百芳池上便當 (V City)

營業中

休息中

第一次去亦只有呢一次😖 食物難食 樓面員工由帶位，傳菜，埋單俾錢對任何一位客人都冇禮貌 食野姐 不是受罪 之前又忘記OpenRice 先睇一睇評語先 如果vcity 黎講呢間真心差

今日訂左外賣自取，預期時間到餐廳取餐 第一次問左店員話餐未有, 等多陣再問多次都未有, 到店員行开，我發現啲餐已準備好，原来放左後邊。白白企咗20分鐘。打開食物時已經凍曬，落單時有指明要改幼麵，但兩個麵冇轉到。

喺度買咗個外賣返屋企做lunch, 份量多，雞扒好大塊，但味道好鹹。配菜（半隻滷蛋、炒粉絲）好食過主菜，$60幾包一杯熱茶，其他特飲全部都要加錢。本身但求食飽，冇乜期望，所以都冇特別失望

今日lunch第一次試吓呢一間台灣嘢！諗住台灣嘢衰極都有個譜，點知食咗人生中最難食嘅一餐台灣嘢🤢🤢🤢好恐怖一直企門口等個外賣，拎上樓就食打開見到份量已經少，仲要66蚊都算啦，試下啦，好食就得點知個拌麵可以勁林又成餅嘢，一pat嘢咁口感勁差🤮🤮🤮滷雞扒勁鞋！味道都唔掂滷肉都唔好食！唯一係杯嘢飲叫OK🥴試過一次之後，一世唔會再食點解依間嘢仲生存到😵‍💫😵‍💫😵‍💫加嘢飲後總數仲要食咗我80幾蚊！

服務非常好，員工非常耐心解答，冰沙很碎很好喝不會太甜。抹茶味道非常突出，一周至少喝兩三次才行，32塊的冰沙不貴，冬天喝也剛剛好，配搭上便當更加好吃。十分推薦其他兩款冰沙，也是非常值得一試

🧋黑糖仙草鮮奶💵27🍀🍀🍀🍀🍀🍀🍀🍀🍀 頭大糾結緊飲黑糖珍珠鮮奶定黑糖仙草鮮奶🤣，最後決定試仙草，感覺無珍珠咁飽🤪，甜度固定左，無得少甜，不過飲落又無想像中咁甜，仙草太大舊，好難攪勻去飲🥲，飲飲下都好口乾，又唔太覺係用鮮奶去整🤔🌼🌼🌼🌼🌼🌼🌼🌼🌼🌼☀️整體而言，頭大同朋友行街行到攰，見餐廳有位坐下🤣，於是一試，價錢對比出面手搖飲品唔算貴，以密封形式比客人就較衛生，係熊仔🐻‍❄️圖案，十分可愛，可惜飲品味道一般，同埋愈飲愈口乾🧐

成日係app上面見到呢間台灣快餐 亦都成日經過 都可以見到好多人排隊！終於我地今次都受好奇心驅使試下🍱百芳滷雞扒便當💰64便當入面有娃娃菜 粉絲 粟米粒 鹹菜同埋半支鹵水蛋 中間就有一塊大嘅滷雞扒 滷水汁都幾多 整個雞扒都算嫩 而且都算份量多 飯係底其實就唔算多 而且都有其他主食 不過整體比較油 覺得麻麻地🍱滷肉飯便當💰55同雞扒便當唔同嘅就係中間嘅雞扒變左好多滷肉 但係滷肉粒整體偏肥 會令下面嘅飯更油 而且覺得每個便當冇乜分別咁😂🍗滷水雞翼💰25滷水汁都幾出色 不過雞翼偏細 價錢都算合理嘅🍵碳培烏龍本身以為係一杯淨茶 但係原來係預設左超甜同埋係凍嘅 所以冇乜點飲 如果再飲應該會走甜😨整體來講呢間嘅便當可以當快餐食 但係要特登排隊來食就不了 而且員工態度比較鬆散 講野都比較大聲📌 百芳池上便當 (V City) (屯門)屯門屯門鄉事會路83號V City1樓L1-12號舖

台式飲品新開的小店，聚會前和鄧先生來杯台飲，下次再試便當。✨百芳 黑糖珍珠鮮奶 $27明治頂級特濃鮮奶打至起泡，黑糖抹杯邊弄出虎紋，珍珠軟糯沾著黑糖漿。晚餐後的流質甜品😊

不嬲都有幫襯，野食認真好味，但裏面有個比較大年紀嘅女人店員，講野態度差，仲掉張單落黎，完全無耐性，講唔到廣東話可以直接講普通話，我可以接受，落完單仲「啤」實我，其實你唔想系度做出聲，大把人等工開。

