皇后餃子

營業中

休息中

樓面亞姐開頭好似幾有禮貌嘅😂但係您講嘢，佢就即叫停您，叫您聽佢講嘢先🤷‍♀️落單問加嘢，佢話加到就幫您加啦，唔入機都唔知㗎？What？您喺喥返工都唔知🤔？ 落完單我都同自己講，哩間嘢唔洗再幫襯🤣湯底有啲咸餃子無特別出色，皮有啲硬，中規中矩菜心係勁勁勁熟，我個人唔鍾意軟爛嘅菜心🤷‍♀️烚到過晒龍我係下午茶食，價錢就還可以接受如果正價就一定唔會揀佢見有人叫凍檸茶，佢哋仲要話無匙羹供應🤣嘢唔係特別好食，啲嘢又唔諗客人仲想收哩啲價錢，最後仲要睇樓面面色🌚

有日lunch唔知食乜好,經過皇后餃子見到有牛根牛肚（果刻就係想食呢啲😅)就入左去叫外賣,入到去見到地方雖少但可能過左最繁忙時間,都仲有位可坐低食(不過有機會的話下次先😆)落完單問阿姐等幾耐,佢話好快啫,本身已整好擺上黎啫好,我去附近買完嘢返黎已經拎得👏不過啲米線煮得淋咗啲,牛根肚味道都ok,牛肚都係偏淋🤐好彩係牛筋冇毛😆如果堂食會唔會可能好啲？🤔

喺我入座時, 餐廳嘅人客數量並唔多; 當時我點嘅菜式為 白菜豬肉煎餃, 而女侍應好似神不守舍咁; 佢哋打單, 打咗做 韭菜豬肉煎餃, 咁唯有請佢哋改單...然後就開始Lunch Hour, 人客數量開始坐滿餐廳; 而其他人客似乎不太滿意須要搭檯???

今日遲咗食晏，平時如果食餃子會食餃掂，不過通常都要等好耐，之前經過呢間皇后餃子，見到都比較少人排隊，就諗住應該唔使等好耐即管試吓。雖然已經見到D評價話態度差，但我諗住外賣嘅話都唔會太差，點知我錯啦首先係都差唔多等咗25分鐘，個阿姐都係黑面，咁我都預咗⋯但係入邊竟然冇辣油同榨菜之類，咁我就問佢拎，點知佢掉落枱面比我⋯唉⋯都算啦然後我已經係10分鐘內返到公司，點知一打開，啲餃子皮已經淋晒，夾都夾唔起，一夾就全部散晒，個湯底又重味精，偏鹹。講真態度咁差啲嘢又咁嘅質素⋯都幾難做落去。

同阿仔食晏叫2個正常午餐真係太多食唔曬又浪費所以有時都去食下粉面店啲期阿仔鐘意食餃子所以又去食下餐牌有套餐或者散叫🔆🔆招牌粉麵套餐🔆鮮蝦雲吞湯幼麵粒粒雲吞都好足料，有蝦有豬肉，夠曬爽口彈牙，麵底都好高質，都係爽口彈牙唔笠口，好好味！ 🔆跟餐涼拌小菜青瓜同木耳，麻辣口味，清爽配搭，口感一流！🔆跟餐小食炸燒賣，大小適中，加上小小七味粉（我估）味道岩岩好！又唔過辣，阿仔都食到！🔆凍豆漿（跟餐）夠曬凍，豆味濃，透心涼！🔆煎餃8隻雙併粟米豬肉餃 +韮菜豬肉餃隻隻都大大粒好飽滿！ 滿滿既肉汁、令人食唔停口！

早幾日見同事外賣皇后餃子返公司吃，我見賣相都不差，今日就去試吓😋地方不算大，繁忙時間要搭枱，今日去食下午茶，睇完menu後，叫左六隻粟米鮮肉餃$40，裡面的餡算多，好飽滿，湯底一般🤣另外八隻煎鮮肉椰菜餃$50，呢個不錯，即叫即煎，好香脆可口

外賣時間，用app叫，但感覺配搭不算多，想加菜或者麵都無特別優惠，其實唔算特別抵食。8隻水餃$50左右，都算大大隻，都多餡，湯好夠熱。如果可以有set lunch都比較划算。

睇完某飲食節目後勁想食雲吞麵於是在灣仔道上找富山麵家，可惜找極也找不到，失望之餘又肚餓，隨便入間有粉麵的店舖 。就係中午時份經常有條小人龍的「皇后餃子」下單到上枱用上13-4多分鐘，真心幾慢。豬肉白菜餃 $40 六隻試一口湯底，淡口味精湯底。豬肉餃皮好瀉，一夾已穿，裡面的豬肉餡都唔知有冇調味，又冇鮮味又唔香，我淨係知道自己食緊一墟冇味嘅肉餃。價錢經濟，但冇水準可言。

有時喺附近工作都會食佢，餃子都算中規中矩，都好食嘅，麵食就真係普普通通，以餃子店嚟講算係唔錯啦，但最近加咗價貴到離曬譜，八隻餃子竟然要50蚊，冇包麵同嘢飲，侍應態度又差，以後唔會再食

