百瀧意粉薄餅餐廳 (已結業)

今日見到Facebook介紹，話Baileys嘅甜品好似好好食咁，賣相都好靚，點知比我發現原來屋企附近就有一間有得食，於是乎就好開心咁同屋企人一齊落去，食個午餐，順便叫個甜品食吓。呢個時候嘅我，係滿心歡喜嘅，都未知道惡夢即將來臨。。。門口都有介紹， 而且價錢都唔貴！先叫兩個午餐，水準都幾好，味道都唔差，賣相都幾靚！飲品都正常甜品到我，第一個反應係嚇親！我叫咗出嚟，咩料啊！點解個甜品咁污糟嘅， 完全同張相唔同喎！啲香蕉仲要跌晒， 個賣相真係嚇死人！都叫咗啦，都要食啦，啲pancake勁硬，勁難食！大家可以睇下呢幅圖，上面係Facebook推介，下面係現實！我真係忍唔住，然後問經理，到底發生乜嘢事，點解可以爭咁遠，經理完全冇答我，因為佢唔知點答！我依家相信，原來好多嘢，事實同圖片係不符！ 今日發生係我身上，我認命！經理完全冇話取消個甜品，連一啲折扣都冇俾，我覺得佢地做生意嘅手法有啲過分！唯有喺呢度寫出嚟，希望唔好有其他人受騙！

食這裏一定要訂位，最好買埋會員優惠，又有成本coupon,每次食又有85折，同埋慶祝生日都吾洗切餅費首先這是二人晚餐套餐的跟餐沙侓，超大碟跟餐的芝麻雞翼一人餐的牛扒散叫的海鮮烏冬跟二人套餐的石鍋飯，必食我們一行六人叫了兩個二人套餐及散叫一個一人套餐及一烏冬，這是另一二人套餐的spaghetti 升級二人套餐叫個油桶，六人share 一個最好二人套餐中的牛扒，同一人餐牛扒的分別是多了蟹蓋跟餐的lemon pie,清新又較light 期間限定的士多啤梨waffle

當晚叫左個二人套餐，肉眼牛扒五成熟煎得岩岩好~肉厚非常多汁，薄餅用料香，芝士味夠濃，三文魚沙律配橄欖油非常好味，另加左一份香煎牛脷，煎得夠香，最後食埋甜品格格多士正，只系餐湯不的熱，其他都不錯，值得一試

最近去了樂富商場的百瀧吃新推出的標榜身體健康的午市套餐，選擇了輕煎雞扒配紅菜頭汁伴紫薯，雞扒滑嫩，紫薯軟綿綿，吃完不會過於飽肚。而精選午餐的日式燒三文魚拼特色焗蟹蓋定食則相當慢功出細課，等了半小時才有得食，三文魚味道還可以，蟹蓋值得推薦。而黑蒜油野菜豚肉稻庭烏冬出乎意料之外，黑蒜油很香，配上滑溜的烏冬，還有一隻溫泉蛋，雖然未到日式專門店的級數，也相當不錯。整體食物性價比不錯，但等候食物時間有待改善。

今朝講完減肥唔好食意粉飯嗰啲 特別係忌廉 轉個頭就為咗comfort自己空虛嘅心靈（胃）而失守😌點左一個煙三文魚忌廉扁意粉，意粉軟硬度適中加上係扁意粉可以沾上最多嘅忌廉。