晚上7 點 50分買左個外賣 其實都係一個餐加野飲啫 要企門口等足50分鐘到我等左40分鐘 左右都仲未等到時走去問佢地幾時得竟然同我講有客人等左45分鐘 真係o咀 甘同個客講都得既但佢地間野 甘多外賣單仲要繼續接戶戶送 同food panda 既單 攪到門口 好多人 等外賣都係等左好耐 因為佢哋間野做咗戶戶送同foodpanda 先 如果真係甘忙做唔切就唔好 開 戶戶送同foodpanda 個機啦最後我等左個外賣50分鐘 等到8點40 真係未試過咁痴線

台式要做到平靚正， 係香港有啲難, 但比心機， 都會搵到間， 味道唔錯的。我同皇上早兩日試了一間， 食物有4分的台式美食（5⭐️最高）彈牙紅燒牛丸牛腩粗麪（4⭐️）用清湯底， 運有少少牛肉味， 菜有3棵🤣， 爽口大條紅蘿蔔及白蘿蔔。 牛丸都真係好彈牙同爽口， 但牛腩相比較為少了一點😅， 粗麪煙韌。 ❤️滷雞扒便當（5⭐️）皇上除了覺得份量大， 勝價比高之餘。 味道不濃不咸， 菜蒲仲好好味， 少少辣， 突別野味😋，大大隻雞髀， 好正🥰小食拼盤這個亦相當吸引， 有鹽酥雞，炸花枝丸及台式古早味香腸。 當中我覺得最好味係古早味香腸中伏-😩珍珠奶茶（❌⭐️）我未過一d珍珠奶茶d珍珠係黐埋一堆， 又冧， 原全無咬口， 好難吸😩😩， 茶味唔香濃， 奶味少😩

放工時間商場間間餐廳都大排長龍最方便既當然就係外賣見呢間新開既台式便當未試過就梗係唔可以錯過啦款式都幾多 本來想食牛肉麵但外賣又好似唔係咁好就揀左個便當加份小食平心而論食物質素都可以既 但服務就認真麻麻🙅🏻‍♀️收銀哥哥態度非常差 當聽到我叫炸雞腿便當就表示要等20分鐘先有 但態度令人感覺好唔舒服好似我叫呢個便當係要麻煩佢走入去炸咁極度唔想我叫咁既態度🙄所以就算質素如何都冇下次.#香酥炸雞腿便當 #阿蕯姆紅茶 HKD65#夜市花枝丸 HKD22

好掛住台灣啲美食，經過見到呢間台式便當啲相都幾靚，就入嚟試下，上菜都算快，少少驚喜係實物同啲相幾乎一樣。不過我估唔到啲粉絲下面都係飯，見到咁多飯都有一秒唔知點算既感覺。不過啲魯肉好出式，雖然係有啲肥膏（台式魯肉真係咁既），但食落去又唔會話好肥膩，我不知不覺都食曬咁大盒飯。不過隻魯蛋如果更入味會更好。

假日嘅VCity真係超超超多人，基本上間間食肆都排晒長龍，即使我地已經係下午2點先去食野。其他閒閒地都要等成50-100張枱，百芳池便當相對上係少d人等，但都等左成30分鐘。一入到去野食好快上到，我地叫左百芳豬扒便當 ($61) 同香酥豬扒肉燥乾拌麵 ($63)，驚喜佢免費配送M size純茶，可以揀阿薩母紅茶(原價 $14) / 茉香綠茶(原價 $14) /碳培鳥龍 (原價 $15)！成個餐即刻變到好抵食，飲唔晒又可以拎走邊行街邊飲。兩個餐賣相都超好，好岩打卡。豬扒便當配料有半隻滷蛋、粟米、菜甫、粉絲、少少青菜，好豐富。香酥豬扒肉燥乾拌麵ｄ肉燥好正宗好一流！正！

百芳池上便當 係香港有七間分店,主要係FOOD COURT既商場內開店主打性價比高水準既台式美食,飲品,例如牛肉麵,便當炸雞炸豬扒等等今次試左牛肉麵同鹽酥雞,炸排骨牛肉麵 2款台式飲品紅燒牛肉麵, 配以滷蛋,小堂菜,滷牛腩,台灣日曬麵條濃郁既牛骨湯底,加辣椒辣油既紅燒牛骨湯,入口濃辣,慢慢會品嚐到牛骨湯既鮮甜滷蛋好入味,牛腩份量非常多,原件剪也有6-7件,放滿湯麵上 好軟淋入味味道雖辣但係惹味個種辣 所以越食越好食,習慣個辣味就覺得好好食另一款都係牛肉麵但改用牛展片,滷牛展片厚切肉質有彈性,滷得入味但口感相對彈牙鹽酥雞包上炸粉,無骨雞肉炸到好脆口又嫩又多肉汁,好食,惹味香口炸排骨配紅燒湯麵,配以小碗湯麵,都係紅燒辣湯底,麵條彈牙煙韌吸湯整體上CP值高,60蚊左右一個人就能吃飽,選擇也多,有飯,麵選擇台式特飲,今期推介係鮮牛奶抹茶冰沙 口感幾滑,好濃茶香味屯門屯門鄉事會路83號V City1樓L1-12號舖消費$200