個仔係附近學嘢，耐唔耐都會去食嘢。食物質素係可接受，但一路以嚟樓面啲阿姐態度都已經係麻麻。噚日星期六大約12:55分入去，入面唔係枱多，十張左右，坐滿8成左右，門口三四個人等緊外賣。但中午繁忙時間，樓面竟然可以只係得一個阿姐係度，落單、上菜、執枱、埋單、執外賣，全部都係一個做哂。當時叫阿姐落單差唔多十分鐘，都唔肯埋嚟落，凈係處理啲外賣單，樓面啲嘢幾乎唔理，而且係全程極度黑面。眼見等咗咁耐都仲未有人嚟落單，其他枱啲食物煮好擺哂係度冇人拎俾啲客，阿姐凈係識鬧㕑房啲人攪錯嘢，又見其他有一兩張枱啲人都等落單等得唔耐煩走人，心諗就算落到單都唔知又要等幾耐先有嘢食，加上見阿姐超級面黑，於是做咗人生第一次嘢都未食，就決定斬欖即走，並且black list埋佢，應該都唔會有再幫襯佢嘅機會。

中午經過諗住食個快lunch，坐低睇餐牌想落order，見到得一個女侍應忙緊，諗住等一下啦，行咗幾轉見到我哋想嗌嘢食扮望睇我唔到，出聲同佢講話落單又扮聽唔到，但又不停出外賣收錢，路過再叫多聲落單就叫等等，行去收銀大大聲話食屎啦，唔夠人手呀，我足足等左15分鐘有多都無理過我，最後趕時間嘅我唯有起身走人….過程中唔止對食客態度差，仲聽到佢鬧廚房職員，講真我坐低想食個lunch啫，無欠左你嘅，你唔夠人手亦唔係我責任，大大聲出口鬧人真係太過份，我諗下次應該唔會再去！

個名叫皇后餃子，感覺好似好貴氣，價值亦都真係唔平，所以一直心思思想試都係無試到。不過難得今日想食餃子就黎試試佢。本身想叫鮮肉椰菜餃，點知賣晒，真係咁好食？！之後唯有叫鮮肉芫茜餃，因為好似未見過咁既餃就試下。鮮肉芫茜餃 8隻 $50加豆漿 +$6餃子睇落感覺都算飽滿，湯底係普通雲吞麵湯底，個湯好普通，餃子第一啖咬都幾新奇，好fresh既感覺。皮薄，每隻都算係滿既，不過就唔係真係好脹卜卜咁。除左第一啖食完覺得唔錯之外，之後每一啖其實普普通通，唔特別。$50 8隻個人覺得少貴，不過豆漿係味道唔錯既，而且加$6就有。可能會黎多次試下佢個椰菜餃。餃子黎講佢都算貴。不過灣仔呢個地方咩都貴又真係無啖好食，$50 係灣仔算係還好啦，其他區真係搵鬼食。另外佢有提供菜脯，還好。總結今次食真係好一般。

【灣仔區】【皇后餃子】大家最近應該留意到我呢度係有一啲嘅轉變，唔止係文字上可能溫和咗，呢個係我自己唔覺但係係其他人話我知。而且我係將個 post 嘅第一幅圖加上咗餐廳名同埋地區，唔知大家中唔中意而家呢個安排，歡迎大家發表吓意見。點解無啦啦講呢樣嘢，其實首先就係我而家要寫呢間嘢真係冇咩好寫，本身我係想食其他嘢而走咗嚟灣仔呢頭，點知去到先知佢冇開，咁我咪即刻搵吓有咩食囉。行行吓灣仔道就見到大大隻字寫住皇后餃子，就走入去食少少嘢試吓佢先囉。佢哋其實唔止餃子，仲有其他粉麵類，牛腩呀，牛筋呀，牛肚呀嗰啲配麵食咁，不過我當刻又覺得我行得入呢間餃子店咯，我就梗係食餃子啦。咁佢啲餃子都有分湯餃同煎餃架喎，我自己其實比較中意食湯餃嘅，個感覺好似較為原汁原味咁。佢有五款餃嘅，分別係「鮮肉韮菜餃」、「鮮肉粟米餃」、「鮮肉白菜餃」、「鮮肉椰菜餃」同埋「鮮肉芫茜餃」嘅，當中有芫茜嘅「鮮肉芫茜餃」係貴兩蚊。不過我當刻想試都冇用，賣晒，然後好多都話賣晒，直到廚房入面話包緊先有。見你咁新鮮，我當然願意等一等啦，都好快就有。首先係「鮮肉韮菜餃」，韮菜配餃子其實真係冇得輸，點整都好食，包括呢間。而之後嘅「鮮肉粟米餃」當然

朋友知我中意食餃子，話又正又抵食，特登介紹我來呢一間灣仔《皇后餃子》😋遇上Lunch Hour , 但等一陣就有位置，入面雖然唔大，但坐2邊長椅位都ok, 唔會太迫～～叫了個Lunch Set@：有一碗粉+前茶（木耳及青瓜）+一杯飲品我另外再加8隻鮮肉椰菜餃😋😋我唔中意食呢款既牛腩，覺得太肥🫣炸雲吞夠脆，點上甜酸醬， 好味😋😋餃子🥟包到實， 好足料，配上餃子醋，開胃好味，下次試煎餃🥟🥰職員都有禮貌，問拎野都會跟足👍🏻

12:49pm 到店買外賣淨湯餃一碗, 店員話10-15分鐘有, 我耐心等到1:23pm 都未有, 期間追單三次冇人理, 到1:25pm發火嘈佢, 先有一個員工理吓, 再等到1:31pm先有我叫嘅外賣出, 足足等咗42分鐘！！！！！其實佢廚房係有食物出嘅, 不過係堂食嗰啲, 想你快啲有得食, 食完就走佢就可以“翻”枱咯！外賣？！你慢慢等吓啦, 會等到嘅！溫馨提示：諗住買外賣返公司食嘅朋友, 最好你有2個鐘嘅午飯時間啦！結果：得一個鐘午飯時間嘅我, 返到公司偷偷匿埋食外賣