百樂麵包製造店 (已結業)

🍴 酥皮葡撻 $15 3個 (9/10)大癲個物價，$5一隻仲要高質，酥皮千層鬆化有牛油香又唔油膩，蛋漿份量適中，甜甜哋有奶香，真心好食過KFC，有一半bakehouse質素(咁當然個糕一分錢一分貨)但平一半😱🍴椰絲奶油包 $7.5 (8/10)啲包雖然細細個，但係很鬆軟，很實在，奶油包非常多奶油，奶油香甜順滑。🍴菠蘿包 雞尾包 $13.5 3個 (7.8/10)勁抵食，麵包鬆軟，屋企人話唔錯~推薦指數: 9/10癲，屋村入面有間咁貼地高質平民包舖，$13.5有三個包，路過可買，推薦！

百乐饼家对沥源街坊一点也不会陌生，今天我从店外的易拉架宣传才发现这店原来已驻在此地三十个寒暑，真是一点也不容易。这店的面饱饼食种类亦算多，更有好多传统食品如光酥饼、鸡尾饱、菠萝饱和蛋挞等等。各类食品都是现塲烘焙，每天都有新鲜出炉。一向很喜欢吃这店的花生酱饱，今天特意到来买，但失望而回，竟然没有出炉。逛一下面饱饼柜后，便决定试试从来未吃过的南乳饼和椰丝饱。南乳饼 （$11 三个）新鲜出炉的南乳饼卖相非常吸引，单一个买是$4。咬一口，果然外脆内软，馅料极像鸡仔饼，咸咸甜甜的味道，馅料烟韧，一粒粒的白芝麻，极有𡁻口，外皮一层层烘得松脆。大椰丝饱 （$13）卖相像一朵花，吃吃来味道适中，有椰丝的香味。总括而言，这店的出品可用三字形容：平、靓、正。

好評甚多，門面簡陋，絕不起眼，偶來一試。碰巧路過，看來賣剩但仍不乏吸引力，買定無妨。幾蚊一個包，膠袋都印晒花百樂麵包店，一提子包、一豬仔包。豬仔包長條型，白雪雪的顏色，但是味道輕微鹹香，即使沒有餡，也有點鹹，而且麵包夠鬆軟。提子包就更加好，雖然不是麥包那種質地，但是內裏有點兒提子，麵包亦都鬆軟，但是中間不是被挖空那一種發包。麵包軟熟，質素優良的軟熟香味麵包，價抵味好，完勝連鎖垃圾，下次試試其他🤗。

27-12-2015(Sun)晏晝,同男友去買餸,買完餸經過呢o度,男友睇睇,佢就買$7.80o既雞批當lunch.我o地返到屋企,睇見個雞批大大個,比Pie & Tart o既大,咁男友先食,外面脆,內裡o既餡唔豐富,就只有雞肉粒同少少蘑菇粒,亦冇乜醬汁,鹹淡適中,舒服,比Pie & Tart o既寡,不過正常啦,人o地賣十幾蚊又細個,一定係餡唔同啲.不過呢個就變得比較平實.

尋日(12-12-2015 Sat)朝早去寄帖,之後行返去瀝源邨買o野,經過呢間麵包舖,睇吓有咩包o岩食先,見到$5.00o既豆沙燒餅,$13.20有3件,o岩紅豆怪男友食,但男友今日唔知使唔使OT,咁晏返到o黎都食飯啦,所以唔好買定俾佢喇,只買一件俾我自己啦,然後加個$6.20o既芝麻紫菜肉鬆卷.豆沙燒餅正常大件,芝麻紫菜肉鬆卷賣相幾靚,先食呢個,肉鬆只o係外面兩側有,鹹鹹地,卷入面就冇餡見唔到芝麻同紫菜,取而代之o既係少少煙肉同蔥,呢個卷只有鹹味,而外面濕濕地,感覺麻麻.味道: 1分而豆沙燒餅呢?食到幾入至食到豆沙饀,而且都唔係太甜同唔多,呢個燒餅味道偏淡.味道: 3分

用禾稈冚珍珠來形容百樂，覺得頗為恰當，它沒有華麗的裝潢，只有平實美味的麵包和簡單的原則"平、靚、正"，例如它的大大個菠蘿包仍然僅售二元半塊，確實做到價廉物美，其品質也沒有將貨就價，每次聽到售賣麵包阿姐的落力兜售，再配上那份街坊街里的集體回憶，麵包都可以變成珍珠． 墨西哥卷--今天碰巧墨西哥卷剛剛出爐，熱烘烘的麵包，散發著濃厚的麵粉香味，金黃色帶有少許芝麻的外表，有著跟手掌差不多的大小和長度，兩端相連一起，中間部份由兩條粗身的椰絲卷纏繞組成，好像一對相擁的戀人們一樣，其中的餡料主要是椰蓉，甜度適中，口感柔軟煙韌，十分美味，這樣的甜蜜享受也只不過是四元半