聽日係家姐生日，咁岩今日老豆又放假，所以就約埋姑姐，堂妹同三叔去食飯。爸爸同三叔叫左個晚餐，餃子烏冬，98蚊包埋飲品，份量睇落都好足，爸爸同三叔都話味道都幾好，餃子味道也不俗。而家姐就叫左上級牛柳蕃茄意粉，我試左一啖，意粉因為蕃茄芝士汁，帶有一點酸味，而芝士味亦不會過多，所以不膩，恰到好處，而牛柳的牛味亦很香，肉質亦不會過韌。堂妹叫左一個帶子意粉，呢個意粉係有芝麻醬係入面，所以味道都幾特別。姑姐叫左一個焗肉醬意粉，我試左一啖，肉醬同芝士融合得好好，所以都好好食，而且呢間野食都好夠熱，所以我好中意，最怕食野唔夠熱。咁而我就叫左個西班牙海鮮飯，個份量勁大，雖然我個海鮮飯要148蚊，不過我覺得佢份量都對得住價錢。個汁係忘蝦湯，而汁亦都唔會多到變湯飯，海鮮飯有兩舊大蝦，兩隻青口同埋一堆墨魚。味道都幾好，最重要係夠熱！除左食身質素，講下環境先，環境都幾乾淨整齊，座位亦都唔會好逼，不過冷氣有D細，我食到出汗。而服務都幾有禮貌，亦會提醒器皿會比較熱，很好！仲會主動斟水！最後我地都叫左兩個小食，有蒜蓉包8 件，好香好好味，而且好夠脆。同埋叫左個小食拼盤，有炸魷魚，炸薯條同堆炸雞翼，份量好足，薯條係粗薯

今天又再獨獨去吃下午茶！精挑細選，左揀又揀最後停左係呢間野門口....喺門口睇餐牌係冇人理㗎！其實係好事，因為我仲未決定好食唔食決定好就進去了！公主帶著bb 車，侍應禮貌地帶我去咗一張四人枱，然後就幫拉走左一張椅子！呢個看似簡單嘅舉動，講真真係唔係每一間西餐廳都能夠做到嘅事的有選擇恐懼症嘅公主，再三看餐牌，終於揀咗個下午茶I 帶子野菌炒意粉。好快就上菜啦，可能肚餓嘅緣故覺得整體上都唔錯！帶子大大粒，得兩粒炸，如果有更多就好啦（貪心）不過講真個奶茶就麻麻地....睇已經覺得奶茶唔似奶茶☕️⋯⋯似朱古力阿華田多啲似落去仲好淡味....茶味呢！？唔見左....（我明白嘅始終西餐廳係冇港式茶餐廳嘅奶茶整得咁好好飲）然後，環境上好舒適！下午茶時段嘛最後$68 加一不過不失，下次會賞面再試

小編我都係第一次食咁高價的咖哩吉列蛋包飯，$88+（$10）加湯同自選沙律+飲品。 餐湯係 蕃茄蘑菇濃湯。濃湯值得一讚蕃茄味濃，濃郁順口🤤 仲有幾塊蘑菇咬下口。餐包不夠熱同軟。今次小編揀左煙三文魚沙津，個汁酸味味、略帶甜 很開胃火箭菜幾新鮮可惜是蛋包飯不是炒飯底，但滑蛋炒得不錯，滑溜溜的。甜咖哩加蛋包飯是絕配成個飯的重點—吉列豬扒令人大失所望了！ 太乾🙈 外皮少少脆，豬扒全瘦肉，與小編的愛好（肥軟豬扒）不太配。 晚餐好似價格比更高🤤🤤

以前間唔中都會黎呢間餐廳食飯，但自從食物跟服務水準每況愈下，加上附近餐廳愈開愈多，選擇多了後，便少了光顧。今天心血來潮，來這裡試試它的下午茶，看看相隔一排有沒有驚喜，可惜驚喜就是驚喜，不過是驚到彈起。一入門口負責帶位的職員已經口黑面黑，歡迎欠奉。 看餐牌時剛才帶位的職員去沖飲品，但卻好像因飲品數量的問題，大聲責罵另一位男職員，聲量大得全場也聽到他說﹕「雖然我晚上飲貓左，但我都仲好清楚。｣ 而不知是我們手短還是甚麼，招手招了差不多15分鐘還是下不了單，經過看到的卻扮看不到，到看到點了頭的就去如黃鶴。 最後千辛萬苦點了一個帶子忌廉意粉及一個小食拼盤。先說帶子忌廉意粉，意粉份量合適，但忌廉味道很淡，帶子正常細size，但只有數粒。而小食拼盤的炸雞翼都算脆，不過餃子很油，而且以60-70元一個的小食拼盤來說份量實在少得可憐。 埋單時沒有提我們有餐飲未下，而且走時多謝都冇句。總括而言，餐廳食物質素跟服務水準都不太理想，如果跟Pokka Café相比，更是相形見拙，保證不會再有下次的光顧。

