皇冠餐廳

營業中

休息中

Lunch Time 過黎 T Town 買野，順便食飯。見依間比較多選擇又好坐就入左去。 我素來喜歡食羊，打算間唔中豪一次，叫左咖哩羊仔扒($90)，連埋飲品(+$10)，依餐岩岩好$100。羊係好食既，不過咖哩唔係好香濃。點知食到最後一片羊架... 近骨位完全生既...我知羊可以食生啲，但係待應無問過我係咪要生喎 😂 甘所以我都無再食落去。其實我諗個問題係在於厚薄唔平均，有兩件羊架係一條骨，最後依件就係兩條骨既。 😓😓 最後，有個姐姐黎收碟見到甘既樣，都有嚇一嚇點解甘生，話"呀妹你出聲呀麻" 但我發現個陣其實都食到尾，都無謂換啦，不過佢依個態度我都覺得係好既。點知另一個姐姐又加把咀，"羊黎架唔緊要架" 🤤🤤😓😓扣翻一分

自從天Town 開幕多間新進餐廳 進場 皇冠餐廳 為其中一間走茶記路線既餐廳價錢比一般茶記貴少少 可惜服務態度 以及 食品質素 并不見好 非常失望首先 落餐時候 點一碗炸豬排公仔面 希望 豬排另上 因為唔想上到枱會稔哂 影響質素 同對佢既評價可惜 侍應一句 ‘’盡做喇 我地唔會另上嫁wow‘’ 完全無多加解釋原因 就離開 我馬上追回侍應 另一位侍應答覆 ‘唔係你話 我地做就做 ’ 我回應 ‘甘你當係客人既要求試下同廚房講 而且我另上都係放上餐包同一個碟 唔會要你多個碟’最後我決定取消 之後侍應竟然 取消個面 但連餐既餐飲唔取消 需要我另同一位侍應解釋先取消 如果可以有相關經驗既人士 可以幫我解答下 其實豬排另上係味反而會影響食品質素？ 因為平時其他茶記食 都可以要求另上。 還是 皇冠餐廳的豬排面既指定食法？ 我孤陋寡聞 因為侍應回應 從沒試過可以另上為了不影響對餐廳食物質素偏見最後我點了出名既蛋撻 奶茶可惜雷聲大 雨點少酥皮蛋撻並沒有想像中好食酥皮overcook 欠缺網上提及 一咬即碎既口感 蛋黃部分有點過熟 奶茶中規中矩 是一般黑白淡奶沖出既水準

每天我既父親大人都會準備早餐給我食完才去上班~今天給我買了這家的酥皮蛋撻~熱辣辣既蛋撻，層層既酥皮~ 濃郁蛋香~食完一個再追一個~真的香脆可口~又一早餐和下午茶必選~

自從頌富商場裝修後，陸陸續續都好有好多不同既新食店開左，今次要介紹，就係皇冠餐廳既波蘿包，食完真係返唔到轉頭，真係堅好味，熱食直情想一人食兩個，每個都係賣6蚊，又香，皮夠翠，包又鬆軟，以前我會係街市買麵包，自從開左皇冠之後，我隔日都會食一個波蘿包，不得不提，佢既蛋撻又係好好味，我經過商場，都會見到有人排隊買麵包或蛋撻，未試過既，不妨一試，雞尾包麵不錯，整體黎講，佢地出爐既麵包，新鮮，熱辣辣，真係一試難忘

打風日子，唔使返工，屋企又冇儲備，唯有落街搵食。頌富商場現己重新裝修，加入了不少食店。下午4點半經過皇冠餐廳，見到外面有新鮮麵包和新鮮出爐穌皮蛋撻，即刻外賣返半打返去俾爸爸食。排左15分鐘，終於買到蛋撻。新鮮出爐穌皮蛋撻，每個6蚊，穌皮鬆脆香口，蛋滑香甜。爸爸好喜歡，即刻食左幾隻！

今日去天水圍搵朋友，第一次食呢間餐廳，我叫左個午餐b 洋蔥牛扒拼煙肉意粉包餐湯同飲品只係52蚊 , 細牛扒好長好大塊,口感幾好又唔會靭, 洋蔥汁主要淋喺塊牛扒同配菜上面，而意粉上面有少少茄汁肉醬 ，呢個配搭幾好味。 朋友食黑椒牛柳絲炒意粉聞落好香， 佢話炒得好好味！ 至於凍奶茶 糖、奶、茶嘅比例好好唔錯! 下次再去天水圍會再食過！

咸檸七俾左檸七,麻辣炸醬走炸醬,同我走左麻辣,貴得唻又唔係特別好食,職員態度麻麻,仲公然邊做邊玩電話,公然講粗口,絕冇浮誇,今晚話試多一次,但我諗以後都唔會再食。