平日我並唔係麵包既特別fans，總覺得乾爭爭冇咩好食但有日我系沙田行到好攰好餓既時候，忽然間聽到「菠蘿包、雞批，新鮮出爐喇!」，我發現我既大救星到喇!! 門面雖然稱唔上好堂煌冠冕，卻別有一番老字號既氣氛睇黎我會經常番去搵佢 哈哈店舖入面有各式各樣既麵包，選擇多多絕對可以迎合各人不同既口味!新鮮出爐既菠蘿包最能吸引我，唔單止大大個，只售$2.5，咁大個人都未食過熱騰騰又平到爛既包架!上面脆卜卜，入面好軟熟，直情係外脆內軟既典範呢xd而且佢甜度適中，岩哂我呢D唔中意食太甜既人。食左一啖之後，香味跟住D熱氣冒出，入面既雞肉餡料濕度岩岩好，唔怕令外皮軟哂，熱騰騰既，真係好好食！滿載而歸喇!呢D小店真係怕有日會因為敵唔住租金既加幅而被迫執笠所以我決定長期支持佢oosh!!!佢夜晚都開到成八點架，臨收舖仲會有特價麵包賣，呢D街坊小生意，小本經營，真係好利害!!

媽媽有日喺瀝鴻源唔經商場，沿地下行返屋企時經過百樂，見到呢個大大個經典手撕包，就買做返黎做是日下午茶喇之前我都食過其他面包店嘅手撕包，都覺得係幾好味而百樂呢個就更加抵食，$14.8成隻手掌咁大，香軟嘅甜面包，有著濃濃嘅牛油味，好似丹麥酥咁外表有啲似椰絲包咁一圈圈，可以逐層撕下逐圈咁食或者係因為咁所以叫手撕包，都幾有風味嫁本身個包只係有少少甜味，有啲似排包但口感較柔韌鍾意濃味啲嘅可以自己塗上奶油甚至花生醬，相信都會好味## 小店夜晚都開到成八點，臨收舖好多面包都特價 ，呢啲街坊小生意，滿有人情味，經過唔買都會打個招呼嫁=]

又到左放工買定第二朝早餐嘅時候喇，今次黎到瀝源邨，見到呢間百樂面包西餅 , 好似唔錯 , 舊式得黎幾乾淨企理一大排面包櫃，款式甚多，全部都好平好大個行埋去揀時有位阿姐出黎幫我夾，要左兩條丹麥條阿姐問仲有無野要呀？咁啱就新鮮捧黎一盆香蔥火腿包阿姐當然落力推介啦，於是我忍唔住買左一個黎下午茶1.香蔥火腿包~熱烘烘香噴噴，好吸引，蔥油做得幾好，唔會太油膩仲有火腿粒，沙律醬同芝士，配上大大片面包上好似食緊個中式pizza咁，味道非常豐富=3只係用左$3.5就可以令悶熱嘅回家路途上如此滿足，正！2.丹麥條~$4 大大條，仲有好多提子添，呢個早餐不得了隔左夜都仲幾香軟，牛油味略輕，甜味亦然，不過咁先適合早餐嘅口味，反而面包塗左一層糖漿嗰啲丹麥條放一晚之後會好濕好淋，咁樣低糖少甜仲健康^^## 早前有報導指領滙令瀝源邨嘅老店遭受加租嘅扼運真係希望呢類舊式面包店／冰室／茶餐廳等等，頂住呀！百樂加油呀！我會多啲黎幫襯嫁。

