其實我來百樂門之前，我家人同我提及過味道是比較新派。但是我覺得整體上不錯。不過都好貴下。下次有機會試下Megabox果間

半年前跟一班同事到百樂門飲茶，對其點心質素不太滿意半年後再度到訪，已有所改善了只是簡評數款點心︰乾蒸牛肉︰大大粒，不太肥膩，味道是可以的牛肉腸粉︰不是太差，但也不太好吃，粉皮太厚，牛肉亦太肥膩XO醬炒腸粉︰與牛肉腸一樣，粉皮太厚，只是白白用了XO醬炒，根本炒不出其香味蝦餃︰與腸粉比較，皮已經唔算太厚，不過不失吧雙皮奶︰分別叫了凍、熱雙皮奶比較一下。熱雙皮奶要稍等耐一些，絕對是合理的；不知為何連預先製作好、在雪櫃中拿出來的凍雙皮奶，也苦候了十數分鐘才送上… 真不知其侍應是漏了單，還是怎麼的一回事呢？味道倒是不差的….點心質素，有所改善，但仍有改善的空間

我本身都住香港仔一帶，平安夜都係第一次去呢間野飲茶~個炸春卷ok，都算係特別~蘿蔔絲穌唔得，外面層穌皮太厚，一咬同直接食一咋麵粉冇咩分別，入面d 蘿蔔唔係絲狀，係粗條狀= =''''''''不過食物唔係main point~原本點左個紅棗糕，見幾個字都未上，就叫個主任過o黎cancel 個野，佢就由頭到尾都一臉不耐煩，都係cancel 一樣野又係你suggest 我地咁做...點解會係咁o既野呢??!!冇耐個傳茶員o黎到想上碟紅棗糕，我地同佢講cancel 左之後，佢就miu 哂咀咁，擺返好碟野，一句唔好意思都冇就自己走左....我地o黎食野唔係o黎睇d staff 面色囉~~

來到香港仔做嘢,又一大班人當然難揾地方坐啦我吔14個人訂枱食午餐~叫咗40籠點心,二碟菜,一碟炒飯,一碟炒面不如等我講下,好味既食物啦魚湯浸菜, 魚肉好淋,無味, 菜ok蝦蛟,好味, 皮薄蝦肉夠味燒賣,太多肥肉,not good蒸蘿蔔糕, 都ok 夠味, 淋身~燕麥栗子包,第一次係酒樓揾到呢類包食架, 又幾好味,好有栗子味呀~豆苗鮮蝦蛟, 好有菜香味,蝦身爽, 好味呀鮑汁鳳爪, 多膠質又入味, 都幾好丫~雙皮奶,其實都幾好味丫~ 但好甜呀~ 如果不是太甜就ok既咁大班人食咁多嘢, 都唔貴呀, 幾抵食架

sep 26, 09,9大1細嚟食晚飯,叫咗 : 1) 天麻燉龍躉骨湯-天麻味就無嘜-但有好濃嘅鮮味,應該喺瑤柱-夠濃郁-很不錯 2) 士多啤梨排骨-個醬汁酸酸甜甜,雖然未炒到掛醬效果,但也不過份,沒有水汪汪-肉質不乾,但不夠鬆 3) 西蘭花炒帶子-帶子大大隻,肉爽,有鮮味,新鮮-伴以紅,黃甜椒,西蘭花來炒-顏色又靚,又好味 4) 蒜片腰果牛柳粒-腰果香口-牛柳粒亦juicy,又腍,又夠味-不過油咗d,泛晒油光咁 5) 清灼西生菜-正常的清灼效果,沒有油-正合我哋嘅要求 6) 龍躉2味i) 西芹炒斑球-魚肉新鮮,肉都帶彈-如果可以添份酒香味就更佳 ii) 清蒸頭腩-有好多件都充滿魚膏,真喺好魚者嘅佳音-但我就要揀d少膏嚟食,但我好怕腥味-肉滑,但都喺有微魚腥味 7) 薑蔥粉絲龍蝦球煲-粉絲墊底,但時間太耐,所以腍晒-龍蝦肉夠爽,不過略嫌結實度稍遜 8) 瑤柱貴妃雞 (1隻)-嫩,比上次好,但還是沒有雞味