話說本人滿心期望，以平時食早餐嘅質素，皇冠餐廳嘅晚餐應該都有咁上下水準。誰不知我完全錯了。 星期五晚，同個女想食D好野，又唔好咁熱氣，見佢海南雞飯張相影得咁靚，諗住無死喇。個飯黎到，我臉色一沉，白飯黎嘅？我個餐都65蚊一份你夠膽比白飯？ 諗住好又一餐唔好又一餐。 醬汁又只得甜醬油，紅色辣醬同薑絲呢？好喇，當你隻雞好食都原諒你， 點知，佢比我食到畢生最難食嘅海南雞。 你要想像下，一隻有走地雞咁有咬口，成舊擦膠咁嘅雞，重要唔知係咪隔左夜，求其用D熱湯滾一滾 - 你叫冰火擦子膠雞好過喇千祈唔好點海南雞飯講真你唔識做海南雞飯嘅，唔好做就算,做到咁無心機，整臭自己個朶，個湯就正正常常，個飯夠膽死咁難食！！！！！！美心，大家樂D海南雞飯都好食過佢，因為呢碟野我以後唔會幫襯佢食晚飯難食難食難食

自從頌富商場裝修完後，進駐左唔多菜式餐廳，尋日經過時發現皇冠餐廳大排長龍，門口有個小小檔口賣蛋撻麵包等小食，不過昨日無緣一試，所以今日特意過去試一試今日食客明顯少好多，一入去即時有位，地方都算大，不過座位之間都略為逼迫，環境都算唔錯睇完餐牌，由於早餐種類與其他餐廳分別唔大，所以特意揀E餐（白汁白菌雞絲螺絲粉配火腿炒滑蛋及牛油豬仔飽），起碼望落特別少少白汁白菌雞絲螺絲粉：醬汁雖然濃，但味道唔夠香及略為淡味，材料都算豐富火腿炒滑蛋：純粹普通炒蛋，並非滑蛋奶茶：味道香濃，唔錯餐廳令人最訝異既地方，就係座位上竟然又毛髮及乾飯粒，明顯無人清潔過，衛生程度略嫌不足，希望好好改善

一份量適中但飯少二雞多但老到咬都咬唔開三湯都無跟四都唔係雞油飯五仲要賣成$65六唔明一個海南雞飯要整15-20分鐘總之好難會再幫襯，銀龍一定好多謝佢都唔明點解會排晒隊，真係連食都無要求？

辛苦左一日，終於有時間醫肚。時間係晚上9:30，入面座無虛席，呢間餐廳平時都好多人排隊，不過今日唔使點等位。拿拿聲落order~~~是日晚餐--C餐--美式晚餐-忌廉栗米雞扒拼法蘭腸--有沙律,餐湯,飲品。忌廉汁上落左香草，味道好香!雞扒煎得幾香口，仲有半個蕃茄，份量很多，好抵吃!!咖哩海蝦球石斑--好中意呢間餐廳的咖哩汁，不太辣，一個字:好味!!推介推介推題外話，餐廳門口有新鮮出爐的面包賣，本人試過雞尾包+蛋撻，熱辣辣吃，味道也是一級棒的。本人較少去茶餐廳，不過呢間幾好吃，會再幫襯，只是好難羅位~~

麵面外賣的 夠熱，但堂食會放到凍。其他野食似罐頭，味道一般。服務態度係好，但送餐等左半個鐘先有。最吸引係杯飲品，沖得幾好。4個人食叫左3個餐，1個包。份量係多，後生仔都飽但真係一般好食。

從未食過咁様嘅海南雞套餐，仲要$65！湯就得一半，雞就灰色，飯係白飯（菜單係香茅油飯），醬汁又唔俾😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

又有餐廳新開張啦！商場裝修咁耐就無啖好食咁耐，所以一有餐廳開就要去試！因為怕人多所以九點就落到去，但係人算不如天算，已經有好長既人龍要等位啦！！因為餐廳佔地都好大呀所以好快就有位打開menu⋯⋯價錢同銀龍基本上係差唔多，都係三十尾四十頭食一個早餐自從領匯入場之後呢個商場都唔再平民了，但係用lunch既價錢係天水圍食早餐我真係接受唔到⋯⋯不過算啦！係咪都要食既就唔好諗咁多了！其實早餐黎黎去去都係個d：炸魚柳、沙爹牛面⋯⋯但係早餐E竟然係白汁雞皇螺絲粉！既然咁特別就點佢啦～先上奶茶，之後野食都陸續黎到奶茶味道係幾好既，偏茶味重所以有d澀。飲落同銀龍既奶茶差唔多，但我個人認為呢度可能比銀龍好飲dd係茶記水準既奶茶個螺絲粉係白烚既，就咁淋d 醬上去。其實拎到上檯我係打左少少突既，因為佢賣相有dd醜不過食落ok 啦，正常味道咁，無特別講下個滑蛋，炒得太碎太散，唔掂，都唔滑，蛋味又唔夠因為太碎啦「不」左幾次都未食完個蛋，食到都無乜耐性，加上又飽飽地，所以就無食了其實呢d 屋村餐廳真係唔會對佢有乜野期望既，總之食到大家樂同mcdonald's 以外既餐廳我就覺得好開心！同埋呢度係坐得舒服既，因為地方