皇冠餐廳

營業中

休息中

近期最愛嘅茶餐廳#皇冠餐廳🍴但晚餐選擇相對較少，得三個餐。💕中式晚餐A：胡椒鹹菜豬肚雞🐓$71送湯、白飯同飲品湯好濃鹹菜豬肚味，豬肚洗得好乾淨，鹹菜酸酸甜甜好爽脆，唯獨雞好韌，咬到口都軟🫠其他味道都好好。評分:7/10💕西式晚餐黑椒牛扒拌豬扒🥩🍴$83送凱撒沙律、羅宋湯、飲品、白飯或意粉🍝或薯菜牛扒同豬扒好薄，味道正常！如果大塊啲就好啦！評分:7/10💕 羅宋湯🥄足料又好濃，食落酸酸甜甜幾開胃。評分:7/10💕鐵板美國西冷牛扒$108配羅宋湯、餐包、飲品、意粉🍝意粉係白汁混茄汁意粉，一次過可以試晒兩種口味，意粉偏軟身，口感剛好。套餐配嘅蒜蓉汁都咸度適中，好香！塊扒等於我1.5隻手掌咁大，叫咗八成熟但其實上咗菜已經係100%熟，因為個鐵板全程食到尾都keep住熱能。好彩都冇影響牛嘅口感，依然口感軟嫩！抵食！評分:9/10📝整體而言:晚市套餐沒有下午茶吸引同抵食！就只有額外叫嘅西冷扒質素唔錯。所以只推介下午茶或者單點餐牌的食物。

👉下午茶海南雞飯🐓$50包熱飲☕️一上枱見到賣相都好吸引😍留意吓佢嘅醬汁，薑容比較出色，帶淡淡鹽味，配海南雞感覺好清新☘️。雞方面，雞皮爽口而不肥膩，雞肉口感偏向有咬口，煙un。而飯帶濃烈椰香味🥥，口咬剛剛好，不會過軟過淋。最後，杯熱華田☕️都好令人滿意，唔使落糖都夠甜同勁濃！

每次經過都見到好多人排隊終於入黎試下味👉🏻吉列魚柳薯條餐$39配凍奶茶+$3魚柳薄粉即炸好香脆薯條熱辣辣、份量都OK🌟推介指數：🌟🌟🌟🌟(5星為最高)👉🏻ABC醬豬軟骨炒飯$47飯炒到乾身 食落甜甜地吾會太油😋豬軟骨夠晒軟身 份量有點多 食完好飽😳🌟推介指數：🌟🌟🌟🌟(5星為最高)👉🏻蛋撻$6新鮮出爐 熱辣辣 難怪成日門口有條隊買包🍞蛋心好滑 酥皮邪惡又滿足🌟推介指數：🌟🌟🌟🌟🌟(5星為最高)👉🏻菠蘿油$9牛油目測0.6~0.7CM甘厚 同溫熱既包融合之下口感一流 好耐冇食過好食的菠蘿油 即刻ENCORE叫多個!🌟推介指數：🌟🌟🌟🌟🌟(5星為最高)👉🏻跟餐凍奶茶+$3正常味道 茶味不算太濃第一次食,感覺比想像好!下次要黎試下LUNCH先

疫情冇得堂食，打算去叫個小菜外賣，點知山長水遠拎到返屋企，個白飯竟然仲係生嘅，真係以後都唔會再食，冇理由又特登走去換返個香飯，永遠黑名單….........................

這間餐廳係天水圍嘅一個綠洲有非常好食嘅沙嗲牛肉麵因為依度嘅面非常之爽非常之滑條條分明唔會黐埋一舊這裏嘅沙嗲牛肉麵沙嗲汁非常之香好似好正宗咁 牛肉都係不過不失嘅標準牛肉 加埋依度嘢味嘅辣椒油真係好好食再加上一隻太陽蛋一條煎香腸一個好有誠意嘅牛油餐包咁樣嘅早餐配搭香港人一定不會陌生的整埋一杯凍奶茶完美嘅早晨由此開始最後最後梗係要試試這間茶餐廳的蛋撻啦係嘅係嘅我唔係好鍾意酥皮蛋撻但係見到這個酥皮蛋撻都好好食咁樣就叫一個食下當然不會令人失望啦

從來無寫食評，今日都要寫一寫。今日下午3點幾諗住食個飯，去到門口問要否㩒飛取位，佢話自己入去揾就得，見裏面無乜人，門口咁啱有張4人枱咪坐落去，枱都無抹水都未有就有個好無禮貌嘅大姑在枱中間棟塊膠板，跟住就叫個人搭落嚟。老實講，你搭個人落嚟禮貌上係咪要問我一聲，雖然我知你哋唔係大餐廳，但我一個人都要比錢㗎，你生意難做我明白，但唔該比d禮貌啦大姑。個場大把位，係咪玩嘢你自己知。

咁啱經過天水圍又遇到下午茶時間，假期商場人山人海所以都要等一陣位先可以入座！雖然下午茶餐都有好多選擇，睇完一輪之後都係決定食菠蘿油、港式奶茶、凍咖啡、都係三點三嘆個下午茶最正！雖然味道唔太突出，但港式風味三點三下午茶還可以啦！