呃錢.明明寫住話9點後入席全單8折但係埋單個陣又話 優惠套餐$368冇得折哈你講哂啦 又唔寫明喎ok啦, 埋單要$634, 話優惠套餐真係冇得折都算啦其他個d都應該折返喇掛? 又話因為叫左個優惠套餐所以冇喎即係全部都冇得折啦.非常失望

jul 26, 09,10大1細嚟食晚飯,叫咗 : 1) 白灼海蝦 (送-)1斤-7人以下,每枱送1/2斤,7人以上,每枱送1斤-雖然喺送,但應該喺真海蝦,因有明顯嘅海鮮味-肉質唔喺好爽,但絶對無腍/"霉"-不錯喎 2) 瑤柱貴妃雞 (1隻)-呢隻雞喺室溫,暖到唔暖吓-雞味又無嘜-幸好肉質唔"鞋"-不過同區嘅另1間富x嘅貴妃雞比,富x好好多 3) 士多啤梨排骨-肉質都鬆,又熱-酸甜汁包住全舊排骨,甜絲絲 4) 香醋子薑咕嚕肉-個咕嚕肉太軟腍,1d都唔硬挺-普通 5) 乾扁肉崧4季豆-炒得惹味-不錯 6) 蒜片腰果牛柳粒-除咗2個主角外,仲有唔少青椒同少少紅椒粒-也不錯,送飯1流 7) 翡翠炒斑球 (中)-雖然叫咗中,但都唔喺太大碟-魚肉都彈,為怕唔夠分,所以食咗1/2件 8) 白灼唐生菜-賣相比較旱..........這正喺我哋叫白灼想要嘅效果-唔想油膩,呢個啱晒 9) 卥水掌翼-我會試到 10) 甜梅菜肉絲蒸菜遠-略嫌油咗少少 11) 果盤 (送) 12) 糖水 (送)-難得佢會攞咗3款比我哋,有紅豆沙,杏仁露同麥米粥-因為好耐無食過麥米粥,所以揀咗呢個-喜歡佢食到明顯嘅甜意,啱番無

今晚家族飯局，廿多人選來香港仔的百樂門宴會廳包房筵開兩席。百樂門宴會廳為一般酒樓格局，但嘗試走較為高檔的路線，大廳裝修得美輪美奐，水晶吊燈、屏風門檻的格調均不錯，整體讓人感覺舒適。我們今次每席加了三百元包了間大房，有專人貼身招呼，而小朋友也可以走來走去玩耍，不錯吧。我們點了「鮑魚排翅龍蝦全包宴」，價錢每席只需 $1,668。 薑蔥焗淡水龍蝦球伊麵：比較特別的烹調方法，龍蝦去殼以薑蔥焗，再以伊麵墊底。雖然用上淡水龍蝦，但也很新鮮，而且薑蔥焗的味道不會太濃而蓋過龍蝦，做得不錯。 伊麵也不會像煮了一段時間而太乾身，麵條輕輕滲了薑蔥汁料，不淡也不膩，很好。 加上前陣子到過幾間酒家點的芝士龍蝦伊麵底均大失所望，所以今次覺得特別好。 桂蜜燒鱔襯素鵝：棄用傳統的乳豬或燒味拼盤，改為燒白鱔拼炸素鵝，口味新鮮。味道方面，白鱔燒得外脆內軟，很好吃。 而素鵝炸得成金黃色，加上預先放了點點醋，香脆卻不太油膩，讚！ 紅燒白玉排翅：足十八両排翅，不以傳統的雞絲、竹笙作配料，而改以冬瓜雲腿紅燒，感覺很清新，連浙醋也不用加。分成十數小碗，碗碗仍有一大排翅，果真份量十足。 扣原隻大連鮑花菇：鮑魚花菇以