媽媽剪了$50元的百瀧折扣印花，所以今天和爸媽來這裡食晏。看到午餐定食有澳洲西冷牛扒，喜歡吃牛排的我，當然立即決定點它，看到加$24便可以轉龍蝦湯，當然都點了。我爸媽比較挑剔，午餐定食不合口味，結果，爸爸在餐牌散叫選了番茄牛肉丸飯，而媽媽則選了海鮮薄餅。酥皮龍蝦湯配餐包先上桌，由於顧住吃，忘了影相。成個湯味道濃郁，有2塊蝦肉，酥皮很香但又不油膩。哈哈！又係顧住食，食到一半，才想起要影相，請多多包涵！這個飯啖啖蕃茄味，喜歡吃蕃茄的人一定很喜歡！牛肉丸肉味濃，肉丸很彈牙。對不起！食咗三份一才想起要影相，牛扒很有肉味，肉質嫩滑，煎到外脆內軟。這個海鮮薄餅，材料豐富，有很多的元貝、蝦和三文魚。我一定會再來這間餐廳食晏！

相隔許久也沒有吃過意大利菜，難得有一時的清閒，便相約朋友到百瀧共聚一餐。先描述環境，地方舒適，燈光柔和，設計簡約大方，方便閒聊共聚，桌上香料齊全，喜歡經理態度良好，積極，appreciate.(今天不見他略失望) 不過，無論如何，味道才是重點吧。starter, 蒜泥豬手令人失望。外表，一般，有一點令人欣賞是刀工和豬肉的質感不錯，肉質嫩滑，可惜卻是過份油膩，一般豬手應該是走濃味路線，而此道菜卻反其道而行，醬汁太少，油太多，令人想起譚仔的蒜泥白肉。另外是母親節套餐的starter, 龍蝦湯，中規中矩，但我認為牛角包並不是最好的選擇，我希望會有酥皮龍蝦湯，不過牛角包配上龍蝦湯也非常美味。相對來說，比較滿意main dish，有芝士檸檬配燒雞risotto和威靈頓牛排。前者，味道一流，擺盤也很美麗，芝士很好地融入了risotto, 帶來黏稠和軟綿綿的口感，檸檬的清新是整道菜的主乾，黏而不膩，燒雞和risotto 十分匹配，雞皮香脆，雞肉香嫩，在悶熱天氣嘗到這樣的菜式實在令人胃口大開，讚。後者也相當不錯，外表吸引，大愛牛排，上一次嘗過的三分熟鮮嫩多汁，令人印象深刻，這次顧慮著友人，點了一份

和朋友去到樂富dinner 佢話呢間都係under pokka cafe wor 未試過就試下啦Order 左dinner set , $132 既帶子意大利飯首先有個忌廉湯，正常啦，同有個牛角包跟住就係煙三文魚沙律，還可以的跟餐加左$24 要左特色咖啡，好有奶味幾好味，算滑帶子意大利飯份量都幾多，不過就一般啦味道。feel 到都係雪藏帶子，加啲汁煮咁。不過呢個價錢dinner都唔expect 係好好味架喇最尾上埋甜品牛奶布丁，不過真係麻麻，冇乜奶味，魚膠粉又太多。。自己整仲好味d sosad ....