諗住試新餐廳但中伏⋯⋯諗住多人等位應該冇事唔會難食得去邊......點知....早餐時段都幾多人，入到餐廳侍應姐姐主動比咗兩杯水我哋，天氣太熱關係，我就拎咗其中一杯水飲，點知抔水勁水喉味....侍應姐姐送到一碟豬仔包炒蛋火腿，點知成張灰色枱號紙放咗係碟食物上面張紙望落去已唔乾淨，係～我明你哋內部送餐唔想送錯，但都唔應該將張紙擺喺啲食物上面另外最正喺...白菌汁雞樓螺絲粉d汁最恐怖，我未食過白菌汁....d油喺浮曬出嚟

我同朋友都有一鋪癮就係中意測試天下間嘅常餐，特餐。其實呢d看似簡單嘅茶餐如果要整得好食真喺唔容易嘅。今日我地去了天水圍嘅皇冠餐廳測試。事不宜遲我地搵到一個角落後立即點餐 - 馳名鮮茄濃湯牛肉通粉！呢個小小嘅厚多士內有滿滿的牛油，香濃到極點，為了食多一塊多士真喺好想點多一個餐，90分有驚喜！火腿一如既往的平平無奇，合格！炒滑蛋真喺滑lulu，分量好足夠，看來是兩隻雞蛋整，足夠食飽飽，80分！最後喺炒濃的番茄鮮牛肉，大大淡飲了一半晚番茄濃湯後興高采烈咁食曬碗通粉，又是80分！今餐大滿足吖。平均每人50元埋單，呢個特餐收貨。

可能係藍啦，對後生嘅態度差到不得了。問一個問題，個waiter答得極串。刀叉就咁dum係枱。但對隔離枱年紀大啲嘅就放得整整齊齊，喺紙巾上面。🙄唔concern禮貌啦，疫情咁嚴重，有少少衞生都好？

我好鍾意食呢間嘅麵包因為你買嘅時候一定係暖既而且佢有我鍾意食嘅麵包食包就食得多今日就試吓坐低食佢嘅嘢睇吓好唔好食先叫咗個沙嗲牛肉麵+厚烘奶油多沙嗲牛肉麵係呢啲地方先可以食到所以要特登坐低食你最令我吸引都係奶油多😍😍好多奶油肥仔多士，但真係好正

同朋友都係住呢頭附近，呢個商場有太多餐廳，一齊出來食飯好多時候都唔知去邊吃。最後都係揀左呢間，食物選擇都唔算少，有鐵板，咖哩，小菜，常餐，炒粉麵等等。我見外面都有唔少包可以買，平時經過都見到唔少人買。有機會可以再試試。朋友揀左咖哩雞排，我揀左晚餐A, XO醬薯仔炆雞。其實都唔便宜，單點好似都要50幾60蚊起，晚餐66蚊包湯同飲品。朋友既咖哩都幾好食既，算唔錯。我叫既炆雞味道都唔錯，但係雞好少呢，而且比較硬，薯仔就夠軟同入味。整體印象唔算差，不過未必係我落街食飯既首選。

今放假，一心諗住去皇冠餐廳嘆番個豐富早餐，點知.....到左餐廳門口，望入餐廳內有兩三張兩人檯未有客人入坐，而且亦冇其他食客在等檯，於是問下收銀兼安排座位果位服務員可以坐邊張檯？點知那服務員只顧與街坊吹水&街坊既BB玩，叫我入去有檯就坐就可以，我行到入其中一張兩人檯正想坐低時，侍應姐姐就話依張檯唔坐等，留左比客，咁等咪問侍應姐姐我一人可以坐邊張檯，佢竟然話依家未有檯，叫我出門口等位，然後繼續同另一位侍應談天說地。有冇搞錯呀！！入面有檯都唔比客坐？仲要出番門口等位？門口收銀&餐廳入面侍應一人講一樣，淨係掛住吹浪&玩，最後我選擇唔食離開走人。

麵包控又出動啦😚呢款墨西哥奶皇包系我幾鐘意既一款面頭香脆 麵身又軟熟重點入面有滿滿既奶皇餡料🤩加上佢會放保暖櫃入面所以唔系岩岩出爐都好 都仲可以暖粒粒咁去食❤️

同媽媽同男友三人晚餐，諗住隨便入茶餐廳嗌送食飯，就黎左皇冠。夜晚人客都幾多，我地都等左幾分鐘先有位。我地叫左三個小菜，再加十蚊轉左套餐，包飯、湯同熱飲，小菜分別係薯仔蜜椒牛柳粒、鮮蝦魚柳西蘭花同京蔥蒜子滑雞煲。三個菜份量都正正常常。薯仔密招牛柳粒蜜糖味比較重，黑椒味反而比較弱，牛柳都幾好食。但好油。但最油既都係個雞煲，油得黎又有點過咸， 掩蓋左其他味道。 個鮮蝦魚樓西蘭花，西蘭花好硬但係都算入味，鮮蝦同魚柳都係冷凍貨，正正常常咁，唔係話特別好食。總括黎講，普普通通，多油同咸真係罪。