百里香到會

營業中

休息中

食厭左屋企附近既餐廳，無意中發現左尼間到會，我地就試下尼間新野啦，是晚我地揀左6人到會套餐，同朋友聚會。估唔到，好飽好足料，食唔晒呀，尤其是個柚子汁羽衣甘藍好驚喜，我朋友唔鍾意食果種苦澀味，但個汁完全可以中和果陣味！重有個煙三文魚螺絲粉，唔係出面重一陣味既煙三文，好好味。而家有88折優惠，折完$163一人，我住九龍區加左$50運費，安在家中，自備酒水，唔洗同人迫，又唔洗比人催交枱，方便快捷，又可以暢所欲言。

夏天熱辣辣，一大班人聚會叫到會最方便。見到呢間新開到會有優惠，食物選擇頗多，份量也十分足夠。食物到達時仍暖笠笠，包裝企理，無漏汁情況。隨餐亦有大夾方便夾食物👍整體好味，食完唔會口渴，應該無味精。整體食物配搭新穎，唔係一般大路雞翼沙律菜色。尤其係柚子汁羽衣甘藍沙律，味道清新，完全沒有苦澀味。醉雞卷必食！雞肉嫩滑又無骨。泰色豬頸肉個汁好味又開胃，唔辣，小朋友都啱食