Pokka集團的餐廳，在樂富UNY內，lunch時間都係得兩成客，而朋友選呢度lunch就係因為客少，唔易撞到熟人，方便講是非之前經過夜晚太古店都見有人排隊，但原來連同其他三間分店都執咗。事有QK。 lunch set選擇不多，大約五六款，約$100，牛扒餐就$150，價錢等同散叫送嘢飲。我見佢餐廳名主打Pizza，於是叫了唯一一款的pizza餐，$118的辣肉腸pizza餐。可選餐湯或沙律，而沙律可配煙三文魚、帆立貝、煙鴨胸、煙牛肉其中一種配料。沙律很細，用似去唱K飲綠茶溝Johnnie Walker嘅細玻璃酒杯裝住。帆立貝似喺大昌買嗰啲平價急凍帶子。酸醋汁。叫餐湯抵好多，至少配原隻牛角包。方型，份量很大，一個人要食哂會很辛苦。賣相有點像港式包鋪的pizza包。辣肉腸不是慣常食pepperoni那種圓圓薄薄，反而似廚師腸斜切薄片。芝士是那種麵粉感很重無味好似食到將會哽死嘅mozzarella。派邊是很脆，但中間濕哂冧哂，食時芝士會與pizza分離，七零八落。味道也很單調無趣。餐飲，用哈哈笑貼紙遮著Pokka cafe的字眼。正常。服務也一般，欠缺笑容和活力。性價比低。與Pokka C

好友多洛菲伉儷盛意拳拳說要請我和鄧sir吃飯，小弟自不然老實不客氣地去赴會。正當小弟又說不如去老地方吃時，她就說想攪攪新意去另一個地方食....既然錢是她倆出的，我倆也就樂於聽從她的安排啦....最後一行四人走進去樂富廣場內的西日餐廳....一知道要來這裡時，就知今天是應沒有甚麼食運了....所以今天來，我的主要任務只是來跟她們吹吹水，見見面而已....一個香蒜牛柳粒伴豬肉腸丼，連加一竟給一張紅底也沒辦法找....真是太貴了....餐前沙律用一個小杯將菜蔬及小粒雪藏帶子全塞進去....菜蔬和帶子同是乾乾的，帶子味道是尤如白烚般一點味都沒有...OMG....丼內的飯粒也是乾至結成一嚿嚿的，就連淋下去的照燒汁都是偏少，這樣的話入口自然亦是十分乾𠴱了；豬肉腸是來貨沒有甚麼好談，其質地說實在不算十分彈牙；牛柳粒算是當中較為像樣的，吃入口時起碼的第一個感覺是沒有多下鬆肉粉去破壞了肉的質感....這已是屬不幸中之大幸了....幸好，最後的凍咖啡還算甘濃且真的夠冰凍....更幸好的是，我這一餐是不用付費的....

還以為仍是舊店Pokka Cafe，原來已換了另一新店，沒關係，既然來到不仿一試，可能是晚餐時間，店員都很忙碌，笑容欠奉態度一般...坐下不久店員就拿餐牌給我，説真的，選擇很少，很辛苦才選了三樣，心想就算吃不飽也可去吃飯後甜品大概十幾分鐘來了芝士肉碎薯條，薯條應該是翻炸的，所以有點油，又不夠味，幸好有芝士蘸著，不過很多薯條被芝士汁浸著，都變得腍軟了。除了這個小食還叫了兩個主菜，先來了個吉列豬扒咖哩意粉，豬扒太硬太厚了，咖哩汁又太淡而無味，心想有點後悔選了這個最後到我最想食的pizza🍕，一上菜我立刻叫侍應給剛剛我看過的餐牌比對一下，相差太大了，不信大家也來比對一下，火腿的份量最少相差一半叫侍應來詢問一下為什麼和圖片的份量不一樣，他很敷衍我拿去廚房加多兩小片給我，真的謝謝他Pizza做得太乾太薄，就像火腿和火箭菜放在餅乾一起吃似的....總結食物和服務都不佳，沒有下次了