陪太座到沙田大會堂，她去看「校際音樂節優秀作品表演」，我則利用這個空檔在沙田逛逛，知道瀝源有間盛記B哥的好人好事，便走過去吃碗麵，由於不熟環境，要花點時間才找到，看著很特色的裝飾，有些人客邊吃邊聊天，正想找張檯坐下，但很可惜B哥走出來說四點已關門，噢！看看表，過了三分鐘十八秒，唯有下次請早。說真的，一心想來吃麵但吃著閉門羹，心靈上總有點失落，只怪自己沒做好資料搜集。回到陌生的街道，離盛記不遠，看見很多人聚集一店舖門前買麵包，我也不妨買一、兩個來慰藉一下酸溜溜的心靈。這是一間傳統港式的麵包店，賣著香港人每天都吃的菠蘿包，雞尾包，腸仔包等，我見墨西哥條和雞尾包是新鮮出爐便每樣買一個，做街坊生意的小店，價錢一定不會貴，雞尾包 $2.3一個，可能是全香港最平的雞尾包。墨西哥條是長形的，拿著還很熨手，中間部份像結了扭曲的辮子，而餡料像是雞尾包內的糖椰蓉，包面有些芝麻，剛出爐的麵包散發著迷人的麵粉香，軟熟得像糯米團，不能用手把持好，也可能有點餓，不知不覺，數口便把包吃掉。一不做，二不休，趁熱把雞尾包也吃掉，雞尾包，樣子很飽滿，亦是剛出爐的，中心的餡料很多，甜度剛好，包身同樣軟熟，吃罷兩個出爐麵包，

回應ruby22, 百樂麵包製造店既歲數已經有29歲啦!我由細食到大ga!時常新鮮出爐係賣點之一, 平靚正更係最吸引我同家人的地方。老實講, 物價飛升, 以百樂現在麵包的價錢到其他地方買都不太有可能買到比此更好的了。(個人意見)我最愛就係菠蘿飽($3)同雞尾飽($3.5), 最近大大塊既老婆餅($3.5)轉咗新口味, 意外地好食! 新年快到, 最近試百樂自家製的蘿蔔糕, 意外地好食!重有年糕、瑪蹄糕、芋頭糕, 打算遲D試試。(全部都有現貨&券買)

我諗E間麵包舖ge歲數仲大過我=]E度以前最出名係一蚊一個菠蘿包,好多好似我咁ge學生哥想慳錢就會黎買麵包食。不過相隔6年麵包漲價驚人!菠蘿包由一蚊雞變左2.5蚊!!!其他麵包更係唔使多講講真咁ge價真係唔值,麵包師父係咁意舖好少材料係面就算(E個亦係我唔鐘意幫襯屋村麵包店ge原因,因為做個個實在太求其~=[麵包係享受唔只係為飽肚!!),,一 係就好少餡係麵包裡面,今次要講講ge係招牌雞批($5) 大過我隻手都只係5蚊姐! 最驚喜係層牛油皮,一咬落去厚而鬆脆,但又唔會搞到d碎碎跌晒出黎,餡料都算合格,只係無左青豆才左份口感同味道,,雞肉同忌廉海皇醬都幾多。算係E間麵包店唯一的選擇

雜錦曲奇 ~ 如果以呢度黎講 , $20一包的確係有d唔抵食架 , 但係好奇心驅使之下我都豪豪地買返一包黎食 , 估唔到口味岩哂我 , 因為我不嬲都唔太鐘意食好重牛油味道既曲奇餅 , 而佢既曲奇餅就唔會好重牛油同肥膩 , 食落又鬆化wor , 不過上面既nuts反面要扣分 , 因為都係苦苦地唔好食既 , 咁既份量我玩玩下電腦就已經食哂囉。

紅豆檳 ($6.5)~ 張相睇落去感覺到唔到個麵包有幾大份量 , 但係實物真係幾巨大 , 同百佳超市所售賣既紅豆檳一樣size , 而且仲平左$2.5 , 入面既紅豆餡唔算太多食個陣就唔會過甜 , 舊式麵包店就有呢樣好 , 明明同樣都係$6-7左右既價錢 , 如果美心﹑東海堂呢d集團式連鎖店只係買到一個食唔飽肚既叉燒忱包 , 呢度就已經可以買到一個夠飽肚既大大條麵包(仲有提子大麥包﹑椰圈等) , 係宜家比較差既經濟市道 , 相信大眾都寧願選擇又平又飽肚既舖頭啦。

光酥粒 ~ 一袋係有10粒 , 而且仲要粒粒差不多大細冇偷工減料 , 只係賣$4.50 , 真係$4.50咋 , 勁抵食 , 開頭仲擔心會食到口都乾哂 , 點知有意外驚喜 , 拎上手不但只唔乾身 , 食落去更加有少許濕潤感覺 , 總之就唔會傑住左係個口好難吞 , 甜度又岩岩好 , 好快就比我clear哂10粒 , 其實仲有嚤囉酥同花生餅個d , 推介合桃酥大大個一包有三塊都淨係賣$6.50 , 而且份量好實在 , 絕對係抵食之選呀。